ප්‍රාදේශීය පුවත්

තත්ත්ව සහතිකය නැතිව ආරක්ෂිත හිස්වැසුම් විකිණූ 10 කට නඩු

එස්.එල්.එස්.තත්ත්ව සහතිකය නොමැති ආරක්ෂිත හිස්වැසුම් අලෙවි කළ බදුල්ල දිස්ත්‍රික්කයේ වෙළඳසැල් හිමියන් 10 දෙනෙකුට එරෙහිව නඩු පැවරීමට පාරිභෝගික කටයුතු පිළිබඳ අධිකාරියේ බදුල්ල දිස්ත්‍රික් කාර්යාලය පියවර ගෙන තිබේ.

27 February 2020

විදුහල්පතිට තර්ජනය කළ අයෙකු අත්අඩංගුවට ගන්න පරීක්ෂණ

ගුරුවරුන්ගේ වෘත්තීය ක්‍රියා මාර්ගය හේතුවෙන් පාසලට පැමිණි සිසුන් ආපසු නිවෙස් වලට යැවීමට කටයුතු කළැයි චෝදනා කරමින් අද (27) අනුරාධපුර පහළ තලාව විදුහලේ විදුහල්පතිවරයාට බැණ තර්ජනය කර රාජකාරියට බාධා කල පුද්ගලයකු අත්අඩංගුවට ගැනීමට පරීක්ෂණ ආරම්භ කර ඇතැයි තලාව පොලිසිය පවසයි.

27 February 2020

මස්කෙළිය ඔයෙන් මළ සිරුරක් හමුවෙයි

නිවසින් පිටව ගිය තිදරු පියකුගේ සිරුර මස්කෙළිය ඔයේ තිබි අද (27) සොයා ගත් බව මස්කෙළිය පොලිසිය පවසයි.

27 February 2020

බාලවයස්කාර දැරියට අතවර කළ තිදෙනා රිමාන්ඩ්

අනුරාධපුර නගරයේ ළමා නිවාසයකින් පැන ගොස් අනුරාධපුර පැරණි බස් නැවතුම් පලේ අතරමංව සිටි 15 හැවිරිදි බාලවයස්කාර දැරියක් රවටා ගෙන හෝටලයකට රැගෙන ගොස් වරින් වර ඇය බරපතල ලෙස දූෂණය කිරීමේ සිද්ධියක් සම්බන්ධයෙන් තඹුත්තේගම පොලිසිය මගින් සැකපිට අත්අඩංගුවට ගෙන අධිකරණය හමුවට ඉදිරිපත් කළ සැකකරුවන් තිදෙනෙකු ලබන මාර්තු මස 3 වැනිදා දක්වා රිමාන්ඩ් කරන ලෙස තඹුත්තේගම වැඩබලන මහේස්ත‍්‍රාත් කිත්සිරි ද සිල්වා මහතා නියෝග කළේය.

27 February 2020

කරන්දෙණියේ විදුහලක උද්ඝෝෂණයක්

විදුහලේ විදුහල්පතිනිය හිටිහැටියේ කිසිම හේතුවක් නොමැතිව මාරු කලේ යයි කියමින් අද (27 ) දවල් කරන්දෙණිය බන්දුල සේනාධීර ප්‍රාථමික අංශයේ දෙමාපියන් පිරිසක් විදුහල ඉදිරිපිට ප්‍රධාන මාර්ගය අයිනේ සිට උද්ඝෝෂණයක නිරතවූහ.

27 February 2020

ලක්ෂ 5ක ගොඩනැගිලි උපකරණ සොරාගත් දෙදෙනෙකු දැලේ

ආණමඩුව පල්ලම ආයුර්වේද රෝහලේ ප්‍රතිසංස්කරණ කටයුතු සඳහා ගෙනැවිත් තිබු ගොඩනැගිලි ද්‍රව්‍ය සොරාගත් පුද්ගලයන් දෙදෙනෙකු අද ( 27 ) ගිරිබාව වරාවැව ප්‍රදේශයේදි අත්අඩංගුවට ගත හැකි වු බව පල්ලම පොලිසිය කියයි.

27 February 2020

මේසයෙන් ඇදවැටී දරුවෙක් මරුට

නිවසේ මේසය මත සිටියදී ඉන් ඇද වැටීමෙන් මාස හයක කුඩා දරුවකු මිය ගොස් ඇතැයි පොලීසිය කියයි.

27 February 2020

‘බලන්ගොඩ මූලික රෝහලේ භෞත චිකිත්සක ඒකකයට ඉබි යතුරු දමා වහලා’

බලන්ගොඩ මූලික රෝහලේ භෞත චිකිත්සක ඒකකය එක් දින සේවයක් බවට පත්ව ඇත. සතියේ දින 5 ක් සහ සෙනසුරාදා දිනයේ වරුවක් ක්‍රියාත්මක විය යුතු මෙම සේවාව මේ වන විට බදාදා දිනට පමණක් සීමාවී අනික් දිනවල ඉබියතුරු දමා වසා ඇතැයි රෝගීහු පවසති.

27 February 2020

‘ඕපල්ගල රක්ෂිතයේ වන විනාශයට රාජ්‍ය බැංකුවක් වගකිව යුතුයි’

නාඋල ප්‍රාදේශීය ලේකම් කොට්ඨාසයේ - ඕපල්ගල රක්ෂිතයේ සිදුව ඇති වන විනාශයට රාජ්‍ය බැංකුවක් වගකිවයුතු යැයි නාඋල ප්‍රාදේශීය ලේකම් ආත්මා ඩිලුක්ෂි ජයරත්න මහත්මිය කියා සිටියාය.

27 February 2020

රිය අනතුරකින් අයෙක් මරුට

දඹුල්ල ගලේවෙල ප්‍රධාන මාර්ගයේ ඉබ්බන්කටුව ප්‍රදේශයේ දී අද (27) පෙරවරුවේ යතුරුපැදියක් සහ කැබ් රථයක් මුහුණට මුහුණ ගැටීමෙන් යතුරුපැදියේ ගමන්ගත් පැදිකරු මියගොස් ඇතැයි ගලේවෙල පොලිසිය කියයි.

27 February 2020

මාදම්පා රක්ෂිතයේ ගින්නක්

අම්බලන්ගොඩ මාදම්පා රක්ෂිතයේ අද (26) රාත්‍රීයේ ගින්නක් හටගෙන ඇතැයි ප්‍රදේශවාසීහු පැවසූහ.

27 February 2020

ගල් ඉබ්බන් විකිණීමට ගිය දෙදෙනෙකු අත්අඩංගුවට

ආරක්ෂිත සතුන් වන ගල් ඉබ්බන් සහ කිරි ඉබ්බන් විකිණීමට ගිය පුද්ගලයන් දෙදෙනෙකු අද(26) ජා ඇල තුම්මෝදර සහ පස්යාල කලල්පිටිය ප්‍රදේශවලදී අත්අඩංගුවට ගත් බව වනජීවි සංරක්ෂණ දෙපාර්තමේන්තුවේ බස්නාහිර පළාත් කාර්යාලය පවසයි.

26 February 2020

බෙරගල මාර්ග රක්ෂිතයේ ගින්න නිවාදමයි

බෙරගල හපුතලේ ප්‍රධාන මාර්ගයත් බෙරගල වැල්ලවාය ප්‍රධාන මාර්ගයත් අතර රක්ෂිතයේ අද (26) ඇති වූ හදිසි ගින්නක් බණ්ඩාරවෙල නගර සභා ගිනි නිවන ඒකකය මඟින් නිවා දැමූ බව හපුතලේ පොලීසිය කියයි.

26 February 2020

දියේ ගිලී සිසුවෙක් මරුට

ගිං ගඟේ මුල්කඩපාලම අසළ දිය නෑමට ගිය පාසල් සිසුවකු දියේ ගිලී අද (26) මියගොස් ඇති බැව් බද්දේගම පොලිසිය පවසයි.

26 February 2020

මධ්‍යම සංස්කෘතික අරමුදලේ සේවකයෝ අපුරේ විරෝධයක

නව වැටුප් ක්‍රමය 2020 ජනවාරි සිට ක්‍රියාත්මක කරන ලෙසත් 2019 වසරේ ප්‍රසාද දීමනාව ලබා දෙන ලෙසත් ඉල්ලා මධ්‍යම සංස්කෘතික අරමුදලේ සේවකයෝ අද(26) අනුරාධපුර ඩී.එස්.සේනානායක වටරවුම ඉදිරිපිට උද්ඝෝෂණයක නිරත වූහ.

26 February 2020

විල්පත්තු මායිමේ තවත් අක්කර 1500ක ව්‍යාපෘතියක්

විල්පත්තු ජාතික වන උද්‍යානයේ දකුණු මායිමේ ස්වාරක්ෂිත කලාපයේ අක්කර 1500 ක කෝමාරිකා වගාවක් සඳහා යැයි කියමින් අනවසරයෙන් එළිපෙහෙළි කර සංවර්ධන කටයුතු කර ඇතැයි පරිසරවේදීහු චෝදනා කරති.

26 February 2020

හබරාදූව පොක්කුලු කන්දේ ගින්නක්

හබරාදූව මීපේ පොක්කුලු කන්දේ අද(26) ගින්නක් හටගෙන ඇතැයි හබරාදූව පොලිසිය කියයි.

26 February 2020

සීගිරියේ උද්ඝෝෂණයක්

මධ්‍යම සංස්කෘතික අරමුදලේ සීගිරි ව්‍යාපෘති කාර්යාලයේ සේවකයෝ පිරිසක් අද (26 ) පස්වරුවේ සීගිරිය පිවිසුම් මාර්ගය ඉදිරිපිට විරෝධතාවයක නිරත වූහ.

26 February 2020

වංචනිකව ජලය ගෙන මණ්ඩලයට පාඩු කළ 5 කට දඩ

නීති විරෝධී ලෙස ජලය ලබාගෙන ජාතික ජල සම්පාදන හා ජල ජලාපවහන මණ්ඩලයට රුපියල් රුපියල් ලක්ෂයකට ආසන්න අලාභයක් සිදුකීරිමේ සිද්ධියක් සම්බන්ධයෙන් මාලිගාකන්ද අධිකරණය හමුවේ වරද පිළිගත් මට්ටක්කුලිය ෆර්ගියුසන් පාරේ 219 වත්තේ නිවැසියන් 6 දෙනෙකුට මාලිගාකන්ද ප‍්‍රධාන මහේස්ත‍්‍රාත් කෝසල සේනාධීර මහතා අද (26) තරයේ අවවාද කරමින් රුපියල් 5000 බැගින් වු දඩ සහ අදාළ අලාභ මුදල ගෙවීමට නියෝග කළේය.

26 February 2020

දක්ෂිණ අධිවේගී මඟේ ගොඩගම-මත්තල කොටසින් දින දෙකකදී ලක්ෂ 35 ක ආදායමක්

දක්ෂිණ අධිවේගී මාර්ගයේගොඩගම සිට මත්තල දක්වා කොටස විවෘත කිරීමෙන් අනතුරුව 24 වැනි දින මධ්‍යම රාත්‍රී 12 ත් ඊයේ (25) මධ්‍යම රාත්‍රී 12ත් අතර කාලයේදී ධාවනය වී ඇති වාහන වලින් රුපියල් ලක්ෂ 35 ක පමණ ආදායමක් උපයා ඇතැයි මාර්ග සංවර්ධන අධිකාරිය කියයි.

26 February 2020

පෙරළුණු යාත්‍රාවේ සිටි ධීවරයන් පස්දෙනා බේරාගැනේ

කුඩාවැල්ල ධීවර වරාය ආසන්නයේදී බහුදින යාත්‍රාවක් පෙරළීමෙන් දියේ ගිලුණු ධීවරයන් පස්දෙනා සුරක්ෂිතව බේරාගැනීමට වරායේ සිටි තවත් ධීවරයන් පිරිසකට අද(26) හැකි වූ බව තංගල්ල මූලස්ථාන පොලිසිය කියයි.

26 February 2020

කොන්ත්‍රාත්කරුවෝ ගාල්ලේ උද්ඝෝෂණයක

පසුගිය රජයේ ගම්පෙරලිය වැඩ සටහන යටතේ කරන ලද කොන්ත්‍රාත්වල මුදල් ලබාදෙන ඉල්ලා කොන්ත්‍රාත්කරුවෝ පිරිසක් අද (26) ගාල්ල දිස්ත්‍රික් ලේකම් කාර්යාලයේ ප්‍රධාන දොරටුව ඉදිරිපිට උද්ඝෝෂණයක නිරතවුහ.

26 February 2020

ගාල්ලේ විදුහලක විරෝධතාවක්

ගාල්ල , කතලුව ජාතික පාසලේ දැනට සේවයේ නියුක්ත විදුහල්පතිවරයා ධූරයෙන් ඉවත් කර වෙනත් විදුහල්පතිවරයෙකු මෙම විද්‍යාලයට පත් කිරීමට විරෝධය පළ කරමින් සිසු සිසුවියන්ගේ දෙමාපියන් ආදි සිසුන් ප්‍රදේශවාසීන් ඇතුළු විශාල පිරිසක් අද (26) ගාල්ල මාතර පාරේ කතලුව මංසන්ධියේ දී උද්ඝෝෂණයක නිරත වූහ.

26 February 2020

අබලි ගොඩනැගිලි ද්‍රව්‍ය කළු ගං ඉවුරට මුදාහැරලා

රත්නපුර නගරයේ මුවගම පාලමට ඉහළින් කළු ගඟේ ඉවුරට ගොඩනැගිලි වලින් කඩා ඉවත්කළ කොන්ක‍්‍රීට්, හුණු මිශ‍්‍ර බදාම ද්‍රව්‍ය, ලී, කඩදාසි, ප්ලාස්ටික්, ඉටිකොළ වැනි නොදිරන අපද්‍රව්‍ය ටිපර් පිටින් ගෙනත් දැමීම හේතුවෙන් කළු ගඟේ ජලය දැඩි ලෙස අපවිත‍්‍ර වන බව ප‍්‍රදේශවාසීහූ පෙන්වා දෙති.

26 February 2020

මාතලේ කොන්ත්‍රාත්කරුවන්ට ලක්ෂ 2570 ක පොල්ලක්

පසුගිය රජය සමයේ 2019 වසරේදී වැඩ අවසන් කළ ව්‍යාපෘති 1933ක අතැති බිල්පත් වශයෙන් රුපියල් ලක්ෂ 2570 ක මුදලක් අදාළ කොන්ත්‍රාත්කරුවන්ට ගෙවීමට ඇති බව මාතලේ දිස්ත්‍රික් ලේකම් කාර්යලයීය සැලසුම් අංශය කියයි.

26 February 2020

වෛද්‍යවරයෙකුට පහරදුන් තිදෙනෙක් අත්අඩංගුවට

වැල්ලවාය ඌව කුඩාඹය ප්‍රදේශයේ ඇති වෛද්‍ය මධ්‍යස්ථානයකදී වැල්ලවාය මූලික රෝහලේ වෛද්‍යවරයෙකුට පහරදුන් තරුණයින් තිදෙනෙකු අද (25) අත්අඩංගුවට ගත් බව කුඩාඹය පොලිසිය පැවසීය.

25 February 2020

ව්‍යාජ බැංකුවක් පවත්වාගෙන පුද්ගලයකු උඩුගමින් අත්අඩංගුවට

නීත්‍යනුකූල බලපත්‍රයක් නොමැතිව මහජනතාවගෙන් මුදල් තැන්පතු ලබා ගනිමින් හෝමදොල සමූපකාරය අසල ව්‍යාජ බැංකුවක් පවත්වාගෙන ගිය පුද්ගලයකු අද (25) සැකපිට අත් අඩංගුවට ගත් බව උඩුගම පොලීසිය කියයි.

25 February 2020

බණ්ඩාරවෙල පාසලක මුදල් අයකැමිවරයකුට සිරදඬුවම්

පහසුකම් ගාස්තු සහ ශිෂ්‍ය නේවාසික ගාස්තු ලෙස වසර තුනක කාලයකදී පාසලට ලැබුණු රුපියල් ලක්ෂ 30 අධික මුදලක් සාපරාධි පරිහරණය කිරීමේ චෝදනාවකට වරදකරු වූ බණ්ඩාරවෙල ප‍්‍රදේශයේ පාසලක මුදල් අයකැමි ලෙස කටයුතු කළ සුනිල් ධම්මික සෝමසුන්දර නැමැත්තාට වසර 3 1/2 ක සිරදඬුවම් නියම කරමින් අභියාචනාධිකරණ ලබා දුන් තීන්දුව ශ්‍රේෂ්ඨාධිකරණය විසින් තහවුරු කරනු ලැබීය.

25 February 2020