ඔයිල් පාම් වගාව අතහැරීමෙන් රුපියල් බිලියන ගණ්නක ආර්ථික ප්රතිලාභයක් අහිමි කර ගැනීමට ලංකාව සූදානම්ද?
1968දී ශ්රී ලංකාවේ වගා ක්ෂේත්රයට හඳුන්වා දුන් ඔයිල්පාම් වගාව, වසර ගණනාවක් කිසිවකුට පීඩාවක් නොවී වර්ධනය වූ වගාවකි. 2014දී රජය එය හෙක්ටයාර් 20,000 දක්වා පුළුල් කිරීමට එකඟ වූයේ, එහි ඇති උසස් ඵලදායිතාව සහ වාණිජ හැකියාව හඳුනාගෙනය. එහෙත් 2021දී මිථ්යා මත පදනම් කර ගත් පාරිසරික පීඩනය හා මධ්යම පරිසර අධිකාරියේ වාර්තාවක් පසුබිම් කරගෙන, නව වගා සහ ආනයන දෙකම තහනම් කිරීමත් සමග මෙය ජාතික ආර්ථිකයේ විවාදගත තීරණයක් බවට පත් විය.
