එසැණ පුවත්

හෙටත් පැය 3 ක විදුලි කප්පාදුවක්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (21) දිනයේ ද පැය 3 ක් විදුලි කප්පාදුවට අවසර දුන් බව මහජන උපයෝගිතා කොමිසමේ සභාපති ජනක රත්නායක මහතා අද (20) පස්වරුවේ පැවසීය.

20 July 2022

පාර්ලිමේන්තුවට ආරක්ෂාව දුන් හමුදාව-පොලිසිය අතරට ජනපති යයි

පාර්ලිමේන්තු පරිශ්‍රයේ ආරක්ෂාවට යොදවා සිටි ආරක්ෂක හමුදාව සහ පොලිසිය හමුවී ජනාධිපති රනිල් වික්‍රමසිංහ මහතා අද (20) පස්වරුවේ ඔවුන්ට ස්තුතිය පළ ක⁣ළේය.

20 July 2022

ජනාධිපති තේරීමේදී ජනතා මතයට පිටුපෑවා

පාර්ලිමේන්තුව තුළ ජනාධිපතිවරයා තෝරා ගැනීමේදී ජනතා මතය නියෝජනය වී නොමැති බවත්, මන්ත්‍රීවරුන් ජන අරගලය සම්බන්ධයෙන් සංවේදී නොවූ බවත් ශ්‍රී ලංකා රාමඤ්ඤ මහා නිකායේ දක්ෂිණ ලංකාවේ ප්‍රධාන සංඝනායක, ආචාර්ය ඕමල්පේ සෝභිත හිමියෝ පැවසූහ.

20 July 2022

සජබෙ 14ක් රනිල්ට ඡන්දෙ දීලා

සමගි ජන බලවේගය නියෝජනය කරන මන්ත්‍රීවරුන් 14 දෙනකු රනිල් වික්‍රමසිංහ මහතා ජනාධිපති ධුරයට පත් කිරීම සඳහා ඡන්දය ලබා දී ඇතැයි පාර්ලිමේන්තු මන්ත්‍රී හරීන් ප්‍රනාන්දු මහතා පැවසීය.

20 July 2022

ඉන්ධන පිරවුම්හල්වල රක්‍ෂණයට ගැටලුවක් නෑ

ජාතික ඉන්ධන බලපත්‍ර ක්‍රියාපටිපාටිය සම්බන්ධයෙන් රක්‍ෂණ ක්ෂේත්‍රයේ කිසිඳු ආයතනයක් විරෝධය පළකර නොමැති බවත් මෙම ඉන්ධන බලපත්‍රය හේතුවෙන් රක්‍ෂණය අවලංගු වීමක් සිදුනොවන බවත් ශ්‍රී ලංකා රක්‍ෂණ සංගමය නිවේදනයක් නිකුත් කරමින් පවසයි.

20 July 2022

මූල්‍ය සහාය ලබාදීමේ සාකච්ඡා හැකි ඉක්මනින් අවසන් කරනවා

ශ්‍රී ලංකාවට මූල්‍ය සහාය ලබා දීම සඳහා ජාත්‍යන්තර මූල්‍ය අරමුදල විසින් පවත්වන සාකච්ඡා හැකි ඉක්මණින් අවසන් කිරීමට බලාපොරොත්තු වෙන බව ජාත්‍යන්තර මූල්‍ය අරමුදලේ කළමණාකාර අධ්‍යක්ෂිකා ක්‍රිස්ටලිනා ජෝර්ජීවා මහත්මිය ප්‍රකාශ කළාය.

20 July 2022

අරගලකරුවෝ සටන අත් නොහරිති

ජනාධිපතිධූරයට රනිල් වික්‍රමසිංහ මහතා පත්කරගැනීම මහජන මතයට විරුද්ධ බවත්, ඔහු ධූරයෙන් ඉවත්කිරීම සඳහා අරගලය අඛණ්ඩව ඉදිරියට ගෙන යන බවත් ගාලු මුවදොර අරගලකරුවෝ පවසති.

20 July 2022

ජනපති නිවෙසට ගිනි තැබූ සිවු දෙනා යළි රිමාන්ඩ්

ජනාධිපති රනිල් වික්‍රමසිංහ මහතාගේ පෞද්ගලික නිවසට ගිනි තැබීමේ සිද්ධියට අදාළව රක්ෂිත බන්ධනාගාර ගත කර සිටි සැකකරුවන් සිව්දෙනකු ලබන 27 වැනිදා තෙක් තවදුරටත් රක්ෂිත බන්ධනාගාර ගතකරන ලෙස කොළඹ කොටුව මහේස්ත්‍රාත් තිළිණ ගමගේ මහතා අද (20) නියෝග කළේය .

20 July 2022

‘‘මෙය අනපේක්ෂිත ප්‍රතිඵලයක් ලෙස මා සලකන්නේ නැහැ‘‘

මේ පාර්ලිමේන්තුවේ අපිට යම් ප්‍රතිවිරුද්ධ දේශපාලන කඳවුරක් නිර්මාණය වී තිබෙනවා. ඒ කඳවුරත් එක්ක මතවාදී ක්‍රියාකාරීත්වයක් අවශ්‍ය බව ජාතික ජන බලවේගයේ ජනාධිපතිවරණ අපේක්ෂක අනුර දිසානායක මහතා පාර්ලිමේන්තුවේදී පැවසීය.

20 July 2022

‘‘රට සුවපත් කරන්න සියලු දෙනාගේ සහාය අවශ්‍යයි‘‘

සැමට සහෝදරත්වයේ හස්තය දිගු කරන අතර සියලු දෙනාම අප්‍රමාදී විය යුත්තේ රට සුවපත් කිරීමට යැයි ජනාධිපතිවරණ අපේක්ෂක ඩලස් අලහප්පෙරුම මහතා පාර්ලිමේන්තුවේ දී පැවසීය.

20 July 2022

ඉන්දියාව මෙරට තත්ත්වය ගැන කණස්සල්ලෙන්

ශ්‍රී ලංකාවේ ඇති වී තිබෙන තත්ත්වය සම්බන්ධයෙන් ඉන්දියාව කණස්සල්ලෙන් සිටින බව ඉන්දීය විදේශ කටයුතු අමාත්‍ය ආචාර්ය එස්.ජයිශංකර් මහතා පවසයි.

20 July 2022

ඉන්ධන බෙදුම්කරුවෝ ඇනවුම් කිරීම අත්හිටුවති

ලංකා ඛනිජ තෙල් සංස්ථාව සහ ඉන්දියන් ඔයිල් සමාගම ඉන්ධන පිරවුම්හල් හිමියන්ට දෙන කොමිස් මුදල සියයට 3 ක කොටස සියයට 1 ක් දක්වා අඩු කිරීම හේතුවෙන් ඉන්ධන බෙදුම්කරුවන් ඒකාබද්ධව ඇනවුම්කිරීම අත්හිටුවීමට කටයුතු කරමින් සිටින බව වාර්තා වේ.

20 July 2022

ඉන්ධන බෙදාහැරීම හෙට සිට ඇරඹේ

වාහනයේ ලියාපදිංචි අංකයේ අවසන් ඉලක්කම සහ ඊට අදාල දිනය අනුව රටපුරා ඉන්ධන බෙදාහැරීම හෙට (21) ආරම්භ කරන බව ඉන්ධන පිරවුම්හල් හිමියන්ගේ සංගමයේ සභාපති කුමාර රාජපක්ෂ මහතා අද (20) පස්වරුවේ පැවසීය.

20 July 2022

බෙදුනු අවස්ථාව ඉවරයි: දැන් රට ගොඩ නගමු

බෙදුණු අවස්ථාව ඉවරයි සියලු දෙනා එක්ව රට ගොඩනගමු යැයි ජනාධිපති රනිල් වික්‍රමසිංහ මහතා පාර්ලිමේන්තුවේ විශේෂ ප්‍රකාශයක් කරමින් අද (20) පැවසීය.

20 July 2022

කුඩුවලින් උපයාගත් නිවාස දෙකක් සහිත ඉඩම් දෙකක් රජයට

විදේස් රටක සැඟව සිටින මහා පරිමාණ මත්ද්‍රව්‍ය ජාවාරම්කරුවකු වන රත්මලාන කුඩු අංජු නැමැත්තාගේ මත්ද්‍රව්‍ය ජාවාරමේ නිරත අඹු සැමි යුවළක් ජාවාරම් කරන ලද මුදල් වලින් මිලදී ගෙන තිබූ බව කියන රුපියල් කෝටි දෙකකට ආසන්න වටිනා නිවාස දෙකක් පිහිටි ඉඩම් දෙකක් රජයට පවරා ගත් බව අපරාධ පරීක්ෂණ දෙපාර්තමේන්තුව නීති විරෝධී වත්කම් හෝ දේපල විමර්ශන කොට්ඨාසය කියයි.

20 July 2022

ජනපති දිවුරුම් දීම හෙට

ශ්‍රී ලංකාවේ 8 වන විධායක ජනාධිපති රනිල් වික්‍රමසිංහ මහතා පාර්ලිමේන්තු සංකීර්ණයේ දී හෙට (20)පෙරවරුවේ දිවුරුම් දෙයි

20 July 2022

ඉන්දියානු මහ කොමසාරිස් කාර්යාලයෙන් නිවේදනයක්

ශ්‍රී ලංකාවේ අනුප්‍රාප්තික ජනාධිපතිවරයා තෝරා ගැනීම සඳහා අද (20) පාර්ලිමේන්තුවේ පැවති ඡන්දයේදී ඉන්දියාව ශ්‍රී ලංකා දේශපාලන නායකයින්ට බලපෑම් එල්ල කළා යැයි පළවන පදනම් විරහිත මෙන්ම අනුමාන මත පළ වී ඇති මාධ්‍ය වාර්තා තරයේ ප්‍රතික්ෂේප කරන බව ශ්‍රී ලංකාවේ ඉන්දියානු මහ කොමසාරිස් කාර්යාලය නිවේදනයක් නිකුත් කරමින් ප්‍රකාශ කළේය.

20 July 2022

ජනපති සටනින් රනිල් දිනයි

ශ්‍රී ලංකාවේ 8 වන විධායක ජනාධිපතිවරයා ලෙස රනිල් වික්‍රමසිංහ මහතා පාර්ලිමේන්තු ඡන්දයෙන් තේරී පත්විය.

20 July 2022

ඡන්ද 219 කින් බහුතරය ගත් කෙනා ජනපති

ජනාධිපතිවරයා තෝරන ඡන්ද විමසීමට පාර්ලිමේන්තුවේ මන්ත්‍රීවරුන් 225 දෙනාගෙන් 223 දෙනෙක් ඡන්දය ප්‍රකාශ කළහ.

20 July 2022

කොවිඩ් යළි හිස ඔසවයි

කොවිඩ් ආසාදිතයන් 62 දෙනෙක් සහ ආස‍ාදිත මරණ තුනක් ඊයේ (19) වාර්තා විය.

20 July 2022

ඡන්ද 4ක් අවලංගුයි

ජනාධිපතිවරණය සඳහා ප්‍රකාශිත ඡන්ද ප්‍රමාණයෙන් ඡන්ද හතරක් අවලංගු වී ඇතැයි පාර්ලිමේන්තු මහලේකම් ධම්මික දසනායක මහතා ප්‍රකාශයට පත් කළේය.

20 July 2022

ඡන්ද ගණන් කිරීම අරඹයි

ජනාධිපතිවරණ ඡන්ද ගණන් කිරීම ආරම්භ කළ බව පාර්ලිමේන්තු මහලේකම් ධම්මික දසනායක මහතා නිවේදනය කළේය.

20 July 2022

ඡන්දෙට දෙන්නෙක් නෑ

ජනාධිපතිවරයා තෝරන ඡන්දය ට මන්ත්‍රීවරුන් දෙදෙනෙකු ඡන්දය ප්‍රකාශ කර නැති බව පාර්ලිමේන්තු මහ ලේකම්වරයා ප්‍රකාශයට පත් කළේය.

20 July 2022

ජනපති තෝරන තුරු අරගලකරුවෝ සත්‍යග්‍රහයක

මැතිසබය ජන මත විමසන තුරු අරගලයේ නියුතු පිරිස් ජනාධිපති ලේකම් කාර්යාලය ඉදිරිපිට අද 20 සත්‍යග්‍රහයක නිරතව සිටින ආකාරය අපට දැකගත හැක.

20 July 2022

ඡන්ද විමසීම අවසන්

අට වන විධායක ජනාධිපතිවරයා තෝරා පත්කර ගැනීමේ ඡන්ද විමසීම පෙරවරු 11.44ට ⁣ අවසන් විය.

20 July 2022

ඩී.වීරසිංහත් ලෙඩ ඇඳේ සිට එයි

ශ්‍රී ලංකා පොදුජන පෙරමුණේ දිගාමඩුල්ල දිස්ත්‍රික් මන්ත්‍රී ඩී .වීරසිංහ මහතා ද ගිලන් ඇඳේ සිටින අතර ඡන්දය ප්‍රකාශ කිරීම සඳහා පාර්ලිමේන්තුවට පැමිණියේය.

20 July 2022

සමන්ප්‍රිය හේරත් ලෙඩ ඇඳේ සිට එයි

පොදුජන පෙරමුණේ කුරුණෑගල දිස්ත්‍රික් මන්ත්‍රී සමන් ප්‍රිය හේරත් මහතා දැඩි ලෙස ගිලන්ව හිඳින අතර පාර්ලිමේන්තුවට පැමිණ තම ඡන්දය ප්‍රකාශ කළේය.

20 July 2022

අපේක්ෂකයන් ඡන්දෙට එන විට සභා ගැබෙන් අත්පොලසන්

ජනපති අපේක්ෂකයන් ඡන්දය දෙන විට මන්ත්‍රීවරු අත්පොළසන් දෙමින් තම සහාය පළ කළහ.

20 July 2022