එසැණ පුවත්

’’රටේ පාලනය බාරගන්න සූදානම්’’

මේ අවස්ථාවේ රටේ පාලනය භාරදුන්නොත් බාරගැනීමට සූදානම් බව ජනතා විමුක්ති පෙරමුණේ නායක, පාර්ලිමේන්තු මන්ත්‍රී අනුර කුමාර දිසානායක මහතා අද පැවසීය.

11 July 2022

යූරියා බෙදීම හෙට සිට

ඉන්දීය රජය විසින් ලබාදී තිබෙන යූරියා පොහොර බෙදාහැරීම් කටයුතු හෙට (12) පෙරවරුවේ සිට ආරම්භ කරන බව කෘෂිකර්ම අමාත්‍යාංශය පවසයි.

11 July 2022

ඉන්ධන නැව් තුනක් ළඟ එනවා

ඉන්ධන නෞකා තුනක් මෙම සතිය තුළ කොළඹට ළගාවීමට නියමිත බව විදුලිබල හා බලශක්ති අමාත්‍ය කාංචන විජේසේකර මහතා පවසයි.

11 July 2022

ජී.එම්.ඕ.ඒ අනතුරු අඟවයි

දැනට ඉන්දියාව පුරා පැතිරෙමින් පවතින ඔමක්‍රෝන් 2.75 කොරෝනා ප්‍රභේදය ශ්‍රී ලංකාවේ ව්‍යාප්තවීමට ඉඩකඩ ඇති නිසා දැන් සිටම අවශ්‍ය පියවර ගන්නැයි රජයේ වෛද්‍ය නිලධාරින්ගේ සංගමය සෞඛ්‍ය අමාත්‍යංශයෙන් දැනුම් දි ඇත.

11 July 2022

ඉන්දීය ධීවරයෝ මෙරට මුහුදු සීමාවේ බරටම වැඩ

ඉන්දීය ධීවරයින් ශ්‍රී ලංකා මුහුදු සීමාවේ ධීවර කටයුතු වල නියැලෙමින් තම ශ්‍රී ලාංකික සහෝදරයන් පත්ව ඇති දුෂ්කර තත්ත්වයෙන් ප්‍රයෝජන ලබා ගන්නා බව ටයිම්ස් ඔෆ් ඉන්දියා වෙබ් අඩවිය පවසයි.

11 July 2022

ලිට්‍රෝ ගෑස් රු.50 කින් ඉහළට

ලිට්‍රෝ ගෘහස්ථ ගෑස් බෙදාහැරීම අද (11) සිට කොළඹ සහ තදාසන්න ප්‍රදේශවල සහ මේ මස 13 වන දින පිට පළාත්වලට බෙදාහැරීම ආරම්භ කරන බව ලිට්‍රෝ සමාගමේ උසස් නිළධාරියෙකු පැවසීය.

11 July 2022

‘‘මාධ්‍යයට පහරදීම අගමැති නිවසට ගිනි තැබීම හෙළා දකිනවා‘‘

සිරස මාධ්‍යවේදී කණ්ඩායමකට එල්ල වූ ප්‍රහාරය හා අග්‍රාමාත්‍යවරයාගේ පුද්ගලික නිවසට ගිනි තැබීම තරයේ හෙලා දකින බව සාධාරණ සමාජයක් සඳහා වූ ජාතික ව්‍යාපාරයේ සභාපති හිටපු කථානායක කරු ජයසූරිය මහතා පවසයි.

11 July 2022

යතුරු පැදි වෑන් රථ අනතුරින් දෙකක් මරුට

මරදගහමුල බඩල්ගම මාර්ගයේ තම්මිට පුස්තකාලය ආසන්නයේදී සිදුවූ අනතුරකින් දෙදෙනකු මරණයට පත්ව එක් අයකු තුවා ලබා ඇතැයි බඩල්ගම පොලිසිය කියයි .

11 July 2022

බස් අනතුරින් දෙකක් මරුට:කෝප වූ පිරිස බසයට ගිනි තබති

ගම්පොල පෙරට්ටාසි සිට පුස්සැල්ලාව දක්වා ධාවනය වෙමින් තිබූ පුද්ගලික බස් රථයක් කාච්චමලේ වීඩන් කොටසේ දී අනතුරකට ලක්වීමෙන් එහි ගමන් ගත් දෙදෙනකු මිය යාමත් සමග කිසියම් පිරිසක් බස් රථයට ගිනි තබා ඇතැයි පුපුරැස්ස පොලිසිය කියයි.

11 July 2022

අලුත් ආණ්ඩුව හදන්න සූදානම්

ජනාධිපතිවරයා අගමැතිවරයා ප්‍රමුඛ ආණ්ඩුව පත්කොට රට ස්ථාවර කර රටේ ආර්ථිකය ගොඩනැංවීමට සූදානම් බව විපක්ෂ නායක සජිත් ප්‍රේමදාස මහතා කොළඹදී අද (11) පැවසීය

11 July 2022

ජනපති කාර්යාලයෙන් විශේෂ නිවේදනයක්

ජනාධිපති ගෝඨාභය රාජපක්ෂ මහතාගේ පණිවිඩ මින් ඉදිරියට කතානායකවරයා මාර්ගයෙන් නිකුත් කෙරෙන බව බව ජනාධිපති කාර්යාලය පවසයි.

11 July 2022

සර්ව පාක්ෂික රජයකට එකඟත්වය ඇතිවූ වහාම අස්වෙන්න සූදානම්

සර්ව පාක්ෂික රජයක් පිහිටුවීමට එකඟත්වයක් ඇතිවූ වහාම එම රජයට වගකීම් බාර දීමට අමාත්‍ය මණ්ඩලය අදහස් කර සිටින බව අග්‍රාමාත්‍ය කාර්යාලය කියයි.

11 July 2022

බස් නැති දා අත්ට්‍රැක්ටරය පිහිටට

ප්‍රවාහන අපහසුතා හේතුවෙන් මහ මඟ අතරමංව සිටින ජනතාවට ප්‍රවාහන පහසුකම් ලබාදීමට හිගුරක්ගොඩ ප්‍රදේශයේ අත්ට්‍රැක්ටර් රියදුරන් දෙදෙනකු විශාල සහයක් ලබා දෙන බව මගීහු කියති.

11 July 2022

හිටපු ඇමති බෝගොල්ලාගමට අධිකරණයෙන් කැඳවීමක්

හිටපු සොලිසිටර් ජෙනරාල් සහ අල්ලස් හෝ දූෂණ කොමිසන් සභාවේ හිටපු අධ්‍යක්ෂවරියක වූ දිල්රුක්ෂි ඩයස් වික්‍රමසිංහ මහත්මිය කොළඹ දිසා අධිකරණයේ ගොනු කළ පෙත්සමකට අදාළව හිටපු අමාත්‍ය රෝහිත බෝගොල්ලාගම මහතාට ලබන නොවැම්බර් මස 23 වැනිදා අධිකරණයේ පෙනී සිටින ලෙසට දැනුම් දෙමින් කොළඹ දිසා විනිසුරු මහේෂි ද සිල්වා මහත්මිය අද (11) නොතීසි නිකුත් කළාය.

11 July 2022

බොරතෙල් මිල පහළට

පසුගිය සතියට සාපේක්ෂව ලෝක බොරතෙල් වෙළඳපොලේ බොරතෙල් බැරලයක මිල අද(11) පහල ගියේය.

11 July 2022

රට පනින්න ගිය 78ක් නාවික හමුදාවට මාට්ටු

මඩකලපුවට ඔබ්බෙන් වූ මුහුදු ප්‍රදේශයේ සහ මඩකලපුව කළුවන්කේනි වෙරළ ප්‍රදේශයේදී ඊයේ රාත්‍රී සිදුකළ විශේෂ සෝදිසියකදී නීති විරෝධී ලෙස මුහුදු මාර්ග ඔස්සේ විදෙස් රටකට සංක්‍රමණයවීමට උත්සහ කළ බව කියන පුද්ගලයන් 78 දෙනකු සිය බාරයට ගත් බව නාවික හමුදා කියයි.

11 July 2022

සිරස මාධ්‍යවේදීන්ට පහරදුන් එස්.එස්.පී.ගේ වැඩ තහනම්

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවස ආසන්නයේ දී ඉකුත් (9) ඇති වු සිද්ධිය වාර්තා කිරීමට ගිය මාධ්‍යවේදීන්ට පහර දීමේ සිද්ධිය සම්බන්ධයෙන් විශේෂ කාර්ය බළකායේ ජ්‍යෙෂ්ඨ පොලිස් අධිකාරි රොමේෂ් ලියනගේ මහතා වාහාම ක්‍රියාත්මක වන පරිදි වැඩතහනම් කර ඇත.

11 July 2022

රුසියාව යුක්රේන ආක්‍රමණය ලොවටම බලපෑමක්

යුක්රේන ධාන්‍ය අපනයනය රුසියාව අවහිර කිරීම ශ්‍රී ලංකාවේ වත්මන් තත්තවයට යම් දායකත්වයක් ලබා දෙන්නට ඇති බවත් එයින් තවත් අර්බුද නිර්මාණය විය හැකි බවත් ඇමෙරිකානු රාජ්‍ය ලේකම් ඇන්තනී බ්ලින්කන් මහතා මාධ්‍ය හමුවකදී ප්‍රකාශ කළේය.

11 July 2022

අරගලයට එක් වූ සැරයන් තියුණු ආයුධයක් සමඟ අත්අඩංගුවට

මහරගම නගරයේ දී අරගලයට සහාය දැක් වූ පොලිස් සැරයන්වරයා අද (11) අළුයම තියුණු ආයුධයක් රැගෙන ජනාධිපති මන්දිරයට ඇතුළු වීමට තැත් කිරීමේදී අත්අඩංගුවට ගෙන ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව පැවසීය

11 July 2022

මධ්‍යම කඳුකරයට දැඩි සුළං

මධ්‍යම කදුකරයේ බටහිර බැවුම් ප්‍රදේශය හරහා හමා යන දැඩි සුළං සහ කඩින් කඩ ඇද හැලෙන අධික වර්ෂාව හේතුවෙන් ප්‍රධාන මාර්ග කිහිපයකම ගස් කඩා වැටිම හේතුවෙන් ගමනා ගමනයට බාධා පැමිණ ඇති බව නුවරඑලිය දිස්ත්‍රික් ආපදා කලමණාකාරණ ඒකකයේ සහකාර අධ්‍යක්ෂක රංජිත් අලහකොන් මහතා පැවසිය.

11 July 2022

’’විරෝධතාකරුවන්ට හානි කිරීමට වෙඩි තැබුවේ නැහැ’’

ජනාධිපති මන්දිරයට බලහත් කාරයෙන් ඇතුලු විරෝධතාකරුවන්ට යුද හමුදා භට පිරිස් හිතා මතා හානි කිරීමේ අරමුණින් ඔවුන් ඉලක්ක කර වෙඩි තැබු බවට සිදුකරන ප්‍රකාශයන් ප්‍රතික්ෂේප කරන බව යුද හමුදාව නිවේදයන් නකුත් කරමින් පවසයි.

11 July 2022

පැතුම් නිශ්ශංකට කොරෝනා

ඕස්ට්‍රේලියාවට එරෙහිව ගාල්ල ජාත්‍යන්තර ක්‍රීඩාංගණයේදී දැන් පැවැත්වෙන දෙවැනි ටෙස්ට් තරඟයේ ශ්‍රී ලංකා පිල නියෝජනය කරන ආරම්භක පිතිකරු පැතුම් නිශ්ශංක කොරෝනා අසාදිතආසාදිත බවට හඳුනාගෙන ඇති බව ශ්‍රී ලංකා ක්‍රිකට් ආයතනය උසස් නිළධාරියෙකු පැවසීය.

11 July 2022

කටකතා බොරු ඉන්දියාව කියයි

ඉන්දියාව හමුදා සෙබළුන් ශ්‍රී ලංකාවට එවන බවට පළවූ ඇතැම් මාධ්‍ය සහ සමාජ මාධ්‍ය ඔස්සේ පළවූ වාර්තා තරයේ ප්‍රතික්ෂේප කරන බව ශ්‍රී ලංකාවේ ඉන්දියානු මහ කොමසාරිස් කාර්යාලය නිවේදනයක් නිකුත් කරමින් ප්‍රකාශ කළේය.

11 July 2022

ජපන් හිටපු අගමැති වෙනුවෙන් හෙට ශෝක දිනයක්

ජපානයේ හිටපු අග්‍රාමාත්‍ය ෂින්සෝ අබේ මහතාගේ හදිසි අභාවය හේතුවෙන් මෙම මස 12 වැනිදා ජාතික ශෝක දිනයක් ලෙස ප්‍රකාශයට පත් කිරීමට රජය තීරණය කර ඇත.

11 July 2022

පළාත් කීපයකට වැසි තත්ත්වයක්

පළාත් කිහිපයකට අද (11) දිනයේත් වැසි ඇතිවන බව කාලගුණ විද්‍යා දෙපාර්තමේන්තුව පවසයි.

11 July 2022

ලංකාවේ දුගී ජනතාවගේ මොරදීමට කන් දෙන්න

දුගී ජනතාවගේ මොර ගැසීම නොසලකා නොහරින ලෙස ශ්‍රී ලංකාවේ බලධාරීන්ගෙන් ඉල්ලා සිටින බව ශුද්ධෝත්තම ෆ්‍රැන්සිස් පාප් වහන්සේ පැවසූහ.

11 July 2022

කතානායක නිල නිවෙසේ ආරක්ෂාව වැඩි වෙයි

කතානායක මහින්ද යාපා අබේවර්ධන මහතාගේ නිල නිවසේද ආරක්ෂක විධිවිධාන වැඩි කර ඇතැයි පාර්ලිමේන්තු ආරංචි මාර්ගවලින් පැවසේ.

11 July 2022

පෙරැළුණු ඩීසල් බවුසරයෙන් තෙල් ගන්න පොරකති

ත්‍රිකුණාමලය අයි ඕ සී ඉන්ධන ගබඩාවේ සිට හපුතලේ තෙල් ගබඩාවට පැමිණි ඩීසල් ලීටර් 33000 රැගත් තෙල් බවුසරයක් අද (11) උදේ හපුතලේ පංකැටිය ප්‍රදේශයේ දී මාර්ගය හරහා පෙරළී ඇතැයි ද ඉන් වෑහෙන තෙල් ප්‍රදේශවාසීන් පොරකමින් ලබාගන්නා බවද පොලිසිය කියයි.

11 July 2022