එසැණ පුවත්

මීලඟ ජනපති සජිත් ද - ඩලස් ද

ජනාධිපති ගෝඨාභය රාජපක්ෂ මහතා අනිද්දා(13) සිය ධුරයෙන් ඉල්ලා අස්වීමෙන් පසුව නව ජනාධිපති ධුරයට පත් කිරීම සඳහා විපක්ෂ නායක සජිත් ප්‍රේමදාස සහ ශ්‍රී ලංකා පොදුජන පෙරමුණේ හිටපු අමාත්‍ය, පාර්ලිමේන්තු මන්ත්‍රී ඩලස් අලහප්පෙරුම යන මහත්වරුන්ගේ නම් යෝජනා වී ඇතැයි දේශපාලන ආරංචි මාර්ග සඳහන් කරයි.

10 July 2022

ඇමෙරිකා තානාපතිනිය ප්‍රචණ්ඩතවය හෙළා දකී

සාමකාමී විරෝධතාකරුවන්ට සහ මාධ්‍යවේදීන්ට එල්ල වූ සෑම ආකාරයකම ප්‍රචණ්ඩත්වය හෙළා දකින බව ශ්‍රී ලංකාවේ ඇමෙරිකා එක්සත් ජනපද තානාපතිනි ජුලී චන්ග් මහත්මිය නිවේදනයක් නිකුත් කරමින් සඳහන් කරයි.

10 July 2022

පක්ෂ නායක රැස්වීමක් හෙට නැවත කැඳවෙයි

රටේ ඉදිරි දේශපාලන කටයුතු සම්බන්ධයෙන් සාකච්ඡා කිරීම සඳහා පාර්ලිමේන්තු කටයුතු පිළිබඳ කාරක සභාවේ විශේෂ රැස්වීමක් කතානායක මහින්ද යාපා අබේවර්ධන මහතාගේ ප්‍රධානත්වයෙන් හෙට(11) පස්වරු 2.00ට පැවැත්වීමට නියමිතය.

10 July 2022

අනුප්‍රාප්තික ජනාධිපතිවරයකු ඉක්මනට පත් කළ යුතුයි

ජනාධිපතිවරයා ඉල්ලා අස්වන බව දැනුම්දී ඇති හෙයින් රටේ ස්ථාවරත්වය සඳහා අනුප්‍රාප්තික ජනාධිපතිවරයකු ඉතා කඩිනමින් පත් කරන ලෙස සියලු පාර්ශ්වවලින් ඉල්ලීමක් කරන බව ශ්‍රී ලංකා නීතිඥ සංගමයේ සභාපති ජනාධිපති නීතිඥ සාලිය පීරිස් මහතා පැවසීය.

10 July 2022

කුරුණෑගලනුත් එක්දින ගුවන් ගමන් බලපත්‍ර

ආගමන හා විගමන දෙපාර්තමේන්තුවේ ප්‍රාදේශීය කාර්යාලවලින් විදේශ ගමන් බලපත්‍ර නිකුත් කිරීමේ දෙවැනි පියවර වන කුරුණෑගල කාර්යාලයෙන් ගමන් බලපත්‍ර නිකුත් කිරීම හෙට (11) ආරම්භ වන බවත් ඒ අනුව කලින් දිනය සහ වේලාව වෙන්කරගත් අයදුම්කරුවන්ට ගමන් බලපත්‍ර නිකුත් කරන බවත් එම දෙපාර්තමේන්තුවේ මාධ්‍ය ප්‍රකාශක පියුමි බණ්ඩාර මහත්මිය පැවසුවාය.

10 July 2022

දුම්රිය ගාස්තු ඉහළ දැමීම කල්දමයි

දුම්රිය ගාස්තු සංශෝධනය දින නියමක් නොමැතිව කල්දැමූ බව දුම්රිය දෙපාර්තමේන්තුවේ උසස් නිලධාරියෙක් අද (10) පස්වරුවේ පැවසීය.

10 July 2022

අගමැතිගේ ගෙට ගිනි තැබුවැයි කියන තරුණයෝ 20 තෙක් රිමාන්ඩ්

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවසට ගිනි තැබීමේ සිද්ධියට අදාළව කොල්ලුපිටිය පොලීසිය අත්අඩංගුවට ගත් තරුණයන් තිදෙනෙකු හදුනාගැනීමේ පෙරට්ටුවක් සඳහා ලබන 20 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් තිළිණ ගමගේ මහතා අද 10 නියෝග කළේය .

10 July 2022

ලංකාව අර්බුදයෙන් ගොඩගන්න ජාත්‍යන්තර සහාය දෙන්න

වත්මන් අර්බුදයෙන් ගොඩ ඒම සඳහා අවශ්‍ය සහාය ශ්‍රී ලංකාවට ලබා දෙන ලෙස ඉන්දීය කොංග්‍රස් පක්ෂය මධ්‍යම රජයෙන් සහ ජාත්‍යන්තර ප්‍රජාවගෙන් ඉල්ලීමක් කළේය.

10 July 2022

අගමැති නිවසේ සිද්ධිය සී.අයි.ඩීයට බාරදෙයි

අග්‍රාමාත්‍ය රනිල් වික්‍රමසිංහ මහතාගේ පෞද්ගලික නිවසට ඇතුළු වී එයට ගිනි තබා විනාශ කිරීමේ සිද්ධියේ පරීක්ෂණ අපරාධ පරීක්ෂණ දෙපාර්තමේන්තුව බාර දීඇත.

10 July 2022

නැකත් එපා ඉල්ලා අස්වනු

ඉල්ලා අස්වීම සඳහා තවදුරටත් නැකත් බලමින් නොසිට වහාම ඉල්ලා අස්වීමේ ලියුම් භාරදෙන්නැයි ජනාධිපතිවරයාට සහ අගමැතිවරයාට දැනුම් දෙන බව ගාලුමුවදොර අරගලකරුවෝ පවසති.

10 July 2022

අගමැති නිවසට පහර දීම අරගලයට ඇඟිල්ල දිගු කරන්න බෑ

අග්‍රාමාත්‍යවරයාගේ නිවස ගිනි තැබීම සම්බන්ධයෙන් අරගලයට ඇඟිල්ල දිගු කරන්න නොහැකි යැයිද එම සිදුවීම පිටුපස වෙනත් දේශපාලන අරමුණක් තිබෙන්නේ යැයිද එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා අද (10) පැවසීය.

10 July 2022

අගමැති නිවෙසට ගිනි තැබීම සජිත් හෙළා දකී

අගමැති රනිල් වික්‍රමසිංහ මහතාගේ නිවස ඉලක්ක කරගෙන කිසියම් කඩාකප්පල්කාරී පිරිසක් සිදුකළ ගිනි තැබීම පිළිකුලෙන් යුතුව හෙළා දකින බව විපක්ෂ නායක සජිත් ප්‍රේමදාස මහතා පවසයි.

10 July 2022

අගමැතිගේ ගිනි ගත් ගේ බලන්න ආ උලපනේ හිමිට විරෝධයක්

අග්‍රාමාත්‍ය රනිල් වික්‍රමසිංහ මහතාගේ ගිනිගත් පෞද්ගලක නිවසට සිදුවූ හානිය විමසා බැලීම සඳහා පැමිණි ගුරු විදුහල්පති ජාතික එකමුතුවේ කැඳවුම්කරු උලපනේ සුමංගල හිමිට එල්ල වූ විරෝධයක් හේතුවෙන් නැවත හැරී ගියේය.

10 July 2022

අගමැති නිවසට ගිනිතබද්දී විදුලිය විසන්දිවීම ගැන පරික්ෂණ

අග්‍රාමාත්‍ය රනිල් වික්‍රමසිංහ මහතාගේ කොළඹ 7, පස්වැනි පටුමග පිහිටි පුද්ගලික නිවසට පිරිසක් ගිනිතැබූ අවස්ථාවේ විදුලිය විසන්වීම පිළිබඳව සත්‍ය හෙළි කිරීම සඳහා මහජන උපයෝගිතා කොමිසම මඟින් විධිමත් පරීක්ෂණයක් පවත්වන බව එම කොමිසමේ සභාපති ජානක රත්නායක මහතා පැවසීය.

10 July 2022

පළාත් සභා නැතත් හිටපු ලොක්කන්ට දීමනා තවමත්

පළාත්සභා දැනට ක්‍රියාත්මක නොවුණත් ඒවායේ හිටපු සභාපතිවරුන්ට ඉන්ධන දීමනාව ලෙස රුපියල් කෝටි නවයහමාරකට අධික මුදලක් අදටත් වැය කරන බව වාර්තා වෙයි.

10 July 2022

‘‘සාමකාමි බල හුවමාරුවකට යන්න‘‘

ශ්‍රී ලංකාවේ සියලු දේශපාලන පක්ෂ ප්‍රජාත්නත්‍රවාදී,සාමකාමී බල හුවමාරුවකට අවධානය යොමු කළ යුතු බවත් ඒ සඳහා සහයෝගය ලබා දෙන ලෙසත් යුරෝපා සංගමයේ ශ්‍රී ලංකා කාර්යාලය සිය ට්විටර් ගිණුමේ සටහනක් තබමින් ඉල්ලා සිටියේය.

10 July 2022

අරගල බිමේ තවමත් විශාල ජනකායක්

අරගලකරුවන් දින 93 ක කාලයක් අඛණ්ඩව අරගල යෙදුණු ජනාධිපති ලේකම් කාර්යාලය ඉදිරිපිට තවදුරටත් ජනතාව රැඳී සිටිති.

10 July 2022

ගෑස් බෙදන හැටි ජනපති නිලධාරීන්ට කියයි

ගෑස් ගොඩ බෑම සහ බෙදා හැරීම කඩිනමින් සිදු කරන ලෙස ජනාධිපති ගෝඨාභය රාජපක්ෂ මහතා නිලධාරීන්ට අද (10) උපදෙස් දුන්නේය.

10 July 2022

ධම්මික පෙරේරා ධූරයෙන් යයි

ආයෝජන ප්‍රවර්ධන අමාත්‍ය ධම්මික පෙරේරා සිය අමාත්‍ය ධුරයෙන් අද ඉල්ලා අස්විය.

10 July 2022

103ක් ජාතික රෝහලට

විරෝධතාව සඳහා කොළඹට පැමිණ සිටියදී විවිධ අනතුරුවලට ලක්වූ පුද්ගලයන් 103 දෙනකු කොළඹ ජාතික රෝහලට ඇතුළත් කර ඇති බව රෝහල් ආරංචිමාර්ග කියයි.

10 July 2022

‘‘සුදුස්සකු ජනපති පුටුවට පත් කරන්න‘‘

වැඩබලන ජනාධිපති ලෙස කතානායක මහින්ද යාපා අබේවර්ධන මහතා පත්කිරීමට කටයුතු කර ඉන්පසු පාර්ලිමේන්තුව රැස් කොට ජනාධිපතිධුරයට සුදුසු අයකු පත්කිරීමත් සර්ව පාක්ෂික ආණ්ඩුවක් පිහිටුවීමට වහාම ක්‍රියා කළ යුතුව ඇතැයි සමගි ජන බලවේගයේ මහලේකම් රංජිත් මද්දුම බණ්ඩාර මහතා ප්‍රකාශ කළේය.

10 July 2022

‘‘ජනතාව සතුටුවන ස්ථීර විසැඳුමකට යන්න‘‘

ශ්‍රී ලාංකික ජනතාවට සෑහීමකට පත් විය හැකි දිගු කාලීන ආර්ථික සහ දේශපාලනික විසඳුම් ළඟා කර ගැනීම සඳහා ඉක්මණින් කටයුතු කරන ලෙස ඇමෙරිකා එක්සත් ජනපදය ශ්‍රී ලංකාවේ දේශපාලන පක්ෂවලින් ඉල්ලා සිටියේය.

10 July 2022

‘‘සාමය වෙනුවෙන් පොලිසියට සහාය දෙන්න‘‘

රටේ සාමය පවත්වාගෙන යෑමට සහය දෙන ලෙස ශ්‍රී ලංකාවාසී ආදරණීය ජනතාවගෙන් ඉල්ලා සිටින බව ආරක්ෂක මාණ්ඩලික ප්‍රධානි ජෙනරාල් ශවේන්ද්‍ර සිල්වා මහතා ජනතාවගෙන් ඉල්ලා සිටියේය.

10 July 2022

ගෑස් නෞකාවක් අද පස්වරුවේ

ලිට්‍රෝ ගෑස් සමාගම ආනයනය කළ ගෑස් මෙට්‍රික්ටොන් 3700ක් රැගත් නෞකාවක් ශ්‍රී ලංකාවට අද (10) පස්වරුවේ ළඟාවීමට නියමිත බවත් පරීක්ෂණ කටයුතු අවසන් වූ වහාම බෙදාහැරීම වහාම ආරම්භ කරන බවත්ලිට්රෝ සමාගමේ උසස් නිළධාරියෙක් පැවසීය.

10 July 2022

අයි.එම්.එෆ් වෙතින් නිවේදනයක්

ශ්‍රී ලංකාව සමඟ සාකච්ඡා ඉදිරියට පවත්වාගෙන යාම සඳහා ශ්‍රී ලංකාවේ ඇති වී තිබෙන දේශපාලන අස්ථාවරත්වයට ඉක්මණින් විසඳුමක් බලාපොරොත්තු වන බව ජාත්‍යන්තර මූල්‍ය අරමුදල නිවේදනයක් නිකුත් කරමින් ප්‍රකාශ කළේය.

10 July 2022

ජනපති මැදුරේ තිබූ මුදල් තොගයක් අරගලකරුවෝ පොලිසිය බාර දෙති

අරගලය පැවති අවස්ථාවේදී ජනපති මන්දිරයේ තිබූ රුපියල් එක්කෝටි හැත්තෑ අට ලක්ෂ පනස් දහසක මුදලක් විශ්වවිද්‍යාල සිසුන් විසින් භාර දෙනු ලැබ ඇතැයි පොලිසිය පවසයි.

10 July 2022

අයි.ඕ.සී ඉන්ධන බෙදීම යළිත් අරැඹේ

ඉන්දියන් ඔයිල් සමාගමට අයත් ඉන්ධන පිරවුම්හල් වෙත ඉන්ධන බෙදා හැරීම අද (10) නැවත ආරම්භ කළ බව එම සමාගම පවසයි.

10 July 2022

ජනපති මැදුර බලන්න මහා පිරිස්

අරගලකරුවන් ඊයේ (9) අත්පත්කරගත් කොළඹ කොටුව ජනාධිපති මන්දිරය, ගාලුමුවදොර ජනාධිපති ලේකම් කාර්යාලය සහ කොල්ලුපිටිය අරලියගහ මන්දිරය තවදුරටත් රැකගැනීමට සහ දැකබලා ගැනීමට ජනතාව අද පෙරවරුවේ සිට විවිධ ප්‍රදේශවලින් කොළඹට පැමිණෙමින් සිටිති.

10 July 2022