එසැණ පුවත්

දෙමිතුරන්ගේ ගුටි කෙළිය මරණයකින් අවසන් වෙයි

පානදුර කෙසෙල්වත්ත වෙළද සැලක් ඉදිරිපිට ත්‍රිෙරා්ද රථ ගාලක මිතුරන් දෙදෙනෙකු අතර අද (24) සවස ඇතිවූ ගුටි කෙළියකින් පසු එක් අයෙකු රෝහල් ගතකිරීමෙන් පසු මියගොස් ඇති බව පානදුර උතුර පොලිසිය කීය.

ආගමික ස්ථානවල වත්කම් සංගණනයක්

බෞද්ධ වෙහෙර විහාර ඇතුළු සියලුම ආගමික ස්ථානයනවල වත්කම් සහ දේපළ පිළිබඳ සංගණනයක් සිදුකිරීමට බුද්ධ ශාසන, ආගමික හා සංස්කෘතික කටයුතු අමාත්‍යංශය තීරණය කර තිබේ.

හිටපු ජනපති මෛත්‍රීපාල කාම්බෝජ මැතිවරණ නිරීක්‍ෂණයේ

කාම්බෝජ මහ මැතිවරණයේ ජාත්‍යන්තර නිරීක්‍ෂණ කණ්ඩායමේ සාමාජික හිටපු ජනාධිපති මෛත්‍රීපාල සිරිසේන මහතා කාම්බෝජයේ ජන්ද මධ්‍යස්ථාන කීපයක් අද (24) නිරීක්‍ෂණය කළේය.

සංහිඳියා සර්ව පාක්ෂික සමුළුව සජබ,ජාජබ වර්ජනය කරයි

එක්නැලිගොඩ නඩුව: නීතිපති ඉල්ලීම සලකා බැලීම සැප්: 5 දා

මාධ්‍යවේදී ප්‍රගීත් එක්නැලිගොඩ මහතා පැහැරගෙන ගොස් අතුරුදන් කිරීමේ චෝදනා මත යුද හමුදා බුද්ධි අංශ සාමාජිකයින් 09 දෙනෙකුට එරෙහිව පවරා ඇති නඩුවේ අතිරේක සාක්ෂි ලැයිස්තුවක් ඉදිරිපත් කිරීමට නීතිපතිවරයා කළ ඉල්ලීමට අවසර දෙන්නේ ද නැද්ද යන්න පිළිබඳ තීන්දුව සැප්තැම්බර් 5 වනදා ප්‍රකාශයට පත්කරන බව කළ මහාධිකරණ විනිසුරු මඩුල්ල අද (24) දැනුම් දුන්නේය.

දුම්රිය ගමන් වාර 80 ක් අවලංගුයි

දුම්රිය රියදුරු සංගමය ක්‍රියාත්මක කළ පැය 20 ක වැඩ වර්ජනය හේතුවෙන් ඊයේ (23) පස්වරුවේ සිට දුම්රිය ගමන් වාර 80 ක් අවලංගු කළ බව දුම්රිය දෙපා්තමේන්තුව පවසයි.

ලෝ රූ තරගෙට යන්න ආශිර් වාද ගන්න ඇවිත්

ලෝක සංචාරක රූ රැජින තරගාවලියට සහභාගි වන තරඟකාරිනියෝ ශ්‍රී ලංකාවේ සංචාරයක නිරතව සිටින අතර තුර මහනුවරට පැමිණ අද (24) ඓතිහාසික ශ්‍රී දළදා මාලිගාව නැරඹීමට එක්ව සිටියහ .

නැ‘හිර වෛද්‍යවරු ආණ්ඩුකාරවරයාට විරෝධය

නැගෙනහිර පළාත් ආණ්ඩුකාරවරයාගේ ක්‍රියාකලාපයට එරෙහිව එම පළාත පුරා වෛද්‍ය වඩවර්ජනයක් ආරම්භ කරන බව රජයේ වෛද්‍ය නිලධාරීන්ගේ සංගමය සඳහන් කරයි.

දහතුනේ පොලිස් බලතල ඉවත් කර 22 එයි

13 වන ආණ්ඩුක්‍රම ව්‍යවස්ථා සංශෝධනයේ ඇති පොලිස් බලතල ඉවත් කිරීම සඳහා 22 වන ආණ්ඩුක්‍රම ව්‍යවස්ථා සංශෝධනය පාර්ලිමේන්තුවට ඉදිරිපත් කරන බව පිවිතුරු හෙළ උරුමයේ නායක නීතිඥ උදය ගම්මන්පිල මහතා පැවසීය.

සෞඛ්‍ය ලේකම්ට එරෙහිව සෞඛ්‍ය වෘත්තිය සමිති 25ක්

සෞඛ්‍ය සේවකයන්ට ජනමාධ්‍යයට ප්‍රකාශ නිකුත් කිරීම වාරණය කරමින් සෞඛ්‍ය අමාත්‍යංශයේ ලේකම්වරයා නිකුත් කළ චක්‍රලේඛය අහෝසි කරන ලෙස ඉල්ලා සෞඛ්‍ය වෘත්තිය සමිති 25 ක් ඒකාබද්ධ ලිපියක් අද (24) සෞඛ්‍ය ලේකම්වරයාට යොමු කළේය.

පොලිස්පති උසාවියේදී රාළහාමිගෙන් සමාව අයදී

කංසා ළඟ තබාගත් බවට පොලිස් කොස්තාපල්වරයකුට එරෙහිව අනුරාධපුර කොට්ඨාස දූෂණ මර්දන අංශය බොරු චෝදනා යටතේ නඩු පැවරීමෙන් තන්තිරිමලේ පොලිසියට අනුයුක්තව සේවය කළ පොලිස් කොස්තාපල්වරයාට සිදුවු අසාධාරණය සම්බන්ධයෙන් පොලිස් මූලස්ථානයේ විශේෂ විමර්ශන කාර්යංශයේ අධ්‍යක්ෂ ජ්‍යෙෂ්ඨ පොලිස් අධිකාරි ඩී. එස්. වික්‍රමසිංහ මහතා මැදව්චචිය මහේස්ත්‍රාත් ප්‍රියන්ත හාල්යාල මහතා හමුවේ විවෘත අධිකරණයේදී අදාළ පොලිස් කොස්තාපල්වරයාගෙන් සමාව ඇයදුවේය.

ලක්ෂ 50 ජෙනි තුනක් මීයන්ට දීලා

රුපියල් ලක්ෂ 50ක් වැය කර කළුතර ප්‍රාදේශීය සභාවට මිළදී ගත් ජෙනරේටර් තුනක වයර් මීයන් කා දැමීම සහ බැටරි ආරෝපණය නොකිරීමෙන් විනාශවී ඇති බව එහි සේවකයෝ චෝදනා කරති.

ඇමෙරිකාවේ ලොකු සරසවියක් පාලනයට ලාංකික පුතෙක්

ලෝ ප්‍රකට ඇමෙරිකාවේ ජෝන් හොප්කින්ස් විශ්ව විද්‍යාලයේ 16 වැනි අධ්‍යාපන ප්‍රධානියා ලෙස ශ්‍රී ලාංකික තාරකා විද්‍යාඥයකු, සම්මානනීය ලේඛකයකු මෙන්ම අධ්‍යාපනඥයකු වන ආචාර්ය රේ ජයවර්ධන මහතා පත් කර තිබේ.

කෝටි 25 ක ව්‍යාපෘති නවයක් අමතක කරලා

රාජ්‍ය පරිපාලන ස්වදේශ කටයුතු පළාත් සභා හා පළාත් පාලන අමාත්‍යංශය යටතේ ඇති දේශීය ණය සහ සංවර්ධන අරමුදලට මෙම වසරේදී රුපියල් කෝටි 25 කට ආසන්න වටිනා ව්‍යාපෘති නවයක් ලැබී ඇතත් මෙතෙක් අධ්‍යක්ෂ මණ්ඩලය රැස්වී ඒ පිළිබඳව සලකා බලාවත් නැති බව පොදු ව්‍යාපාර පිළිබඳ පාර්ලිමේන්තු කාරක සභාවේදී( කෝප් කමිටුව) තොරතුරු අනාවරණයවිය.

දුම්රිය වැඩ වර්ජනය අවසන්

දුම්රිය රියදුරන් ක්‍රියාත්මක කළ වැඩ වර්ජනය අවසන් කළ බව දුම්රිය දෙපාර්තමේන්තුවේ උසස් නිලධාරියෙක් මීට පෙර පැවසීය.

මාස 7 කදී සංචාරකයන් ලක්‍ෂ 7 ක්

මෙම වසරේ ජනවාරි සිට මේ මස 20 වැනිදා දක්වා කාලය තුළදී විදේශ සංචාරකයන් 714,598 ක් මෙරටට පැමිණ ඇති බව සංචාරක සංවර්ධන අධිකාරිය පවසයි.

නෝර්වේ තානාපති කාර්යාලය 31 වැනිදා වහයි

ශ්‍රී ලංකාවේ නෝර්වේ තානාපති කාර්යාලය මේ මස 31 වනිදා සිට වසා දමන බව එම කාර්යාලය නිවේදනය කරයි.

වෙළෙඳ නාවික ලේකම් කාර්යාලය මහජන සේවාවන් අත්හිටුවයි

වෙළෙඳ නාවික ලේකම් කාර්යාලයේ මහජන සේවාවන් තාවකාලිකව අත්හිටුවූ බව එම කාර්යාලය නිවේදනයක් නිකුත් කරමින් පවසයි.

කළුගල් වැඩපොළේ කාමරයෙන් පුපුරණ ද්‍රව්‍ය මතුවේ

ඉතා රහසිගත ලෙස කළුගල් වැඩපොළක කාමරයකට ගබඩා කර තිබූ පුපුරණ ද්‍රව්‍ය තොගයක් බණ්ඩාරගම ගුන්ගමුව ප්‍රදේශයෙන් සොයාගත් බව කළුතර අපරාධ කොට්ඨාසය සඳහන් කරයි.

පොල්තෙල් බද්දෙන් රජයට විශාල පාඩුවක්

බදු ඉහළ නැංවීම නිසා පොත්තෙල් ආනයනය සීමාවීමෙන් රජයට වසරකට රුපියල් කෝටි 21,000කට අධික පාඩුවක් සිදුවනු ඇතැයි කොළඹ පිටකොටුව පොල්තෙල් ආනයනකරුවෝ පවසති.

පොලිසියට පාට් දැමූ 15ක් කූඩු කරයි

යතුරු පැදි අනතුරකින් පසු කුපිත වූ පිරිසක් පොලිස් රාජකාරියට බාධ කරමින් පොලු මුගුරුවලින් පහරදී තුවාල සිදු කිරීම සම්බන්ධයෙන් කාන්තාවක ඇතුළු 15 දෙනකු අත්අඩංගුවට ගත් බව පොලිසිය කියයි.

බිත්තර කිරා විකිණීමේ ගැසට්ටුව අවලංගු කරයි

බිත්තර කිලෝග්‍රෑම් ලෙස අළෙවි කිරීමට නිකුත් කළ ගැසට් නිවේදනය අවලංගු කිරීමට අවදානය යොමු වී ඇතැයි වෙළෙඳ අමාත්‍ය නලීන් ප්‍රනාන්දු මහතා පැවසීය.

දික්ඕවිට මුහුදට ‌දෙදෙනෙක් බිලි වෙති

වත්තල හැදල දික්ඕවිට මුහුදේ දිය නෑමට ගිය තරුණයන් 5 දෙනකු අතරින් දෙදෙනකු දියේ ගිලි මිය ගොස් ඇතැයි වත්තල පොලිසිය කියයි.

යාපනයට පිටින් අලි ඇතුන් ගෙනඒමේදී දැඩි නීති

යාපනය දිස්ත්‍රීක්කයේ පැවත්වෙන විශේෂ ආගමික උත්සව අවස්ථා ඇතුලු සියලු උත්සව අවස්ථාවන් සඳහා පිටස්තර ප්‍රදේශයන්හි සිට අලි ඇතුල් රැගෙන ඒමේදී විශේෂ අවසරයක් තිබිය යුතු බවට යාපනය දිසාපති ඒ. සිවාපල සුන්දරම් මහතා විසින් දැනුම් දී තිබේ.

චීන දේශපාලන ප්‍රබලයෙක් ජනපති හමු වෙයි

චීන කොමියුනිස්ට් පක්ෂයේ මධ්‍යම කාරක සභා දේශපාලන මණ්ඩල සභික සහ චොන්ග්කින්ග් නාගරික කමිටුවේ ලේකම් යුවාන් ජියාජුන් මහතා ඇතුළු චීන නියෝජිත පිරිස ජනාධිපති කාර්යාලයේදී ජනාධිපති රනිල් වික්‍රමසිංහ මහතා හමු විය.

සොර බඩු සමඟ හොර කපුවා මාට්ටු

වටිනා දේව පිළිම, ජංගම දුරකථන, යතුරු පැදි ඇතුළු දේපල රැසක් සොරකම් කළ බව කියන දේවාලයක කපුවෙකු අලවතුගොඩ පොලීසිය මගින් අත් අඩංගුවට ගෙන තිබේ.

දුම්රිය වර්ජකයන්ට එරෙහිව බන්දුලගෙන් දැඩි තීරණයක්

දුම්රිය සේවකයන් මෙම වැඩවර්ජනය අරඹා ඇත්තේ මගී ජනතාව අපහසුතාවයට පත් නොකර ගැටළු විසඳා ගන්නා ලෙස සුද්ද සිංහලෙන් කියා තිබියදී බව ප්‍රවාහන හා මහා මාර්ග අමාත්‍ය ආචාර්ය බන්දුල ගුණවර්ධන මහතා පැවසීය.

ලොතරැයිය කුලී ගොඩනැගිලිවලට කෝටි 40ක් පුදලා

ජාතික ලොතරැයි මණ්ඩලය කුලී ගොඩනැගිලිවල පවත්වාගෙන යෑමට පසුගිය වසර හතේදී පමණක් රුපියල් කෝටි 40කට ආසන්න මුදලක් වැය කර ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.