එසැණ පුවත්

කොන්දේසි තුනක් යටතේ විදුලිය මිලදී ගැනීමට අවසර

මාස 6 ක කාලයක් සඳහා මෙගාවොට් 100 ක් පෞද්ගලික අංශයෙන් විදුලිය මිලදීගැනීමට කොන්දේසි තුනක් යටතේ ලංකා විදුලිබල මණ්ඩලයට අනුමැතිය දුන් බව ශ්‍රී ලංකා මහජන උපයෝගිතා කොමිෂන් සභාව අද (17) පස්වරුවේ පැවසීය.

17 August 2023

යතුරුපැදි අනතුරින් සැරයන් මරුට

පාදුක්ක ඉංගිරිය මාර්ගයේ ශ්‍රි විජය බෝධිරාජ බෞද්ධ මධ්‍යස්ථානය අසල පාලම මතදී ලොරි රථයක් යතුරැ පැදියක ගැටීමෙන් අද (17) දින සවස සිදු වූ අනතුරින් යතුරු පැදියෙහි ගමන් ගත් පොලිස් සැරයන්වරයකු මියගොස් ඇතැයි ඉංගිරිය පොලිසිය පවසයි.

17 August 2023

නීතියට පිටින් කෝටි ගණන් ගනුදෙනු කළ සමාගමක අධ්‍යක්ෂවරුන්ට විදෙස් ගමන් තහනම්

මහබැංකුවේ අවසරයකින් තොරව නිතිවිරෝධී අන්දමින් මහ ජනතාවගේ මුදල් තැන්පතු ලබා ගෙන රුපියල් කෝටි ගණනින් ගනුදෙනු කළ පෞද්ගලික සමාගමක අධ්‍යක්ෂවරුන් තිදෙනකුගේ විදෙස් ගමන් තහනම් කරමින් කොළඹ අතිරේක මහේස්ත්‍රාත් රජීන්ද්‍රා ජයසූරිය මහත්මිය අද (17) නියෝගයක් නිකුත් කළාය.

17 August 2023

එල්ලේ ගහන්න ආ සිසුන් දෙදෙනාගේ සිරුරු වගා ළි‍‍‍ඳේ

වව්නියාව පූවර්සන්කුලම් පොලිස් වසමේ පම්පමඩුව ප්රරදේශයේ එල්ලේ තරඟයක් සඳහා පැමිණි සිසුන් දෙදෙනෙකු අද (17) සවස අනාරක්ෂිත ජලය පිරුණු වගා ළිඳකට වැටීමෙන් එම සිසුන් දෙදෙනා ජීවිතක්ෂයට පත්ව ඇති බවට පොලීසිය පවසයි.

17 August 2023

දේශීය ආදායම් පනත සංශෝධනයට

රාජ්‍ය බදු යාන්ත්‍රණය ඉහළ නංවාලීම සඳහා දේශීය ආදායම් පනත කඩිනමින් සංශෝධනය කිරීමට පියවර ගන්නා බව ජාතික ආර්ථික හා භෞතික සැලසුම් කටයුතු ක්‍රියාත්මක කිරී‌මේ ආංශික අධීක්ෂණ කාරක සභා සභාපති මහින්දානන්ද අලුත්ගමගේ මහතා පැවසීය.

17 August 2023

දඹුල්ල අවුරා අවසන් මහ තරගයට එයි

ලංකා ප්‍රීමියර් ලීග් (එල්.පී.එල්.) ක්‍රිකට් තරගාවලියේ අවසන් මහ තරගයට සුදුසුකම් ලැබීමට ධනංජය ද සිල්වා නායකකත්ව දරණ දඹුල්ල අවුරා පිල අද (17) සමත් විය.

17 August 2023

පාර්ලිමේන්තු මහලේකම්වරියගෙන් දැඩි තීරණයක්

පාර්ලිමේන්තු ගෘහපාලන දෙපාර්තමේන්තුවේ සමහර රූමත් සේවිකාවන්ට ඇතැම් ප්‍රධානීන්ගෙන් සිදුව ඇතැයි පැවසෙන ලිංගික හිංසන සම්බන්ධයෙන් පැවැත්වෙන පරීක්ෂණයේදී යම් නිලධාරියකු හෝ පිරිසක් එවැනි වරදක් කර ඇති බව තහවුරු වුවහොත් ඔවුනට එරෙහිව දැඩි ක්‍රියාමාර්ග ගන්නා බව පාර්ලිමේන්තු මහලේකම් නීතිඥ කුෂානි රෝහණදීර මහත්මිය පැවසුවාය.

17 August 2023

තෙල් සංස්ථාවේ ගින්නක්

තෙල් සංස්ථාවේ ප්‍රධාන කාර්යාලයේ 6 තට්ටුවේ ගින්නක් හටගෙන ඇති බවත් එම ගින්න පාලනය කිරීමට තෙල් සංස්ථාවේ ගිනි නිවන ඒකකය කටයුතු කරමින් සිටින බවත් එහි නිලධාරියෙක් පැවසීය.

17 August 2023

කුරුණෑගලම පිපාසයේ?

දැඩි නියගය නිසා දැදුරු ඔයේ ජල මට්ටම පහළ යාම හේතුවෙන් කුරුණෑගල නගරයට ජල සැපයුම සීිමා කිරිමට සිදු වන බව ජල සම්පත් හා ජලාප්‍රවාහන මණ්ඩලයේ කුරුණෑගල දිස්ත්‍රික් ඉංජිනේරු කුසල් මනම්පේරි මහතා පැවසීය.

17 August 2023

ඊ.පී.එෆ් පිලි ලේඛන පරිස්සම් කරගන්න

සේවක අර්ථ සාධක අරමුදලට සම්බන්ධ ලිපි ලේඛන සුරක්‍ෂිතව තබා ගන්නා ලෙස ශ්‍රී ලංකා මහ බැංකුව එහි සමාජිකයන්ගෙන් සහ සේවා යෝජකයන්ගෙන් නිවේදනයක් නිකුත් කරමින් ඉල්ලා සිටියි.

17 August 2023

පාන් පිටි ගැන මුදල් කමිටුවෙන් නියෝගයක්

ප්‍රධාන සමාගම් දෙකට අතිරේක ලාභයක් ලබාගත නොහැකි වන පරිදි පාන් පිටි කිලෝවක විකුණුම් මිල රුපියල් 198 ක් ලෙස නිවේදනය කරන ලෙස රජයේ මුදල් පිළිබඳ පාර්ලිමේන්තු කාරක සභාව මුදල් අමාත්‍යාංශයේ නිලධාරීන්ට උපදෙස් දුන්නේය.

17 August 2023

12 සිසුවාගෙන් 11 සිසුවාට පිහි පහර

කරන්දෙණිය ප්‍රධාන පාසලක සිසුවකුට එම පාසලේම සිසුවකු පිහියකින් ඇන තුවාල ලබා රෝහල් ගත කළ බව කරන්දෙණිය පොලීසිය කියයි.

17 August 2023

නියගයෙන් කුඹුරු වලට සිදුවූ විනාශය මෙන්න

අධික නියගය හේතුවෙන් උතුර, නැගෙනහිර,වයඹ,සබරගමුව, දකුණ උතුරු මැද, පළාත්වල හෙක්ටයාර් දහසය දහස් එකසිය හැට හතරක (16164) කුඹුරු වගා හානියට පත්ව ඇතැයි ගොවිජන සංවර්ධන දෙපාර්තමේන්තුවේ අධ්‍යක්ෂ (සේවා) සුමිත් චන්දන මහතා පැවසීය.

17 August 2023

අපු‘ර ගින්නකින් වෙළඳසළකට - වගාවන්ට හානි

අනුරාධපුර ජයන්ති මාවතේ, දෙකේ කණුව ආසන්නයේ ඇති පුරන් කුඹුරු යායකට කිසියම් අයකු ගිනි තැබීමේ හේතුවෙන් අද (17) දහවල් එම මාර්ගය ආසන්නයේ ඉදි කර තිබූ පලතුරු වෙළෙඳ සලක්, බෝග වගාවන් කිහිපයක් විනාශයට පත්ව, වන සතුන්ද ජීවිතක්ෂයට පත් විය.

17 August 2023

ගොවියාගේ පලිය මිරිස් කොටුවෙන් අරන්

නොච්චියාගම රන්කෙත්ගම අක්කර බාගයක ඵල නෙළමින් තිබූ මාළු මිරිස් වගාවකට කිසිම් පිරිසක් වල් නාශක ඉස විනාශකර කර ඇතැයි එම ගොවියා කියයි.

17 August 2023

ශිෂ්‍යත්ව උත්තර පත්‍ර පරීක්‍ෂවරුන්ගෙන් අයදුම්පත් කැඳවයි

පස්වැනි ශ්‍රේණිය ශිෂ්‍යත්ව විභාගයේ උත්තර පත්‍ර පරීක්‍ෂකවරුන් තෝරාගැනීමට මාර්ගගත ක්‍රමයට අයදුම්පත් ලබන සැප්තැම්බර් මස 1 වැනිදා සිට කැඳවන බව විභාග දෙපාර්තමේන්තුවේ උසස් නිලධාරියෙක් පැවසීය.

17 August 2023

ණය අර්බුදය විසඳන්න චීනයෙන් සහාය

ශ්‍රී ලංකාවේ ණය අර්බුදය විසඳා ගැනීමට චීනය ඵලදායී ලෙස සහාය වන බව ශ්‍රී ලංකා අග්‍රාමාත්‍ය දිනේෂ් ගුණවර්ධන මහතා සමඟ පැවති හමුවකදී චීන විදේශ කටයුතු අමාත්‍ය වැන්ග් යී මහතා ප්‍රතිඥාවක් ලබා දී ඇත.

17 August 2023

කොළඹට පැය 18ක ජල කප්පාදුවක්

කොළඹ දිස්ත්‍රික්කයේ ප්‍රදේශ රැසකට අනිද්දා (19) පැය 18 ක් ජල සැපයුම අත්හිටුවන බවත් ඒ අනුව අනිද්දා පෙරවරු 8.00 සිට පසුදින 20 වැනිදා අලුයම 2.00 දක්වා මෙලෙස ජල සැපයුම අත්හිටුවන බවත් ජාතික ජල සම්පාදන හා ජලාපවාහන මණ්ඩලය පවසයි.

17 August 2023

දරුවෝ 17:මුණුපුරු මිනිපිරියෝ 100යි: අද අවසන් ගමන් යයි

දරුවන් 17 දෙනකු මෙලොවට බිහි කළ උදාර මාතාවක් දිඹුලාගල මලියදේවපුර ප්‍රදේශයේ දී මිය ගියාය.

17 August 2023

තිරිඟු පිටි ආනයනයට අවසර ඉල්ලයි

ඉන්දියාවෙන් තිරිගු පිටි ආනයනය කිරීමට රජයෙන් අවසර ඉල්ලා ඇතත් මේ දක්වා ඒ සඳහා අනුමැතිය ලැබී නොමැති බව අත්‍යවශ්‍ය භාණ්ඩ ආනයනකරුවෝ පවසති.

17 August 2023

නවීන තාක්ෂණය සමඟ බද්ධ වූ අධ්‍යාපන ක්‍රමයක් ගේනවා

ඉදිරි ගෝලීය අභියෝග වලට මුහුණදිය හැකි හා නවීන තාක්ෂණය සමඟ අනුගත වූ අධ්‍යාපන ක්‍රමයක් රටට හඳුන්වා දෙන බව ජනාධිපති රනිල් වික්‍රමසිංහ මහතා පැවසීය.

17 August 2023

ඇසල පෙරහරට කප් සිටුවයි

කන්ද උඩරට ඇසළ පෙරහර මංගල්‍යය ආරම්භ වීමට පෙර සිදුකරන පුරාතන චාරිත්‍රයක් වන සිව්මහා දේවාලයන්හි කප් සිටුවීම අද (17) යෙදී තිබුණු සුබ මුහුර්තියෙන් සිදුවිය .

17 August 2023

බෙල්ලන්විල පෙරහරට මාර්ග රැසක් වහයි

බෙල්ලන්විල රජමහා විහාරස්ථානයේ වාර්ෂික පෙරහර මංගල්‍යය අද (17) සිට 20 වැනිදා දක්වා පැවැත්වෙන නිසා එම දිනවල පෙරහැර ගමන් ගන්නා කාලය තුළ මාර්ග රැසක් වසා තබන බැවින් විකල්ප මාර්ග භාවිත කරන ලෙස පොලීසිය ජනතාවගෙන් ඉල්ලා සිටියි.

17 August 2023

රත්තරන් මිල තවත් පල්ලම් බසී

දේශීය රත්තරන් වෙළෙඳපොලේ රත්තරන් මිල අද (17) දිනය වන විට තරමක් පහළ ගොස් ඇතැයි දේශීය රත්තරන් ව්‍යාපාරිකයෝ පවසති.

17 August 2023

ආබාධ සහිත පුද්ගලයන්ගේ සුබසාධන දීමනා ඉහළට

ආබාධ සහිත පුද්ගලයන්ගේ සුබසාධනය වෙනුවෙන් වෙන්කර තිබු මුදල් මෙම වර්ෂයේ සිට වැඩිකිරීමට තීරණය කළ බව සමාජ සවිබලගැන්වීමේ රාජ්‍ය අමාත්‍ය අනූප පැස්කුවල් මහතා පැවසීය.

17 August 2023

මැති සබේ කමිටු කාමරයකින් කොට්ට දෙකක් මෙට්ටයක්

පාර්ලිමේන්තුවේ කමිටු කාමරයක තිබී කොට්ට දෙකක් සහ මෙට්ටයක් සොයාගෙන ඇති අතර මේවා මෙම කාමරයට ගෙන ආවේ කුමකටදැයි සොයා බලා ගෙන යන බව පාර්ලිමේන්තුවේ නිලධාරියෙක් පැවැසීය.

17 August 2023

ගිනි අවියක් හොරා ගෙන දඩයමේ ගිය සැරයන් ඇතුළු තුනක් මාට්ටු

පොලිසියේ අවි ගබඩාවකින් සොරාගත් ගිනි අවිය සහ උණ්ඩ රැගෙන වාහල්කඩ යාන් ඔය ජලාශයට එපිටින් ඇති ,’’ඉස්සන් වැව’’,’’ වැද්දා කන්ද’’ ප්‍රදේශයේ ඝන වනාන්තරයට, සතුන් දඩයමේ ගිය බව කියන පොලිස් සැරයන්වරයකු ඇතුළු සැකකරුවන් තිදෙනකු ටී 56 ගිනි අවියක් සමග පෙරේදා (16) රාත්‍රී අඩංගුවට ගත් බව වාහල්කඩ පොලිසිය කියයි.

17 August 2023

කොළොන්නේ ව්‍යාපාරිකයෙක් අතුරුදන්

කොළොන්න නෑදොල ප්‍රදේශයේ පදිංචි ධනවත් ව්‍යාපාරිකයකු අබිරහස් ලෙස අතුරුදහන්ව ඇතැයි කොලොන්න පොලිසිය පවසයි.

17 August 2023