එසැණ පුවත්

අද දවසේ කාලගුණය

බස්නාහිර, සබරගමුව, මධ්‍යම පළාත්වලත් ගාල්ල සහ මාතර දිස්ත්‍රික්කවලත් අද (22) සවස් කාල‍යේදී හෝ රාත්‍රී කාලයේදී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

22 March 2021

විකිරණ තාක්ෂණවේදිහු අකුරට වැඩ

වෘත්තීය ගැටළු කීපයකට විසඳුම් ඉල්ලා රජයේ රෝහල් කීපයක විකිරණ විද්‍යා තාක්ෂණවේදීහු අද පස්වරුවේ සිට අකුරට වැඩ කිරීමේ වෘත්තීය සමිති ක්‍රියා මාර්ගයක නිරත වෙති.

22 March 2021

ඔන්ලයින් දුක මුත්තනුවෝ දෙදෙනෙක් ළමා ආරක්ෂක අධිකාරියට කියති

ජංගම දුරකතන හා පරිගණක හරහා කෙරෙන ඔන්ලයින් අධ්‍යපනයෙන් තම මුනුපුරු මිනිපිරියන් පීඩාවට පත්ව සිටිතියි මුත්තනුවන් දෙදෙනකු ජාතික ළමා ආරක්ෂක අධිකාරියට පැමිණිලි කර ඇතැයි එහි සභාපති මහාචාර්ය මුදිත විදානපතිරණ මහත පවසයි.

21 March 2021

ඇල්පිටියේ විදුහල්පති යුවළකට කොරෝනා

ඇල්පිටිය අධ්‍යාපන කලාපයේ විදුහල්පති යුවළකට කොරෝනා ආසාදිත වී ඇති බවට අද (21)සවස තහවුරු වූ බව ඇල්පිටිය සෞඛ්‍ය වෛද්‍ය නිලධාරී කාර්යාලය පවසයි.

21 March 2021

ඉන්දීය ප්‍රවීණයෝ ශූරතාව දිනති

ඉන්දීය ලෙජන්ඩ්ස් පිල ‘රෝඩ් සේෆ්ටි වර්ල්ඩ් සීරීස්’ ප්‍රවීණයන්ගේ ක්‍රිකට් තරගාවලියේ ශූරතාව දිනාගැනීමට අද (21) රාත්‍රී සමත් විය. ශ්‍රී ලංකා ලෙජන්ඩ්ස් පිලට අනු ශූරතාව හිමිවිය.

21 March 2021

පස්සර අනතුරේ වරද කාගේදැයි සොයන්න කමිටුවක්

පස්සර ප්‍රදේශයේදී සිදුවූ බස් රථ අනතුරට මාර්ග සංවර්ධන අධිකාරියේ වරදක් හේතුවී ඇත්දැයි සොයාබැලීමට ත්‍රිපුද්ගල කමිටුවක් පත්කළ බව මහාමාර්ග අමාත්‍යාංශයේ ලේකම් ආර්.ඩබ්ලිව්.ආර් ප්‍රේමසිරි මහතා පැවසීය.

21 March 2021

‘‘නොගැළපෙන දේ වෙනවා නම් කමිටු රැස්වීම් කුමටද‘‘

අනුරාධපුර පූජා නගර සංවර්ධන කමිටුව රැස්වී ගනු ලබන තීන්දු තීරණවලට පිටින් පූජා නගරයේ නොගැලපෙන දේ සිදුවන නිසා තව දුරටත් පූජා නගර සංවර්ධන කමිටු රැස්වීම පැවැත්වීම තේරුමක් නැතැයි අටමස්ථානාධිපති පල්ලේගම සිරිනිවාස හිමි සහ රුවන්වැලි චෛත්‍යාරාමාධිකාරි පල්ලේගම හේමරතන හිමියෝ පවසති.

21 March 2021

13 කණුවේ කළු ගල ඉවත් කරන්න-ඌව ආණ්ඩුකාර

පස්සර 13 කණුව අසළදි බස් රථයක් ප්‍රපාතයට පෙරළීමට ප්‍රධානම හේතුව බව කියන මාර්ගයට වැටී තිබෙන කළු ගල වහාම ඉවත් කරන ලෙස ඌව පළාත් ආණ්ඩුකාර ඒ.ජේ.එම් මුසම්මිල් මහතා පළාත් මාර්ග සංවර්ධන අධිකාරියට නියෝග කළේය.

21 March 2021

තෙල් පිරිපහදුවෙන් කොරෝනා පොකුරක්

කොරෝනා නව රැල්ලක් ඇති කරමින් සපුගස්කන්ද තෙල් පිරිපහදු සංකීර්ණයෙන් කෝවිඩ් ආසාදිතයන් 474ක් හඳුනාගෙන ඇතැයි සෞඛ්‍ය අංශ කියයි.

21 March 2021

ඉන්දියාවේ සහායත් ලංකාවට-ජයනාත් කොළඹගේ

එක්සත් ජාතීන්ගේ මානව හිමිකම් කවුන්සිලයේ දී ශ්‍රී ලංකාවට සිය සහාය ලබාදෙන බව ඉන්දියාව තහවුරු කළේ යැයි විදේශ අමාත්‍යාංශයේ ලේකම් ආචාර්ය ජයනාත් කොළඹගේ මහතා පවසයි.

21 March 2021

පිලියන්දල ෆේස්බුක් සාදය පොලිසියෙන් වටලයි

ෆේස්බුක් ඇතුළු සමාජ ජාලා මාර්ගයෙන් පිරිස එක්රැස් කරමින් පිලියන්දල මඩපාත ප්‍රදේශයේ ලැගුම්හලක පැවැත්වූ ෆේස්බුක් සාදයක් වටලා තරුණ තරුණියන් 34 දෙනකු අත්අඩංගුවට ගත් බව පොලිසිය කියයි.

21 March 2021

සිසුහු දෙදෙනෙක් මාඔයේ ගිලි මරුට

මාවනැල්ල මා ඔයේ නාමින් සිටි පාසල් සිසුන් හත් දෙනකුගේ දෙදෙනකු අද දහවල් (21) දියේ ගිලී මිය ගොස් ඇතැයි මාවනැල්ල පොලීසිය කියයි.

21 March 2021

‘‘ජේවීපී පරසරවේදියෝ‘‘ කාගේද:ජවිපේ හිටපු මන්ත්‍රිගෙන් සී.අයි.ඩියට පැමිණිල්ලක්

පරිසර විනාශයන් පිළිබඳ ව්‍යාජ පුවත් පළකරමින් ජේවීපී පරිසරවේදියෝ නමින් පවත්වාගෙන යන ෆේස් බුක් පිටුව සම්බන්ධයෙන් විමර්ශන කර එය පවත්වාගෙන යන්නන් කවුදැයි ජනපතිට හා රටට හෙළිදරව් කරන්නැයි ජනතා විමුක්ති පෙරමුණේ හිටපු පාර්ලිමේන්තු මන්ත්‍රී වෛද්‍ය නලින්ද ජයතිස්ස මහතා අපරාධ පරීක්ෂණ දෙපාර්තමේන්තුවට අද පැමිණිල්ලක් කළේය.

21 March 2021

පස්සර අනතුරේ රියැදුරන් දෙන්නාම රිමාන්ඩ්

පස්සර දී පෞද්ගලික බස් රථ අනතුර දැක දැකත් පළාගොස් සැගව සිටි බව කියන ට්‍රිපර් රථ රියදුරා සහ අනතුරට ලක්වු බසය පැදවු රියදුරා ලබන 25 දින දක්වා රිමාන්ඩ් බාරයේ තබන්නැයි බදුල්ල වැඩබලන මහේස්ත්‍රාත් සුජීවන සිල්වා මහතා නියෝග කළේය.

21 March 2021

අවුරුදු කන්න ඇමැතිගෙන් බඩු මල්ලක්

අලුත් අවුරුදු සමයේ දී පාරිභෝගිකයනට රුපියල් දහසක සහන බඩු මල්ලක් ලබාදීමට පියවර ගෙන ඇතැයි වෙළෙඳ අමාත්‍ය ආචාර්ය බන්දුල ගුණවර්ධන මහතා පවසයි.

21 March 2021

අශ්වයා ගිය පසු ඉස්තාලය වසයි

දාහතර දෙනකුට මරු කැඳවමින් ලුණුගල - පස්සර මාර්ගයේ 13 කණූව ප්‍රදේශයේදී මාරක බස් අනතුර සිදුවූ ස්ථානය යකඩ බට යොදා ගනිමින් ආරක්ෂිත වැටක් ඉදිකිරීමට පියවර ගෙන ඇත.

21 March 2021

‘‘මගී බස් ධාවනයට නව බලපත්‍රයක්‘‘

දිගින් දිගටම සිදුවන බස් රථ අනතුරු සැලකිල්ලට ගනිමින් මගී ප්‍රවාහන බස් රථ සඳහා නව රියදුරු බලපත්‍රයක් හඳුන්වාදීමට කටයුතු කරන බව ප්‍රවාහන රාජ්‍ය අමාත්‍ය දිලුම් අමුණුගම මහතා පවසයි.

21 March 2021

බංග්ලාදේශයේ සහායත් ශ්‍රී ලංකාවට

එක්සත් ජාතීන්ගේ මානව හිමිකම් කවුන්සිලයේ 46 වැනි සැසිවාරයේ දී ශ්‍රී ලංකාවට, බංග්ලාදේශයේ සහාය ලැබෙන බව එරට අගමැතිනි ෂීක් හසීනා ප්‍රකාශ කර ඇතැයි දැනගන්නට ලැබේ.

21 March 2021

‘‘අඩු ආදායම් තව ලක්ෂයකට රැකියා‘‘

රැකියා ලක්ෂයේ ප්‍රථම වැඩසටහන අවසන් වූ පසුව අඩු ආදායම් පවුල්වල තවත් ලක්ෂයකට රැකියා ලබාදෙන බව ජනාධිපති ගෝඨාභය රාජපක්ෂ මහතා පවසයි.

21 March 2021

හන්තානේ අතරමං වූ සිසුන් සොයා ගනී

මහනුවර හන්තාන රක්ෂිතයේ චාරිකාවකට ගොස් අතරමංව සිටි පාසල් සිසුහු හය දෙනා මහනුවර විශේෂ කාර්ය බලකා කඳවුරේ භට පිරිසක් විසින් සොයා ගනු ලැබූහ.

21 March 2021

‘‘පාස්කු ප්‍රහාරයේ අපරාධකරුවන්ට කඩිනමින් නඩු‘‘

පාස්කු ඉරුදින ප්‍රහාරයට සම්බන්ධ පුද්ගලයනට එරෙහිව නීතිපතිවරයා කඩිනමින් නඩු පවරනු ඇතැයි අධිකරණ ඇමැති ජනාධිපති නීතිඥ අලිසබ්‍රි මහතා පවසයි.

21 March 2021

බන්ධනාගාර නියාමක විහින් අමාරුවේ වැටේ

යාපනය බන්ධනාගාර නියාමකයකු හෙරොයින් ග්‍රෑම් 45 ක් සමග අත්අඩංගුවට ගත් බව සුරාබදු දෙපාර්තමේන්තුව සඳහන් කරයි.

21 March 2021

බස් අනතුරේ රියදුරා බීමත්දැයි පරීක්ෂණ

බදුල්ල - ලුණුගල මාර්ගයේ 13 කණුව ප්‍රදේශයේදි අනතුරට පත් බසයේ රියැදුරු වශයෙන් කටයුතු කළ පුද්ගලයා බදුල්ල මහ රෝහලේ ප්‍රතිකාර ලබන බවත් සිද්ධිය වන අවස්ථාවේ ඔහු කිසියම් මත් ද්‍රව්‍යයක් හෝ මත්පැන් ලබාගෙන තිබුණේ ද යන්න හෙළි කර ගැනීම සඳහා ඔහුගේ මුත්‍රා සහ රුධිර සාම්පල ලබාගෙන ඇති බවත් පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

21 March 2021

අංගොඩ ලොක්කාගේ ගෝලයන් දෙදෙනකු අල්ලයි

ඉන්දියාවේ දී මිය ගිය බව කියන සංවිධානාත්මක අපරාධ කරුවකු වන අංගොඩ ලොක්කාගේ ගෝලයින් බව කියන දෙදෙනකු මුල්ලේරියාව පොලිසිය විසින් අත්අඩංගුවට ගනු ලැබීය.

21 March 2021

කාන්තාවට ලක්ෂ 80 සඟවන්න බැරි වෙයි

රුපියල් ලක්ෂය 80කට අධික මුදලක් ත්‍රි රෝද රථයකින් රැගෙන යමින් සිටි කාන්තාවක පැල්මඩුල්ලේ අත් අඩංගුවට ගත් බව පොලිසිය කියයි.

21 March 2021

අද දවසේ කාලගුණය

බස්නාහිර, සබරගමුව, මධ්‍යම, දකුණු, වයඹ සහ උතුරුමැද පළාත්වල අද (21) සවස් කාල‍යේදී හෝ රාත්‍රී කාලයේදී වැසි ඇතිවන බව කාලගුණ විද්‍යා දෙපාර්තමේන්තුව පවසයි.

21 March 2021

ප්‍රවීණයන්ගේ අවසන් ගැටුම අද

රෝඩ් සේෆ්ටි වර්ල්ඩ් සීරීස් ‘ලෙජන්ඩ්ස්’ ක්‍රිකට් තරගාවලියේ අවසන් මහ තරගය තිලකරත්න ඩිල්ෂාන් මෙහෙයවන ශ්‍රී ලංකා ‘ලෙජන්ඩ්ස්’ පිල සහ සචින් තෙන්ඩුල්කාර් මෙහෙයවන ඉන්දීය ‘ලෙජන්ඩ්ස්’ පිල අතර අද (21) මුම්බායිහිදී පැවැත්වේ.

21 March 2021

ලොතරැයි මුද්‍රණයට වසර හතරට කෝටි 200ක්:කෝප් විමර්ශන

ජාතික ලොතරැයි මණ්ඩලය ලොතරැයිපත් මුද්‍රණය සඳහා රුපියල් කෝටි 200කට අධික මුදලක් 2016 - 2019 වර්ෂය දක්වා වසර හතරේදී වැය කර ඇතැයි කියන සිද්ධියක් සම්බන්ධයෙන් පොදු ව්‍යාපාර පිළිබඳ පාර්ලිමේන්තු කාරක සභාව (කෝප්) විමර්ශනයක් අරඹා ඇත.

21 March 2021