එසැණ පුවත්

මාස අටක කිරිසප්පයා ගහක් යට තියලා අම්මා සූදු කෙළලා

කාන්තාවක් අටමස් බිලිදා යාබද නිවස ඉදිරිපිට මිදුලේ ගසක් යට තබා මුදල් ඔට්ටුවට බූරු ගසමින් සිටියදී තවත් කාන්තාවන් දෙදෙනෙකු සහ පිරිමි පුද්ගලයකු සමඟ අත්අඩංගුවට ගත් බව මිල්ලනිය පොලිසිය කියයි

31 August 2021

අක්කර 1,02,000 ක කෝමාරිකා වගා කිරීමේ ව්‍යාපෘතියක්

අපනයනය සඳහා ඖෂධීය නිෂ්පාදන සකස් කිරීමේ ව්‍යාපෘතියක් වෙනුවෙන් අනුරාධපුර දිස්ත්‍රික්කයේ අක්කර 1,02,000ක කෝමාරිකා වගා ව්‍යාපෘතියක් ආරම්භ කිරීමට සැලසුම් කර ඇතැයි සම කැබිනට් ප්‍රකාශක, වැවිලි අමාත්‍ය, වෛද්‍ය රමේෂ් පතිරණ මහතා පැවසීය.

31 August 2021

රට පුරා සියලු ආර්ථික මධ්‍යස්ථාන හෙට අනිද්දා විවෘත වෙයි

දිවයින පුරා සියලුම ආර්ථික මධ්‍යස්ථාන තොග වෙළෙඳාම සඳහා හෙට (01) සහ අනිද්දා (02) විවෘත කිරීමට රජය අවසර ලබාදී ඇත.

31 August 2021

වෛද්‍ය ජයරුවන් බණ්ඩාර ප්‍රකාශයක් දෙන්න සී.අයි.ඩීයෙන් වෙනත් දිනයක් ඉල්ලයි

අපරාධ පරීක්ෂණ දෙපාර්තමේන්තුවේ සිදුවන විමර්ශනයකට අදාළව ප්‍රකාශයක් ලබාදීම සඳහා වෙනත් ඉදිරි දිනයක් ලබා දෙන ලෙසට වෛද්‍ය පර්යේෂණ ආයතනය ආයතනය නියෝජ්‍ය අධ්‍යක්ෂ වෛද්‍ය ජයරුවන් බණ්ඩාර මහතා එම දෙපාර්තමේන්තුව ඉල්ලීමක් කර ඇත.

31 August 2021

රුපියල යළි පහළට

ඇමෙරිකා එක්සත් ජනපද ඩොලරයට සාපේක්ෂව රුපියල ඊයේ (31) නැවත වරක් 204 සීමාව ඉක්මවා පහළ ගියේ ය.

31 August 2021

සහකාර පොලිස් අධිකාරීවරයකුගේ බිරිය-පුතා කොරෝනාවට බිලි

පොලිස්පති ලේකම් කාර්යාලයට අනුයුක්තව සේවය කරන සහකාර පොලිස් අධිකාරීවරයකුගේ බිරිඳ සහ එකම පුත්‍රයා කොලිවුඩ් ආසාදිත ව මියගොස් ඇතැයි පොලිස් ආරංචි මාර්ග සඳහන් කරයි.

31 August 2021

කොවිඩ්වලින් ආරක්ෂාවීමට ආයුර්වේද ඖෂධ මංජුසාවක්

කොවිඩ් 19 වසංගත තත්වය පාලනය කිරීම සඳහා දිවයිනේ සියලුම පවුල්වලට දේශීය ඖෂධ ඇතුළත් මංජුසාවක් ලබාදීමට පියවර ගෙන ඇතැයි දේශීය වෙදකම් ප්‍රවර්ධන, ග්‍රාමීය හා ආයුර්වේද රෝහල් සංවර්ධන හා ප්‍රජා සෞඛ්‍ය රාජ්‍ය අමාත්‍ය සිසිර ජයකොඩි මහතා පැවසීය.

31 August 2021

පිටපළාත් වල ඇන්ටිජන් පරීක්ෂණ නැවැත්වීමෙන් ජනතාව අපහසුතාවට

කොරෝනා ආසාදිතයන් හඳුනාගැනීම සඳහා භාවිතා කරන පරීක්ෂණ දෙකෙන් එකක් වන රැෆිඩ් ඇන්ටිජන් පරීක්ෂණ ගාස්තුව සහතික මිලක් බවට කිරීමත් සමග පිට පළාත්වල රැෆිඩ් ඇන්ටිජන් පරීක්ෂණ අත්හිටුවීමෙන් ජනතාව දැඩි අපහසුතාවට පත්ව සිටිති.

31 August 2021

“රටේ පවතින ඖෂධ හිඟයෙන් ජනතාව දැඩි දුෂ්කරතාවයට’’

රටේ මේ වන විට පවතින උග්‍ර ඖෂධ හිඟය හේතුවෙන් ජනතාව දැඩි දුෂ්කරතාවයට පත්ව ඇති බව විපක්ෂ නායක සජිත් ප්‍රේමදාස මහතා කොළඹදී අද (31) පැවසීය.

31 August 2021

පාර්ලිමේන්තුවේ කොවිඩ් ආසාදිතයන් තවත් ඉහළට

පාර්ලිමේන්තුවෙන් කොවිඩ් ආසාදිතයන් තවත් දෙදෙනකු හමුවී ඇතැයි එහි ආරංචි මාර්ග සඳහන් කරයි.

31 August 2021

සියලු පාසල් දරුවන්ට එන්නත දීම ප්‍රායෝගික නැහැ

පාසල් විවෘත කිරීමට පෙර සියලුම දරුවන්ට කොවිඩ් මර්දන එන්නත ලබාදීම ප්‍රායෝගික තීරණයක් නොවන බව තමාගේ පෞද්ගලික අදහස යැයි ශ්‍රී ජයවර්ධනපුර විශ්ව විද්‍යාලයේ වෛද්‍ය පීඨයේ ආසාත්මිකතා, ප්‍රතිශක්තිවේද සහ සෛල ජෛව විද්‍යා අධ්‍යයන අංශයේ ප්‍රධානී ආචාර්ය චන්දිම ජීවන්දර මහතා පැවැසීය.

31 August 2021

ආර්ථිකය ගොඩගන්න ප්‍රවාහන අමාත්‍යාංශයෙන් නව සැලැස්මක්

කොවිඩ් 19 වසංගතය හේතුවෙන් කඩා වැටුණු ආර්ථිකය ගොඩනැංවීම සදහා ප්‍රවාහන සේවා තුලින් නව ආදායම් උත්පාදනය කිරීමේ වැඩ පිළිවෙලක් කඩිනමින් සකසන බව ප්‍රවාහන අමාත්‍ය පවිත්‍රා වන්නිආරච්චි මහත්මිය පැවසුවාය.

31 August 2021

සිනී ගන්න සතොසෙ පෝලිම්

සතොස හා සමුපකාර අලෙවිසැල් වල අද (31 ) සිට ලබා දෙන දුඹරු සිනි කිලෝවක් රුපියල් 130 කට ලබා ගැනීම සදහා මාලිගාවත්ත සතොස වෙළදසැල් ඉදිරිපිට පැමිණි ජනතාව පෝලිමේ රැදී සිටි අයුරු ඡායාරූපවලින් දැක්වෙයි.

31 August 2021

‘යහපාලනයෙන් ගත් තීරණ ක්‍රියාත්මක කළා නම් ගුරු වැටුප් ප්‍රශ්න නෑ ‘

ගුරු විදුහල්පති වැටුප් ප්‍රශ්නය සම්බන්ධයෙන් යහපාලන ආණ්ඩුවේ කැබිනට් මණ්ඩලය ගෙන තිබූ තීරණය ක්‍රියාත්මක කරන්නට ඉඩක් ලැබුණා නම් වත්මන් ප්‍රශ්නය උද්ගත වන්නේ නැතැයි එක්සත් ජාතික පක්ෂ නායක සහ හිටපු අග්‍රාමාත්‍ය රනිල් වික්‍රමසිංහ මහතා පැවසීය.

31 August 2021

ගුරු වැටුප් විෂමතා ගැටළුව විසඳන්න විශේෂ කාරක සභාවක්

ගුරු විදුහල්පති සේවාවේ වැටුප් විෂමතා ගැටලුව විසඳීමට පත්කළ කැබිනට් අනුකාරක සභා නිර්දේශ ක්‍රියාත්මක කිරීමට විශේෂ කාරක සභාවක් හරහා ඉදිරි මාස හය ඇතුළත ආරම්භ කරන බව අධ්‍යාපන අමාත්‍ය දිනේෂ් ගුණවර්ධන මහතා පැවසීය.

31 August 2021

අසාද් සාලි යළි රිමාන්ඩ්

පාස්කු ඉරුදින ප්‍රහාර මාලාව සම්බන්ධයෙන් අත්අඩංගුවට ගෙන රක්ෂිත බන්ධනාගාර ගත කර සිටින හිටපු බස්නාහිර පළාත් ආණ්ඩුකාර අසාත් සාලි මහතා ලබන 14 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ අතිරේක මහේස්ත්‍රාත් කාංචනා නිරංජලා ද සිල්වා මහත්මිය අද (31) නියෝග කළාය.

31 August 2021

ඇෆ්ගනිස්තානයේ ඇමෙරිකන් හමුදා මෙහෙයුම් අවසන්

ඇමෙරිකානු හමුදා සම්පූර්ණයෙන්ම ඇෆ්ගනිස්තානයෙන් ඉවත් වීමත් සමඟ තලේබාන් සංවිධානය ජය සැමරූ බව විදෙස් මාධ්‍ය වාර්තා කරයි.

31 August 2021

ඉන්දීය මූල්‍ය අපරාධ ඒකකය ජැකලීන් ෆර්නෑන්ඩස්ගෙන් ප්‍රශ්න කරයි

ඉන්දීය රුපියල් කෝටි 200කට අධික මුදල් විශුද්ධිකරණ සිද්ධියක් සම්බන්ධයෙන් පරීක්ෂණ සිදු කරන ඉන්දීය මූල්‍ය අපරාධ පරීක්ෂණ ඒකකය, ඊට අදාලව ශ්‍රී ලාංකික සම්භවයක් ඇති සුපිරි බොලිවුඩ් නිළි ජැකලීන් ෆර්නැන්ඩස්ගෙන් ප්‍රශ්න කර ඇතැයි ඉන්දීය මාධ්‍ය වාර්තා කර තිබේ.

31 August 2021

අධ්‍යාපනයට සහය වෙන්නැයි ප්‍රසන්න ගුරුවරුන්ගෙන් ඉල්ලයි

අසීරු අවස්ථාවේ පටු දේශපාලන ක්‍රියාකාරීන්ගේ උවමනාවන්වලට හසු නොවී දරුවන්ගේ අධ්‍යාපන කටයුතු පවත්වාගෙන යාම සඳහා දක්වන්නැයි ගුරුවරුන්ගේ වැටුප් ගැටලු සොයා බැලූ කැබිනට් අනු කමිටුව සාමාජික, සංචාරක අමාත්‍ය ප්‍රසන්න රණතුංග මහතා ඊයේ (31) ගුරුවරුන්‌ගෙන් විශේෂ ඉල්ලීමක් කළේය

31 August 2021

මහජන ආධාර දීමනා ගෙවීම් හෙට සිට

අගෝස්තු මාසයට අදාළව ගෙවීමට ඉතිරිව ඇති මහජන ආධාර දීමනා, වැඩිහිටි දීමනා ඇතුළු අනෙකුත් මහජන ආධාර ගෙවීම් හෙට (01) සහ අනිද්දා (02 )යන දෙදින ලබාදෙන බව තැපැල් මූලස්ථානය නිවේදනයක් නිකුත් කරමින් සඳහන් කරයි.

31 August 2021

වසර 10කට පසු රතුදත්ත පොත සැකසෙයි

ශ්‍රී ලංකාවේ වඳවී යන සහ වඳවීමේ තර්ජනයට ලක්ව ඇති සතුන් හා ශාඛ සම්බන්ධව තොරතුරු ඇතුළත් රතු දත්ත පොත වසර 10කට පසුව සංස්කරණය කර සකස් කිරීම පරිසර අමාත්‍යාංශය මගින් මේ වනවිට අවසන් කර ඇත.

31 August 2021

සුවය ලබූ ජිප්සිස් නායකයා රෝහලෙන් පිටව යයි

කොවිඩ් ආසාදනයවීමෙන් පෞද්ගලික රෝහලක ප්‍රතිකාර ලැබූ ජිප්සීස් කණ්ඩායමේ නායක සුනිල් පෙරේරා මහතා සුවය ලබා නිවෙසට පැමිණ ඇතැයි වාර්තා වෙයි.

31 August 2021

පොඩි මිනිහාගේ දුක විපක්ෂයේ ආර්ථික ඔස්තාර්ලාට තේරෙන්නේ නැහැ

ඉදි ආප්ප ටිකක් තම්බගෙන, ත්‍රීවීල් රථයක් එලවාගෙන සහ එළවළු ලෑල්ලක් දගෙන ජීවත්වෙන පුද්ගලයන්ගේ අමාරුකම මාසේ පඩිය ගන්නා විපක්ෂයේ නායකයන්ට මෙන්ම ආර්ථික ඔස්තාර්ලා යැයි කියාගන්නා විපක්ෂයේ ඇතැම් දේශපාලඥයන්ට තේරෙන්නේ නැතැයි මුදල් ප්‍රාග්ධන වෙළෙඳපොළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් මහතා පැවැසීය.

31 August 2021

සීනි මිල යන විට නිහඩ වන ආණ්ඩුවකින් තවත් කුමන සහනද

සීනි මිල ඉහළ ගියාට කරන්නට දෙයක් නැතැයි කියමින් කරබා ගන්නා ඇමතිවරුන් සිටින ආණ්ඩුවකින් ජනතාවට යහපතක් බලාපොරොත්තු විය හැකිදැයි එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ප්‍රශ්න කළේය.

31 August 2021

හරක් ප්‍රශ්නයක් බේරන්න ගිය විවාහකයා මරුට

හම්බන්තොට මිරිජ්ජවිල ප්‍රදේශයේ ගෙවතු වගාවකට ගවයන් හානි කළැයි කියන සිද්ධියක් සම්බන්ධයෙන් දෙපාර්ශවයක් අතර ඇති වූ ආරවුලක් දුරදිග යෑමෙන් ආරවුල විසැඳීමට මැදිහත් වූ පුද්ගලයකුට තියුණු ආයුධ පහරක් වැදීමෙන් බරපතල තුවාල ලබා මිය ගොස් ඇති බව හම්බන්තොට වරාය පොලීසිය කියයි.

31 August 2021

’සෞඛ්‍ය ඇමැති ධනාත්මක වුවත් වැඩපිළිවෙල සෘණාත්මකයි’

ලෝකයේ රටවල් කොරෝනා රෝගීන් සහ රැළි අඩුකර ගන්නේ විද්‍යාත්මක ලොක් ඩවුන් කිරීමෙන් වුවත් ලංකාව කොරෝනා රෝගීන් අඩුකර ගන්නේ පරීක්ෂණ අඩු කිරීමෙන් යැයි රජයේ හෙද නිලධාරීන්ගේ සංගමයේ සභාපති සමන් රත්නප්‍රිය මහතා පැවසීය.

31 August 2021

නිරෝධායන නීති කඩා මඟුල් කෑ 15 ක් නිරෝධායනයට

කොටගල කුඩාගම හෝටලයක නිරෝධායන ඇදිරි නිතිය උල්ලංඝණය කරමින් විවාහ උත්සවයක් සදහා පැමිණි 15 දෙනකු ස්වයං නිරෝධානයට ලක් කිරිමට පියවර ගත් බව කොටගල සෞඛ්‍ය වෛද්‍ය කාර්යාලයේ නිලධාරියකු පැවසීය.

31 August 2021

මව්බිම රනින් සැරසූ දිනේෂ් ගේ බිරිය කියන කතාව

මගේ මහත්තයා රන්පදක්කමක් දිනලා රටට ගෞරවය ගෙනාව කියලා අහන කොට මට හිතට දැනුනේ මහ පුදුම සතුටක්. ටෝකියෝ පැරාඔලිම්පික් තරගාවලිවේ හෙල්ල විසිකිරීමේ තරගයට ගියේ රන් පදක්කම දිනනවා කියලම යැයි ටෝකියෝ පැරාඔලිම්පික් තරගාවලියේ එෆ් 46 කාණ්ඩයේ හෙල්ල විසිකිරීමේ ඉසව්වෙන් වූ රන්පදක්කම ශ්‍රී ලංකාවට දිනා දුන් ඉපලෝගම කාගම 5 ඇළ ප්‍රදේශයේ පදිංචි දිනේෂ් ප්‍රියශාන්ත මහතා ගේ බිරිස වන ඉසිංකා මධුවන්ති මහත්මිය පැවසුවාය.

31 August 2021