එසැණ පුවත්

මුදල් කාරක සභාවේ සභාපති ධූරය හර්ෂට

සමගි ජන බලවේගයේ මන්ත්‍රී ආචාර්ය හර්ෂ ද සිල්වා මහතා රාජ්‍ය මුදල් පිළිබඳ පාර්ලිමේන්තු කාරක සභාවේ සභාපති ධූරයට අද (7) පත් කරනු ලැබීය.

පොලිස් ජිප් රථය ප්‍ර්‍රපාතයට පෙරළේ

රාත්‍රි මුර සංචාරය සදහා යොදවා තිබු නොර්වුඩ් පොලිසියේ ජිප් රථයක් හැටන් බගවන්තලාව ප්‍රධාන මාර්ගයේ දී ප්‍රපාතයකට පෙරලිමෙන් පොලිස් නිලධාරින් තිදෙනකු තුවාල ලබා දික්ඔය මුලික රෝහලට ඇතුළත් කර ඇති බව නොර්වුඩ් පොලිසිය පවසයි.

සිංහයන්ට 117ක ඉලක්කයක්

ශ්‍රී ලංකව සහ ඇෆ්ගනිස්තානය අතර සූරියවැව ජාත්‍යන්තර ක්‍රිකට් ක්‍රීඩාංගණයේදී දැන් පැවැත්වෙන තෙවැනි සහ අවසන් එක්දින ක්‍රිකට් තරගයේ පළමුව පන්දුවට පහර දුන් ඇෆ්ගනිස්කානු පිල ඕවර 22.2 කදී ලකුණු 116 කට සීමා විය.

යුක්රේනයේ නගර 80 යටවේ

රුසියානු හමුදා පාලනය යටතේ පවතින දකුණු යුක්රේනයේ කකොව්කා ජල විදුලි බලාගාරයේ වේල්ල අද උදෑසන පුපුරා ගොස් ඇතැයි රුසියන් ටුඩේ වෙබ් අඩවිය වාර්තා කර ඇත.

නතාශා - බෲනෝ යළි රිමාන්ඩ්

බෞද්ධ දර්ශනයට සහ සංස්කෘතියට අපහාස වන අයුරින් ප්‍රකාශයක් නිකුත් කළැයි කියන සිද්ධියට අදාලව රක්ෂිත බන්ධනාගාර ගතකර සිටින ජයනි නතාශා එදිරිසූරිය සහ ඇයට ආධාර අනුබල දුන්නැයි කියන බෲනෝ දිවාකර ලබන 21 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් තිලිණ ගමගේ මහතා අද (07) නියෝග කළේය.

මාලදිවයිනේ කෘෂිකර්මය නංවන්න ලංකාවෙන් උදවු ඉල්ලයි

ශ්‍රී ලංකාවේ කෘෂිකාර්මික අංශයේ සහයෝගය මාලදිවයිනටත් ලබා දෙන්නැයි මාලදිවයින් රජය ඉල්ලීමක් කර තිබෙි.

ව්‍යවසායක ගැටළු විසඳන්න පාර්ලිමේන්තු කමිටුවක් පත් කරන්න

කුඩා හා මධ්‍ය පරිමාණ ව්‍යවසායකයන්ගේ මූලික ගැටලු විසඳීම සඳහා පාර්ලිමේන්තු කමිටුවක් පත්කරන ලෙස සමගි ජන බලවේගයේ කොළඹ දිස්ත්‍රික් මන්ත්‍රී ආචාර්ය හර්ෂ ද සිල්වා මහතා පාර්ලිමේන්තුවේ දී පැවසීය.

කර්මාන්තකරුවන්ගේ දේපළ හාරසියයක් වෙන්දේසි කරලා

ණය නොගෙවූ දේපළ පවරා ගැනීම පිළිබඳ පරාටේ නීතිය යටතේ කුඩා හා මධ්‍යම පරිමාණ ව්‍යාපාරිකයන්ගේ දේපළ අත්පත්කර ගැනීම් සහ වෙන්දේසි කිරීම් හාරසියයක් මේ වසරේ පළමු මාස හතරේදී සිදුව ඇතැයි විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (7) පැවසීය.

සූරියවැව ප්‍රා.සභාවේ ලේකම් අල්ලසට යටවේ

සූරියවැව ප්‍රාදේශීය සභාවේ ලේකම්වරයා රුපියල් 50,000ක අල්ලසක් ගනිද්දී අල්ලස් හෝ දූෂණ චෝදනා විමර්ශන කොමිෂන් සභාව විසින් අත්අඩංගුවට ගනු ලැබීය.

‘‘පොන්නම්බලමි අත්අඩංගුවට ගන්නා බව දැනුම් දුන්නා‘‘

කුමාර් පොන්නම්බලම් මන්ත්‍රීවරයා අත්අඩංගුවට ගැනීමට කටයුතු කරන බව පොලීසියේ ප්‍රධානීන් තමාට කල් තියා දැනුම් දුන්නේ යැයිද පොලීසියේ රාජකාරි කටයුතුවලට බාධා කිරීමට හැකියාවක් නැතැයිද කතානායක මහින්ද යාපා අබේවර්ධන මහතා පාර්ලිමේන්තුවේදී අද (7) පැවසීය.

තරුණ මවට - කුඩා දියණියට වදුරු උණ

මන්කි ෆොක්ස් හෙවත් වඳුරු උණ වැළඳුන තරුණ මවක සහ කුඩා දියණියක හමු වූ බව කොළඹ වසන්ගත රෝග විද්‍යා ඒකකයේ අධ්‍යක්ෂ විශේෂඥ වෛද්‍ය සමිත ගිණිගේ මහතා පවසයි.

මන්ත්‍රී ගජේන්ද්‍රකුමාර් අත්අඩංගුවට

පොලිස් නිලධාරීන්ගේ රාජකාරියට බාධා කිරීම ඇතුළු චෝදනා කිහිපයක් යටතේ දෙමළ ජාතික ජනතා පෙරමුණේ නායක පාර්ලිමේන්තු මන්ත්‍රී ගජේන්ද්‍රකුමාර් පොන්නම්බලම් මහතා මීට සුළු මොහොතකට පෙර දී කොල්ලුපිටිය රැජින පාර ඔහුගේ නිවසේ දී අත්අඩංගුවට ගත් බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නීතීඥ නිහාල් තල්දූව මහතා පැවසීය

පළාත් රැසකට තද වැසි

බස්නාහිර, සබරගමුව සහ මධ්‍යම පළාත්වලත් ගාල්ල සහ මාතර දිස්ත්‍රික්කවලත් විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව කියයි.

සාපෙළ සිසුවියට මහා අපරාධයක් කරන්න හදලා

ගෙවත්තේ ළිඳෙන් ඇඟ සෝදාගෙන රාත්‍රී 11ට පමණ නිවෙසට එමින් සිටි පාසල් සිසුවියක කිසිවකු විසින් අල්ලා බිම පෙරළාගෙන අතවර කිරීමට උත්සාහ කිරීම හේතුවෙන් ඇය රෝහල්ගත කර ඇති අතර, ඇයට මේ නිසා සාමාන්‍ය පෙළ විභාගයටද පෙනී සිටීමට නොහැකි වූ බව නිට්ටඹුව මූලස්ථාන පොලිසිය පවසයි.

මෛත්‍රිගේ ලිපිය මධ්‍යම කාරක සභාව ඉවත් කරයි

පක්ෂ සාමාජිකත්වය අත්හිටුවන බවට ශ්‍රී ලංකා නිදහස් පක්ෂයේ හිටපු ජ්‍යෙෂ්ඨ උප සභාපතිවරයකු වන අමාත්‍ය නිමල් සිරිපාල ද සිල්වා මහතා ඇතුළු නව දෙනකුට යොමු කරන ලද ලිපිය අත්හිටුවීමට මධ්‍යම කාරක සභාව තීරණය කළ බව එම පක්ෂයේ මහලේකම් පාර්ලිමේන්තු මන්ත්‍රී දයාසිරි ජයසේකර මහතා ‘ලංකාදීප’යට පැවසීය.

යකඩ මිල සීඝ්‍රයෙන් පහළට

මෙම වසර ආරම්භයේ සිට පැවති යකඩවල මිල ගණන් මේ වනවිට සියයට පනහකින් පමණ අඩු වී ඇතැයි යකඩ ආනයනකරුවෝ පවසති.

මව, දින පහේ සිඟිතිය යෙහෙළියට දී මාරුවෙලා

දින 5ක් වයසැති බිළිඳිය, ගලේවෙල ප්‍රදේශයේ පිහිටි හෝටලයක් තුළ දී හොඳම යෙහෙළිය රවටා ඇයට බාර දී පලා ගොස් ඇතැයි ගලේවෙල පොලිසියේ ළමා හා කාන්තා කාර්යාංශය කියයි.

සාපෙළ සිසුවියගේ පිහිටට ආ පොලිස් දෙවියා

“අනේ පොලිස් අංකල් මගේ ඇඩ්මිෂන් එක ගෙදර දාලා ඇවිල්ලා. මට උදව් කරන්න අංකල්.”‍ යැයි මහත් අසරණව පොලිස් නිලධාරියා ඉදිරියට පැමිණ හඬා වැටෙන්නට වූ සිසුවියකට වහා ඉදිරිපත්ව උපකාර කිරීමට මොරගහහේන පොලිසියේ රථවාහන අංශයේ නිලධාරියෙක් අද (6) උදෑසන ඉදිරිපත් විය.

සුළි කුණාටුවක් ගැන අනතුරු ඇගවීමක්

ගිනිකොණදිග අරාබි මුහුදු ප්‍රදේශයේ පවතින පීඩන අවපාතය වයඹ දෙසට ගමන් කරමින් අද (6) මධ්‍යම රාත්‍රියේදී පමණ සුළි කුණාටුවක් දක්වා ක්‍රමයෙන් වර්ධනය වීමට බොහෝ විට ඉඩ ඇති බව කාලගුණවිද්‍යා දෙපාර්තමේන්තුව නිවේදනයක් නිකුත් කරමින් පවසයි.

ආණ්ඩුව රටේ ප්‍රජාතන්ත්‍රවාදය විනාශ කරනවා

රටේ බංකොලොත් භාවයත් ආර්ථික කඩා වැටීමටත් මුවා වී ප්‍රජාතන්ත්‍රවාදය විනාශ කිරීමට ජනාධිපතිවරයා ඇතුළු රජය කටයුතු කරමින් සිටින බව සමගි ජන බලවේගයේ මහලේකම් පාර්ලිමේන්තු මන්ත්‍රී රංජිත් මද්දුමබණ්ඩාර මහතා කොළඹ දී අද (6) ප්‍රකාශ කළේය.

බදුල්ල - ගාල්ල - කළුතර තව දුරටත් නායයෑමේ අවදානම

බදුල්ල, ගාල්ල සහ කළුතර දිස්ත්‍රික්කවලට පැන වූ නායයෑමේ පූර්ව අනතුරු ඇඟවීම තවදුරටත් ක්‍රියාත්මක බව ජාතික ගොඩනැගිලි පර්යේෂණ සංවිධානය අද (6) පස්වරුවේ පැවසීය.

අයිස් මතින් බස් පැදවූ රියැදුරන්ට 81,000 ක් දඩ

අයිස් මත්ද්‍රව්‍ය භාවිත කර බස්රථ ධාවනය කළ පෞද්ගලික බස්රථ රියැදුරන් දෙදෙනකුට රුපියල් 81,000ක දඩයක් සහ මාස හයක බරපතල වැඩ සහිත සිරදඩුවමක් කොළඹ රථවාහන මහේස්ත්‍රාත් අධිකරණය අද (06) නියම කළේය.

සාපෙළ විභාග වංචා තුනක් වාර්තා වේ

අධ්‍යාපන පොදු සහතික පත්‍ර සාමාන්‍ය පෙළ විභාගය මධ්‍යස්ථාන තුනක වංචා සිද්ධීන් තුනක් වාර්තා වී ඇතැයි විභාග කොමසාරිස් ජනරාල් අමිත් ජයසුන්දර මහතා පවසයි.

රුපියල් කෝටි 35 ක වාහන රේගු භාරයට

පාවිච්චි කරන ලද අමතර කොටස් යැයි රේගුවට ප්‍රකාශ කරමින් ඩුබායි සිට නීති විරෝධීව මෙරට ආනයනය කළ රුපියල් කෝටි 35 කට අධික වටිනාකමින් යුත් සුඛෝපභෝගි වාහන තුනක් ඇතුළු භාණ්ඩ තොගයක් භාරයට ගත් බව රේගු දෙපාර්තමේන්තුව අද (6) පස්වරුවේ පැවසීය.

මෙරට විදුලි පද්ධතිය නංවන්න GCl එක්වෙයි

රුපියල් කෝටි 6000ක පමණ මුදලක් යොදවා මෙරට ජාතික විදුලි පද්ධතියට මෙගාවොට් 200ක ධාරිතාවයක් එක්කළ හැකි මහා පරිමාණ විදුලි ව්‍යාපෘතියක් ආරම්භ කිරීමට ලෝකප්‍රකට පුනර්ජණනීය බලශක්ති සමාගමක් වන GCl ආයතනය කටයුතු යොදා තිබේ.

සාගල ආසියාවේ ප්‍රමුඛතම ආරක්ෂක සමුළුව අමතයි

ගුවන් යානා ගොඩ බැස්සවීමේ ගාස්තු අඩකින් බස්සයි

ගුවන් යානා කටුනායක ගුවන් තොටුපොළට ගොඩබෑමේ ගාස්තු වසරක් දක්වා සියයට 50 කින් අඩු කිරීමට රජය තීරණය කර ඇතැයි වරාය නාවික සහ ගුවන් සේවා අමාත්‍ය නිමල් සිරිපාල ද සිල්වා මහතා පාර්ලිමේන්තුවේදී අද (6) පැවසීය.

රට යන අයගේ පොලිස් සහතිකය ලිහිල් වේ

විදේශ රැකියා අපෙක්ෂකයන්ට පොලිස් වාර්තා නිකුත් කිරීමේදි ලිහිල් ප්‍රතිපත්තියක් අනුගමනයකිරීමට රජය තීරණය කර ඇත.