(විමුක්ති එස් රුද්‍රිගු)

බදු ඉහළ නැංවීමට පෙර ආනයනය කළ සීනි මෙට්‍රික් ටොන් 19,000ක් තවමත් රට තුළ පවතින බවත් එබැවින් සීනි හිඟයක් හෝ අනවශ්‍ය මිල ඉහළ යාමක් සිදු වීමට කිසිදු අවස්ථාවක් නොමැති බවත් මුදල් රාජ්‍ය අමාත්‍ය ආචාර්ය රංජිත් සියඹලාපිටිය මහතා අවධාරණය කළේය.

පාලන මිලට වැඩියෙන් සීනි අලෙවි කරන ස්ථාන සොයා පාරිභෝගික සේවා අධිකාරිය මෙහෙයුම් ක්‍රියාත්මක කරන බවද අමාත්‍ය ආචාර්ය රංජිත් සියඹලාපිටිය මහතා පෙන්වා දුන්නේය.

නියමිත මිලට සීනි මිල දී ගැනීම සහ අනවශ්‍ය සීනි හිගයක් නිර්මාණය වීම වැලැක්වීම රජයේ පමණක් නොව ජනතාවගේ ද වගකීම බව අමාත්‍ය ආචාර්ය සියඹලාපිටිය මහතා ප්‍රකාශ කළේය.

එවැනි අවස්ථාවලදී පාරිභෝගික සේවා අධිකාරිය දැනුවත් කිරීම ජනතාවගේ යුතුකම බවද අමාත්‍ය ආචාර්ය සියඹලාපිටිය මහතා පෙන්වා දුන්නේය.