එසැණ පුවත්

ලිස්සා ගිය ලොරිය නැවතුන තැන

නැපෝලියන්ගේ තොප්පිය කෝටි 68කට වෙන්දේසි වෙයි

හිටපු ප්‍රංශ අධිරාජ්‍යයකු වන නැපෝලියන් බොනපාර්ට්ගේ තොප්පිය ඇමෙරිකානු ඩොලර් මිලියන 2.1 (ශ්‍රී ලංකා රුපියල් කෝටි 68 කට පමණ) කට ප්‍රංශයේ පැරිස් නුවර පැවති වෙන්දේසියකදී වෙන්දේසි කර ඇත.

නාය අවදානමෙන් හපුතලේ පවුල් 22ක් ඉවතට

පවතින මහ වැසි සමග නාය යාමේ අවදානමක් මතුවී ඇති බැවින් හපුතලේ ප්‍රාදේශීය ලේකම් කොට්ඨාසයේ තංගමලේ ග්ලැනෝර් වත්තේ පවුල් තිස් දෙකක් අද( 20 ) ආරක්ෂිතව ඉවත් කළ බව හපුතලේ ප්‍රාදේශීය ලේකම් ගයානි කේ රණතුංග මහත්මිය කීවාය.

වැට් බදු විවාදය 10 ඉරිදා

එකතු කළ අගය මත බද්ද (VAT) සංශෝධන සහ මුදල් පනත් කෙටුම්පත් දෙවැනි වර කියැවීමේ විවාදය සදහා ලබන මස 10 ඉරිදා පෙ.ව 9.30 සිට ප.ව 4.30 දක්වා පැවැත්වීමට පාර්ලිමේන්තු කටයුතු පිළිබඳ කාරක සභාව අද තීරණය කළේය.

ශ්‍රී රංගා ඇයි හංගා ?

සාක්ෂිකරුවන් ආරක්ෂා කිරීමේ පනත යටතේ අත්අඩංගුවට ගත් සියලු ම දෙනා නිදහස් කර තිබියදීත් හිටපු පාර්ලිමේන්තු මන්ත්‍රී ජේ ශ්‍රී රංගා මහතා මාස අටක් තිස්සේ බන්ධනාගාරගතව සිටින බව පොදුජන පෙරමුණේ කුරුණෑගල දිස්ත්‍රික් මන්ත්‍රී දයාසිරි ජයසේකර මහතා පාර්ලිමේන්තුවේ දී අද (20) පැවසීය.

සාම සාධක මෙහෙයුම්වලට යාමට සූදානමින්

එක්සත් ජාතීන්ගේ සාම සාධක මෙහෙයුම් රාජකාරී කටයුතු සදහා මධ්‍යම අප්‍රිකානු ජනරජයට , පිටත්ව යන ශ්‍රී ලංකා ගුවන් හමුදා හෙලිකොප්ටර් යානා බලඝණයේ 09 වන කණ්ඩායම විසිර යාමේ උත්සවය ශ්‍රී ලංකා ගුවන් හමුදාපති එයාර් මාර්ෂල් උදේනි රාජපක්ෂ මහතාගේ ප්‍රධානත්වයෙන් කටුනායක ගුවන් හමුදා මූලික කදවුරේ දී අද පෙරවරුවේ පැවැත්වුනි .

විල්පත්තුව පිවිසුමත් යටවේ

කළාඔයේ ජල මට්ටම සිග්‍ර ලෙස ඉහල යාමත් සමග විල්පත්තුව වන උද්‍යානයට පිවිසෙන වනාතවිල්ලුව එළුවන්කුලම පිවිසුම තාවකාලිකව වසා දැමිමට කටයුතු කළ බව උද්‍යාන පාලක සුරංග රත්නායක මහතා පවසයි.

බුදු සරණයි කියා පටන් ගත්තට මැදදී නාලාගිරි පනිනවා

අයවැය කතාව බුදු සරණයි කියා පටන් පටන් ගත්තත් මැද දී නාලාගිරියාත් අවසානයේ අංගුලිමාලත් මතු වන බව පොදුජන පෙරමුණේ මාතර දිස්ත්‍රික් මන්ත්‍රී ඩලස් අලහප්පෙරුම මහතා පාර්ලිමේන්තුවේදී පැවසීය.

බාල බෙහෙත් සිද්ධියට තවත් හතරක් අත්අඩංගුවට

ප්‍රමිතියෙන් තොර ප්‍රතිජීවක එන්නත් ගෙන්වා රජයේ රෝහල්වලට බෙදා හැරිය බව කියන සිද්ධිය සම්බන්ධයෙන් සිදු කරන විමර්ශනවලට අදාලව සෞඛ්‍ය අමාත්‍යාංයේ වෛද්‍ය සැපයුම් අංශයේ අධ්‍යක්ෂ වෛද්‍ය කපිල වික්‍රමනායක ,ගණකාධිකාරි ඇතුලු එහි සිව්දෙනකු මීට සුළු මොහොතකට පෙර අපරාධ පරික්ෂණ දෙපාර්තමේන්තුව විසින් අත්අඩංගුවට ගෙන ඇත.

මහීපාල වැඩ අරඹයි

සෞඛ්‍ය අමාත්‍යාංශයේ නව ලේකම් ලෙස විශේෂඥ වෛද්‍ය පාලිත මහීපාල මහතා එම අමාත්‍යාංශයේදී අද (20) වැඩ භාරගත්තේය.

කිරිඅල ගේන්නත් ඩොලර් වැය කරලා

මූල්‍ය අරමුදලෙන් ඩොලර් මිලියන 300 ක ණයක් බලාපොරොත්තු වන රට පසුගිය වසරේ කිරි අල ඇතුළු මෙරට වැවෙන බෝග කිහිපයක් ගෙන්වන්නට ඩොලර් මිලියන 295 ක් වැය කොට ඇතැයි පොදුජන පෙරමුණේ කොළඹ දිස්ත්‍රික් මන්ත්‍රී මධුර විතානගේ මහතා පාර්ලිමේන්තුවේ දී පැවසීය.

කමිටු කාමරවලට පිට අය තහනම්

පාර්ලිමේන්තු කාරක සභා රැස්වීම් පැවැත්වෙන අවස්ථාවන්හිදී කිසිදු බාහිර පුද්ගලයකුට කාරක සභාව කාමරවලට කතානායකවරයාගේ කිසිදු අවසරයක් නොමැතිව පැමිණීම වහාම ක්‍රියාත්මක වන පරිදි තහනම් කරනු ලැබ ඇත.

පොත් අලෙවිසැලේ පිහි ඇනුමෙන් දෙකක් රෝහලේ

පන්නිපිටිය මාඹුල්ගොඩ ප්‍රදේශයේ පවත්වාගෙන යනු ලබන පොත් අලෙවි මධ්‍යස්ථානයකට පැමිණි නාදුනන පුද්ගලයකු විසින් කඩුවක් වැනි තියුණු ආයුධයකින් සිදුකල පහරදීමකින් එම අලෙවිසැලෙහි හිමිකරු ඇතුළු පුද්ගලයින් දෙදෙනෙකුට තුවාල ලබා හෝමාගම මූලික රෝහලට ඇතුලත් කර ඇතැයි හෝමාගම මූලස්ථාන පොලිසිය පවසයි

වැට් බද්ද නිසා සියලුම භාණ්ඩ මිල ඉහළ යනවා

වැට් බද්ද සියයට 18 ක් දක්වා ඉහළ දැමීමෙන් රටේ සමස්ත ජනතාව අන්ත දුගී බවට පත්කරමින් බවත් ඩීසල් සහ පෙට්‍රල් මත වැට් බද්ද පළමු වරට පැනවීම හේතුවෙන් සියලුම භාණ්ඩ හා සේවාවල මිල ගණන් ඉහළ යන බවත් නිදහස් ජනතා සභාවේ විධායක කමිටු සාමාජික, පාර්ලිමේන්තු මන්ත්‍රී මහාචාර්ය ජී. එල්. පීරිස් මහතා අද (20) පැවසීය.

අයි.සී.සීයට යවපු ලිපි තුන මැතිසබයට

ශ්‍රී ලංකා ක්‍රිකට් ආයතනයේ ප්‍රධානියා ශ්‍රී ලංකාවේ ක්‍රිකට් තහනම් කරන ලෙස ඉල්ලමින් ජාත්‍යන්තර ක්‍රිකට් සම්මේලනයට යැවූ බව කියන ලිපි තුනක් ක්‍රීඩා අමාත්‍ය රොෂාන් රණසිංහ මහතා පාර්ලිමේන්තුවට අද (20) ඉදිරිපත් කළේය.

ප්‍රපාතයට යන්න ගිය බසය පාර හරහා බුදි

බදුල්ල සිට කන්දේගෙදර ට වතු සේවකයන් පිරිසක් ප්‍රවාහනය කරමින් තිබූ පෞද්ගලික බස්රථයක් අද (20) උදෑසන බදුල්ල අලුගොල්ල කොහොවිල කදුර ප්‍රදේශයේ දී මාර්ගය හරහා පෙරලීයාමෙන් බස්රථයට දැඩි ලෙස අලාභහානි වී එහි ගමන් ගත් වතු සේවකයන් කිසිදු තුවාලයක් නොලබා බේරි ඇතැයි බදුල්ල පොලිසිය පවසයි.

අයවැයේ ප්‍රායෝගික නැති දේවල් ගොඩයි

අයවැය ලේඛනයේ ප්‍රායෝගික නැති කාරණා බොහොමයක් තිබෙන බව පොදුජන පෙරමුණේ හම්බන්තොට දිස්ත්‍රික් මන්ත්‍රී නාමල් රාජපක්ෂ මහතා පාර්ලිමේන්තුවේ දී පැවසීය.

’’වැරදිකරු වුනොත් ඉල්ලා අස්වෙනවා’’

පාර්ලිමේන්තු සේවිකාවකට ලිංගික හිංසන කළැයි කියන චෝදනාවට වැරදිකරු වුවහොත් පාර්ලිමේන්තු මන්ත්‍රී ධුරයෙන් ඉවත් වීමට සූදානම් බව පොදුජන පෙරමුණේ මන්ත්‍රී රංජිත් බණ්ඩාර මහතා පාර්ලිමේන්තුවේදී පැවසීය.

ක්‍රිකට් ආයතනය ගැන සජිත්ගෙන් වරප්‍රසාද ප්‍රශ්නයක්

ශ්‍රී ලංකා ක්‍රිකට් ආයතනයේ නිවේදන නිසා තම වරප්‍රසාද කඩවී ඇතැයි විපක්ෂ නායක සජිත් ප්‍රේමදාස මහතා පාර්ලිමේන්තුවට අද වරප්‍රසාද ප්‍රශ්නයක් යොමු කළේය.

බ්‍රසීලයේ හිටපු ජනාධිපති තල්මසෙකුට කරදර කරලා

තල්මසකුට හිරිහැර කළේ යැයි බ්‍රසීලයේ හිටපු ජනාධිපති යාර් බොල්සරානෝට චෝදනා එල්ල වී ඇති බවත්, එම චෝදනා සම්බ්නධයෙන් බ්‍රසීල ෆෙඩරල් පොලිසිය විමර්ශන ආරම්භ කර ඇති බවත් බි්‍රතාන්‍යයේ ‘ද ගාඩියන්’ පුවත්පත වාර්තා කර තිබේ.

මාඔය පිටාර ගලයි :කොටදෙණියාව යට වෙයි

කොටදෙනියාව දියගම්පල වැලිහිඳ ප්‍රදේශ මා ඔය උතුරා ජලයෙන් යටවීමෙන් කුරුණෑගල කොළඹ අංක 5 පාර මීගමුව මීරිගම 251 මාර්ගයේ ගමනාගමනය අද අලුයම සිට ඇනහිට පවතී.

බ්‍රිතාන්‍ය නැවක් හවුති සටන්කාමීන්ගේ ග්‍රහණයේ

බ්‍රිතාන්‍යයට අයත් නෞකාවක්, යේමනයේ ෂියා මුස්ලිම් හවුති සටන්කාමීන්ගේ ග්‍රහණයේ පවතින බව විදෙස් මාධ්‍ය වාර්තා කරයි. හවුති සටන්කාමීන් මෙම නැව සිය ග්‍රහණයට ගෙන ඇත්තේ, එය රතු මුහුදේ යාත්‍රා කරමින් තිබියදීය.

ආජන්ටිනාවේ නව ජනාධිපති හවියේ මිලෙයි

ආජන්ටිනාවේ ජනාධිපතිවරණයේ දෙවැනි වටය පැවැත්වුණු අතර, සියයට 55 ක ඡන්ද ප්‍රතිශතයක් හිමි කර ගනිමින්, ජයග්‍රහණය කළේ ස්වාධීන මතධාරී හවියේ මිලෙයි ය.

ගාසා රෝහල යට මීටර් 55 ක් දිග උමඟක්

ගාසා තීරයේ උතුරු කොටසේ පිහිටි, අල් ෂිෆා රෝහලට යටින් හමාස් සටන්කාමීන්ගේ උමඟක් ඇතැයි ඊශ්‍රායල හමුදාව පවසයි.

විශාඛාපට්නම් වරායේ ගින්නක්

ඉන්දියාවේ ආන්ද්‍රා ප්‍රදේශ් ප්‍රාන්තයේ විශාඛාපට්නම් වරායේ ගින්නක් හටගත්තේය. ගින්න ඉතා වේගයෙන් පැතිර ගියේ ධීවර බෝට්ටු 25 ක් සම්පූර්ණයෙන් විනාශ කරමිණි.

වගා හානි ගොවීන්ට නොමිලේ ඉන්ධන දීම අරඹයි

යල කන්නයේ වගා හානි වූ ගොවීන්ට මෙවර මහ කන්නයේ ගොවිතැන් කටයුතු ආරම්භ කිරීම සඳහා හෙක්ටයාර් එකකට ඩීසල් ලීටර් 40ක් බැගින් නොමිලයේ ලබා දීම ඇරැඹූ බව කෘෂිකර්ම අමාත්‍යාංශය පවසයි.

බුදුපිළිමට ගෙන ගිය වරදට පෙට්‍රල් ලීටරයක දඩයක්

වෑන් රථයක ඉදිරිපස බුදුපිළිමයක් තබා තිබීම වරදක් බව පෙන්වා දී රියදුරු බලපත්‍රය ලබාගෙන ඊට එරෙහිව දඩ කොලයක් නිකුත් කිරීමෙන් වැළකී සිටීමට පෙට්‍රල් ලීටරයක් මාවතගම ප්‍රදේශයේ පිහිටි පොලිස් මාර්ග බාදකයක රාජකාරියේ නිරතව සිටි පොලිස් නිලධාරියකු විසින්ඉ ල්ලා ගත් බව කියන සිද්ධියක් සම්බන්ධයෙන්සමාජ මාධ්‍යයේ තොරතුරු සංසරණය වෙමින් පවතී.

බඹරකූඩුවෙන් ආ මරුවා 75 මව ඩැහැගනී

තිනියාවල පොලිස් වසමේ යට්ටපාත නෙහෙරිහේන ප්‍රදේශයේ මහමග ගමන් කරමින් සිටී වයෝවෘද්ධ කාන්තාවකගේ හිස මතට ෙබඹර කූඩුවක් කඩාවැටීමෙන් දැඩි බඹර ප්‍රහාරයකට ලක්වී මීගහතැන්න රෝහලට ඇතුලත් කිරීමෙන් පසු මියගොස් ඇතැයි පොලිසිය පවසයි