එසැණ පුවත්

සංගීත ශිල්පීන්ගේ ’බත් පතට වැලි දාන්න එපා’

රටේ පැවති විවිධ තත්ත්වයන් හේතුවෙන් ආර්ථික අපහසුතාවට පත්ව සිටින ගායක ගායිකාවන් ඇතුළු එළිමහන් සංගීත ප්‍රසංග ක්ෂේත්‍රයේ නියැලී සිටින බොහෝ දෙනකුගේ ආර්ථිකයට ශක්තියක් වූ ’අවුරා ලංකා ’ සංගීත ප්‍රසංග මාලාවට බාධා නොකරන ලෙස ජනාධිපතිවරයා ඇතුළු බලධාරීන්ගෙන් ඉල්ලා සිටින බවත් ප්‍රශ්නයක් ඇත්නම් සාකච්ඡා කර විසඳාගත යුතු බවත් ශ්‍රී ලංකා සංගීත ක්ෂේත්‍රයේ ප්‍රවීනයන් ඇතුළුව බොහෝ දෙනෙක් අද (26) පැවසූහ.

26 July 2023

ලංකාවේ හොඳම විදේශ ප්‍රතිපත්තිය තිබෙන්නේ දැන්

නිදහස් ශ්‍රී ලංකාවේ හොඳම විදේශ ප්‍රතිපත්තිය ක්‍රියාත්මක වන්නේ වත්මන් යුගයේ බව විදේශ කටයුතු රාජ්‍ය අමාත්‍ය තාරක බාලසූරිය මහතා පැවසීය.

26 July 2023

නොළුම් කුලුන නැරඹූ දස ලක්‍ෂ වැනියාට ලක්‍ෂ 2 ක තෑගි

‘නොළුම් කුලුන’ නැරඹීම සඳහා දස ලක්‍ෂ වැනි ප්‍රවේශපත මිලදී ගත් මාතලේ විල්ගමුව ප්‍රදේශයේ සිවුදෙනකුගෙන් යුත් පවුලට රුපියල් ලක්‍ෂ එකහමාරක මුදල් ත්‍යාගයක් සහ රුපියල් 50,000 ක් පමණ වටිනා වෙනත් ත්‍යාග අද (26) පිරිනැමීය.

26 July 2023

’’නීති සම්මත කිරීමේ බලය විධායක ජනාධිපතිට නෑ’’

පවතින ගැටලු විසඳීම සඳහා නව නීති සම්මත කිරීමේ බලය තමාට පමණක් නොව මීට පෙර සිටි විධායක ජනාධිපතිවරුන් හත් දෙනාට ද නොතිබූ බවත් පවතින ගැටලු විසඳා ගැනීම වෙනුවෙන් නව නීති සම්මත කිරීමේ බලය තිබෙන්නේ පාර්ලිමේන්තුවට වන අතර තමා සිදු කරන්නේ රට වෙනුවෙන් අදාළ යෝජනා ගෙන ඒම පමණක් බව ජනාධිපති රනිල් වික්‍රමසිංහ මහතා පැවසීය.

26 July 2023

අට්ටාලයක් හදා කුඩු විකුණලා

වේයන්ගොඩ මාරපොළ ප්‍රෙද්ශයේ විශාල ගසක අඩි 100කට වඩා උසින් සාදන ලද අට්ටාලයක සිට ඉතා සූක්ෂ්ම ලෙස පවත්වාගෙන ගිය කුඩු ජාවාරමක් පෙරේදා (25 වැනිදා) පස්වරුවේ වටලා, සැකකාරියක හෙරොයින්, ජාතික හැඳුනුම්පත්, විදෙස් ගමන් බලපත්රත හා ජංගම දුරකතන සමග අත්අඩංගුවට ගත් බව වේයන්ගොඩ පොලීසිය කියයි.

26 July 2023

උපකරණ - ඖෂධ නෑ: දන්ත වෛද්‍ය සේවාව බිඳ වැටෙයි

දන්ත වෛද්‍ය සේවාවට අවශ්‍යය ඖෂධ හා උපකරණ නොමැති විම නිසා ජාතික දන්ත රෝහල ඇතුළු සමස්ත රෝහල් පද්ධතියේම දන්ත සායනවල ප්‍රතිකාර බිඳ වැටෙමින් පවතින බව රජයේ දන්ත ශල්‍ය වෛද්‍යවරුන්ගේ සංගමය සෞඛ්‍ය අමාත්‍යංශයට දැනුම් දි තිබේ.

26 July 2023

ජාතික රෝහලේ හිඟ විදුලිබිල කෝටි 34 ක්

ජාතික විදුලිබල මණ්ඩලයට ගෙවීම්ට තියෙන හිග මුදල් රුපියල් මිලියන 339 ක් නොගෙවීම හේතුවෙන් විදුලි කප්පාදුවක් සිදු කිරීම්ට රතු නිවේදන නිකුත් කර ඇතැයි කොළඹ ජාතික රෝහලේ උසස් නිළධාරියෙක් පැවසීය.

26 July 2023

මැනිං පොදු වෙළෙඳ සංගමයේ සභාපති ඇතුළු 17 කට ඇප

අධිකරණ නියෝග කඩ කරමින් විරෝධතාවයක නිරත වූ මැනිං පොදු වෙළෙඳ සංගමයේ සභාපතිවරයා ඇතුළු පුද්ගලයින් 17 දෙනෙකු එක් අයකුට රුපියල් ලක්ෂය බැගින් වූ ශරීර ඇපයක් මත මුදා හැරීමට කොළඹ අතිරේක මහේස්ත්‍රාත් මංජුල රත්නායක මහතා අද (26) නියෝග කළේය.

26 July 2023

විභාග අයැදුම්පතට විදුහල්පති අත්සන් නොකළැයි දැරිය අධිමාත්‍රා බෙහෙත් බීලා

මෙම වසරේ පැවැත්වීමට නියමිත අපොස උසස් පෙළ විභාගයේ අයදුම්පත්‍රය ටවැඩබලන විදුහල්පතිවරයා සහ පන්ති පන්තිභාර ගුරුවරිය අත්සන් කිරීම ප්‍රතික්ෂේප කිරීම නිසා සිත් වේදනාවට පත් වූ බව කියන පන්විල පොලිස් වසමේ පිහිටි පාසලක ඉගෙනුම ලබන 19 හැවිරිදි සිසුවියක්ඖෂධ වර්ගයක් අධිමාත්‍රාව කින් පානය කිරීම නිසා රෝගාතුර ව පේරාදෙණිය ශික්ෂණ රෝහලට අද(26) ඇතුළත් කර ඇතැයි පොලිසිය පවසයි.

26 July 2023

13 ගැන ද්‍රවිඩ මන්ත්‍රීන් සමඟ පමණක් කතා කර ඵලක් නෑ

13 වන ව්‍යවස්ථා සංශෝධනය පිළිබඳව ද්‍රවිඩ පක්ෂ මන්ත්‍රීවරුන් සමඟ පමණක් සාකච්ඡා කිරීම ප්‍රමාණවත් නොවන බවත් එය සමස්ථ රටටම බලපාන කාරණයක් බැවින් සියලු පාර්ශ්ව සමඟ සාකච්ඡා කිරීම තම ස්ථාවරය බව සර්ව පාක්ෂික සමුළුව අමතමින් ජනාධිපති රනිල් වික්‍රමසිංහ මහතා පැවසීය.

26 July 2023

පොල් සංවර්ධනයේ හිටපු සාමාන්‍යාධිකාරී රිමාන්ඩ්

පොල් සංවර්ධන මණ්ඩලයට අයත් සේවක අර්ථසාධක මුදල් ලක්ෂ හත්සියයක (කෝටි 7) ක මුදලක් වංචා කිරීමට සහය පල කර අධිකාරී වගකීමක් පැහැර හැරීමේ චෝදනාව යටතේ අපරාධ පරීක්ෂණ දෙපාර්මේන්තුවේ වාණිජ අපරාධ විමර්ශනය ඒකකය මගින් අත් අඩංගුවට ගත් පොල් සංවර්ධන මණ්ඩලයේ හිටපු නියෝජ්‍ය සාමාන්‍යාධිකාරී (මූල්‍ය) අරුණ ශාන්ත ජගත්නාථ සිල්වා යන අය හෙට (27) දින දක්වා රක්ෂිත බන්ධනාගාර ගත කරන ලෙස කඩුවෙල මහේස්ත්රා ත් චාණිමා විජේබණ්ඩාර මහත්මිය අද (26) දින නියෝග කළාය.

26 July 2023

ත්‍රීවීල් කාක්කෙක්ට අසුවූ සුදු යුවළට වනෝද්‍යානය නොමිලේ නරඹන්න අවස්ථාව

හොරගොල්ල ජාතික වනෝද්‍යානය නැරඹීමට පැමිණ මුදලින් ගාස්තු ගෙවීමේ ගැටළුවකට මුහුණ දුන් රුසියානු ජාතික යුවලකට සිදුවූ අපහසු තාවය මග හරවා වනෝද්‍යානය නැරඹීමේ අවස්ථාව උදා කර දීමට හොරගොල්ල වන ජීවී නිළධාරීන් පියවර ගැනීමේ සිදුවීමක් අද (26) පෙරවරුවේ වාර්තා විය.

26 July 2023

පොදු ප්‍රවාහනයට ‘විද්‍යුත් සංචරණය’ හදුන්වා දෙයි

ශ්‍රී ලංකාවේ පොදු ප්‍රවාහනය සඳහා ‘විද්‍යුත් සංචරණ’ සංකල්පය හඳුන්වා දීමේ ජාතික උපදේශන සමුළුව කොළඹ ගලදාරී හෝටල් පරිශ්‍රයේදී අද (26) පැවැත්විණි.

26 July 2023

කාරක සභාව මුදල් ලොක්කන්ට දෙහි කපයි

රජයේ මුදල් පිළිබඳ පිළිබඳ පාර්ලිමේන්තු කාරක සභාවේ පසුගිය 25 වැනිදා පැවැති රැස්වීමට මුදල් අමාත්‍යාංශයේ ඉහළ නිලධාරීන් පිරිසක් කැඳවා තිබුණත් ඔවුන්ගේ නොපැමිණීම සම්බන්ධයෙන් එම කාරක සභාවේ දැඩි අප්‍රසාදය පළ කෙරිණ.

26 July 2023

පියාගෙන් පුතාට බලය

කාම්බෝජ මහ මැතිවරණයෙන් විශිෂ්ට ජයක් හිමි කර ගනිමින් දිගට බලයේ රැඳී සිටීමට සමත් අග්‍රාමාත හුන් සෙන් නිවේදනය කළේ තමන් අග්‍රාමාත්‍ය ධුරයේ රැඳී සිටින්නේ සති 3 ක කාලයකට පමණක් බවත්, තමන් වෙනුවට තම වැඩිමල් පුතු සොන් හුන් මනෙට් අග්‍රාමාත්‍ය ධුරය බාරගනු ඇති බවත්ය.

26 July 2023

ඇපල් සපත්තුවට ඩොලර් 50000ක ලංසුවක්

ඇපල් සමාගම අතීතයේදී තම සේවකයන් සඳහා සපත්තු නිර්මාණය කළ අතර 1990 දශකයේ මැද භාගයේදී එසේ නිෂ්පාදනය කළ සපත්තු ජෝඩුවක් ඇමෙරිකානු ඩොලර් 50000 කට (ශ්‍රී ලංකා රුපියල් එක් කෝටි හැට ලක්ෂයකට) ආසන්න මුදලකට වෙන්දේසි කිරීමට තබා ඇතැයි විදෙස් මාධ්‍ය වාර්තා කර ඇත.

26 July 2023

මෝදිට එරෙහිව විශ්වාසභංගයක්

මනිපූර් ප්‍රාන්තයේ, වාර්ගික ගැටුම් උත්සන්න වීමත් සමඟ ඉන්දීය අග්‍රාමාත්‍ය නරේන්ද්‍ර මෝදිට එරෙහිව එරට පාර්ලිමේන්තුවට එසේත් නැතිනම් ලොක් සභාවට විශ්වාසභංගයක් ගෙන ඒමට ඉන්දීය විපක්ෂ දේශපාලන කණ්ඩායම් සූදානම් වෙයි.

26 July 2023

කෙහෙළියගේ විශ්වාසභංගය න්‍යාය පුස්තකයට

සෞඛ්‍ය අමාත්‍ය කෙහෙළිය රඹුක්වැල්ල මහතාට එරෙහිව විපක්ෂයේ මන්ත්‍රීවරුන් කතානායකවරයාට බාරදී ඇති විශ්වාසභංග යෝජනාව පාර්ලිමේන්තුවේ අලුත්ම න්‍යාය පුස්තකයට ඇතුළත් කරනු ලැබ ඇත.

26 July 2023

හොර සංචාරක සේවා සපයන්නන් සොයා මෙහෙයුම්

සංචාරක සේවා සැපයීම සඳහා සංචාරක සංවර්ධන අධිකාරියෙන් නිකුත් කරන බලපත්‍රය නොමැතිව සංචාරකයන්ට සේවා සපයන පුද්ගලයන් හදුනාගැනීමේ වැටලීම් ආරම්භ කර ඇති බවත් එවැනි පුද්ගලයන්ට එරෙහිව නීතිය තදින් ක්‍රියාත්මක කරන බවත් සංචාරක සංවර්ධන අධිකාරිය පවසයි.

26 July 2023

හිමි නමට-කාන්තාවන් දෙදෙනාට පහරදුන් 9ට ඇප

නවගමුව බෝමිරිය රාස්සපාන ප්‍රදේශයේ විහාරස්ථානයක් නමින් පවත්වාගෙන ගිය නිවසක් තුලදී ස්වාමීන් වහන්සේ නමකට තරැණියකට සහ කාන්තාවකට නිරුවත් කර පහර දීම ඇතුළු චෝදනා නවයක් යටතේ රක්ෂිත බන්ධනාගාර ගතව සිටි පුද්ගලයින් අට දෙනා, එක් අයෙකුට රුපියල් ලක්ෂයක් බැගින් වූ ශරීර ඇපයක් මත සහ දැඩි ඇප කොන්දේසි මත මුදා හරින ලෙස කඩුවෙල මහේස්ත්‍රාත් චාණිමා විජේබණ්ඩාර මහත්මිය අද (26) දින නියෝග කළාය.

26 July 2023

විදුලි බිල වැඩි කිරීම සාධාරණ දැයි සොයන්න විශේෂ කාරක සභාවක්

ලංකා විදුලිබල මණ්ඩලය ශ්‍රී ලංකා මහජන උපයෝගීතා කොමිෂන් සභාවේ නීති රීතිවලට පටහැනිව විදුලි ගාස්තු සංශෝධනය කර ඇත්දැයි කරුණු සොයා බැලීම සඳහා පාර්ලිමේන්තු විශේෂ කාරක සභාවක් පත් කරන්නැයි විපක්ෂ නායක සජිත් ප්‍රේමදාස මහතා ඇතුළු විපක්ෂයේ මන්ත්‍රීවරු පිරිසක් කතානායකවරයාට යෝජනාවක් බාර දෙමින් ඉල්ලා සිටිති.

26 July 2023

අන්තරේ පා ගමන විසුරුවයි

කැලණිය විශ්වවිද්‍යාල මහා ශිෂ්‍ය සංගමයේ සභාපති ඇතුළු සිසුන් නිදහස් කිරීම ඇතුළු ඉල්ලීම් කිහිපයක් මුල් කරගෙන අන්තර් විශ්ව විද්‍යාල ශිෂ්‍ය බල මණ්ඩලය අද(26) පැවැත්වූ විරෝධතාවයකට කොළඹ පුරහල ප්‍රදේශයේදී පොලිසිය ජල ප්‍රහාරයක් එල්ල කර විසුරුවා හැරියේය.

26 July 2023

මිහිකත විවාහක රූ රැජින දිවයිනට

ලෝක මිහිකත විවාහක රූ රැජින - 2023 ( Mrs Earth International ) ලෙස කිරුළ දිනා ගත් අම්පාර 21 හැවිරිදි සෂ්මි දිසානායක මහත්මිය දහවල් කටුනායක ජාත්‍යන්තර ගුවන් තොටුපොළ වෙත පැමිණියාය .

26 July 2023

උපන්දින සාදයේ දී පහරකා මියගිය තරුණියගේ සැමියාත් මරුට

වවුනියාව තෝණිකල්, සර්කියුලර් මාර්ගයේ නිවෙසක උපන්දින සාදයක් අතරතුර කඩු පහර කෑ තවත් තරුණයකු යාපනය පෞද්ගලික රෝහලකදී අද අලුයම මියගොස් ඇතැයි වවුනියාව පොලිසිය කියයි.

26 July 2023

රනිල් කරන්නෙත් ඩී.එස් කළ දේමයි

රනිල් වික්‍රමසිංහ ජනාධිපතිවරයාගේ අරමුණ ජනාධිපති පුටුවේ වාඩි වී සිට තමන්ගේ වැඩ කර ගැනීම නොව රට හරි තැනට ගෙන ඒම යැයි එක්සත් ජාතික පක්ෂය පක්ෂයේ නියෝජ්‍ය නායක ජනාධිපති උපදේශක රුවන් විජයවර්ධන මහතා පැවසීය.

26 July 2023

මුන්දලමේ දැරියෝ දෙදෙනෙක් අතුරුදන්

මුන්දලම ප්‍රදේශයේ පදිංචි නිවුන් පාසල් දැරියන් දෙදෙනකු ඊයේ සිට නිවසේ සිටියදී අතුරුදන්ව ඇති බව මුන්දලම පොලීසිය පවසයි.

26 July 2023

රියදුරු බලපත්‍ර අංශයෙන් යුද හමුදාව ඉවත් කරයි

මෝටර් රථ ප්‍රවාහන දෙපාර්තමේන්තුවේ වෙහෙරහැර රියදුරු බලපත්‍ර මුද්‍රණ කිරීමේ අංශයේ කටයුතු ලබන සැප්තැම්බර් මස 1 වැනිදා සිට නැවතත් එම දෙපාර්තමේන්තුව භාරයට ගන්නා බව මෝටර් රථ කොමසාරිස් ජනරාල් නිශාන්ත අනුරුද්ධ වීරසිංහ මහතා පැවසීය.

26 July 2023

පාසලකට දරුවෙක් දාන්න කියා සල්ලි වංචා කරලා

මහනුවර නගරයේ ජනප්‍රිය පාසැලකට 2020 වසරේදී සිසුවකු ඇතුළත් කර දෙන බව පවසමින් රුපියල් ලක්ෂ තුනක් ලබා ගෙන එම මුදල වංචා කළ බව කියන පුද්ගලයෙකු කටුගස්තොට පොලීසිය මගින් අද (26) අත් අඩංගුවට ගත් බව පොලීසිය කියයි.

26 July 2023