එසැණ පුවත්

පිටු දෙකක චෝදනාවට පිටු 25 කින් උත්තර යැව්වා

පිටු දෙකකින් යොමු කර තිබූ චෝදනා පත්‍රයට පිටු 25 කින් පිළිතුරු යොමු කළ බවත් ස්වාධීන කොමිසමක් ලෙස මහජන උපයෝගිතා කොමිසම කටයුතු කිරීම මෙම චෝදනා පත්‍රයට හේතුය යැයි පෙණෙන බවත් මහජන උපයෝගිතා කොමිසමේ සභාපති ජනක රත්නායක මහතා අද (28) පැවසීය.

28 March 2023

සනත්ට එරෙහි පෙත්සමට දින දෙයි

රාජ්‍ය අමාත්‍ය සනත් නිශාන්ත මහතාට එරෙහිව අධිකරණයට අපහාස කිරීමේ චෝදනා මත ශ්‍රී ලංකා අධිකරණ නිලධාරීන්ගේ සංගමය සහ නීතිඥවරුන් දෙදෙනෙක් ගොනුකර ඇති පෙත්සම් තුන ජූනි 7වැනිදා විභාගයට ගැනීමට අභියාචනාධිකරණය අද (28) නියෝග කළේය.

28 March 2023

සාම්පූර්හි සූර්ය විදුලි බලාගාරයකට අනුමැතිය

ත්‍රිකුණාමලයේ සාම්පූර්හි සුර්ය විදුලි බලාගාරයක් පිහිටුවීමට අමාත්‍ය මණ්ඩල අනුමැතිය හිමිව ඇත.

28 March 2023

විගණන කොමිසම නම් කෙරේ

ජාතික විගණන කොමිෂන් සභාවට පත්කිරීමට සිවු දෙනෙකුගේ නම් ආණ්ඩුක්‍රම ව්‍යවස්ථාදායක සභාව ජනාධිපතිවරයාට නිර්දේශ කළේය.

28 March 2023

මවකට ඔටුනු නොම වෙද සම්පත් සතර

එකම මවු කුසින් එකම දා එකම වේලාවට පේරාදෙණිය මහ රෝහලේ දී මෙලොව එළිය දුටු සිව් නිවුන් දරුවෝ අකුරු කිරීමට පළමුවරට මාවනැල්ල ජාතික පාසලට අද පිය නැගුහ.

28 March 2023

නව ඔම්බුස්මන් හිරිඹුරේගම

විශ්‍රාමලත් මහාධිකරණ විනිසුරු කේ.බී.කේ.හිරිඹුරේගම මහතා පරිපාලන කටයුතු පිළිබඳ පාර්ලිමේන්තු කොමසාරිස් (ඔම්බුඩ්ස්මන්වරයා) ලෙස පත් කිරීමට ආණ්ඩුක්‍රම ව්‍යවස්ථා සභාව අනුමතිය දුන්නේය.

28 March 2023

තෙල් සේවකයෝ එළියට බසිති

ඛනිජ තෙල් ආනයනය කිරීම ඇතුළු ලංකා ඛනිජ තෙල් සංස්ථාව සතුව තිබූ ඒකාධිකාරී බලය විදේශ සමාගම් දෙකකට ලබාදීම ඇතුළු ආණ්ඩුවේ ක්‍රියාකලාපයට එරෙහිව ලංකා ඛනිජ තෙල් සංස්ථාවේ වෘත්තිය සමිති රැසක් මේ වන විට රාජකාරිවලින් ඉවත්ව ඇති බව වාර්තා වේ.

28 March 2023

සංචාරකයින්ට කරදර කළ 4ක් කටුනායකදී අල්ලයි

කටුනායක ගුවන්තොටුපොළේ මගින් පැමිණීමේ පර්යන්තය අසල ගැවසෙමින් විදේශීය විදේශිය සංචාරකයින්ට අපහසු තාවයක් හා කරදරයක් වන ආකාරයට නීති විරෝධී ලෙස ප්‍රවාහන සේවා සැපයීමේ තැරව්කරුවන් ලෙස කටයුතු කරමින් සිටියේ යැයි කියන පුද්ගලයින් සිව් දෙනෙකු සැකපිට අත්අඩංගුවට ගත් බව පොලිස් විශේෂ කාර්ය බලකාය පවසයි

28 March 2023

සංචාරකයන්ට ගුවන්තොටේදී කරදර වැඩි වෙලා

කටුනායක ගුවන්තොටුපලෙන් ගෙඩබසින් සංචාරකයින්ගෙන් විවිධ පැමිණිලි හා මැසිවිලි දිනෙන් දින වැඩිවෙමින් පවතින බවත් ඔවුන්ට හිරිහැර කරන පුද්ගලයන් සම්බන්ධයෙන් දැඩි පියවර ගන්නා බවත් වරාය නාවික හා ගුවන්සේවා අමාත්යන නිමල් සිරිපාල ද සිල්වා මහතා කොළමදී අද (28) පැවසීය.

28 March 2023

බොරතෙල් මිල චුට්ටක් ඉහළට

ලෝක බොරතෙල් වෙළඳපොලේ අද (28) බොරතෙල් බැරලයක මිල පෙර සැසියට සාපේක්ෂව සුළු වශයෙන් ඉහළ ගියේය.

28 March 2023

ඩොලරය ශතවලින් තරවේ

ශ්‍රී ලංකා මහ බැංකුව අද(28) නිකුත් කළ විනිමය අනුපාතිකයේ ඇමෙරිකානු ඩොලරයක විකුණුම් මිල ශත 29 කින් ඉහළ ගියේය.

28 March 2023

සංචාරකයන් රැවැට්ටුවොත් දඩය වැඩියි

කටුනායක ගුවන්තොටුපලේදී සංචාරකයන් සම්බන්ධයෙන් අක්‍රමිකතාවල යෙදෙන පුද්ගලයන්ට එරෙහිව දැනට පනවන රුපියල් 25,000 ක රුපියල් දඩය ලක්‍ෂයක් දක්වා ඉහළ දැමීමට වරාය, නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පියවර ගෙන තිබේ.

28 March 2023

ඡන්දයක් පැවැත්වීමට නොහැකි තරම් රට බංකොලොත් නෑ

ඡන්දයක් පැවැත්වීමට නොහැකි තරම් රට බංකොලොත් නොමැති වුවද ආණ්ඩුව දේශපාලන වශයෙන් බංකොළොත් බවත් වැරදි පාලනය රට මෙම තත්වයට ඇඳදමා ඇති අතර කැබිනට් මණ්ඩලය මමයි රජා න්‍යායෙන් මිදී සංවාදයක් කරමින් ප්‍රජාතන්ත්‍රවාදී ආකාරයෙන් කටයුතු කළ යුතු බවත් පාර්ලිමේන්තු මන්ත්‍රී මාහාචාර්ය චරිත හේරත් මහතා අද (28) පැවසීය.

28 March 2023

එලවළු, පොල්, තේ , කුරුඳු පොහොර මිල පහළට

එළවළු, පොල්, තේ හා කුරුඳු ඇතුළු අනෙකුත් බෝග සඳහා යොදන මිශ්‍ර පොහොර මිල ගණන් සියයට 50කින් පහළ ගොස් ඇති බව කොමර්ෂල් පොහොර සමාගමේ සභාපති ආචාර්ය ජගත් පෙරේරා මහතා කෘෂිකර්ම අමාත්‍ය මහින්ද අමරවීර මහතාට අද(28) දැනුම් දුන්නේය.

28 March 2023

රනිල්ගේ නිවසට ගිනිතැබී යැයි ස.ජ.බ හිටපු මන්ත්‍රී සී.අයි.ඩී.යට

අරගල සමයේ ජනාධිපති රනිල් වික්‍රමසිංහ මහතාගේ කොල්ලුපිටියේ පස්වන පටුමගේ පිහිටි පෞද්ගලික නිවසට ගිනි තබා අනර්ථය කිරීමේ සිද්ධිය සම්බන්ධයෙන් කෝට්ටේ නගර සභාවේ සමගි ජනබලවේගය පක්ෂයෙන් හිටපු මන්ත්‍රිවරයකු අපරාධ පරීක්ෂණ දෙපාර්තමේන්තුව මගින් අත්අඩංගුවට ගෙන ඇති බව පොලිස් මුලස්ථානය කියයි.

28 March 2023

තියුණු ආයුධයකින් ගෙල කපලා

හම්බන්තොට පොලිස් බල ප්‍රදේශයේ බූන්දල ප්‍රදේශයේදී තියුණු ආයුධයකින් ගෙල කපා පුද්ගලයෙකු ඝාතනය කර ඇති බව හම්බන්තොට මූලස්ථාන පොලිසිය කියයි.

28 March 2023

දෙමසක් ඇතුලත ලංකාව හරිත ආර්ථිකයට

හරිත ආර්ථිකයකට ඇතුළු වන කලාපයේ පළමු රට ලෙස ශ්‍රී ලංකාවට හරිත ආර්ථික ප්‍රතිපත්තියක් ඉදිරි මාස දෙක ඇතුලත හඳුන්වාදෙන බව ජනාධිපති රනිල් වික්‍රමසිංහ මහතා පැවසීය.

28 March 2023

මත්වලට එරෙහි වූ පී.එච්.අයිගේ පුතාට පහරදීලා

මත්ද්‍රව්‍ය නිවාරණය පිළිබඳ දේශන පාසල්වල නොපවත්වන ලෙස පියාට දැණුම්දෙන්නැයි තර්ජනය කරමින් මහජන සෞඛ්‍ය පරීක්ෂකවරයකුගේ පුත්‍රයකුට පහරදී ඇතැයි සිලාවතුර පොලිසිය කියයි.

28 March 2023

නුවරඑළිය වසන්ත සැණකෙළිය 1දා ඇරැඹෙයි

නුවරඑළිය වසන්ත උත්සව සමය මෙවරත් අප්‍රේල් මස 01 දින සිට 30 දින දක්වා පැවැත්වීමට සියලු කටයුතු සුදානම් කොට ඇතැයි නුවරඑළිය මහ නගර සභාවේ නාගරික කොමසාරිස් සුජීවා බෝධිමාන්න මහත්මිය පැවැසුවාය.

28 March 2023

ඝාතනය වු කෘ.ප.නි.ස ට සියලු වරප්‍රසාද

ඝාතනයට ලක් වූ කෘෂිකර්ම පර්යේෂණ හා නිෂ්පාදන සහකාරවරියක ලෙස කටයුතු කළ නෙටොල්පිටිය වැලිආරේ දීපශිඛා ලක්රුවනි මහත්මියගේ නිවෙසට ගිය කෘෂිකර්ම අමාත්‍ය මහින්ද අමරවීර මහතා එම නිලධාරිනියගේ පවුලේ මව්පියන් ඇතුළු ඥාතීන්ට රජය වෙනුවෙන් හා කෘෂිකර්ම අමාත්‍යාංශය වෙනුවෙන් කනගාටුව පළ කළේය.

28 March 2023

ජේ.ශ්‍රී රංගා යළි රිමාන්ඩ්

රිය අනතුරක් සිදුකොට ප්‍රභූ ආරක්ෂක අංශයේ සැරයන්වරයකු මරණයට පත්කිරීම සම්බන්ධයෙන් චෝදනා ලැබ අධිකරණය මඟහරිමින් හා එම නඩුවිභාගයේ සාක්ෂිකරුවන් වෙත බලපෑම් කිරීම යන චෝදනා මත අත්අඩංගුවටගනු ලැබූ හිටපු පාර්ලිමේන්තු මන්ත්‍රී ජේ.ශ්‍රී රංගා මහතා මැයි 12 වැනිදා දක්වා රිමාන්ඩ් බන්ධනාගාර ගතකරන ලෙස වවුනියාව මහධිකරණ විනිසුරු එම්. මොහොමඩ් නිහාල් මහතා නියෝග කළේය.

28 March 2023

සනත් නන්දසිරි දිවියට සමුදෙයි

ප්‍රවීන ගායන ශිල්පී,සංගීත විශාරද, මහාචාර්ය සංගීත් නිපුන් සනත් නන්දසිරි මහතා අද පෙරවරුවේ අභාවප්‍රාප්ත විය.

28 March 2023

පළාත් කීපයකට වැසි ස්වල්පයක්

බස්නාහිර, සබරගමුව, ඌව සහ වයඹ පළාත්වලත් මහනුවර, නුවරඑළිය, ගාල්ල, මාතර සහ මන්නාරම දිස්ත්‍රික්කවලත් ස්ථාන ස්වල්පයක අද (28) සවස් කාලයේ හෝ රාත්‍රී කාලයේ දී වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

28 March 2023

පරවි සුදාගේ ගෝලයා මාට්ටු

ඩුබායි රටේ සිටින මෙරට ප්‍රධාන පෙළේ මත්ද්‍රව්‍යජාවාරම්කරුවකු සහ සංවිධානාත්මක අපරාධ කල්ලි නායකයකු ලෙස සැලකෙන පරවි සුදා ගේ මත්ද්‍රව්‍ය ජාවාරම් සහ අපරාධ මෙහෙයවන බව කියන ඔහුගේ ප්‍රධානතම ගෝලයකු ඩුබායි රටට පලා යෑමට පැමිණ සිටි අවස්ථාවේ කටුනායක ගුවන් තොටුපළේ දී සැකපිට අත්අඩංගුවට ගෙන ඇත.

28 March 2023

සඳ මතුපිට ජලය

සඳ මතුපිට තැනින් තැන වීදුරු තට්ටු ඇති බවත්, ඒවා යට ජලය තිබිය හැකි බවත් විද්‍යාඥයෝ පවසති. අනාගතයේ සඳ මත ජනාවාස පිහිටුවා ගනිද්දී, මෙම ජලය ප්‍රයෝජනයට ගැනීමට හැකිවනු ඇති බවත් විද්‍යාඥයෝ පැහැදිලි කරති.

28 March 2023

ඇමෙරිකාවේ පාසලක වෙඩි තැබීමක්

ඇමෙරිකාවේ, ටෙනිසි ජනපදයේ, නෑෂ්විල් ප්‍රාන්තයේ, පෞද්ගලික ප්‍රාථමික පාසලක සිදුවුණු වෙඩි තැබීමකින්, 6 දෙනෙක් ජීවිතක්ෂයට පත්වූහ. එම 6 දෙනාගෙන් තිදෙනකු අවුරුදු 12 ට අඩු කුඩා දරුවන්ය.

28 March 2023

ව්‍යාපාරිකයාගේ නිවෙසින් කොටි දෙකක බඩු උස්සලා

වාද්දුව සංචාරක හෝටලයක හිමිකාර කෝටිපති ව්‍යාපාරිකයකුගේ පන්නිපිටිය පොල්වත්ත වසා තිබූ නිවසකට ඇතුළු වු කිසියම් කණ්ඩායමක් එහි කාමරයක තිබූ රුපියල් කෝටි දෙකකට ආසන්න වටිනා රන් භාණ්ඩ සහ විදේශීය මත්පැන් බෝතල් තොගයක් සොරාගෙන ගොස් ඇති බවට පැමිණිල්ලක් ලැබී ඇතැයි මහරගම පොලිසිය කියයි.

27 March 2023

කරූට තව සම්මානයක්

ආර්ථික, ආගමික ,සංස්කෘතික ,දේශපාලනික හා ආර්ථික යන සකල අංශයන්ගෙන් විශිෂ්ටත්වයට පත් ජනවාර්ගික සාමය වෙනුවෙන් කැපවූ ආනන්දීය චරිතයකට ජීවිතයට එක්වරක් පමණක් ලබාදෙන ආනන්දාභිමානී සම්මානය කතානායක කරූ ජයසූරිය මහතාට ලබා දීමට කොළඹ ආනන්ද විද්‍යාලය තීරණය කර තිබෙි.

27 March 2023