අපනයන පාලකවරයාගේ උපදෙසින් රසායනික තොගයක් නිදහස් කරයි

(යොහාන් භාසුර)

රසායනික පොහොර ආනයනය තහනම් කිරීම හේතුවෙන් කොළඹ වරායෙන් නිදහස් කර ගැනීමට නොහැකිව තිබූ ආනයනික රසායනික ද්‍රව්‍ය තොගය නිදහස් කරන ලෙස ආනයන සහ අපනයන පාලකවරයා උපදෙස් දී ඇති බව රේගු දෙපාර්තමේන්තු ආරංචි මාර්ග සඳහන් කරයි.

රජය පසුගිය අපේ‍්‍රල් මස අගදී පැනවූ එම තහනම හේතුවෙන් රුපියල් කෝටි ගණනක් වටිනා රසායකින ද්‍රව්‍ය අඩංගු ආනයනික බහලූම් 50 කට ආසන්න සංඛ්‍යාවක් වරායේ හිරවී තිබූ බවත් ආනයන සහ අපනයන පාලකවරයාගේ මෙම උපදෙස් සමඟ ඉදිරි දින කීපයේදී එම බහලූම් නිදහස් කරනු ඇතැයි ද රේගුව සඳහන් කරයි.

රසායනික පොහොර, පළිබෝධනාශක සහ වල්නාශක ආනයනය කිරීම තහනම් කිරීමට රජය තීරණ කිරීමත් සමඟ රසායනික ද්‍රව්‍ය ආනයනය කිරීමට නිකුත් කර තිබූ සියලූම බලපත‍්‍ර අවලංගු වීමෙන් මෙම රසායනික ද්‍රව්‍ය තොගය නිදහස් කරගැනීමට නොහැකි විය.

කෘෂිකාර්මික නොවන කර්මාන්ත සඳහා රසායනික ද්‍රව්‍ය ආනයනය කිරීමට අදාළ බලධාරීන්ගේ පූර්ව අනුමැතිය මත අවසර ලබාදීමට ආනයන හා අපනයන පාලක දෙපාර්තමේන්තුව පසුගිය 6 වැනිදා ගැසට් නිවේදනයක් ද නිකුත් කළේය.

අදහස් (4)

අපනයන පාලකවරයාගේ උපදෙසින් රසායනික තොගයක් නිදහස් කරයි

siri Friday, 14 May 2021 12:14 PM

සියලුම ගොවියන්ට පොහොර නොමිලයේ දෙනවා කියලයි පොරොන්දු උනේ. දැන් සල්ලි දීල ගන්නත් නැහැ. තහනම් කරනවා ඒඋනාට ගෙන්වන්න දෙනවා. දෙකම එකයි හැබැයි වෙනස්.

: 0 10

මරාSaturday, 15 May 2021 02:11 AM

මෙවා අහන්න වුණානේ... අපේ හිටියනම් මෙහෙම වෙන්නෙ නෑ...කොහෙද සිරිසේනත් එක්ක බෑනේ....

: 2 8

siriSaturday, 15 May 2021 08:42 AM

යන්නේ කොහෙද මල්ලේ පොල්...? කවුරු උනත් වැරද්දක් වැරද්දක් හැටියට පෙන්වා දෙන එක වෙන කාට හරි මුට්ටි ඇල්ලීමක් කියා හිතෙන එකයි වැරැද්ද.... " මගේ අතිනුත් වැරදි උනා. වැරදි කරපු අයට දඬුවම් දෙන්නේ නැතුව මම ඔවුන් ආරක්ෂා කළා. ලඟදි ළුණු එහෙම කෑවද? අල එහෙම කෝමද?. දැන් සැපද ? " කියපු මිනිස්සු කරපු දේ වටහා ගන්නේ නැතුව කරපිට තියාගෙන ඉන්න තුරාවට මේ රට හදන්න බැහැ... යාලුවා.

: 0 9

kamak Saturday, 15 May 2021 03:10 AM

එක රටක් එක නීතියක්.?

: 0 0