ව්‍යාපාරික විත්ති

Huawei ලංකාවේ හොඳම සේවා ස්ථාන අතරට

Huawei ටෙක්නොලොජීස් ලංකා 2021 සඳහා ශ්‍රී ලංකාවේ හොඳම සේවා ස්ථාන 40 අතරට හඳුනාගෙන ඇති අතර Great place to Workහි ස්වාධීන විශ්ලේෂකයන් විසින් විශිෂ්ට සේවා ස්ථානයක් ලෙස සහතික කරනු ලැබ ඇත. Great place to Work විසින් කරන ලද නිර්නාමික සමීක්ෂණයකදී Huaweiටෙක්නොලොජීස් ලංකා හි සේවකයන් විසින් සපයන ලද පුළුල් ශ්‍රේණිගත කිරීම් මත ඔවුන්ට මෙම ස්ථානය හිමිවී ඇත.

DFCC සහ ජැට් හවුල්කාරීත්වයක

DFCC බැංකුව පසුගියදා JAT හෝල්ඩින්ග්ස් සමාගම සමග විශේෂ හවුල්කාරීත්වයකට අත්සන් තැබීය. මේ යටතේ DFCC බැංකුවේ ක්‍රෙඩිට් කාඩ්පත් හිමියන්ට, JAT හෝල්ඩින්ග්ස් විසින් මෙරට වෙළෙඳපොළට හඳුන්වා දෙනු ලැබ ඇති ඉහළම තලයේ භාණ්ඩ එකතුවක් සඳහා පොලී රහිත පහසු ගෙවීමේ ක්‍රම සහ දීමනා හිමිවනු ඇතැයි එම ආයතන සඳහන් කරයි.

අයිඩියල් සමාරම්භක දිනය නිමිත්තෙන් කිලෝවොට් 805ක දැවැන්ත සූර්යබල පද්ධතියක්

අයිඩියල් ව්‍යාපාර සමූහයට අයත් වැලිපැන්න මහින්ද්‍රා අයිඩියල් ලංකා සමාගමේ ස්ථාපිත කරන ලද කිලෝවොට් 805ක දැවැන්ත සූර්යබල විදුලි පද්ධතිය ව්‍යාපාර සමූහයේ නිර්මාතෘ හා සභාපති නලීන් වෙල්ගම මහතාගේ ජන්ම දිනය හා ව්‍යාපාර සමූහයේ සමාරම්භක දිනය යෙදෙන අද (05) ජාතික විදුලිබල පද්ධතියට එක් කෙරේ.

HNB ලාබයේ වර්ධනයක්

කොරෝනා වසංගතය හේතුවෙන් ඇති කරන ලද අස්ථාවර තත්ත්වය හමුවේත් හැටන් නැෂනල් බැංකුව (HNB) පළමු අර්ධය සඳහා රුපියල් බිලියන 10.9ක බදු පෙර ලාභයක් (PBT) සහ රුපියල් බිලියන 9.1ක බදු පසු ලාභයක් (PAT) වාර්තා කිරීමට සමත් වී ඇත. මේ අතර HNB සමූහයේ බදු පෙර ලාභය සහ බදු පසු ලාභය පිළිවෙළින් රුපියල් බිලියන 12ක් හා රුපියල් බිලියන 9.8ක් ලෙස වර්ධනය වී ඇතැයි එම බැංකුව නිවේදනයක් නිකුත් කරමින් සඳහන් කරයි. එහි වැඩිදුරටත් මෙසේද සඳහන්ය.

ඩීමෝ මාලදිවයිනේ ගුවන් තොටුපොළ සංවර්ධන ව්‍යාපෘතියකට තෝරා ගැනේ

ඩීමෝ ආයතනය මාලදිවයිනේ වෙලානා ජාත්‍යන්තර ගුවන් තොටුපොළ සංවර්ධන ව්‍යාපෘතියේ එලවේටර්ස්, එස්කැලේටර්ස් සහ Moving Walks යන සංචලන විසඳුම් ලබාදීම සඳහා තෝරාගෙන ඇත. ජර්මනියේ සුප්‍රසිද්ධ එලවේටර්ස් සහ එස්කැලේටර්ස් සඳහා වූ සන්නාමයක් වන TK එලවේටර්ස් හා එක්ව ඩීමෝ මෙම ව්‍යාපෘතිය සඳහා ඇතුළත් වී ඇත.

නිපෝන් පේන්ට් වෙතින් රෝහල් රැසක ආරක්ෂාවට 3-in-1 MediFresh

නිපෝන් පේන්ට් සමාගම, දිවයින පුරා රෝහල් රැසක 3-in-1 MediFresh ආලේපනය කිරීමේ වැඩසටහනක් ක්‍රියාවට නංවා තිබේ. රිදී සහ සින්ක් අයන සහිතව නිපදවා ඇති 3-in-1 MediFresh ආලේපනය බැක්ටීරියා නාශක ගුණයෙන් යුක්ත ය. මෙම ව්‍යාපෘතිය කොළඹ IDH රෝහලෙන් ආරම්භ වූ අතර, මේ වනවිට රටේ තවත් ප්‍රධාන නගර රැසක පිහිටි රෝහල් වෙතද ව්‍යාප්ත කර තිබේ.

HUAWEI සර්විස් කානිවල් ඇරැඹේ

දකුණේ තාක්ෂණ වැඩමුළුව සාර්ථකව අවසන් කරයි

දකුණු පළාත තුළ තාක්ෂණ භාවිතය ප්‍රවර්ධනය කිරීම සඳහා ඇරැඹූ ජාතික තාක්ෂණ වැඩමුළුව ඉතා සාර්තක වූ බව තොරතුරු හා සන්නිවේදන තාක්ෂණ නියෝජිතායතනය සඳහන් කරයි.

කොමර්ෂල් බැංකුවේ ශක්තිමත් වර්ධනයක්

කොමර්ෂල් බැංකු සමූහය 2021 ජූනි 30 වැනිදායින් අවසන් වූ මාස හයක කාලය තුළදී ප්‍රධාන දර්ශකවල කැපී පෙනෙන වර්ධනයක් ලබාගැනීමට සමත්වී තිබේ. දෙවැනි කාර්තුව තුළදී ණය පොත රුපියල් ට්‍රිලියන 01 ක සීමාව පසුකරමින් දේශීය පෞද්ගලික වාණිජ බැංකුවක් එවැනි සීමාවක් පසුකළ පළමු අවස්ථාව සනිටුහන් කර ඇතැයි එම බැංකුව නිවේදනය කර තිබේ.

රාජ්‍ය වාණිජ නීතිගත සංස්ථාව සහ Huawei හවුල්කාරීත්වයක

රජයේ වාණිජ (විවිධ) නීතිගත සංස්ථාව, ලොව ප්‍රමුඛතම තොරතුරු හා සන්නිවේදන තාක්ෂණ විසඳුම් සැපයුම්කරු වනHuawei සමග පසුගියදා හවුල්කාරීත්වයකට එළැඹියේය. රාජ්‍ය අංශයේ කාර්යයන් තව දුරටත් කාර්යක්ෂම කිරීම උදෙසා Intelligent writing, High Definition (HD) video conferencing සහ Wireless sharing සමඟ එන Huawei IdeaHub රාජ්‍ය අංශයට හඳුන්වා දීම සඳහා ඔවුහු මෙලෙස හවුල්කාරීත්වයකට එළඹුණහ.

Amazon Prime Video ඩයලොග් ටෙලිවිෂන් වෙතින්

ඩයලොග් ටෙලිවිෂන් ශ්‍රී ලංකාවේ ප්‍රථම වතාවටAmazon Prime Video සේවාව හඳුන්වාදීමට කටයුතු කළේය. මෙම සේවාව Amazon Prime Video තාක්ෂණයෙන් බලගැන්වූ නවතම ViU Hub 2.0 ඩිකෝඩරය සඳහා හඳුන්වාදී ඇතැයි එම සමාගම කියයි.

Dell Concept Store කොළඹදී විවෘත කරයි

දේශීය වෙළඳපොළ වෙත තාක්ෂණික විසඳුම් සැපයීමේ ප්‍රමුඛයකු වන Electrodeals (Pvt) ලිමිටඩ් විසින් අග්නිදිග ආසියාවේ විශාලතම Dell Concept Store මෙරටදී විවෘත කරන ලදී. ලැප්ටොප්/පරිගණක යන්ත්‍ර ඇතුළු විවිධ තාක්ෂණික උපාංග සඳහා ගෝලීය ප්‍රමුඛ සන්නාමයක් වන Dell Technologies, Electrodeals සමාගම සමග සම්බන්ධ වී මෙලෙස විවෘත කරන ලද Dell Concept Store හරහා මාදිලි ගණනාවක Dell තාක්ෂණික උපාංග පහසු මිලට මිලදී ගැනීමේ හැකියාව දැන් පාරිභෝගිකයන්ට හිමි වන බව එම සමාගම කියයි.

බිඳ වැටුණු කුඩා ව්‍යාපාර යළි අරඹන වැඩපිළිවෙළකට COSMI සමඟ LIRIDI මුලපුරයි

කොවිඩ් වසංගතය හේතුවෙන් අර්බුදයට ලක් වූ ක්ෂුද්‍ර ව්‍යවසායකයන්ට සහ ජීවනෝපාය මාර්ගයක් ලෙස කුඩා ව්‍යාපාර පවත්වාගෙන යන ව්‍යවසායකයන්ට යළිත් තම ව්‍යාපාරවලට යොමු කරවීමේ Back to Business (ව්‍යාපාර පුනර්ජීව) වැඩ සටහන යටතේ එම ව්‍යවසායකන්ට සහන පදනමක් මත අමුද්‍රව්‍ය සැපයීමේ වැඩපිළිවෙළක් ක්ෂුද්‍ර , කුඩා සහ මධ්‍ය පරිමාණ කර්මාන්ත සම්මේලනය (COSMI) ක්‍රියාත්මක කර ඇත.

හම්බන්තොට වරායේ තොග භාණ්ඩ හැසිරවීමේ ඵලදායිතාව ඉහළට

හම්බන්තොට ජාත්‍යන්තර වරාය (HIP) විසින් මුදා හරින ලද ඉහළතම තොග ප්‍රමාණය වාර්තා කරමින් මෑතකදී ඉන්සි සිමෙන්ති සඳහා ගෙන ආ ජිප්සම් තොග දිනකට මෙට්‍රික් ටොන් 24,000 බැගින් හසුරුවන ලදි.

ඩයලොග්, තරුණ හා ක්‍රීඩා අමාත්‍යාංශය එක්ව Youth Can දියත් කරයි

ශ්‍රී ලාංකික තාරුණ්‍යයට තම කුසලතා ඔප් නැංවීමට මඟ පෙන්වීම හා සහයෝගය ලබා දීම අරමුණකර ගනිමින්, අන්තර්ජාතික තරුණ දිනයට සමගාමීව ඩයලොග් ආසිආටා සමාගම තරුණ හා ක්‍රීඩා අමාත්‍යාංශය සමගින් එක්ව Youth Can වැඩසටහන පසුගිය දා දියත් කළේය.

17 වැනි වසරටත් ‘වඩාත්ම ගෞරවණීය බැංකුව’ කොමර්ෂල්

සුප්‍රකට LMD සඟරාව විසින් මෙරට වඩාත් ගෞරවණීය ආයතන තෝරා ගැනීම සඳහා වාර්ෂිකව සිදුකරන සමීක්ෂණයට අනුව පිට පිටම 17 වැනි වරටත් ශ්‍රී ලංකාවේ වඩාත්ම ගෞරවණීය බැංකුව ලෙස 2021 වසරේ දී කොමර්ෂල් බැංකුව තෝරගෙන තිබේ.

එමිරේට්ස් මගීන්ට නොමිලේ Expo ප්‍රදර්ශනය නරඹන්න අවස්ථාවක්

කළාපයේ දැවැන්තම වෙළෙඳ ප්‍රදර්ශනයක් වන 2020 ඩුබායි Expo වෙළෙඳ ප්‍රදර්ශනයේ ප්‍රමුඛතම පාර්ශ්වකරුවා සහ නිල ගුවන් සමාගම ලෙස එමිරේට්ස් මෙම ප්‍රදර්ශනය නැරඹීමට සමාගමේ ගුවන් මගීන්ට සුවිශේෂී ප්‍රතිලාභයක් ඉදිරිපත් කර තිබේ.

SLT සමූහයට රු.බි. 6 ලාබයක්

SLT-MOBITEL, 2021 වසරේ ප්‍රථම මාස 6 ක කාලසීමාව සඳහා මූල්‍ය ප්‍රතිඵල නිකුත් කර තිබේ. එම ප්‍රතිඵල වලට අනුව, පෙර වසරේ අදාළ කාලසීමාවට සාපේක්ෂව, සමූහයේ ලාභය සියයට 29.9 ක වර්ධනයක් පෙන්නුම් කරමින් රු. බිලියන 6 ක් ලෙස වාර්තා කර ඇතැයි නිව්දනයක් නිකුත්කරමින් එම සමාගම කියයි.

ශ්‍රී ලංකන් වෙතින් රුසියානු සංචාරකයන්ට …buy one and get one free විශේෂ දීමනාවක්

මෙම ගිම්හාන නිවාඩු කාලය තුළ සංචාරක කටයුතු සඳහා ශ්‍රී ලංකාවට පැමිණීමට අපේක්ෂාකරන රුසියානුවන් සඳහා ‘‘buy one and get one free”‍ විශේෂ දීමනාවක් ශ්‍රී ලංකන් ගුවන් සේවය හඳුන්වා දී තිබේ. මෙම දීමනාව 2021 ඔක්තෝබර් මස 31 දක්වා වලංගු බව ශ්‍රී ලංකන් සඳහන් කරයි.

විශේෂාංග රැසකින් යුතු Huawei Watch GT 2 Pro

Huawei විසින් විවිධ වූ ස්මාර්ට් උපාංග හඳුන්වා දෙමින් පරිශීලකයාට කාර්යක්ෂම Smart දිවියක් ලබාදීමට අවස්ථාව හිමිකර දෙමින් තිබේ. Huawei Watch GT 2 Pro යනු මෙම ස්මාර්ට් උපාංග අතර කැපී පෙනෙන ස්මාර්ට් වොච් එකක් වන අතර අසමසම විශේෂාංග රැසකින් එන මෙම ස්මාර්ට් වොච් එක බොහෝ දෙනාගේ පළමු තේරීම බවට පත්ව ඇතැයි එම සමාගම සඳහන් කරයි.

ඩයලොග් එන්ටප්‍රයිස් එන්ටප්‍රයිස් Google Workspace සමග සහයෝගීතාවක

ඩයලොග් ආසිආටා පී.එල්.සී හි ව්‍යාපාර විසඳුම් අංශය වන ඩයලොග් එන්ටප්‍රයිස් Google Cloud ආයතනය සමඟ නව සහයෝගීතාවකට එළඹ තිබේ.

පීපල්ස් ලීසිං වෙතින් රුපියල් මිලියන 6කට අධික වෛද්‍ය උපකරණ දකුණු පළාත් රෝහල්වලට

පීපල්ස් ලීසිං ඇන්ඩ් ෆිනෑන්ස් පී.එල්.සී. සමාගමේ 25 වැනි සංවත්සරයට සමගාමීව, ගෝලීය කොරෝනා වසංගතයට එරෙහි සුව සටනේ යෙදී සිටින රජයේ රෝහල්වල රෝගීන් හඳුනාගැනීම සහ ප‍්‍රතිකාර ලබාදීමට සහාය දැක්වීමක් ලෙසින් සිදුකරන සමාජ සත්කාරක වැඩසටහන් මාලාවේ තවත් එක් දිගුවක් ලෙස දකුණු පළාතේ රජයේ රෝහල් 03කට රුපියල් මිලියන 6ක වටිනාකමකින් යුත් අත්‍යවශ්‍ය වෛද්‍ය උපකරණ ප‍්‍රදානයක් පසුගියදා සිදු කෙරුණි.

NAITA - Huawei ICT ඇකඩමිය දියත් කරයි

ජාතික ආධුනිකත්ව සහ කාර්මික පුහුණු කිරීමේ අධිකාරිය (NAITA) විසින් ප්‍රමුඛ පෙළේ තොරතුරු තාක්‍ෂණ විසඳුම් සපයන ආයතනයක් වන Huawei සමඟ එක්ව වෘත්තීය අධ්‍යාපනය සහ පුහුණුව සැලසීමේ අරමුණින් NAITA - Huawei ICT ඇකඩමිය පසුගියදා විවෘත කළේය.

කටහඬින් Dialogටෙලිවිෂන් හැසිරවිය හැකි TeDi Alexa ක්‍රමවේදය හඳුන්වා දෙයි

කටහඬින් ලබාදෙන විධාන (Voice Commands) හරහා ඩයලොග් ටෙලිවිෂන් ඩිකෝඩරය භාවිත කිරීමට පහසුකම් සලසමින් කෘත්‍රිම බුද්ධියෙන් බලගන්වන ලද TeDi Alexa ක්‍රමවේදය හඳුන්වා දීමට ඩයලොග් ආසිආටා පීඑල්සී ආයතනය කටයුතු කළේය. එසේම ඩය‍ලොග් වෙතින් අධෝරක්ත කිරණ (IR) රිමෝට් භාවිත වන උපාංග කටහඬින් පාලනය කළ හැකි, කෘත්‍රිම බුද්ධියෙන් බල ගන්වන ලද TeDi Alexa ස්මාර්ට් ස්පීකර් පහසුමක ද මේ සමඟම ශ්‍රී ලාංකීය ප්‍රේක්ෂකයාට හඳුන්වා දීමට කටයුතු කර ඇතැයි එම සමාගම කියයි.

ශ්‍රී ලංකාවේ වඩාත්ම ආදරය කරන මෝටර් සයිකල් සන්නාමය බජාජ්

නොකඩවා තෙවැනි වරටත් ශ්‍රී ලංකාවේ වඩාත්ම ආදරය කරන මෝටර් සයිකල් සන්නාමය ලෙස බජාජ් මෝටර් සයිකල් බ්‍රෑන්ඩ් ෆයිනෑන්ස් ලංකා විසින් ඔවුන්ගේ 18 වැනි වාර්ෂික සන්නාම සමාලෝචනයේදී තෝරාගෙන ඇත.

කොරෝනා ආරක්ෂක විධිවිධාන දැඩිව අනුගමනය කිරීමට උත්සව කළමනාකරුවෝ සැරසෙති

කොළඹ නගරය සඳහා පනවා තිබූ Covid - 19 සීමා රැසක් මේ වනවිට ලිහිල් කර ඇති තත්ත්වය යටතේ යළිත් උත්සව සංවිධානය කිරීමේ දී අනුගමනය කළ යුතු ආරක්ෂක විධිවිධාන සම්බන්ධයෙන් පරිපූර්ණ මාර්ගෝපදේශ මාලාවක් ඇතුළත් අත්පොතක් ප්‍රකාශයට පත් කිරීමට උත්සව කළමනාකරණ සංගමය පසුගියදා කටයුතු කළේ ය. උත්සව සංවිධාන කටයුතු සඳහා සම්බන්ධ වන සියලු‍ම දෙනා මෙම මාර්ගෝපදේශ දැඩිව අනුගමනය කළ යුතු බව එම සංගමය අවධාරණය කරයි.

හම්බන්තොට වරාය කාර්මික කලාපයෙන් වසරක් ඇතුළත ගෘහ උපකරණ

හම්බන්තොට ජාත්‍යන්තර වරාය සමූහය (HIPG) ඔවුන්ගේ කර්මාන්ත කලාපයේ වේගවත් ප්‍රගතිය සඳහා “HIPG Speed” යන නව සංකල්පය වරායේ සම්මත මෙහෙයුම් ක්‍රියා පටිපාටිය (SOP) සමඟ ඒකාබද්ධ කර ඇතැයි එම සමාගම සඳහන් කරයි.

SLT MOBITEL වෙතින් රෝහල්වලට P.C.R යන්ත්‍ර

මේ වනවිට රටට විශාල අභියෝගයක් වී පවතින COVID-19 රෝගය මර්දනය කිරීමේ සටන ශක්තිමත් කිරීම සඳහා රට පුරා දිස්ත්‍රික් රෝහල් වලට Polymerase Chain Reaction (PCR) යන්ත්‍ර ලබාදීමට SLT-මොබිටල් සැලසුම් කර තිබේ. මේ යටතේ පරිත්‍යාග කරන ලද පළමු යන්ත්‍රය පසුගියදා කෑගල්ල දිස්ත්‍රික්කයේ කරවනැල්ල මූලික රෝහල වෙත පරිත්‍යාග කරන ලදී. මෙම යන්ත්‍රයෙහි වටිනාකම රු. මිලියන 5 කට අධිකය.