එසැණ පුවත්

‘‘සහල් මිල ගණන් දරා ගන්න බෑ‘‘

සහල් මිල ගණන් දරාගත නොහැකි මට්ටමක ඉහළ ගොස් ඇතැයි පාරිභෝගිකයෝ පවසති.

09 April 2022

රටේ අර්බුදයට එරෙහිව අදත් තැන තැන

සිවිල් ක්‍රියාකාරීන් පිරිසක් කොළඔ ගාලුපාරේ පිහිටි ඇමරිකානු තානාපති කාර්යාලය ඉදිරිපිට අද උද්ඝෝෂණයක් කළ අතර රටේ පවතින අර්බුදයට විසැඳුම් ඉල්ලා අදත් තැන තැන විරෝධතා හා උද්ඝෝෂණ පැවැත්විණි.

08 April 2022

තමිල්නාඩුවෙන් ශ්‍රී ලංකාවට සහනයක්

දෙමළ ජනතාවගේ සුබ සිද්ධිය සලකා බලමින් ශ්‍රී ලංකාවට සහල්, ඖෂධ වැනි අත්‍යවශ්‍ය ද්‍රව්‍ය යැවීමට තමිල්නාඩුව සූදානම් යැයි එම ප්‍රාන්තයේ ප්‍රධාන අමාත්‍ය එම්.කේ. ස්ටාලිං පවසා ඇත.

08 April 2022

ශ්‍රී ලංකා මහ බැංකුව මුදල් ප්‍රතිපත්ති ස්ථාවරය දැඩි කරයි

ආර්ථික ස්ථාවරත්වය ඇති කිරීම සඳහා සැලකිය යුතු ලෙස සිය මුදල් ප්‍රතිපත්ති ස්ථාවරය දැඩි කිරීමට ශ්‍රී ලංකා මහ බැංකුව පියවර ගෙන ඇත.

08 April 2022

කොළඹ රකින ජන පවුර ආණ්ඩුවට සහායදී උද්ඝෝෂණයේ

ජනාධිපති ගෝඨාභය රාජපක්ෂ මහතාට හා ආණ්ඩුවට සහාය පළ කරමින් කොළඹ රකින ජන පවුර සංවිධානය කරන ලද සාමකාමී පෙළපාලියක් අද (8) පැවැත්විණි.

08 April 2022

ඉන්දීයාවෙන් ණයට දෙන තෙල් බාගයකටත් වඩා අරන් අවසන්

ඉන්දීය ණය ආධාර යටතේ ඉන්ධන මිලදීගැනීම සඳහා මෙරටට ලැබෙන ඇමෙරිකානු ඩොලර් කෝටි 50 න්, ඩොලර් කෝටි 29 ක් වටිනා ඉන්ධන මේ වන විටත් ලබාගෙන ඇතැයි ලංකා ඛනිජ තෙල් නීතිගත සංස්ථවේ සභාපති සුමිත් විජේසිංහ මහතා අද (8) පැවසීය.

08 April 2022

විදුලියට ඉන්ධන ඉල්ලා ගොනු කළ පෙත්සම විසිවෙයි

විදුලි උත්පාදනයට අවශ්‍ය ඉන්ධන විදුලිබල මණ්ඩලයට අඛණ්ඩව ලබා දෙන ලෙසට බලශක්ති අමාත්‍යවරයාට නියෝගක් නිකුත් කරන්නැයි ඉල්ලා ශ්‍රි ලංකා මහජන උපයෝගීතා කොමිසම ගොනු කර තිබූ මූලික අයිතිවාසිකම් පෙත්සම විභාගයට ගැනීම ශ්‍රේෂ්ඨාධිකරණය අද (08) ප්‍රතික්ෂේප කළේය.

08 April 2022

කොවිඩ් ආසාදිතයන් 80ක්

කොවිඩ් ආසාදිතයින් තව 80 දෙනෙක් අද (8) හඳුනාගත් බව සෞඛ්‍ය අමාත්‍යාංශය පවසයි.

08 April 2022

ලබන සතියේ දින තුනක් විදුලිය අඛණ්ඩව

සිංහල සහ දෙමළ අලුත් අවුරුද්ද වෙනුවෙන් ලබන 13 වැනිදා සිට 15 දක්වා දින තුනේ විදුලිය කප්පාදු නොකරන බව මහජන උපයෝගිතා කොමිසමේ සභාපති ජනක රත්නායක මහතා පැවසීය.

08 April 2022

පාර්ලිමේන්තුව ලබන 19 වැනිදා දක්වා කල් තැබේ

සිංහල හින්දු අලුත් අවුරුද්ද වෙනුවෙන් පාර්ලිමේන්තුව ලබන 19 දක්වා කල් තැබීමට පාර්ලිමේන්තු කටයුතු පිළිබඳ කාරක සභාව අද (8) පස්වරුවේ තීරණය කළේය.

08 April 2022

අර්බුදය විසඳන්න තේරීම් කාරක සභාවක් ඉල්ලයි

රට වර්තමානයේ මුහුණ දී සිටින අර්බුදයට කඩිනම් විසඳුම් සෙවීම සඳහා පාර්ලිමේන්තුව නියෝජනය කරන සියලුම පක්‍ෂ ඇතුළත් තේරීම් කාරක සභාවක් පත්කළ යුතු බවත් එම තේරීම් කාරක සභාව දින පහක් තුළ පිළිගත හැකි ව්‍යවස්ථාමය විසඳුමකට එළඹීමට කටයුතු කළ යුතු බවත් දන්වමින් පාර්ලිමේන්තු මන්ත්‍රී ඩිලාන් පෙරේරා මහතා කතානායකවරයාට ලිපියක් යොමුකර තිබේ.

08 April 2022

පාර්ලිමේන්තුව අසල විරෝධතාකරුවන්ට කඳුලු ගෑස්-ජල ප්‍රහාර

පාර්ලිමේන්තු මාර්ගය අසලට පැමිණි විරෝධතාකරුවන් විසුරුවා හැරීම සඳහා කඳුලු ගෑස් සහ ජල ප්‍රහාර එල්ල කර තිබේ.

08 April 2022

අලි සබ්රි නැවතත් මුදල් අමාත්‍ය ධූරයට?

මුදල් අමාත්‍ය ධූරයේ තවමත් කටයුතු කරන බව ජනාධිපති නීතිඥ අලි සබ්රි මහතා පාර්ලිමේන්තුවේදී අද (8) පැවසීය.

08 April 2022

ස්වාධීන මන්ත්‍රී කණ්ඩායමෙන් ජනපතිට ලිපියක්

සර්වපාක්ෂික අන්තර්කාලීන ආණ්ඩුවක් ස්ථාපිත කිරීමට වහාම කටයුතු කරන්නැයි ඉල්ලා පාර්ලිමේන්තුවේ ස්වාධින මන්ත්‍රී කණ්ඩායම ජනාධිපති ගෝඨාභය රාජපක්ෂ මහතාට ලිපියක් යොමු කර ඇත.

08 April 2022

රුසියන් ප්‍රහාරයෙන් යුක්රේනයේ 35 ක් මරුට

යුක්රේනයේ ක්‍රමාටොර්ස්ක් නගරයට රුසියන් හමුදා එල්ල කළ ප්‍රහාරයකින් යුක්රේන සිවිල් වැසියන් 35 දෙනකු මියගිය බවත් 100 කට වැඩි පිරිසක් තුවාල ලැබූ බවත් බටහිර මාධ්‍ය වාර්තා කළේය.

08 April 2022

කොරෝනා තවත් මරණයක්

කොවිඩ් ආසාදිත රෝගී මරණයක් ඊයේ (7) දිනයේදී වාර්තා වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (8) නිවේදනය කළේය.

08 April 2022

ස්වාධින භික්ෂු එකමුතුව සත්‍යග්‍රහයක් අරඹයි

ස්වාධීන භික්ෂු එකමුතුව සංවිධානය කරන ලද මහා සංඝරත්නයේ සාමකාමි සත්‍යයක් ග්‍රහය විහාර මහා දේවී උද්‍යානයේ බුදු පිළිමය අසල මේ වන විට පැවැත්වෙයි.

08 April 2022

විරෝධතාවෙන් කොටා පාර අවහිර වෙයි

අන්තර් විශ්වවිද්‍යාල ශිෂ්‍ය බලමණ්ඩලය සහ සිවිල් ක්‍රියාකාරීන් සංවිධානය කරන ලද විරෝධතා පා ගමනක් කැළණිය විශ්ව විද්‍යාලයේ සිට පාර්ලිමේන්තුව‌ දෙසට ගමන් කරමින් තිබේ.

08 April 2022

‘තනතුරු නැතුව වාහන පාවිච්චි කළොත් කාට කාටත් වගකියන්න වේවි්‘

ඇමැති තනතුරු නැතුව වාහන පාවිච්චි කරන්නේ නම් කවුරු කවුරුත් ඒවට වගකියන්න වේවි යැයි ආණ්ඩු පක්ෂයේ ප්‍රධාන සංවිධායක අමාත්‍ය ජොන්ස්ටන් ප්‍රනාන්දු මහතා පාර්ලිමේන්තුවේදී අද (8) පැවසීය.

08 April 2022

‘විශ්වාසභංගයක් සහ දෝෂාභියෝගයක් ගේනවා‘

ජනාධිපතිවරයාට සහ ආණ්ඩුවට එරෙහිව විශ්වාසභංගයක් සහ දෝෂාභියෝගයක් ගෙන ඒමට සූදානම් බව ගම්පහ දිස්ත්‍රික් මන්ත්‍රී‍විජිත හේරත් මහතා පාර්ලිමේන්තුවේදී අද (8) පැවසීය.

08 April 2022

‘උද්ඝෝෂණ නවත්වන්න එපා‘

ආණ්ඩුවට එරෙහිව ගෙන යන උද්ඝෝෂණ තීව්‍රර කළ යුතු මෙන්ම උද්ඝෝෂණ නතර නොකළ යුතු බවත් පොදු ජනතාව ගෙන යන උද්ඝෝෂණවලට ජාතික ජනබලවේගය උපරිම සහයෝගය ලබා දෙන බවත් ජාතික ජනබලවේගය පක්‍ෂයේ නායක අනුර කුමාර දිසානායක මහතා පැවසීය.

08 April 2022

නිවැසියන් සහ සුනඛයා සිහිසුන් කර රන්බඩු කොල්ල කාලා

දඹුල්ල මිරිස්ගෝනියාව හන්දියේ පිහිටි ව්‍යාපාරිකයකුගේ නිවසට අද (08) අලුයම ඇතුළු වූ කොල්ලකවන් පිරිසක් නිදා සිටි නිවැසියන්ට යම් රසායනික ද්‍රව්‍යක් මුහුණු වලට අල්ලා තදින් නින්ද යාමට සලස්වා නිවසේ තිබූ මුදල් රන් භාණ්ඩ සහ මෝටර් රථයක් කොල්ලකා පලාගොස් ඇතැයි දඹුල්ල පොලිසිය කියයි.

08 April 2022

අලි සබ්රි තවමත් මුදල් ඇමැති

ජනාධිපතිවරයා ඉල්ලා අස්වීම භාර ගෙන නැති හෙයින් ජනාධිපති නීතිඥ අලි සබ්රි මහතා මුදල් අමාත්‍ය ධූරයේ තවදුරටත් කටයුතු කරන බව රාජ්‍ය අමාත්‍ය කාංචන විජේසේකර මහතා පාර්ලිමේන්තුවේදී අද පැවසීය.

08 April 2022

රුපියල තව තවත් බාල්දු වෙයි

ශ්‍රී ලංකාවේ ප්‍රධාන වාණිජ බැංකු ඩොලරයේ අගය අද (8) දිනයේ රුපියල් 325 ක් දක්වා ඉහළ දමා තිබුණි.

08 April 2022

සජබෙන් රජයට එරෙහිව විශ්වාසභංගයක්

ආණ්ඩුව නායකයන් ඉවත් වන්නේ නැතිනම් විශ්වාසභංග යෝජනාවක් ගෙන එන බව විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද (8) පැවසීය.

08 April 2022

දුරගමන් පෞද්ගලික බස්වලට ලංගමෙන් ඩීසල්

සිංහල හා දෙමළ අලුත් අවුරුදු සමයේ ධාවනය කිරීමට නියමිත දුරගමන් සේවා විශේෂ පෞද්ගලික බස් රථවලට ලංකා ගමනාගමන මණ්ඩලයෙන් ඩීසල් ලබාදෙන බව ලංකා ගමනාගමන මණ්ඩලයේ සභාපති කිංස්ලි රණවක මහතා පැවසීය.

08 April 2022

එජාප මන්ත්‍රී විරෝධතා‌වෙන් මීරිගම සභාව දෙවරක්කල් තබයි

මීරිගම ප්‍රාදේශීය සභාවේ මාසික රැස්වීම පැවැත්වෙන අතරතුර එක්සත් ජාතික පක්ෂයේ මන්ත්‍රීවරුන් අද (8) දහවල් 11.40ට පමණ විරෝධතාවක යෙදීම හේතුවෙන් සභාපති වරයාට සභාව දෙවරක්කල් තැබීම ට සිදුවිය.

08 April 2022

සතොසෙන් තවත් සහන මල්ලක්

සිංහල සහ දෙමළ අලුත් අවුරුද්ද වෙනුවෙන් අත්‍යවශ්‍ය භාණ්ඩ වර්ග පහක් ඇතුළත් සහන මල්ලක් රුපියල් 1,950 කට හෙට (9) සිට සතොසින් මිලදීගත හැකි බව වෙළෙඳ අමාත්‍යංශය පවසයි.

08 April 2022