එසැණ පුවත්

කැබිනට් රැස්වීම් නැතිව ආර්ථිකය ඇණ හිටින ලකුණු

කැබිනට් මණ්ඩලය රැස් නොවීම නිසා ඉන්ධන ඇතුළු හදිසි මිලදී ගැනීම් කිසිවක් වෙනුවෙන් මුදල් වෙන් කිරීමට නොහැකිව ආර්ථික කටයුතු ඇණහිට ඇතැයි රජයේ ආරංචි මාර්ග පවසයි. ජනාධිපතිවරයා සහභාගී නොවීම නිසා සඳුදා(11) දින පැවැත්වීමට නියමිතව තිබූ අමාත්‍ය මණ්ඩල රැස්වීම දින නියමයක් නැතිව කල් යාමෙන් මෙම අර්බුදය උද්ගත වී තිබේ.

12 July 2022

ඕස්ට්‍රේලියා යන්න සිටි 17ක් මාට්ටු

මුහුදු මගින් ඕස්ට්‍රේලියා බලා යාමට උත්සහ කළ පුද්ගලයන් 17 දෙනකු එරාවුර් පුණ්නක්කුඩි වෙරළේ විශේෂ කාර්ය බලකාය මගින් අත්අඩංගුවට ගෙන ඇත.

12 July 2022

අබේට සොව පළකරන්න දිනේෂ් තානාපති කාර්යාලයට

පාර්ලිමේන්තුවේ සභානායක, රාජ්‍ය පරිපාලන, ස්වදේශ කටයුතු, පළාත් සභා හා පළාත් පාලන අමාත්‍ය දිනේෂ් ගුණවර්ධන මහතා, ජපාන තානාපති කාර්යාලයට පැමිණ, ජපාන හිටපු අග්‍රාමාත්‍ය ෂින්සො අබේගේ අභාවය වෙනුවෙන් විශේෂ සටහනක් තබා ශෝකය පළ කළේය.

12 July 2022

2023 ලොව වැඩිම ජනගහනය ඉන්දියාවේ

ලබන වසර වෙද්දී, ඉන්දියාව, චීනය අභිබවා ලෝකයේ වැඩිම ජනගහනයක් වෙසෙන රට බවට පත්වනු ඇතැයි එක්සත් ජාතීන්ගේ ලෝක ජනගහන අපේක්ෂාව සම්බන්ධයෙන් එළිදැක්වූ නවතම වාර්තාවේ සඳහන් වෙයි.

12 July 2022

නාවික සැතපුම් 390ක් ඈත මුහුදේ කුණාටුවක අසුවූ 55 බේරා ගැනෙති

නීති විරෝධී ලෙස මෙරටින් විදෙස් රටකට සංක්‍රමණය වෙමින් සිටියදී හම්බන්තොට සිට නාවික සැතපුම් 390 ක් පමණ ශ්‍රී ලංකාවට ගිණිකොන දෙසින් වූ ගැඹුරු මුහුදේදී සුළි කුණාටුවකට හසුවී ආපදාවට පත් මෙරට බහුදින ධීවර යාත්‍රාවක සිටි පුද්ගලයන් 55 ක් මුදාගැනීමට සමත් වූ බව නාවික හමුදාව පවසයි

12 July 2022

පක්ෂ නායක - අරගලකරුවන් අතර රැස්වීම නවතී

රටේ ආර්ථිකය සම්බන්ධයෙන් අද පෙරවරුවේ පැවැත්වීමට නියමිතව තිබූ පාර්ලිමේන්තු කටයුතු පිළිබඳ කාරක සභාවේ රැස්වීමද අරගල කරුවන් සමග අද පස්වරුවේ පැවැත්වීමට නියමිතව තිබූ පක්ෂ නායක රැස්වීමද කල් දමා ඇතැයි පාර්ලිමේන්තු ආරංචි මාර්ග මාර්ගවලින් පැවසේ .

12 July 2022

ඇඹිලිපිටියෙන් කුඩු කිලෝ 38ක් අල්ලයි

ඇඹිලිපිටියේ නගරයේ නිවසක සඟවා තිබු හොරොයින් කිලෝ 38ක් සමග මවක සහ ඇගේ පුතා ඇඹිලිපිටිය මුලස්ථාන පොලිසිය මගින් අත්අඩංගුවට ගෙන ඇත.

12 July 2022

ෆ්ලයි ඩුබායි ගුවන් ගමන් නවතී

එක්සත් අරාබි එමීර් රාජ්‍යයේ ෆ්ලයි ඩුබායි ගුවන් සේවය ඉකුත් 10 වැනිදා සිට නැවත දැනුම් දෙනතුරු ශ්‍රී ලංකාව වෙත සිදුකරන ගුවන් ගමන් අත්හිටුවා ඇතැයි එම ගුවන් සේවයේ ප්‍රකාශකයෙක් පැවැසීය.

12 July 2022

ඉන්දීය පොහොර ’’විභාගය’’ සමත් වෙි

ඉන්දියාවෙන් දුන් යූරියා පොහොර ශ්‍රී ලංකාවේ වී වගාව ඇතුළු අනෙකුත් වගාවන් සඳහා යෙදීමට සුදුසු බව ජාතික පොහොර ලේකම් කාර්යාලය කෘෂිකර්ම අමාත්‍ය මහින්ද අමරවීර මහතාට වෙත දැනුම් දුන්නේය.

12 July 2022

අරලියගහ මැදුරත් වනසති:තැන තැන ගුල් හාරති

අරලියගහ මන්දිරයේ මාධ්‍ය අංශයේ තිබූ උපකරණ සොරාගෙන ගොස් ඇතැයි අග්‍රමාත්‍ය මාධ්‍ය ඒකකය කොල්ලුපිටිය පොලිසියට පැමිණිලි කර තිබේ.

12 July 2022

බිලියන 13 ක් පැරැණි විශ්වයේ වර්ණ ඡායාරූප එළිදකී

වසර බිලියන 13 ක් ඈත අතීතයේ, විශ්වයේ මණ්දාකිණි පිහිටීම සහ මණ්දාකිණි නිර්මාණය වූ ආකාරය ඡායාරූපයට නැගීමට ඇමෙරිකාවේ නාසා ආයතනය සමත් වී ඇති අතර, ඇමෙරිකා ජනාධිපති ජෝ බයිඩන්, ධවල මන්දිරයේ පැවැති මාධ්‍ය හමුවක් අතරතුරේ එම ඡායාරූප ප්‍රසිද්ධියට පත් කළේය.

12 July 2022

විදෙස් ගත වීමට ආ බැසිල්ට විරෝධයක්

හිටපු මුදල් අමාත්‍ය බැසිල් රාජපක්ෂ මහතා අද අලුයම ඩුබායි ඔස්සේ ඇමෙරිකාව බලා පිටත්ව යාමට පැමිණි අවස්ථාවේ , කටුනායක ගුවන් තොටුපළ තුළ සිටි ගුවන් මගීන්ගෙන් එල්ල වූ විරෝධතාවක් නිසා සිය ගුවන් ගමන අතහැර ආපසු ගොස් ඇතැයි වාරතා වෙයි.

12 July 2022

තෙල් ගන්න ඇවිත් පොලිස් ලොක්කාට පහරදීලා

මතුගම අයිඕසී පිරවුම්හලේ ඉන්ධන බෙදාදීමේදී ඇතිවූ නොසන්සුන් තාවයක් හේතුවෙන් පුද්ගලයකු ගේ පහරකෑමට ලක්වූ අපරාධ අංශ ස්ථානාධිපති තුවාල ලබා රෝහල් ගතකර ඇතැයි මතුගම පොලිසිය පවසයි .

12 July 2022

අරගලකරුවන් දෙපිරිසක් අගමැති මැදුරෙදී ගුටි ඇනගෙන

කොල්ලුපිටිය අරලියගහ මන්දිරය තුළදී අරගල කරුවන් දෙපිරිසක් අතර ඇති වූ ගැටුමකින් තුවාල ලැබූ පුද්ගලයන් දස දෙනකු කොළඹ ජාතික රෝහලට ඇතුළත් කර ඇතැයි එහි ජ්‍යෙෂ්ඨ ප්‍රකාශකයෙක් පැවසීය

12 July 2022

අදත් තැනින් තැනට කඩින් කඩ වැසි

සබරගමුව පළාතේත් මහනුවර සහ නුවරඑළිය දිස්ත්‍රික්කවලත් අද (12) විටින් විට වැසි ඇතිවන බව කාලගුණ විද්‍යා දෙපාර්තමේන්තුව පවසයි.

12 July 2022

සේද මාවතේ මගී නිෂ්කාශන කටයුතු නවතියි

කටුනායක බණ්ඩාරනායක ජාත්‍යන්තර ගුවන් තොටුපළ තුළ මුදල් ගෙවා ප්‍රභූවරුන් සිය ගුවන් ගමන් පහසුකම් සළසා ගන්නා ’’ සේද මාවත ’’ ( Silk Route ) මගී නිෂ්කාශන පර්යන්තයේ රාජකාරී කටයුතුවලින් අද අලුයම 12.00 (00.00) සිට නැවත දැනුම් දෙන තුරු ඉවත් වීමට ශ්‍රී ලංකා ආගමන විගමන දෙපාර්තමේන්තු නිලධාරීන්ගේ සංගමය තීරණය කර ඇති බව එහි සභාපති කේ.ඒ.ඒ.එස්.කණුගල මහතා පවසයි.

12 July 2022

හොර පාරෙන් පාස්පෝට් හදා දෙන්න අල්ලස් ගත් තුනක් මාට්ටු කර දෙයි

ආගමන විගමන දෙපාර්තුමේන්තුවේ මහනුවර ශාඛා කාර්යාලය වෙත දේශ ගමන් බලපත්‍ර ලබා ගැනීම සඳහා පැමිණෙන තරුණ තරුණියන්ට එක්දින හා සාමාන්‍ය සේවාව යටතේ විදෙස් ගමන් බලපත්‍ර සකස් කර දෙන බව පවසමින් රුපියල් හය 6000 සිට 50,000 දක්වා මුදල් ලබාගත් බව කියන එම කාර්යාලයේ හිටපු සේවකයකු සහ තවත් පුද්ගලයන් දෙදෙනකු එම තරුණ තරුණියන් විසින් අල්ලා මහනුවර මූලස්ථාන පොලිසියට භාරදී තිබේ .

11 July 2022

‘‘ජනතාව ප්‍රතික්ෂේප කළ පාලකයන් ඉවත් විය යුතුයි‘‘

මේ අභාග්‍ය අභාග්‍යසම්පන්න තත්ත්වයෙන් රටත් ජනතාවත් මුදවා ගැනීම සඳහා ක්‍රියා කරන ලෙස ජනාධිපතිවරයාටත් රජයටත් අවස්ථා ගණනාවකදී දැනුම් දුන්නත් ඒ කිසිවක් පිළිබඳව ජනාධිපතිවරයා හෝ රජය සැලකිල්ලක් යොමු නොකළ බව මල්වතු - අස්ගිරි මහනා හිමිවරු පැවැසූහ.

11 July 2022

‘‘දේශපාලන අස්ථාවරත්වය අයි.එම්.එෆ් සාකච්ඡාවලට බාධාවක්‘‘

ශ්‍රී ලංකාවේ දිගු කාලීන දේශපාලන අස්ථාවරත්වය ජාත්‍යන්තර මූල්‍ය අරමුදලේ ණය ආධාර සාකච්ඡාවල ප්‍රගතිය ප්‍රමාද කළ හැකි බව ආචාර්ය නන්දලාල් වීරසිංහ මහතා රොයිටර් පුවත් සේවය සමඟ පැවති සම්මුඛ සාකච්ඡාවේදි ප්‍රකාශ කර ඇත.

11 July 2022

ජනාධිපති රටේ ඉන්නවා:පිටව ගිහින් කිව්වේ වැරදීමකින්

ජනාධිපතිවරයා තවමත් මෙරට සිටින බව කතානායක මහින්ද යාපා අබේවර්ධන මහතා පැවසීය.

11 July 2022

අගමැති ලේකම් නීතිපති මතය විමසයි

ජනාධිපති ධුරය පුරප්පාඩු වුවහොත් ගත යුතු ඉදිරි ක්‍රියාමාර්ග පිළිබඳව නීතිපති මතය අග්‍රාමාත්‍ය ලේකම්වරයා වෙත දන්වා ඇතැයි අග්‍රාමාත්‍ය කාර්යාලය සඳහන් කරයි.

11 July 2022

ආයුධයක් සමඟ අත්අඩංගුවට ගත් සැරයන් 15 තෙක් රිමාන්ඩ්

පොලිස් නිල ඇඳුමින් සැරසී තියුණු ආයුධයක් ද අතැතිව ජනාධිපති ලේකම් කාර්යාලය ඉදිරිපිට රැඳී සිටියදී කොටුව පොලීසිය අත්අඩංගුවට ගත් පොලිස් ප්‍රවාහන කොට්ඨාශයේ යාන්ත්‍රික පොලිස් සැරයන්වරයා ලබන 15 වැනි දා තෙක් රක්ෂිත බන්ධනාගාර ගතකරන ලෙස කොළඹ අතිරේක මහේස්ත්‍රාත් කේමින්ද පෙරේරා මහතා අද 11 නියෝග කළේය.

11 July 2022

’’ජේ.වී.පිය ජනතාවගේ හිත් දිනාගනිමින් සි‌ටියි’’

ජනතා විමුක්ති පෙරමුණ ජනතා ප්‍රසාදය හිමිකර ගනිමින් දිනෙන් දින ශ්‍රී ලංකාවේ වර්ධනය වන පක්ෂයක් බව අනුර කුමාර දිසානායක මහතා සමඟ පැවති හමුවක් පිළිබඳ අදහස් දක්වමින් ශ්‍රී ලංකාවේ ඇමෙරිකානු තානාපති ජුලී චන්ග් මහත්මිය ප්‍රකාශ කළාය.

11 July 2022

ජනාධිපති ධුරයට සජබෙන් සජිත්ව යෝජනා කරයි

විපක්ෂ නායක සජිත් ප්‍රේමදාස මහතාව ජනාධිපති ධූරය සඳහා යෝජනා කිරීමට සමගි ජන බලවේගයේ මන්ත්‍රී කණ්ඩායම ඒකමතිකව අද(11)තීරණය කරනු ලැබීය.

11 July 2022

මාර්ග අංක 138 බස් වර්ජනයක්

මාර්ග අංක 138 බස් රථ මේ වන විට වැඩවර්ජනයක් ක්‍රියාත්මක කිරීම නිසා මගී ජනතාව දැඩි අපහසුතාවට පත්ව සිටියි.

11 July 2022

කන්කසන්තුරේ සිට මුරුක්කන්ඩි දක්වා නව දුම්රියක්

දුම්රිය සඳහා ඇති ඉල්ලුම පිළිබඳව අවධානය යොමුකරමින් කන්කසන්තුරේ සිට කිලිනොච්චිය මුරුක්කන්ඩි දක්වා නව දුම්රියක් ඊයේ (11) ධාවනය ආරම්භ කළේය.

11 July 2022

ජනපති ‌තෝරන දින නියම වෙයි

ජනාධිපති ගෝඨාභය රාජපක්ෂ මහතා ඉල්ලා අස්වුවහොත් අභිනව ජනාධිපතිවරයකු පත්කර ගැනීම සඳහා දින තුනක් ඇතුළත පාර්ලිමේන්තු මන්ත්‍ත්‍රීවරුන්ගෙන් නාම යෝජනා කැදවීමට පාර්ලිමේන්තු පක්ෂ නායකයෝ ඊයේ පස්වරුවේ තීරණය කළහ.

11 July 2022

කථානායකවරයාගේ ආරක්ෂාව තර කරයි

කථානායක මහින්ද යාපා අබේවර්ධන මහතාගේ ආරක්ෂාව තරකර ඇති බව පොලිස් ආරංචි මාර්ග පවසයි.

11 July 2022