ගුටි බැට හුවමාරුවකින් පොලීසියේ දෙකක් ඇතුළු හතරක් රෝහලේ

(සුමිත් පොතුපිටිය) 

යතුරුපැදියක් පරීක්ෂා කිරීමට යාමේදී ඇතිවූ කතාබහක් දුරදිග යාමෙන් සිදුවූ ගුටිබැට හුවමාරුවකින් පසු පොලිස් නිළධාරීන් දෙදෙනෙකු සහ යතුරුපැදියේ පැමිණි පුද්ගලයන් දෙදෙනෙකු රෝහල් ගතකර ඇති බව පානදුර දකුණ පොලිසිය පවසයි .

මෙසේ රෝහල් ගතකර ඇත්තේ පානදුර කොට්ඨාස රථවාහන අංශ නිළධාරීන් දෙදෙනෙකු සහ යතුරුපැදියේ පැමිණි පානදුර අවට පදිංචි පුද්ගලයන්  දෙදෙනෙකු බව පොලිසිය කීය.

පහරකෑ පොලිස් නිළධාරීන් දෙදෙනා  මධ්‍යම රාත්‍රි 12.10 ට පමණ පානදුර වලාන පාළම ආසන්නයේ රථවාහන අංශ රාජකාරි යෙදී සිට ඇති අතර , මොරටුව දෙසින් පානදුර දෙසට  යතුරුපැදියකින්  තිදෙනෙකු පැමිණ ඇති අතර , එය නවතා පරීක්ෂා කිරීමේදී යතුරුපැදියේ පැමිණි දෙදෙනා  කලහකාරී අන්දමින් හැසිරී ඇති බව සදහන් වේ.

පසුව යතුරුපැදියෙන් පැමිණි අයෙක් පොලිස් නිළධාරීයෙකුට පහරදී ඇති බවත් , ඉන්පසු දෙපාර්ශවය අතර ගුටිබැට හුවමාරුවක් සිදුව ඇති බවත් සදහන් වේ.

පසුව පොලිස් නිළධාරීන් දෙදෙනා යතුරුපැදියෙන් පැමිණි දෙදෙනෙකු අත්අඩංගුවට ගෙන ඇති බවත් , එක් අයෙකු පලාගොස් ඇති බවත් පොලිසිය කීය.