එසැණ පුවත්

අධ්‍යාපනයට ප්‍රතිපත්තියක් හදන්න කැබිනට් අනුමැතිය

ඉදිරි වසර 25ක කාලයක් සඳහා ජාතික අධ්‍යාපන ප්‍රතිපත්තියක් සකස් කිරීමට කැබිනට් මණඩල අනුමැතිය හිමි වූ බව කැබිනට් ප්‍රකාශක අමාත්‍ය ආචාර්ය බන්දුල ගුණවර්ධන මහතා කියයි.

25 April 2023

කුඩු සලිදුගේ ගෝලයෙක් ගිනි අවි සමඟ අල්ලයි

පානදුර මූලික රෝහල ඉදිරිපිටදී කේතුමතී කාන්තා රෝහලේ ගිලන් රථ රියැදුරුට වෙඩි තැබීම සම්බන්ධයෙන් අවශ්‍ය කර සිටි සැකකරුවකු නයින් එම් එම් වර්ගයේ ගිනි අවි දෙකක් සමග පානදුර උයන්කැලේ ප්‍රදේශයේදී අපරාධ පරීක්ෂණ දෙපාර්තමේන්තුවේ නිලධාරීන් විසින් අත්අඩංගුවට ගෙන ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය.

25 April 2023

ආවට ගියාට බදු අඩුකරන්න බැහැ

උපයනවිට බද්ද අඩුකරන්නැයි කුමනාකාර ඉල්ලීම් ආවද ඒවා ඉටුකළ නොහැකි යැයි කැබිනට් ප්‍රකාශක අමාත්‍ය ආචාර්ය බන්දුල ගුනවර්ධන මහතා පවසයි.

25 April 2023

ලෝයර්ගේ බල්ලා මැරුවැයි ලෝයර් අත්අඩංගුවට

හිටපු ශ්‍රේෂ්ඨාධිකරණ විනිසුරුවරයකුගේ නීතීඥ පුතෙකුගේ නිවසක සුරතලයට ඇතිකරන සුනඛයකුට වස දී ඝාතනය කිරීමේ සිද්ධියක් සම්බන්ධයෙන් සැකපිට ශ්‍රේෂ්ඨාධිකරණ නීතීඥවරියක් අද (25) දා අත්අඩංගුවට ගත් බව කහතුඩුව පොලිසිය පවසයි.

25 April 2023

වල් අලියා සිසුවිය රෝහලට යවයි

වල් අලියකුගේ පහරින් පෙරළුණු බිත්තියකට යටවී පාසල් ශිෂ්‍යයාවක තුවාල ලබා රෝහල් ගත කොට ඇතැයි මීගලෑව පොලිසිය කියයි .

25 April 2023

වරකාපොල තැපැල් කාර්යාලයේ මුද්දර-මුදල් සොරකම් කරලා

වරකාපොල ප්‍රධාන තැපැල් කාර්යාලට ඇතුළු වී එහි තිබූ රුපියල් ලක්ෂ 10 ට අධික වටිනා මුද්දර සහ මුදල් සොරකම් කිරීමේ සිද්ධියක් සම්බන්ධයෙන් වරකාපොල පොලිසිය පරීක්ෂණ පවත්වයි

25 April 2023

උසස්පෙළ අවුල ගැන සුසිල්ගෙන් ප්‍රකාශයක්

අපොස උසස් පෙළ ප්‍රශ්න පත්‍ර (විෂය) දහයක ප්‍රධානීන් එම ප්‍රශ්න පත්‍ර බැලීමේ කටයුතු ඊයේ ( 24) ආරම්භ කළ බව අධ්‍යාපන අමාත්‍ය ආචාර්ය සුසිල් ප්‍රේමජයන්ත මහතා පාර්ලිමේන්තුවේදී අද (25)පැවසීය.

25 April 2023

හර්තාලයේදී ලංගම බසයට ගල් ප්‍රහාරයක්

මුලතිව් සිට යාපනය දක්වා ධාවනය වූ ලංගම බස් රථයකට අද (25) උදෑසන කාලයේදී මුලතිව් සෙල්වපුරම් ප්‍රදේශයේදී එල්ල වූ ගල් ප්‍රහාරයක් හේතුවෙන් බස් රථයේ රියදුරු තුවාල ලබා ඇතැයි මුලතිව් පොලීසිය පැවසීය.

25 April 2023

පාපැදි තරඟයේදී සෙබලාගෙන් තුච්ඡ වැඩක්

පාපැදි තරගයක නිමාව ආසන්නයේදී යුද හමුදා පාපැදිකරුවකු තල්ලුකොට බරපතළ තුවාල සිදුකිරීම සම්බන්ධයෙන් යුද්ධ හමුදා පාපැදි කණ්ඩායමේ සෙබළෙකු අත්අඩංගුවට ගත්බව හිරණ පොලිසිය පවසයි.

25 April 2023

අවුරුද්ට දුන් ඉන්ධන කෝටාව අඩු නොකරයි

අලුත් අවුරුදු උත්සවය වෙනුවෙන්, ඉහළ ඉන්ධන කෝටාව අඛණ්ඩව පවත්වාගෙන යෑමට තීරණය කළ බව විදුලිබල හා බලශක්ති අමාත්‍ය කංචන විජේසේකර මහතා පවසයි.

25 April 2023

අකුණේ කම්පනයෙන් 3ක් රෝහලේ

හපුතලේ ප්‍රදේශයට ඇදහැලුණු ධාරානිපාත වර්ෂාවත් සමඟ පැවැති අකුණු ගැසීම හේතුවෙන් කම්පනයට පත් වූ දඹේතැන්න මහකන්ද ප්‍රදේශයේ කාන්තාවන් තිදෙනෙකු හපුතලේ පංකැටිය දිසා රෝහලට ඇතුළත් කළ බව පොලිසිය කියයි.

25 April 2023

හයියෙන් කතා කළාට මං බය නෑ

මන්ත්‍රීවරුන් පාර්ලිමේන්තුවේ දී හයියෙන් කතා කලාට මං බය නැතැයි නියෝජ්‍ය කතානායක අජිත් රාජපක්ෂ මහතා පාර්ලිමේන්තුවේදී පැවසීය.

25 April 2023

නිධන් හැරූ කතක් ඇතුළු4ක් දැලේ

නිධන් කර ඇති පුරා වස්තු සෙවීමේ අරමුණින් කැකිරාව ඉළුකේගම ප්‍රදේශයේ පිහිටි නිවසක් පිටුපස කැණීම් සිදු කරමින් සිටි පුද්ගලයන් සිව් දෙනෙකු ජෙනට් නයින් කූරු, වෙඩි බෙහෙත්, පූජා භාණ්ඩ, පාසාන විදින යන්ත්‍ර ඇතුළු භාණ්ඩ රැසක් සමග අත්අඩංගුවට ගත් බව කැකිරාව පොලීසිය පවසයි.

25 April 2023

ප්‍රතිජීවක ඖෂධ ගැන අනතුරු ඇඟවීමක්

මෙරට පශු පාලනයේ දී සතුන්ට අසීමිතව දෙන ප්‍රතිජීවක ඖෂධ පාලනය නොකළහොත් අනාගතයේ දී ලංකාවේ ජනතාවට ප්‍රතිජීවක ඖෂධ ප්‍රතිරෝධතාවට මුහුණ දීමට සිදුවනු ඇතැයි පශු ඖෂධ නියාමන අධිකාරිය කෘෂිකර්ම අමාත්‍යාංශයට අනතුරුඅඟවා තිබේ.

25 April 2023

’’සෆාරි උද්‍යානයේ මස් ජාවාරමක්’’

හම්බන්තොට රිදියගම සෆාරි උද්‍යානයේ සතුන් මස් කර විකුණන ජාවාරමක් පිළිබඳව තොරතුරු අනාවරණයවී ඇති හෙයින් ඒ සම්බන්ධයෙන් පරීක්ෂණයක් පවත්වන්නේ දැයි සමගි ජන බලවේගය පක්ෂයේ මාතර දිස්ත්‍රික් මන්ත්‍රී බුද්ධික පතිරණ මහතා පාර්ලිමේන්තුවේදී අද (25) ප්‍රශ්න කළේය.

25 April 2023

ජී.එල්.තේරීම් කාරක සභාවට

පොදුජන පෙරමුණේ පත්කළ මන්ත්‍රී මහාචාර්ය ජී.එල් පීරිස් මහතා පාර්ලිමේන්තු තේරීම් කාරක සභාවට පත්කළ බව නියෝජ්‍ය කතානායක අජිත් රාජපක්ෂ මහතා පාර්ලිමේන්තුවට නිවේදනය කළේය.

25 April 2023

හොර බෙහෙත් ගබඩාවක් මෝදරින් අල්ලයි

කොළඹ 15, මෝදර ප්‍රදේශයේ නීති විරෝධීව පවත්වාගෙන ගිය ඖෂධ නිෂ්පාදනාගාරයක් වටලා එහි හිමිකරුගේ නිවසේ තිබූ ඖෂධ තොගයක් සහ මත්ද්‍රව්‍ය නිෂ්පාදනය සඳහා යොදා ගත් බවට සැක කරන අමුද්‍රව්‍ය තොගයක් අත්අඩංගුවට ගත් බව ජාතික ඖෂධ නියාමන අධිකාරියේ ආහාර සහ ඖෂධ අංශය පවසයි.

25 April 2023

සන්නද්ධ හමුදා කැඳවීමට ආඥාවක්

මහජන සාමය පවත්වාගෙන යෑම සඳහා සන්නද්ධ හමුදාවල සියලුම සාමාජිකයන් දිවයින පුරා කැඳවීමට ජනාධිපතිවරයා ආඥාවක් නිකුත් කර ඇතැයි නියෝජ්‍ය කතානායක අජිත් රාජපක්ෂ මහතා පාර්ලිමේන්තුවේ දී අද පැවසීය.

25 April 2023

උතුරේ හර්තාල්

පාර්ලිමේන්තුවට ඉදිරිපත් කිරීමට යෝජිත ප්‍රතිත්‍රස්ත පනත වහාම අහෝසි කරන ලෙසට ඉල්ලීම් කරමින් හා එම පනතට විරෝධය පලකරමින් කඩසාප්පු වසාදමා අද (25) උතුරු පළාත තුළ හර්තාලයක් ක්‍රියාත්මක විය.

25 April 2023

රිය අනතුරින් දෙදරු මව මරුට

යතුරුපැදියක් ලොරියක ගැටීමෙන් ගාලුපාරේ අම්බලන්ගොඩ නගරයේදී අද(25) උදෑසන සිදු වූ රිය අනතුරකින් සිය දරුවා සමඟ යතුරුපැදියේ ගමන් ගත් මව මිය ගොස් ඇතැයි පොලීසිය කියයි.

25 April 2023

තැනින් තැනට අදත් සවස වැසි

සබරගමුව,මධ්‍යම,උතුරු-මැද,ඌව සහ වයඹ පළාත්වලත් ත්‍රිකුණාමලය සහ මුලතිව් දිස්ත්‍රික්කවලත් සවස් කාලයේ හෝ රාත්‍රි කාලයේ තැනින් තැන වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

25 April 2023

කෝටි 8 ක කුෂ් මත්ද්‍රව්‍ය රේගුව අල්ලයි

රුපියල් කෝටි 8 කට අධික වටිනාකමින් යුත් කැනඩාවේ සිට එවූ කුෂ් මත්ද්‍රව්‍ය කිලෝ 12 ක පමණ තොගයක් පෑලියගොඩ පිහිටි කාගෝ ආයතනයකදී අත්අඩංගුවට ගත් බව ශ්‍රී ලංකා රේගුව පැවසීය.

25 April 2023

කොටි වළ දැමූ රන් සෙවූ හතක් මාට්ටු

මුලතිව් පුදුකුඩිඉරිප්පු ආනන්දපුරම් ප්‍රදේශයේදී කොටි ත්‍රස්තවාදීන් යුද සමයේ වළ දැමූ බව කියන රන් ආභරණ සෙවූ බව කියන පුද්ගලයන් 07 දෙනකු අත්අඩංගුවට ගත් බව පොලීසිය පවසයි.

25 April 2023

සුමාත්‍රාවේ ප්‍රබල භූ කම්පනයක්

ඉන්දුනීසියාවේ සුමාත්‍රා දූපතට බටහිරින් රික්ටර් මාපකයේ ඒකක 7.3ක අගයක් ගත් භූමි කම්පාවක් හටගෙන තිබේ.

25 April 2023

රටේ සම්පත් අනතුරේ

මහ බැංකුවෙන් නැතිවුණා කියන මුදල් පොළවේ මහල් තුනක් යට නවීණ තාක්‍ෂණය උපරිමයෙන්ම ඇති අධි ආක්‍ෂිත ගබඩාවක තිබූ ඒවා බවත් එම හොරකම සඳහා අදාල ගබඩාවට කිසිඳු පිටස්තර පුද්ගලයෙක්ට ඇතුල්විය නොහැකි බව සක්සුදක් සේ පැහැදිළි බවත් පාර්ලිමේන්තු මන්ත්‍රී මහාචාර්ය ජී. එල්. පීරිස් මහතා පැවසීය.

25 April 2023

රජ මැදුර - ලේකම් කාර්යාලය අගනුවරට

කොළඹ කොටුව ජනාධිපති මන්දිරය සහ ජනාධිපති ලේකම් කාර්යාලය කෝට්ටේ ශ්‍රී ජයවර්ධනපුර පාර්ලිමේන්තුව ආසන්නයට රැගෙන යාමේ සැලසුමක් සම්බන්ධයෙන් රජයේ අවධානය මේ වන විට යොමු වී ඇතැයි අභ්‍යන්තර ආරංචි මාර්ග සඳහන් කරයි.

25 April 2023

ගබඩාවල බෙහෙත් වර්ග 119ක් හිඟයි

සෞඛ්‍ය අමාත්‍යංශයේ වෛද්‍ය සැපයුම් අංශයේ ගබඩාවල මේ වන විට අත්‍යවශ්‍ය ඖෂධවර්ග 119ක හිඟයක් පවතින අතර එය ඉකුත් මාසවල පැවැති ඖෂධ හිඟයට සාපෙක්ෂව යහපත් තත්වයකැයි සෞඛ්‍ය අමාත්‍යංශයේ අතිරේක ලේකම් සමන් රත්නායක මහතා පවසයි.

24 April 2023

රාමඤ්ඤ නිකායේ උපසම්පදා මහෝත්සවය රාජ්‍ය අනුග්‍රහයෙන්

ශ්‍රී ලංකා රාමඤ්ඤ මහා නිකායේ 73 වන උපසම්පදා විනය කර්ම මහෝත්සවය සඳහා පූර්ණ රාජ්‍ය අනුග්‍රහය ලබා දෙන බව ජනාධිපති රනිල් වික්‍රමසිංහ මහතා පැවසීය.

24 April 2023