එසැණ පුවත්

සාම විනිසුරු වැඩේ හරියටම කරලා

ගෝනා මස් සහ අන් තටිටුවක් සමග මුළු දිවයිනටම සාම විනිසුරුවරයකු ලෙස කටයුතු කරන පුද්ගලයකු ඇතුළු දෙදෙනකු අත්අඩංගුවට ගත් බව සමනල වැව පොලිසිය පවසයි.

18 July 2023

2023 පළමු පාසල් වාරය 21න් අවසන්

රජයේ සහ රජයේ අනුමත පෞද්ගලික පාසල්වල පළමු වාරය ජුලි 21 වැනිදා අවසන් වන බව අධ්‍යාපන අමාත්‍යාංශය නිවේදනයක් නිකුත් කරමින් සඳහන් කරයි.

18 July 2023

දිලිදු දරුවන්ට නොමිලයේ සීසන් ටිකට්

දිළිඳු දරුවන්ට කිසිදු මුදලක් නැතිව නොමිලේ සීසන් ටිකට් ලබා දීමටත් ගෙවීමේ හැකියාවක් ඇති අයට ගමන් ගාස්තුවෙන් තුනෙන් එකක් ගෙවා ඉතිරිය සහනාධාරයක් ලෙස ලබා දෙන්නත් කටයුතු කරන බව ප්‍රවාහන මහාමාර්ග සහ ජනමාධ්‍ය අමාත්‍ය බන්දුල අමාත්‍ය බන්දුල ගුණවර්ධන මහතා පාර්ලිමේන්තුවේ දී පැවසීය.

18 July 2023

කඩුවක් -හෙරොයින් සමඟ බූචා දැ‌ලේ

පාතාල නායකයකු ලෙස සැලකෙක මන්න රමේෂ්ගේ ළගම සමීපතමයෙකු කඩුවක් හා හෙරොයින් සමග අත්අඩංගුවට ගත් බව පොලිස් විශේෂ කර්ය බලකාය කියයි.

18 July 2023

පොලිසියට විරෝධය පා උසාවි වහළට නැගලා

මැල්සිරිපුර පොලීසියෙන් තමන්ට අසාධාරණයක් සිදු කළ බව පවසන පුද්ගලයකු අද ( 18) පෙරවරුවේ කුරුණෑගල අධිකරණ සංකීර්ණයේ වහල මතට නැඟ විරෝධතාවයක යෙදී සිටියි.

18 July 2023

කූඩැල්ලා අල්ලයි

සංවිධානාත්මක අපරාධ කල්ලි නායකයකු වශයෙන් සැලකෙන ඌරුජුවාගේ සමීපතමයකු ඊෂි කෑෂ් ක්‍රමයට මත්ද්‍රව්‍ය ජාවාරමේ යෙදී සිටියදී තියුණු ආයුධයක් සහ මත්ද්‍රව්‍ය සමගින් හංවැල්ල දිද්දෙනිය ප්‍රදේශයේදී අත් අඩංගුවට ගත් බව හංවැල්ල පොලිසිය පවසයි.

18 July 2023

මහ පාරේ රේස් පැද්ද 16ක් මාට්ටු

කඩුවෙල පොලිස්බල ප්‍රදේශයේ ස්ථාන හතරක මහජනයා අනතුරේ හෙළමින් සහ අපහාසුතාවට පත්වන අයුරින් අපරික්ෂාකාරි ලෙස තනි රෝදයෙන් යතුරුපැදි රේස් පැද්ද යතුරුපැදි 16 දෙනකු පොලිසිය බාරයට ගත් බව කඩුවෙල පොලිසිය කියයි.

18 July 2023

කිරි ගව පාලනයට ප්‍රංශයෙන් යුරෝ ලක්ෂ හතක්

ශ්‍රී ලංකාවේ කිරිගව පාලනය සංවර්ධනය සඳහා ප්‍රංශයෙන් යුරෝ ලක්ෂ හතක මුල්‍ය සහයෝගිතාව ලැබුණ බව කෘෂිකර්ම අමාත්‍යාංශය පවසයි.

18 July 2023

පළාත් පාලන නාමයෝජනා අවලංගු කරන්න

පළාත් පාලන මැතිවරණය පවත්වන්නෙ නැතිනම් එම නාමයෝජනා අවලංගු කරන ලෙස පොදුජන පෙරමුණේ කොළඹ දිස්ත්‍රික් මන්ත්‍රී විමල් වීරවංශ මහතා පාර්ලිමේන්තුවේ දී පැවසීය.

18 July 2023

පොලිසියට ගෙනා සැකකරු ලෙඩ වී මරුට

පැමිණිල්ලකට අදාළව ඉංගිරිය පොලිසියට රැගෙන ආ පුද්ගලයකු හදිසියේ රෝගාතුර ව ඉංගිරිය දිසා රෝහලට ඇතුළත් කිරීමෙන් අනතුරුව ඊයේ (17) රාත්‍රී ගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය.

18 July 2023

තාප්පයෙන් පනින් ගිහින් තාප්පයටම යටවේ

අතුරුගිරිය ඔරුවල ප්‍රදේශයේ කර්මාන්ත ශාලාවක තාප්පයෙන් පැනීමට යාමේදී තාප්පය කඩා වැටීමෙන් තාප්පයටම යටවී පුද්ගලයකු අද (17) දින අළුයම මියගොස් ඇතැයි අතුරුගිරිය පොලිසිය පවසයි.

18 July 2023

අම්බලන්ගොඩ ඝාතන රැල්ල වෙනස් කරලා?

අම්බලන්ගොඩ ඌරවත්ත දුම්රිය මාර්ගයේ ඉතා අභිරහස් අයුරින් මිය ගිය තරුණයකුගේ සිරුරක් අද(18) උදේ සොයා ගත් බව අම්බලන්ගොඩ පොලීසිය කියයි.

18 July 2023

පළාත් කීපයකට අදත් පොඩි වැස්සක්

බස්නාහිර, සබරගමුව සහ වයඹ පළාත්වලත් මහනුවර, නුවරඑළිය, ගාල්ල සහ මාතර දිස්ත්‍රික්කවලත් වැසි වාර කිහිපයක් ඇති වන බව කාලගුණ විද්‍යා දෙපාර්තමේන්තුව කියයි.

18 July 2023

මාල කඩන්න ආ සිසුන් 4ක් මාට්ටු

රාජාංගනය යාය 18 ප්‍රදේශයේ පැවති සංගීත සංදර්ශනයක් අතරතුර. රන්මාල කැඩීමට පැමිණි පාසල් සිසුන් සිව් දෙනකු එහි පිරිස් විසින් අත්අඩංගුවට ගෙන ඇතැයි රාජාංගනය පොලිසිය පවසයි.

18 July 2023

බසයක් පෙරළී අයෙක් මරුට:හයක් රෝහලට

ඇල්ල -වැල්ලවාය මාර්ගයේ කරඳගොල්ල ප්‍රදේශයේ දී බස් රථයක් බෝක්කුවකින් පහළට පෙරලීමෙන් එක් අයකු මියගොස් තවත් හය දෙනකු තුවාල ලබා ඇතැයි පොලිසිය කියයි.

18 July 2023

පන්නෙගමු වැව ගොඩකර හෝටල් හදලා

තිස්සමහාරාම, පන්නෙගමුව වැව ප්‍රතිසංස්කරණය නොකිරීම හේතුවෙන් ප්‍රබල දේශපාලනඥයන් ඇතුළු විවිධ පුද්ගලයන් එහි කොටසක අනවසර ඉදිරිකිරීම් සහ වගාවන් සිදු කර ඇතැයි ගොවි සංවිධාන කියයි.

18 July 2023

‘‘කොටසක් ගෙවා පෙරහරට විදුලිය ගන්නවා‘‘

මහනුවර ඇසළ පෙරහර පවත්වනු ලබන කාලය තුළ භාවිත කරන විදුලිය සඳහා වැය වෙතැයි ඇස්තමේන්තු කර ඇති රුපියල් එක් කෝටි තිස් දෙලක්ෂයක මුදල සම්බන්ධයෙන් විදුලිබල මණ්ඩලය සමඟ සාකච්ඡා කර ඉන් යම් කොටසක් පමණක් ගෙවීමට පියවර ගන්නා බව ශ්‍රී දළදා මාලිගාවේ දියවඩන නිලමේ ප්‍රදීප් නිලංග දෑල මහතා පැවැසීය.

17 July 2023

යතුරු පැදිය ලොරිය අස්සේ

හොරණ පොලේගොඩ ප්‍රදේශයේදී යතුරුපැදියක් මාර්ගයෙන් ඉවතට පැන මාර්ගයේ පසෙක අලුත්වැඩියා කටයුතු සඳහා නවතා තිබූ ලොරි රථයක තට්ටුවක ගැටිමෙන් අද(17) දහවල් සිදුවූ අනතුරකින් යතුරුපැදිකරුවකු ජීවිතක්ෂයට පත්ව ඇතැයි අගලවත්ත පොලිසිය පවසයි.

17 July 2023

‘‘ජනපති සමාවට අත පොවන්න අධිකරණයට බලයක් නෑ‘‘

ජනාධිපති සමාව විධායක ජනාධිපති සතු අනන්‍ය බලයක් බවත් එයට මැදිහත් වීමට ශ්‍රේෂ්ඨාධිකරණයට බලයක් නැති බවත් රෝයල් පාර්ක් නඩුවේ විත්තිකරුට ජනාධිපති සමාව දීමට එරෙහිව ගොනුකර තිබූ මූලික අයිතිවාසිකම් පෙත්සම් විභාගයේ දී නීතිපති වෙනුවෙන් පෙනී සිටි අතිරේක සොලිසිටර් ජනරාල් ජනාධිපති නීතිඥ නෙරින් පුල්ලේ මහතා පැවැසීය.

17 July 2023

ඇමැති ඉදිරියේ පොස්පේට් නිලධාරියට ගහන්න හදලා

ප්‍රාථමික කර්මාන්ත රාජ්‍ය අමාත්‍ය චාමර සම්පත් දසනායක මහතා අද (17) එප්පාවල පොස්පේට් සමාගමේ නිරීක්ෂණ චාරිකාවකට පැමිණි අවස්ථාවේ එහි සේවකයකු ඇමැතිවරයා ඉදිරියේ දී විධායක නිලධාරියකුට පහර දීමට උත්සාහ කළේය.

17 July 2023

පඬුකරඳ සිද්ධියට ගම්පහ අඩවින වන නිලධාරියා අධිකරණයට කැඳවයි

මධ්‍යම අධිවේගී මාර්ගය ආසන්නයේ දාරළුව ප්‍රදේශයේ තිබූ පඬුකරඳ ගසක් නීතිවිරෝධීව කපා වළ දැමූ බව කියන සිද්ධිය සම්බන්ධයෙන් කරුණු දැක්වීම සඳහා ලබන 21 වැනිදා අධිකරණයේ පෙනී සිටින ලෙසට නියෝග කරමින් ගම්පහ මහේස්ත්‍රාත් ෆාතිමා සහානා මහ්ජි මහත්මිය ගම්පහ අඩවි වන නිලධාරිවරයාට අද නොතීසි නිකුත් කළාය.

17 July 2023

මෙන්න සැබෑ ගුරුවරු

හෝමාගම මහින්ද රාජපක්ෂ විද්‍යාලයේ හිටපු විදුහල්පති කසුන් ගුණරත්න මහතා තමාට සිසුන්ගේ මවුපියන් දීමට ගිය රුපියල් ලක්ෂ 31 ක මුදල යොදවා එම පාසලට සුහුරු පුස්තකාලයක් ඉදිකිරීමට කටයුතු යෙදූ අතර එම පුස්තකාලය අද (17) ඔහු අතින්ම විවෘත කෙරිණි.

17 July 2023

නිලාවේලි මුහුදේ යන්න ගිය හතරක් බේරා ගැනෙති

වව්නියාව ප්‍රදේශයේ සිට සංචාරයක් සඳහා ත්‍රිකුණාමලයට පැමිණ, නිලාවේලි ගෝපාලපුරම් ප්‍රදේශයෙන් මුහුදට බැස සිටි බාල වයස්කාර දැරියන් තිදෙනකු සහ පිරිමි දරුවකු රළ පහරකට හසු වී, ගසාගෙන යමින් සිටියදී නිරුපද්‍රිතව බේරාගත් බව පොලිස් ජීවිතාරක්ෂක, පොලිස් නාවික සහ සංචාරක දිසාව බාර නියෝජ්‍ය පොලිස්පති ජගත් ෆොන්සේකා මහතා ‘ලංකාදීප’යට පැවැසීය.

17 July 2023

විලංගු දමා කතට පහරදුන් පී.සී රිමාන්ඩ්

කාන්තාවකට අත්විලංගු දමා ලේ වැගිරෙන තුරු පහරදෙමින් වත්තල ප‍්‍රධාන මාර්ගය දිගේ ඇදගෙන ගියේ යැයි කියන සිද්ධියක් සම්බන්ධයෙන් වත්තල පොලීසිය අත්අඩංගුවට ගත් පොලිස් සැරයන්වරයා ලබන 20 වැනිදා තෙක් රිමාන්ඞ් බාරයේ රඳවා තැබීමට වැලිසර මහෙස්ත‍්‍රාත් තුසිත ධම්මික උඩුවවිදාන මහතා අද නියම කළේය.

17 July 2023

අජිත් රෝහණගේ පෙත්සමට දින දෙයි

නීතියට පටහැනිව තමන් නැගෙනහිර පළාතට මාරු කිරීමෙන් තම මූලික අයිතිවාසිකම් කඩවන ලදැයි සඳහන් කරමින් එම මාරුව අවලංගු කරන ලෙස ඉල්ලා ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා ගොනුකර තිබූ මූලික අයිතිවාසිකම් පෙත්සම සලකා බැලීම සඳහා අගෝස්තු මස 3 වනදා කැඳවන ලෙස ශ්‍රේෂ්ඨාධිකරණය නියම කළේය.

17 July 2023

නියඟය වී අක්කර 45000කට බැට දෙයි

නියඟය හේතුවෙන් හම්බන්තොට දිස්ත්‍රික්කයේ අක්කර 45,000ක වී වගාවට හානි සිදුවීමේ අවදානමක් ඇතැයි කෘෂිකර්ම අමාත්‍ය මහින්ද අමරවීර මහතා පවසයි.

17 July 2023

මන්ත්‍රීවරුන්ගේ වරප්‍රසාද කඩවීම් ගැන සොයන්න විශේෂ කාරක සභාවක්

පාර්ලිමේන්තුවේ සහ මන්ත්‍රීවරුන්ගේ වරප්‍රසාද කඩවීමේ සිද්ධි සම්බන්ධයෙන් මැතිවරණ කොමිෂන් සභාව හා සම්බන්ධ කරුණු විමර්ශනය කිරිමට සහ ඒ සඳහා නිර්දේශ ඉදිරිපත් කිරීමට පාර්ලිමේන්තු විශේෂ කාරක සභාවක් පත් කිරීම සම්බන්ධයෙන්වූ යෝජනාවක් පාර්ලිමේන්තුවට හෙට (18) ඉදිරිපත් කිරීමට පාර්ලිමේන්තු කටයුතු පිළිබඳ කාරක සභාවේදී තීරණය කෙරුණු බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.

17 July 2023

කොළඹ වැඩබිමක් මහ දවාලේ කොල්ල කන්න ගොස් වැඩ වරදියි

කොළඹ ගාලුමුවදොර ඉදිකිරීම් භූමියක ආරක්‍ෂකයන්ට ආයුධ පෙන්වා භයකර යකඩ ඇතුළු භාණ්ඩ තොගයක් රැගෙන යමින් සිටි පුද්ගලයන් දෙදෙනෙක් අද (17) දහවල් පොලිසිය අත්අඩංගුවට ගත්තේය.

17 July 2023