එසැණ පුවත්

මීගමුව බන්ධනාගාර නියාමකවරයා බූස්සට

රිමාන්ඩ් බාරයට පත් මීගමුව බන්ධනාගාරයේ දෙවෙනි පෙල ජේලර් ප්‍රශාද් කාලිංග කලුඅග්ගල නැමැති සැකකරුව බූස්ස සිර කඳවුරේ රඳවා තැබීමට තීරණය කර ඇතැයි බන්ධනාගාර ආරංචි මාර්ග පවසයි.

25 July 2020

දළදා පෙරහරට සමරු මුද්දර 3 ක්

ශ්‍රී ලාංකීය සංස්කෘතියේ වන්දනීය මුදුන් මල්කඩක් ලෙසින් සැලකෙන මහනුවර දළදා පෙරහර මංගල්‍යය නිමිතිකර ගනිමින් ශ්‍රී ලංකා මුද්දර කාර්යාංශය මගින් සමරු මුද්දර 3 ක්, මුල්දින කවර 4 ක් හා සමරු පත්‍රිකා 3 ක් මහනුවර දළදා මාලිගාවේදී අද (25) නිකුත් කෙරිණ.

25 July 2020

මහනුවර පළමු කුඹල් පෙරහර අද

ශ්‍රී දළදා මාලිගාව අබියසින් අද (25) රාත්‍රී 7.13 ට දකුණු දිශාභිමුඛව පිටත් වන පළමු කුඹල් පෙරහර දළදා වීදිය, ඩී.එස්. සේනානායක වීදිය ඔස්සේ පන්සල පාරේ ඉහළට පැමිණ දේව වීදිය, කොළඹ වීදිය, යටිනුවර වීදිය, සේනානායක වීදිය ඔස්සේ ගමන් ගෙන ඉහළට විත් ආපසු පැමිණීමට නියමිත බව මහනුවර ශ්‍රී දළදා මාළිගාවේ දියවඩන නිලමේ ප්‍රදීප් නිලංග දෑල මහතා පැවසීය.

25 July 2020

මීගමුව බන්ධනාගාර නියාමක 29 වැනිදා දක්වා රිමාන්ඩ්

අපරාධ පරික්ෂණ දෙපාර්තමේන්තුවට බාර වු මීගමුව බන්ධනාගාරයේ දෙවෙනි පෙළ ජේලර් ප්‍රශාද් කාලිංග කලුඅග්ගල නැමැති සැකකරු 29 වෙනිදා දක්වා රිමාන්ඩ් බාරයේ තබන ලෙස මීගමුව වැඩ බලන මහෙස්ත්‍රාත් කේ.ජී. ගුණදාස මහතා අද (25) නියම කළේය.

25 July 2020

ෂීල් පෙති සමග අයෙක් අත්අඩංගුවට

අලෙවිය සඳහා රැගෙන යමින් තිබූ රුපියල් ලක්ෂ 15කට අධික වටිනා ෂීල් නැමැති අධිසැර ඩාන්සින් පෙති 305 ක් සමග එක් පුද්ගලයෙකු ගල්කිස්ස බඩඕවිට 5 වැනි අදියරේදී අද (25) ගල්කිස්ස දූෂණ මර්ධන ඒකකය මගින් අත්අඩංගුවට ගෙන ඇතැයි ගල්කිස්ස පොලිසිය කියයි.

25 July 2020

තානාපති දෙවැනි ලේකම්ගේ නිවෙස බිඳී

ඉන්දීය තනාපති කාර්යාලයේ දෙවන ලේකම්වරයාගේ බොරැල්ලේ පිහිටි නිවස සොරු බිඳ රුපියල් තුන් ලක්ෂ අසූ දහසක (3,80,000) මුදලක් සොරා ගෙන ගොස් ඇතැයි බොරැල්ල පොලිසිය කියයි.

25 July 2020

නිරෝධායනය වන පවුල්වල ඡන්ද අයිතිය අනතුරේ

මහජන සෞඛ්‍යය පරීක්ෂකවරුන්ගේ වෘත්තීය ක්‍රියාමාර්ගය හේතුවෙන් නිරෝධායනය වන පවුල්වල ඡන්ද අයිතිය අනතුරේ වැටෙන්නට ඉඩ ඇතැයි නිරීක්ෂණ සංවිධාන පෙන්වා දෙති.

25 July 2020

පලාගිය සුරාබදු පරීක්ෂකවරයා අත්අඩංගුවට

අයිස් මත් කුඩු රැගෙන විත් සුරා බදු නියාමකවරයකුට ලබා දුන් බවට චෝදනා ලැබ සිටින පුත්තලම සුරාබදු කාර්යාලයේ සුරාබදු පරීක්ෂකවරයා අද (24) රාත්‍රී අත්අඩංගුවට ගත් බව පුත්තලම පොලිසය කියයි.

24 July 2020

පුරාවිද්‍යා පනත සංශෝධනයට ජනපතිගේ අවධානය

පුරාවස්තු රැකගනිමින් ජාතික උරුමය තහවුරු කිරීම සඳහා පුරාවිද්‍යා පනත සංශෝධනය කිරීම පිළිබඳව ජනාධිපති ගෝඨාභය රාජපක්‍ෂ මහතාගේ අවධානය යොමු වී ඇත.

24 July 2020

කෝටි 300 ක් වටිනා හෙරොයින් ගැන විධිමත් පරීක්ෂණයක් කරන්න නියෝග

කොල්ලුපිටිය “මරීනා මෝල්” සුපිරි වෙළද සංකීර්ණයේ රථ ගාලේදී රුපියල් කෝටි 300 ක් වටිනා හෙරොයින් කිලෝ 294 ක් සමඟ සැකකරුවන් දෙදෙනකු අත්අඩංගුවට ගැනීමේ සිද්ධිය සම්බන්ධයෙන් විධිමත් පරීක්ෂණයක් සිදුකර වාර්තාවක් අධිකරණය වෙත වහාම ලබා දෙන ලෙසට කොළඹ කොටුව මහේස්ත්‍රාත් රංග දිසානායක මහතා මත්ද්‍රව්‍ය නාශක කාර්යාංශයේ අධ්‍යක්ෂවරයා වෙත අද (24) නියෝග කළේය.

24 July 2020

යකඩ පොල්ලකින් පුද්ගලයෙකුට පහරදුන් ඝාතකයා අත්අඩංගුවට

ඉංගිරිය පහළ ඌරුගල ප්‍රදේශයේ නිවසක් ඉදිරිපිට දී හමුදා කෝප්‍රල්වරයෙකු විසින් යකඩ පොල්ලකින් පහර දී පුද්ගලයෙක් ඝාතනය කර ඇතැයි ඉංගිරිය පොලිසිය කියයි.

24 July 2020

දූෂණයට ලක්ව මියගිය දැරියගේ මව රිමාන්ඩ්

දූෂණයට ලක් කිරීමේන් පසුව මරා දැමූ පුත්තලම ආසිරිගම දැරියගේ මව 29 දින දක්වා රක්ෂිත බන්ධනාගාර ගත කරන ලෙස පුත්තලම දිසා විනිසුරු හා මහෙස්ත්‍රාත් අනුර ඉන්ද්‍රජීත් බුද්ධදාස මහතා අද (24) නියෝග කළේය.

24 July 2020

මීගමු බන්ධනාගාරයේ ජේලර්වරයෙක් සී.අයි.ඩීයට භාරවෙයි

මීගමුව බන්ධනාගාරය තුළ සිදුවූ දූෂණ ක්‍රියාවන් සම්බන්ධයෙන් සිදුකරන විමර්ශන වලට අදාළව අත්අඩංගුවට ගැනීමට වරෙන්තු නිකුත් වී සිටි මීගමුව බන්ධනාගාරයේ දෙවැනි පෙළ ජේලර්වරයා අපරාධ පරීක්‍ෂණ දෙපාර්තමෙන්තුවට අද (24) පස්වරුවේ පැමිණ බාරවී ඇතැයි වාර්තාවේ.

24 July 2020

බාලවයස්කාර දරුවකුට බලෙන් කසිප්පු පෙවූ සැකකරු රිමාන්ඩ්

හල්දුම්මුල්ල නීඩ්වුඩ් වත්තේ අවුරුදු 8 ක දරුවකුට බලෙන් කසිප්පු පොවා සැඟව සිටි බව කියන පුද්ගලයා සැකපිට අත්අඩංගුවට ගෙන අද (24) බණ්ඩාරවෙල මහේස්ත්‍රාත් අධිකරණය හමුවට ඉදිරිපත් කළ අතර සැකකරු මෙම මස 30 වැනිදින දක්වා රක්ෂිත බන්ධනාගාර ගත කරන ලෙස බණ්ඩාරවෙල මහේස්ත්‍රාත් කීර්ති කුඹුරුහේන මහතා නියෝග කළේය.

24 July 2020

රිෂාඩ් - රවී ගැන විමර්ශන මැතිවරණයට බාධා නොවන පරිදි සංශෝධනය කෙරේ

අපරාධ පරීක්ෂණ දෙපාර්තමේන්තුවේ පවතින විමර්ශනවලට අදාළව ප්‍රකාශ ලබා දීම සඳහා හිටපු අමාත්‍ය රිෂාඩ් බදියුදීන් මහතාට සහ රවී කරුණානායක මහතාට අධිකරණයේ ලබා දී තිබූ නියෝග විමර්ශනවලට සහ මැතිවරණ කටයුතුවලට බාධා නොවන පරිදි සංශෝධනය කිරීමට කොළඹ කොටුව මහේස්ත්‍රාත් රංග දිසානායක මහතා අද (24) තීරණය කළේය.

24 July 2020

පී.සී.ආර් පරීක්ෂණ දීපව්‍යාප්තව සිදුකිරීමට සැලැස්මක්

කෝවිඩ් 19 වයිරසය ආසාදිත වූවන් හඳුනා ගැනීමේ පී.සී.ආර් පරීක්ෂණ දීපව්‍යාප්තව සිදුකිරීම සඳහා දිස්ත්‍රික්ක මට්ටමින් සැලැස්මක් සකස් කර ගෙන යන බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා ලංකාදිපයට පැවසීය.

24 July 2020

වෙලේ සුදාට විශේෂ ආරක්ෂාවක් ලබා දෙන්නැයි නියෝග

හෙරොයින් නඩුවක් සම්බන්ධයෙන් මරණීය දණ්ඩනය නියමව සිටින ගම්පොල විදානගේ සමන්ත කුමාර නොහොත් ‘වෙලේ සුදා’ යන අයට බන්ධනාගාරය තුළදී විශේෂ ආරක්ෂාවක් ලබා දෙන ලෙස කොළඹ ප්‍රධාන මහේස්ත්‍රාත් ලංකා ජයරත්න මෙනෙවිය බූස්ස බන්ධනාගාර අධිකාරීවරයා වෙත නියෝග කළාය.

24 July 2020

ජංගම දුරකථනය ක්‍රියාත්මකව තිබීමෙන් සත්‍යය වසංවෙයි

මීගමුව බන්ධනාගාරය තුළ සිදුවූ දූෂණ හා විෂමාචාර ක්‍රියාවන් සම්බන්ධයෙන් බන්ධනාගාර මූලස්ථානයේ සිදුකළ විනය පරීක්‍ෂණයේදී එහි එක් නිලධාරියකු සිය ජංගම දුරකථනය ක්‍රියාත්මක කොට තිබීම හේතුවෙන් ඇතිවූ බිය නිසා සත්‍ය තොරතුරු හෙළි නොකළ බව බන්ධනාගාර නිලධාරීන් පිළිගෙන ඇතැයි නීතීපතිවරයා නියෝජනය කරමින් පෙනී සිටි නියෝජ්‍ය සොලිසිටර් ජනරාල් දිලීප පීරිස් මහතා මීගමුව වැඩබලන මහෙස්ත්‍රාත් ඉන්දික සිල්වා මහතාට දැනුම් දී ඇත.

24 July 2020

කැස්බෑව හෝටල් හිමි ඝාතනයේ සැකකරුවන් රිමාන්ඩ්

කැස්බෑව හෝටල් හිමිකරුවකු වූ කෝටිපති ව්‍යාපාරිකයාගේ හිසට පොල්ලකින් පහර දී ඝාතනය කර රන් භාණ්ඩ හා මැණික් කොල්ලකෑමේ සිද්ධිය සම්බන්ධයෙන් අත්අඩංගුවට ගත් සැකකාර හිටපු යුද හමුදා සෙබලා සහ අනෙක් සැකකරු කැස්බෑව අධිකරණයට ඉදිරිපත් කිරීමෙන් අනතුරුව මෙම මම 29 වෙනිදා දක්වා රිමාන්ඩ් බාරයේ තබන ලෙස මහේස්ත්‍රාත් රුචිර වැලිවත්ත මහතා නියෝග කළේය.

24 July 2020

ලොරියට යටවී කාර්මිකයා මරුට

ඇල්පිටිය නගරාසන්නයේ පිහිටි ගරාජයක් තුළ ලොරි රථයක් අලුත්වැඩියා කරමින් සිටියදී එම ලොරි රථයට සවිකර තිබූ ලීවරය ලිස්සා යාමෙන් එම ලොරියටම යටවී කාර්මිකයා මිය ගොස් ඇති බව ඇල්පිටිය පොලිසිය පවසයි .

24 July 2020

මීගමු හිටපු බන්ධනාගාර අධිකාරීගේ වරෙන්තුවේ තීන්දුව සඳුදා

හිටපු මීගමුව බන්ධනාගාර අධිකාරී අනුරුද්ධ සම්පායෝ මහතා අත්අඩංගුවට ගැනීමට නිකුත් කළ වරෙන්තුව ක්‍රියාත්මක කිරීම වළකාලන අතුරු නියෝගය ලබා දෙනවාද නැද්ද යන තීන්දුව ලබන සඳුදා (27) ප්‍රකාශයට පත් කිරීමට අභියාචනාධිකරණය අද (24) නියම කළේය.

24 July 2020

මහජන සෞඛ්‍ය පරීක්ෂකවරු වෘත්තීය ක්‍රියාමාර්ග දැඩි කිරීමට සැරසෙති

මහජන සෞඛ්‍ය පරීක්‍ෂකවරුන්ගේ සංගමයේ ඉල්ලීම් ඉටුකිරීමට රජය කටයුතු නොකරන්නේ නම් සෞඛ්‍ය ක්‍ෂේත්‍රයේ හා වෙනත් ක්‍ෂේත්‍රවල වෘත්තීය සමිති එක්කර ගනිමින් දැඩි වෘත්තීය ක්‍රියාමාර්ග ගැනීමට සූදානම් බව ශ්‍රී ලංකා මහජන සෞඛ්‍ය පරීක්‍ෂකවරුන්ගේ සංගමය පවසයි.

24 July 2020

ආපදාවට පත්වූ කෙන්යානු නෞකාව ගාලු වරායට

දින ගණනක් පුරා සියලු යන්ත්‍ර සම්පූර්ණ අක්‍රීය තත්වයට පත්වීම හේතුවෙන් දකුණු මුහුදේ ආපදාවට පත්ව තිබූ කෙන්යානු ධජය යටතේ ලියාපදිංචි යාත්‍රාවක් නාවික හමුදාව විසින් ආරක්‍ෂිතව ගාල්ල වරාය වෙත රැගෙන පැමිණි බව නාවික හමුදාවේ මාධ්‍ය ප්‍රකාශක කපිතාන් ඉන්දික ද සිල්වා මහතා පවසයි.

24 July 2020

පාස්කු ප්‍රහාරයේ කොමිසම කරතිව්හි අරාබි පාසල බලන්න යයි

පාස්කු ප්‍රහාරය සම්බන්ධ පරික්ෂණ පවත්වන ජනාධිපති කොමිසමේ නිළධාරින් පිරිසක් අද (24) දින වනාතවිල්ලුව කරතිව් අරාබි විද්‍යාලයේ නිරික්ෂණයට ලක්විය.

24 July 2020

ජොන්ස්ටන් ජනාධිපතිටත් - සාටකයටත් මුවාවෙලා වහසිබස් දොඩනවා

අග්‍රාමාත්‍ය මහින්ද රාජපක්ෂ මහතාගේ සාටකයට හා ජානාධිපති ඝෝඨාභය රාජපක්ෂ මහතාගෙ කීර්තියට මුවාවී හිටපු ආමාත්‍ය ජොන්ස්ටන් ප්‍රනාන්දු මහතා විවිධ වහසිබස් දොඩවමින් සිටින බව අපේ ජන බල පක්ෂයේ ජාතික ලයිස්තු අපේක්ෂක ගලගොඩඅත්තේ ඥානසාර හිමියෝ පැවසූහ.

24 July 2020

ඡන්දය සෞඛ්‍ය නීතියට තියන්න අමතර කෝටි 50 ක්

ඉදිරි මහ මැතිවරණය සෞඛ්‍යාරක්ෂක ක්‍රමවේද යටතේ පැවැත්වීමට අමතර කෝටි පනහක පමණ මුදලක් වැයවනු ඇතැයි මැතිවරණ කොමිසම පවසයි.

24 July 2020

නාකොටික් ලොක්කාත් - දෙවැනියාත් ගැන විමර්ශන

පොලිස් මත්ද්‍රව්‍ය නාශක කාර්යාංශයේ නිලධාරීන් කණ්ඩායමක් මත්ද්‍රව්‍ය ජාවාරම්කරුවන් සමග සම්බන්ධකම් පැවැත්වීමේ සිද්ධියේදී මත්ද්‍රව්‍ය නාශක කාර්යාංශයේ හිටපු නියෝජ්‍ය පොලිස්පතිවරයා සහ අධ්‍යක්ෂවරයා වගකීමෙන් ක්‍රියා කළේද යන්න සම්බන්ධයෙන් සොයා බැලීමට පොලිස් මූලස්ථාන විශේෂ විමර්ශන ඒකකය පරීක්ෂණයක් ආරම්භ කර ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතා ඊයේ (23) පැවසීය.

24 July 2020

තලවිල මංගල්‍ය බැතිමතුන්ට සීමා කරයි

කතෝලික බැතිමතුන්ගේ නොමද ගරු බුහුමනට ලක්වන, ශ්‍රී ලංකාවේ ප්‍රකට කතෝලික දේවස්ථානයක් වන තලවිල ශාන්ත ආනා දේවස්ථානයේ වාර්ෂික මංගල්‍ය මෙවර සීමිත බැතිමතුන් සංඛ්‍යාවකගේ සහභාගීත්වයෙන් පැවැත්වෙන බව ශාන්ත ආනා දේවස්ථානයේ මීසම් පාලක ලයිලි ප්‍රනාන්දු පියතුමා නිවේදනය කර සිටියි.

24 July 2020