එසැණ පුවත්

’2000ක් නිරෝධායනය කළ හැකි මධ්‍යස්ථාන ඉදිකරමින්’

රටේ පවතින තත්වය හමුවේ පුද්ගලයන් 2000 ක පිරිසක් නිරෝධායනයට යොමු කළ හැකි මධ්‍යස්ථාන කිහිපයක් ම යුද හමුදාව විසින් ස්ථාපිත කරමින් පවතින බව යුද හමුදාපති ලුතිනන් ජනරාල් ශවේන්ද්‍ර සිල්වා මහතා ලංකාදීපයට පැවැසීය.

13 October 2020

මිනුවන්ගොඩ පොකුරට තවත් ආසාදිතයින් 49 ක්

මිනුවන්ගොඩ කොරෝනා පොකුරෙන් අද (13) දිනයේ කොරෝනා ආසාදිතයින් 49 ක් වාර්තා වී තිබේ.

13 October 2020

බදියුදීන් අත්අඩංගුවට ගන්න නියෝග

හිටපු අමාත්‍ය රිෂාඩ් බදියුදීන් මහතා අත්අඩංගුවට ගන්නා ලෙස නීතිපතිවරයා විසින් වැඩබලන පොලිස්පතිවරයාට අද (13) නියෝග කර තිබේ.

13 October 2020

පින්නවල අලි අනාථාගාරය වසා දමයි

රඹුක්කන, පින්නවල එළිමහන් සත්වෝද්‍යානය සහ පින්නවල අලි අනාථාගාරය තාවකාලිකව සංචාරකයින්ට වසා දැමීමට සත්වෝද්‍යාන දෙපාර්තමේන්තුව තීරණය කර ඇත.

13 October 2020

බොරැල්ලේ වෙළඳසැල් 6ක් වහයි

කොරෝනා ආසාදිතයන් තිදෙනෙකු ගිය බව කියන බොරැල්ලේ වෙළඳසැල් 6ක් තාවකාලිකව වසා දමා ඇතැයි පොලිසිය කියයි.

13 October 2020

සාධිපත්‍ය කළමනාකරණ අධිකාරියේ ලොක්කෙක් අල්ලස් ගනිද්දී අහුවෙයි

සාධිපත්‍ය කළමනාකරණ අධිකාරියේ නියෝජ්‍ය සාමාන්‍යධිකාරී (නියාමන) රුපියල් 25000ක අල්ලස් මුදලක් ලබා ගනිද්දී මීට සුළු මොහොතකට පෙර අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ කාන්තා අධ්‍යක්ෂ පොලිස් අධිකාරි පද්මිණී වීරසූරිය මහත්මිය පැවසුවාය .

13 October 2020

නාකොටික්ලා කුඩු ජාවාරම සමග ගිනි අවිත් විකුණලා

පොලිස් මත්ද්‍රව්‍ය නාශක කාර්යාංශයේ සැකකාර නිලධාරීන් හෙරොයින් ජාවාරමට අමතරව පාතාල සාමාජිකයන් සමග එක්වී ගිනි අවි ජාවාරම් සිදුකර ඇති බවට විමර්ශනවල දී අනාවරණය වී ඇතැයි නියෝජ්‍ය සොලිසිටර් ජනරාල් දිලීප පීරිස් මහතා කොළඹ ප්‍රධාන මහේස්ත්‍රාත් මොහොමඩ් මිහාල් මහතා ඉදිරියේ ඊයේ (12) කරුණු අනාවරණය කළේය.

13 October 2020

ශිෂ්‍යත්වයට මුහුණ දුන්නා සේම උසස් පෙළත් සාර්ථක කරගනිමු

අධ්‍යයන පොදු සහතික පත්‍ර උසස් පෙළ විභාගය ඊයේ ආරම්භ විය. රට පුරා විභාග මධ්‍යස්ථාන 2,648ක ඇරැඹුණ උසස් පෙළ විභාගය නොවැම්බර් මස 6 වැනිදා දක්වා පැවැත්වෙයි. රටේ අනාගත වගකීම බාර ගැනීමට සිටින ජාතියේ දුවා දරුවන්ට මෙම විභාගයට සාර්ථකව මුහුණ දීමට සමත් දියුණු හා නිරෝගී පරිසරයක් අඛණ්ඩව පවතීවා යන්න අපගේ ප්‍රාර්ථනය වේ.

13 October 2020

ඇඟලුම් ආයතනයට කොරෝනා පැමිණි අයුරු හොයන්න කමිටුවක්

මිනුවන්ගොඩ ඇගලුම් ආයතනයට කොවිඩ් 19 වයිරසය පැමිණි ආකාරය සෙවීමට කම්කරු අමාත්‍ය නිමල් සිරිපාල ද සිල්වා මහතා විසින් කමිටුවක් පත්කර ඇතැයි සම කැබිනට් ප්‍රකාශක වෛද්‍ය රමේෂ් පතිරණ මහතා පැවසීය.

13 October 2020

සියලු ආයතනවල සේවකයන්ගේ තොරතුරු දින 3ක් තුළ යාවත්කාලීන කරන්න

සියලුම රාජ්‍ය සහ පෞද්ගලික ආයතනනවල සේවක සේවිකාවන්ගේ පෞද්ගලික තොරතුරු, ඉදිරි දින තුන තුළදී යාවත්කාලීව කළ යුතු බව නියෝජ්‍ය පොලිස්පති අජිත් රෝහණ මහතා පවසයි.

13 October 2020

කොරෝනා එන්නත් සන්ධානයට රටවල් 180ක්

දුප්පත් සහ පොහොසත් රටවලට සමානව ‘කොවිඩ්-19’ එන්නත ලබාදීමේ ක්‍රියාවලියට මේ වනවිට චීනය ඇතුළු රටවල් 180කට වැඩි සංඛ්‍යාවක් සම්බන්ධ වී ඇතැයි ලෝක සෞඛ්‍ය සංවිධානය සඳහන් කරයි.

12 October 2020

බංගලාදේශය‌ේ ස්ත්‍රී දූෂකයන්ට මරණ දඬුවම

ස්ත්‍රී දූෂකයන්ට මරණ දඬුවම ක්‍රියාත්මක කිරීමට බංගලාදේශ රජය පියවර ගනිමින් සිටින බව වාර්තා වේ. නීති අමාත්‍ය අනිසුල් හක් පවසා ඇත්තේ අඟහරුවාදා (13) දිනයේදී ඒය නීතිගත කරමින් ඒරට ජනාධිපතිවරයා විසින් ආඥාවක් නිකුත් කරන බවයි.

12 October 2020

කොරෝනා පාලනය කළ හැකි එන්නත ලබන වසර මුලදී

මේ වසර අගදී හෝ ලබන වසර මුලදී නව කොරෝනා වයිරසය පාලනය කළ හැකි එන්නතක් බලාපොරොත්තු විය හැකි බව ලෝක සෞඛ්‍ය සංවිධානය අද (12) ප්‍රකාශ කළේය. ‘ෆයිනෑන්ෂියල් ටයිම්ස්’ පුවත්පත සංවිධානය කළ ‘ඔන්ලයින් ඇෆ්‍රිකා’ සමුළුවේදී අදහස් දක්වමින් ලෝක සෞඛ්‍ය සංවිධානයේ ප්‍රධානියා ඒ බව කීවේය.

12 October 2020

හිමි නමකට පහරදී පාලාවත්ත උණුසුම් වෙයි

බදුල්ල පාලාවත්ත ‍බෝධිරාජාරාමාධිපති ටිබේට් ජාතික සිකින් අමරජෝති හිමියන්ට අද (12) සවස ගම්වැසියෙකු විසින් පහරදීමේ සිද්ධියක් නිසා මේ වන විට එම ගම්මානයේ උණුසුම් තත්වයක් ඇතිවී තිබේ.

12 October 2020

රියාජ් බදියුදීන්ගෙන් ජනපතිට ලිපියක්

තමා ත්‍රස්තවාදියකු ලෙස නම් කරමින් නැවත වතාවක් අත්අඩංගුවට ගන්නැයි කියමින් ඇතැම් පිරිස් නගන චෝදනා සාධාරණ නැතැයි සඳහන් කරමින් රියාජ් බද්යුදීන් මහතා ජනාධිපති ගෝඨාභය රාජපක්ෂ මහතාට අද (12) ලිපියක් යවා ඇත.

12 October 2020

මිනුවන්ගොඩ කොරෝනා පොකුර 1397ට නගී

මිනුවන්ගොඩ ඇගලුම් කම්හලේ ආසාදිතයන් පොකුරට තවත් ආසාදිතයන් 51දෙනෙකු අද(12) හඳුනාගෙන ඇත.

12 October 2020

අයවැය ගෙනඒමට පෙර 20 සම්මත කරනවා

ලබන වසර සඳහා වන අයවැය පාර්ලිමේන්තුවට ඉදිරිපත් කිරීමට පෙර 20 වන ආණ්ඩුක්‍රම ව්‍යවස්ථා සංශෝධනය සම්මත කරගන්නා බවත් ඇතැම් විට එය ලබන සතියේම විය හැකි බවත් ශ්‍රී ලංකා නිදහස් පක්ෂයේ මහ ලේකම්, රාජ්‍ය අමාත්‍ය දයාසිරි ජයසේකර මහතා පැවසීය.

12 October 2020

පට්ටිතෝට්ටම්-පෙරියකඩෙයි ගම්මාන යළි විවෘතයි

හුදකලා ගම්මාන ලෙස නම් කළ මන්නාරම පට්ටිතෝට්ටම් සහ පෙරියකඩෙයි ගම්මාන අද(12) සවස 6.00න් පසු නැවත විවෘත කළ බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.

12 October 2020

කටුනායක නිදහස් වෙළඳ කලාපය වහන්නේ නැහැ

පවතින කොවිඩ්-19 තර්ජනය හේතුවෙන්, කටුනායක නිදහස් වෙළඳ කලාපය වසා නොදමන බව එහි කම්හල් හිමියන්ගේ සංගමයේ ප්‍රධාන ලේකම් ධම්මික ප්‍රනාන්දු මහතා ලංකාදීපයට අද(12) පැවැසීය.

12 October 2020

මුදල් නෝට්ටු- දුරකථන මුහුණත්වල දින 28 ක් කොරෝනා

කොවිඩ් - 19 වයිරසය මුදල් නෝට්ටු, දුරකථන මුහුණත් සහ මළ නොබැඳෙන වානේ වැනි පෘෂ්ඨ මත සජීවීව දින 28ක පමණ කාලයක් පැවතිය හැකි බව නවතම සොයාගැනීම් වලින් තහවුරු වී ඇතැයි පර්යේෂකයෝ පවසති.

12 October 2020

පෝලන්තයේ රැකියාවට යනවා නම් කාර්යංශයෙන් අහන්න

පෝලන්තයේ රැකියා සඳහා යාමට බලාපොරොත්තු වන ශ්‍රී ලාංකිකයන් රැකියාව තහවුරු කර ගැනීමෙන් හා ශ්‍රී ලංකා විදේශ සේවා නියුක්ති කාර්යංශයෙන් විමසීමෙන් අනතුරුව පමණක් රැකියා නියෝජිතායතනවලට මුදල් ගෙවන්නැයි කාර්යංශය ජනතාවගෙන් ඉල්ලා සිටියි.

12 October 2020

රවීට-අර්ජුන්ට උසාවි එන්නැයි සිතාසි

හිටපු මුදල් අමාත්‍ය රවී කරුණානායක මහතා සහ පවුලේ ඥාතීන් පදිංචිව සිටින බව කියන කොල්ලුපිටියේ ‘මොනෑක්’ නිවාස සංකීර්ණයේ රුපියල් කෝටියකට වඩා වටිනා නිවසක් ලබාගැනීම හා එම නිවස සඳහා මුදල් ගෙවීම සම්බන්ධයෙන් රවී කරුණානායක මහතාට සහ පර්පචුවල් ට්‍රෙෂරීස් සමාගමේ අධ්‍යක්‍ෂ අර්ජුන් ඇලෝසියස් මහතාට ලබන නෙවැම්බර් 18 වැනිදා අධිකරණ පෙනී සිටින ලෙස නියම කරමින් කොළඹ මහාධිකරණ විනිසුරු ආදිත්‍ය පටබැඳි මහතා අද (12) සිතාසි නිකුත් කළේය.

12 October 2020

නිරෝධායනයෙන් පැන ගිය කොස්තාපල් බීලා පාරේ වැටිලා

කළුතර පොලිස් අභ්‍යාස විද්‍යාලයේ නිරෝධායන මධ්‍යස්ථානයෙන් පැනගොස් බීමතින් මාර්ගයේ වැටී සිටියදී සොයාගත් පොලිස් කොස්තාපල්වරයා වැඩ තහනමට ලක් කර වහාම ක්‍රියාත්මක වන පරිදි ඔහුගේ සේවය අත්හිටුවීමට කටයුතු කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

12 October 2020

ගම්පහ ඔසුසල්-වෙළඳසල් හෙට සිට වහයි

කොරෝනා වයිරස තත්ත්වය පාලනය සදහා ගම්පහ දිස්ත්‍රික්කයේ ඇඳිරි නීතිය පනවා ඇති ප්‍රදේශවල ඔසුහල් ඇතුළු සියලුම වෙළඳසල් හෙට (13) සිට වසා දැමීමට පියවර ගෙන ඇති බව ගම්පහ දිසාපති සුනිල් ජයලත් මහතා පවසයි.

12 October 2020

ශ්‍රීලන්කන් සේවකයකුට කොරෝනා ආසාදනය වෙයි

කටුනායක බණ්ඩාරණායක ජාත්‍යන්තර ගුවන්තොටුපලේ ශ්‍රීලංකන් ගුවන් භාණ්ඩ මෙහෙයුම් අංශයේ සේවකයකුට කොරෝනා වයිරසය ආසාදනය වූ බවට වෛද්‍ය පරීක්ෂණ වලින් අද (12) තහවුරු වූ ශ්‍රී ලංකන් ගුවන් සමාගම කියා සිටී.

12 October 2020

මහ කන්නයේ දී මහනුවර වී ප්‍රභේද 5ක් වගාකිරීම තහනම්

මහනුවර දිස්ත්‍රික්කය තුල මෙවර මහ කන්නයේදී වී ප්‍රභේද 5ක් වගා නොකරන ලෙස මහනුවර දිස්ත්‍රික් කෘෂිකර්ම දෙපාර්තමේන්තුව දිස්ත්‍රික්කයේ ගොවින්ගෙන් ඉල්ලා සිටියි.

12 October 2020

විස්ස ගැන ශ්‍රේෂ්ඨාධිකරණ යෝජනා අවසන් කෙටුම්පතට ඇතුළත් කරනවා

ව්‍යවස්ථා සංශෝධනය පිළිබඳ කාරක සභා අවස්ථාවේ දී ශ්‍රේෂ්ඨාධිකරණය විසින් යෝජනා කර ඇති උචිත හා අවශ්‍ය සංශෝධන ද අවසන් කෙටුම්පතට ඇතුළත් කර නීතිගත කිරීමට සළකා බලන බව ශ්‍රී ලංකා පොදුජන පෙරමුණේ සභාපති, අධ්‍යාපන අමාත්‍ය මහාචාර්ය ජී එල් පීරිස් මහතා ප්‍රකාශ කළේය.

12 October 2020

මිනුවන්ගොඩ කොරෝනා පොකුරට තව 39ක් එක්වෙයි

මිනුවන්ගොඩ ඇඟලුම් කර්මාන්තශාලාවේ ආසාදිතයන් පොකුරට තවත් කොරෝනා ආසාදිතයන් 39 දෙනෙකු අද(12) හඳුනාගෙන තිබේ.

12 October 2020