එසැණ පුවත්

හිටපු කොටි කතක් වැල්ලවායෙන් අල්ලයි

වැල්ලවාය කොටවෙහෙරගල ප්‍රදේශයේදි එල්.ට්.ට්.ඊ සංවිධානයේ පුර්ණ කාලින සමාජිකාවක්ව සිටි කාන්තාවක් ඇතුළු සිව් දෙනෙකු අත් අඩංගුවට ගත්බව වැල්ලවාය පොලිසිය පවසයි.

14 March 2017

මුහුදු කොල්ලකරුවන් පැහැරගත් නැවේ ශ්‍රී ලාංකිකයෝ 8 ක්

ශ්‍රී ලංකා ධජයක් සහිත ඉන්ධන ප්‍රවාහන නෞකාවක් සෝමාලි මුහුදු කොල්ලකරුවන් විසින් පැහැර ගෙන ගොස් තිබෙන අතර එහි කාර්ය මණ්ඩලයේ 8 දෙනකු ශ්‍රී ලාංකිකයන් බව වාර්තාවේ. මේ සම්බන්ධයෙන් තවදුරටත් තොරතුරු ලබා දෙන ලෙසට ආදාල ශ්‍රී ලංකා දූත මණ්ඩල වලට දැන්වු බව විදේශ කටයුතු අමාත්‍යාංශ ප්‍රකාශිකා මහිෂිනි කොළොන්නේ පැවසුවාය.

14 March 2017

බැසිල්ට නඩේසන්ට මැයි 3 දා උසාවි එන්න නොතීසි

දොම්පේ මල්වානේ ඉඩමක් මිලදී ගැනීමට අදාළව මුදල් විශුද්ධිකරණ පනත යටතේ හිටපු අමාත්‍ය බැසිල් රාජපක්ෂ මහතාට හා තිරු කුමාර් නඩේෂන් මහතාට එරෙහිව නීතීපතිවරයා ගොනු කර ඇති නඩුවට අදාළව මැයි 03 වැනි දා මහාධිකරණය හමුවේ පෙනී සිටින ලෙස ගම්පහ මහාධිකරණ විනිසුරු ප්‍රියන්ත ප්‍රනාන්දු මහතා රාජපක්ෂ මහතාට හා නඩේෂන් මහතාට අද(14) නොතීසි නිකුත් කළේය.

14 March 2017

අවසන් වසර පරීක්ෂණය පෙනි පෙනී දිවියෙන් සමුගනී

කොතලාවල ආරක්ෂක විශ්ව විද්‍යාලයේ සිසුන් දෙදෙනකු ගමන් කළ යතුරුපැදිය වේරහැර වැලිපාරේ දී සුඛෝපභෝගී රියක හැපීමෙන් එක් සිසුවකු මියගොස් අනෙක් සිසුවා බරපතල තුවාල ලබා ඇතැයි පොලිසිය කියයි.

14 March 2017

දිලිප් වෙදආරච්චිගේ ඡායාරූපය නැතිවීම ප්‍රශ්නයක් වෙයි

අම්බලන්තොට මහා විදුහලේ ඉඳිකරන ලද තාක්ෂණික ගොඩනැගිල්ලට අදාළ නාම පුවරුවක අම්බලන්තොට ප්‍රාදේශීය සම්බන්ධීකරණ කමිටුවේ සම සභාපති ධීවර රාජ්‍ය ඇමැති දිලිප් වෙදආරච්චි මහතාගේ ඡායාරූපය ඇතුළත් කර නැත්තේ ඇයිදැයි නිවාස හා ඉඳිකිරීම් අමාත්‍ය සජිත් ප්‍රේමදාස මහතාගේ සම්බන්ධීකරණ ලේකම් දමිත් මහතා සම්බන්ධීකරණ කමිටුවේදී ප්‍රශ්න කළේය.

14 March 2017

මාර්ග සංඥා පුවරු ගලවාගෙන ගොස් කොත්තු රොටි ගසති

හම්බන්තොට දිස්ත්රිරක්කයේ මාර්ග රැසක මාර්ග සංඥා පුවරු ගලවාගෙන ගොස් කොත්තු රොටී ගැසීමට යොදාගෙන ඇති බව හම්බන්තොට පළාත් මාර්ග සංවර්ධන අධිකාරියේ ප්රාාදේශීය ඉංජිනේරු ඩී.සී ලයනල් මහතා අම්බලන්තොට ප්රා දේශීය සම්බන්ධීකරණ කමිටු රැස්වීමේ දී (13) කීවේය.

14 March 2017

රජය වෙනුවෙන් ගයන්ත සමාව ගනී

හෙළ විරුවන් 18 දෙනෙකු දේශප්‍රේමීන් ලෙස නම් කිරීම සදහා මහනුවර පැවති උත්සවයේදී ශ්‍රී ලංකා රාමඤ්ඤ මහා නිකායේ මහානාහිමි නාපාන පේමසිරි හිමියන්ට ආරක්ෂක අංශ වෙතින් සිදුවූ බව කියන අගෞරවය සම්බන්ධයෙන් රජය වෙනුවෙන් සමාව ගන්නා බව ජනමාධ්‍ය සහ පාර්ලිමේන්තු කටයුතු අමාත්‍ය ගයන්ත කරුණාතිලක මහතා පැවසීය. සිද්ධිය ගැන කනගාටුවට පත්වූ බවත් නොදැනුවත්කම නිසා මෙම අඩුපාඩුව සිදුව ඇති බවත් ඒ මහතා කීවේය

14 March 2017

හෙරොයින් එක්ක අඹුසැමි යුවලක් පොලිස් දැලේ

වවුනියාව නගරයේ පාසල් හා රාජ්‍ය ආයතන ආසන්නයේ හෙරොයින් මත්කුඩු ජාවාරම් නිරතවූ අඹුසැමි යුවලක් ඇතුළු තිදෙනකු හෙරෝයින් සමඟ අද (14) වවුනියාව නගරයේදී අත්අඩංගුවටගත් බව වවුනියාව පොලිසිය කියයි.

14 March 2017

කොස් මල්ලී 16 දා දක්වා රිමාන්ඩ්

අංගොඩ ලෙක්කා නමැති පාතාල නායකයාගේ ගෝලයකු වූ සුරංග කුමාර (රත්තරං) මුල්ලේරියාව කැළණීමුල්ල ප‍්‍රදේශයේදී වෙඩිතබා ඝාතනය කිරීමට අධාර අනුබල දුන් බව කියන ශාන්ත කුමාර (කොස් මල්ලී) ලබන 16 තෙක් රිමාන්ඩ් කරන ලෙස කොළඹ අතිරේක මහෙස්ත‍්‍රාත් බුද්ධික ශි‍්‍ර රාගල මහතා අද (13) නියෝග කළේය.

13 March 2017

ශ්‍රී ලංකාවට කාල දිගුවක් දීමේ යෝජනාව සභාගත කරයි

ශ්‍රී ලංකාව සම්බන්ධයෙන් ඉදිරිපත්ව තිබූ එක්සත් ජාතීන්ගේ යෝජනාව ක්‍රියාත්මක කිරීම සඳහා ශ්‍රී ලංකාවට තවත් වසරක කාලයක් ලබා දිය යුතු බවට වන නව යෝජනාවේ මූලික කෙටුම්පත අද(13) එක්සත් ජාතීන්ගේ මානව හිමිකම් කවුන්සිලය හමුවේ සභාගත කළ බව ජිනීවා හි තානාපති ආරංචි කියයි.

13 March 2017

අභියාචනාධිකරණය සයිටම් වෙනුවෙන් දුන් තීන්දුවට එරෙහිව ඇපෑලක්

මාලබේ පෞද්ගලික වෛද්‍ය විද්‍යාලයෙන් ( සයිටම් ) උපාධිය ලබා පිටවන සිසුන්ට වෛද්‍ය වෘත්තිකයින් ලෙසට ලියාපදිංචි වීමට නීතිමය අයිතියක් ඇති බවට තීන්දු කරමින් දෙන ලද අභියාචනාධිකරණ තීන්දුව අභියෝගයට ලක් කරමින් ශ්‍රී ලංකා වෛද්‍ය සභාව අද (13) ශ්‍රේෂ්ඨාධිකරණය හමුවේ ඇපෑලක් ගොනු කළේය.

13 March 2017

25,000 ක අල්ලසකට වසර 10ක් හිරේ

බේකරි හිමියකුගෙන් රුපියල් 25,000ක අල්ලසක් ලබා ගැනීමේ චෝදනාවට වරදකරු වු අනුරාධපුර කම්කරු කාර්යාලයේ ක්ෂේත්‍ර නිලධාරකුට වසර 10ක බරපතල වැඩ සහිත සිර දඬුවමක් නියම කළ කොළඹ මහාධිකරණ විනිසුරු ගිහාන් කුලතුංග මහතා ඔහුට රුපියල් 40,000ක දඩයක්ද නියම කළේය.

13 March 2017

නැගෙනහිර වෙරළ සංරක්ෂණ ව්‍යාපෘතියෙන් ඩොලර් ලක්ෂ 13 ක ඉතිරියක්

නැගෙනහිර වෙරළ සංරක්ෂණය කිරීමට ආරම්භ කළ වෙරළ කලාප ප‍්‍රතිෂ්ඨාපනය සහ තිරසාර කළමනාකරණ ව්‍යාපෘතියේ වැඩ 95 % ක් පමණ අවසන් බව වෙරළ සංරක්ෂණ දෙපාර්තමේන්තුවේ අධ්‍යක්ෂ ජනරාල් බී. කේ. ප‍්‍රභාත් චන්ද්‍රකීර්ති මහතා පැවසීය.

13 March 2017

තාප්පයක් කඩා වැටී දැරියක් මරුට

රත්නපුර බෝධිරාජාරාමයේ විහාරස්ථානයේ තාප්පයක් කඩාවැටීමෙන් තුවාල ලද දැරියක එම ස්ථානයේදීම මියගොස් ඇත.

13 March 2017

සැකකටයුතු ලෙස හැසිරුණු තැනැත්තා රිමාන්ඩ්

ජනාධිපති මෛතී‍්‍රපාල සිරිසේන මහතාගේ ප‍්‍රධානත්වයෙන් නෙළුම් පොකුණ රගහලේ පැවැත්වීමට නියමිතව තිබූ උත්සවයක පිරිසිදු කිරීමේ කටයුතු සිදුකරමින් සැකකටයුතු ලෙස හැසුරුණු හිටපු කොටි සාමාජිකාවකගේ සොහොයුරකු ලබන 17 තෙක් රිමාන්ඩ් කරන ලෙස කොළඹ ප‍්‍රධාන මහේස්ත‍්‍රාත් ලාල් රණසිංහ බණ්ඩාර මහතා අද (13) නියෝග කළේය.

13 March 2017

නියෝජ්‍ය ඇමැතිගේ ලේකම් 83 හැවිරිදි මව මහමග දමා යයි

නියෝජ්‍ය ඇමැතිවරයකුගේ ලේකම්වරයකු වන තම වැඩිමහල් පුතා නවම් පෝදා රාත්‍රියේ පන්නිපිටිය මොරකැටියේ දී තමාව මහ මග දමා ගිය බව කියමින් මවක් (83) කොට්ටාව පොලිසියට පැමිණිල්ලක් කර ඇත.

13 March 2017

සියලුම මගීන්ට ප්‍රවේශ පත් අනිවාර්ය කෙරේ

ලබන 15 වැනි දා සිට බස්නාහිර පළාතේ පෞද්ගලික බස්රථවල ගමන් කරන මගීන් ප්‍රවේශ පත්‍රයක් ළඟ තබා ගැනීම අනිවාර්ය කෙරේ. මගීන්ට ප්‍රවේශපත්‍ර නිකුත් කිරිම ද කොන්දොස්තරවරුන්ට අනිවාර්ය කෙරෙන බව බස්නාහිර පළාත් මාර්ගස්ථ මගී ප්‍රවාහන අධිකාරියේ සභාපති තුසිත කුලරත්න මහතා පවසයි.

13 March 2017

වෘත්තීය ක්‍රියාමාර්ගය අසාර්ථක යයි සමන් කියයි

රාජ්‍ය සේවා එක්සත් හෙද සංගමයේ වෘත්තිය ක්‍රියාමාර්ගය ඒකාබද්ධ විපක්ෂයට සහාය පළකිරීමේ අරමුණෙන් දියත් කළ මුළුමනින්ම අසංවිධානාත්මක එකක් යැයි රජයේ හෙද නිලධාරින්ගේ සංගමයේ සභාපති සමන්ත රත්නප්‍රිය මහතා කොළඹ දී අද (13) පැවැති ප්‍රවෘත්ති සාකච්ඡාවකදී පැවැසීය.

13 March 2017

සුමන්තිරන් ඝාතනය සැලසුම් කළ කොටි 5 දෙනා තවදුරටත් රිමාන්ඩ්

දෙමළ ජාතික සන්ධාන පාර්ලිමේන්තු මන්ත්‍රී එම්.ඒ.සුමන්තිරන් මහතා ඝාතනය කිරීමේ සැලසුමකට සම්බන්ධ වූ බව කියන හිටපු කොටි සාමාජිකයින් පස් දෙනා ලබන 22 වැනි දා තෙක් තවදුරටත් රක්ෂිත බන්ධනාගාර ගතකර තබන ලෙස කිලිනොච්චිය මහේස්ත්‍රාත් ඒ.ආනන්දරාජා මහතා අද(13) නියෝග කළේය.

13 March 2017

සියදිවි නසාගත් කැඩෙට් නිලධාරියාගේ සිරුර ගොඩගනී

දියතලාව යුද හමුදා කඳවුරේ ශිෂ්‍ය භට පුහුණු කඳවුරේදී සියදිවි නසාගත් බව කියන තරුණයාගේ සිරුර අද (13) වැලිවේරිය පොදු සුසාන භූමියේ දී අද ගොඩගනු ලැබීය.

13 March 2017

සයිටම් විරෝධී බැනර් ඉවත් කරන්නැයි දෙමාපිය සංසදයෙන් පොලිස්පතිට ලිපියක්

රාජ්‍ය ආයතන හා රෝහල් පරිශ්‍රවල ප්‍රදර්ශනය කෙරෙන සයිටම් විරෝධී බැනර් ඉවත් කරන ලෙස පොලිස්පතිවරයාගෙන් ඉල්ලමින් මාලබේ සයිටම් ආයතනයේ දෙමාපිය සංසදය අද (13) පොලිස් මූලස්ථානයට ලිපියක් බාරදුන්නේය.

13 March 2017

රූපවාහිනි සංස්ථාවේ හිටපු සභාපති ඇතුළු තිදෙනාට එරෙහි නඩුව කල්යයි

පසුගිය ජනපතිවරණ සමයේ දී රූපවාහීනි සංස්ථාවේ සේවකයන් සිව් දෙනෙකුට බැන තර්ජනය කර පහර දුන්නැයි රූපවාහීනි සංස්ථාවේ හිටපු සභාපති ආරියරත්න ඇතුගල , ඇතුළු තිදෙනකුට එරෙහි නඩු සමථ කිරීමට හැකිද යන්න කොළඹ මහේස්ත්‍රාත් අධිකරණය අද (13) සලකා බැලීය.

13 March 2017

අවතැන් වූවන් විදුහලෙන් ඉවත් කරන්නැයි දෙමව්පියෝ ඉල්ලති

අරණායක රහල බටහිර කනිෂ්ඨ විද්‍යාලයේ ඉදි කර ඇති අවතැන් කඳවුරු සහ එම අවතැන්ව සිටින ජනතාව ඉවත් කරන ලෙස ඉල්ලමින් එම පාසලෙ සිසුන්ගේ දෙමාපියෝ අද (13) අරණායක රහල මාර්ගය විද්‍යාලය අසලින් හරස් කොට උද්ඝෝෂණයක නිරත වූහ.

13 March 2017

තවත් රාජ්‍ය ආයතන පහක් එන සතියේ කෝප් කාරක සභාවට

රාජ්‍ය ඖෂධ නීතිගත සංස්ථාව හා බණිජ තෙල් නීතිගත සංස්ථාව ඇතුළු තවත් රාජ්‍ය ආයතන පහක් ලබන සතියේ දී පොදු ව්‍යාපාර පිළිබඳ පාර්ලිමේන්තු කාරක සභාවට (කෝප්) කැඳවීමට තීරණය කර ඇත.

13 March 2017

පෞද්ගලික රෝහලේ එන්නතකින් පසුව බිරිය මියගියැයි සැමියාගෙන් පැමිණිල්ලක්

ශල්‍යකර්මයක් සඳහා මහනුවර ප්‍රදේශයේ පෞද්ගලික රෝහලකට ඇතුළත් කළ 25 හැවිරිදි තිදරු මවක එන්තක් ලබා දීමෙන් පසු මිය ගිය බව කියමින් ඇගේ සැමියා පැමිණිලි කර ඇතැයි කටුගස්තොට පොලිසිය කියයි.

13 March 2017

කල්පිටියේ සාම චෛත්‍යයට මුල්ගල තැබෙයි

කල්පිටිය අර්ධද්වීපයේ ඉදිවෙන ප්‍රථම චෛත්‍යය උදෙසා දලුව ශ්‍රී සුමනාරාම විහාරස්ථානයේ දී අද මුල් ගල් තැබීණ. ප්‍රදේශයේ ඉස්ලාම්, කතෝලික සහ හින්දු ආගමික සහජීවනය ප්‍රතිමූර්තිමත් කරමින් ඉදිවන නිසා මෙමචෛත්‍යය කල්පිටි අර්ධදීපයේ සාම චෛත්‍යය ලෙස නම් කර ඇත.

13 March 2017

උතුරු මුහුදේදී ඇල්ලු ඉන්දීය ධීවරයෝ 53 ක් නිදහස්

උතුරු මුහුදට අනවසරයෙන් ඇතුළු වු ඉන්දීය ධීවරයන් 53 දෙනෙකු නිදහස් කිරිමට යාපනය මහේස්ත්‍රාත් එස්.සදීස්කරන මහතා පසුගිය 10 වැනි දා නියෝග කළේය.

13 March 2017

අර්ජුන් මහේන්ද්‍රන් ජනපති කොමිසමට එයි

ශ්‍රි ලංකා මහ බැංකුවේ හිටපු අධිපති අර්ජුන් මහේන්ද්‍රන් මහතා දෙවැනි දිනයටත් අද (13) ජනාධිපති පරික්ෂණ කොමිසම හමුවට කැඳවනු ලැබ සිටී.

13 March 2017