2025 මැයි මස 06 වන අඟහරුවාදා
(කේ. බුද්ධික කුමාරසිරි)
කොළඹ විශ්වවිද්‍යාලයේ ශාස්ත්‍ර පීඨයේ ජාත්‍යන්තර සබඳතා අධ්‍යයනංශයේ සහකාර කථිකාචාර්යවරියක බත්තරමුල්ල වික්‍රමසිංහපුර දී ලොරියකට යටවීමෙන් මියගොස් ඇතැයි පොලිසිය කියයි.
ඇය ලොරියේ හැපී ඇත්තේ බත්තරමුල්ල වික්‍රමසිංහපුර මංසන්ධියේ දී ඇති පදික මාරුව අසලින් මාර්ගය හරහා මාරු වෙද්දීය.
මියගොස් ඇත්තේ බත්තරමුල්ල වික්‍රමසිංහපුර 10 වැනි පටුමග පදිංචිව සිටි ලක්මිණි බෝගමුව නමැති 24 හැවිරිදි කථිකාචාර්යවරියයි.
ඇය රැකියාවට යෑම සඳහා වික්‍රමසිංහපුර දෙස සිට පදික මාරුව ආසන්නයෙන් මාර්ගයේ අනෙක් පෙදෙසට මාරුවීමට යෑමේ දී බත්තරමුල්ල පැලවත්ත දෙස සිට තලවතුගොඩ දෙසට ධාවනය වූ ලොරි රථයක ඉදිරිපස ගැටී මාර්ගයේ ඇද වැටී ඇති බවත් ඒ අවස්ථාවේදීම ආසන්නයේම පිහිටි පෞද්ගලික රෝහලකට ඇතුළත් කර පසුව කොළඹ ජාතික රෝහලට ඇතුළත් කිරීමෙන් පසු මියගොස් ඇති බවත් පොලිසිය පවසයි.
‘‘2017 වර්ෂයේ කොළඹ විශ්ව විද්‍යාලයේ පැවැති උපාධි ප්‍රදානෝත්සවයක දී පදක්කම් ද්විත්වයක් සහ ශිෂ්‍යත්වයක් ලබා ගනිමින් කණ්ඩායමේ හොඳම ශිෂ්‍යව වෙච්ච ලස්සන ගෑනු ළමය කවුද කියල එදා හැමෝම කතා වුණා. හැමදේටම දක්ෂ ඔයා කොහොමද මේ විදියට අපිව තනි කරලා ගියේ” යනුවෙන් ඇය වෙනුවෙන් ලියපු වදන් වලින් මුහුණු පොත පිරී ඇත.
කොළඹ විශ්වවිද්‍යාලයේ හිටපු නර්තනයට ගායනයට වාදනයට දක්ෂ ශිෂ්‍යාවක වූ ලක්මිණි චූලෝත්තමා බෝගමුව (27) අද නිසලව පෙට්ටියක් මත උඩුකුරුව සිටින ආකාරය දැක ඇයගේ සමීපතමයෝ කිසිවක් සිතාගත නොහැකිව කඳුළු සලති.
කැලණිය විශ්වවිද්‍යාලයේ ජ්‍යෙෂ්ඨ කථිකාචාර්ය චන්ද්‍රසිරි බෝගමුව මහතාගේ එකම දරුවා වන කොළඹ විශ්ව විද්‍යාලයේ ශාස්ත්‍ර පීඨයේ ජාත්‍යන්තර සබඳතා අධ්‍යානාංශයේ සහකාර කථිකාචාර්යවරිය වූ ලක්මිණි බෝගමුව (27) දියණිය බත්තරමුල්ල, වික්‍රමසිංහපුර මංසන්ධිය ආසන්නයේ සිදු වූ රිය අනතුරකින් බරපතළ තුවාල ලබා කොළඹ ජාතික රෝහලට ඇතුළත් කිරීමෙන් පසු සදහටම දෙනෙත් පියාගෙන අවසන්ය.
කොළඹ ආනන්ද බාලිකා විද්‍යාලයෙන් සහ කොළඹ විශාඛා විද්‍යාලයෙන් ඉගෙනුම ලබා කොළඹ විශ්වවිද්‍යාලයට තේරී පත්ව 2017 වර්ෂයේ පැවති උපාධි ප්‍රදානෝත්සවයේ දී අන්තර්ජාතික සබඳතා පිළිබඳ විශේෂ දක්ෂතා දැක් වූ ශිෂ්‍යාවට හිමි අමරා මොහොට්ටි අනුස්මරණ කුසලානය සහ අන්තර්ජාතික සබඳතා පිළිබඳ මහාචාර්ය ෂෙල්ටන් කොඩිකාර විශේෂ කුසලානය මෙන්ම ජාත්‍යන්තර සිවිල් සේවකයන්ගේ සංගමය මගින් ලබා දුන් ශිෂ්‍යත්වයට හිමිකම් කීමට ද ඇය සමත් වූවාය.
තමන් සමග එකට ඉගෙනුම ලැබූ සහෝදර සහෝදරියන්ගේ මෙන්ම කොළඹ විශ්වවිද්‍යාලයේ ශාස්ත්‍ර පීඨයේ ඉගෙනුම ලැබූ ශිෂ්‍ය ශිෂ්‍යාවන්ගේ ද නොමද ආදරය දිනාගත් තරුණියක වූ ලක්මිණි බෝගමුවට මුහුණ දීමට සිදු වූ හදිසි අනතුර සම්බන්ධව සියලු දෙනා සිටින්නේ දැඩි ශෝකයෙනි.
කෙසේ වුවද දැන් ඇය ජීවිතය හැරගොස් අවසානය. ඇයගේ දේහය පිළිබඳ ආගමික වතාවත් 10 පටුමග වික්‍රමසිංහපුර, බත්තරමුල්ල ලිපිනයේ පිහිටි නිවසේ දී සිදුකර අවසන් කටයුතු අද (21) සවස 5 ට තලවතුගොඩ වැලි පාර පොදු සුසාන භූමියේ දී සිදු කිරීමට නියමිතය.
කිලිනොච්චිය සෙල්වනගර් ඡන්ද මධ්‍යස්ථානය අසලට කඩුවක් සහ පිහියක් රැගෙන පැමිණි පුද්ගලයින් දෙදෙනකු අද (06) අත්අඩංගුවටගත් බව කිලිනොච්චිය පොලිසිය කියයි.
යුද ගිනි නිවී සාමය පිරුණු ලෝකයක සියලු ජාතීන් සහ මිනිසුන් අතර සාමය, සංවර්ධනය සහ ගෞරවය ඇති කිරීමට බෞද්ධ දර්ශනයේ ආභාසය ලබා ගනිමු යැයි ජනාධිපති අනුර කුමාර
ජනාධිපති අනුර කුමාර දිසානායක මහතා සම්බන්ධයෙන් සමාජ මාධ්‍ය ඔස්සේ සාවද්‍ය ප්‍රකාශයක් සිදුකළ බව කියන තුසිත හල්ඔළුව නැමැත්තාට හෙට (7) පෙරවරු 10.00 ට අපරාධ පරී
පුද්ගල ඝාතන , ගිනි අවි සන්තකයේ තබා ගැනීම සහ මත්ද්‍රව්‍ය ජාවාරම ඇතුළු අපරාධ රැසකට සම්බන්ධව විදෙස් ගතව සැඟව සිටියදි අත්අඩංගුවට ගත් සංවිධානාත්මක අපරාධක
හිටපු ජනාධිපති රනිල් වික්‍රමසිංහ මහතා ඉන්දියාවේ තෙදින සංචාරයක් සඳහා අනිද්දා (8)පිටත්ව යයි.
අග්‍රාමාත්‍ය ආචාර්ය හරිනි අමරසූරිය මෙනෙවිය සහ ඨීඡ+ අධීක්ෂණ මෙහෙයුමේ කොටසක් ලෙස යුරෝපීය බාහිර ක්‍රියාකාරී සේවයේ දකුණු ආසියානු අංශයේ ප්‍රධානී චාල්ස්
2025 අප්‍රේල් මස 29
791
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
205
1
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1246
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
ලොරි මාරයාට බිලි වූ කථිකාචාර්ය සුරංගනාවිය
සමන් Tuesday, 20 February 2024 10:48 PM
නිවන් සුව ලැබේවා!!!
Ruwan Tuesday, 20 February 2024 11:17 PM
දවසකට රිය අනතුරු නිසා වගේම නොයෙකුත් අනතුරු වලින් තරුණියන් මිය යනවා.ඒ අය වෙනුවෙන් මේ වගේ ප්‍රවෘත්ති පල නොවෙන්නේ ඔවුන් කොළඹ අය නොවන නිසාද ?නැත්තන් ඒ අයට උපාධි නැති නිසාද?නැත්තන් ඒ අයගේ පියවරුන් කථිකාචාර්යවරුන් නොවන නිසාද?
Nimal Wednesday, 21 February 2024 08:19 AM
කරුණාකර උදේ පාන්දරම මේ ප්‍රවෘත්ති තමයි අහන්න වෙන්නේ.
Pradeep Kumara Wednesday, 21 February 2024 09:28 AM
මතු උපදින කිසිඳු භවයක මෙවන් අකල් මරණයක් අත් නොවේවා. ඔබගේ භව ගමන දුර වැඩි නොවේවා..!!
Rohana Wednesday, 21 February 2024 11:51 AM
නොහික්මුණ ලොරි රියැදුරකු නිසා දීප්තිමත් අනාගතයකට හිමිකම් ලැබූ ලක්මිණී දියණිය අකාලයේ මිලිනවිය. මෙවන් විපත් කිසිවෙකුට සිදුනොවේවා !
සමරකෝන් Wednesday, 21 February 2024 02:56 PM
තලවතුගොඩ ගනේලන්ද විහාරයේ දහම් පාසල් ආචාරවරියක් ලෙස දරුවන්හට කළ සේවය ද සදා අමරණීයයි. ඔබට නිවන් සුව අත්වේවායි අප පතමු.
බද්රානි Wednesday, 21 February 2024 03:55 PM
දැන් මෙතන බොරුවට ගුණකථන කරලා වැඩක් නැහැ... වටිනා ජීවිතයක් මාරයා බිලිගෙන හමාරයි... මහපාරේ අඩියෙන් අඩිය පොලිසිය හිටියත් නොහික්මුණු රියැදුරන් ඉබාගාතේ රිය ධාවනය කරන එක සුලභ දර්ශනයක්... රියදුරු පුහුණු පාසල් වල මහපාරේ ආචාර ධර්ම පිළිබඳව දැනුවත් කරනවාද..? මහපාරේ වාහන වලට වඩා, මගියාට ප්‍රමුඛත්වය දීමයි සිදුවිය යුත්තේ... ත්‍රී වීලර් රථ රියදුරන් මෙන්ම සුඛෝපබෝගී වාහන පදවන්නන් දක්වා තිබෙන්නේ..., පුදුම නොහික්මුණු කඩි කුලප්පුවක්... ඊට හේතුව, ලාංකික මනුස්සයින්ගේ තියන අවිනීතකම හා අශිෂ්ඨ කමයි. හීනමානයෙන් යුත් ලාංකික ජනතාවට වාහනයක් අතට ගත් සැනින් ලොකුකම ඉහට ගහනවා... ඇයි මේ විකුර්ති ජාන සහිත මිනිසුන් ගැන ප්‍රසිද්ධියේ මාධ්‍ය තුළ කතා නොකරන්නේ..? විශේෂයෙන්ම ලංකාවේ පෞද්ගලික බස්රථ ප්‍රවාහනය නම්, තහනම් කළ යුතුමයි.
සච්ච ගවේසි.Wednesday, 21 February 2024 05:50 PM
"ලාංකික මනුස්සයින්ගේ තියන අවිනීතකම හා අශිෂ්ඨකමයි. හීනමානයෙන් යුත් ලාංකික ජනතාවට වාහනයක් අතට ගත් සැනින් ලොකුකම ඉහට ගහනවා... ඇයි මේ විකුර්ති ජාන සහිත මිනිසුන් ගැන ප්‍රසිද්ධියේ මාධ්‍ය තුළ කතා නොකරන්නේ..? " භද්‍රාණි සොයුරිය, ඔබ පවසන්නේ තිත්ත තිත්තම, ඇත්ත ඇත්තමය. ජය වේවා!!!
kam Wednesday, 21 February 2024 04:31 PM
භද්‍රානි කියන දේ හරියටම හරි. ආගමට, සාරධර්මවලට, ගුණධර්මවලට මිනිස්සු හික්මවන්න බැහැ. මිනිස්සු ඒවාට බිය නැහැ. තිබිය යුත්තේ දැඩි නීතිය වන අතර එය සැමට සමානද විය යුතුයි.
චන්දිම ෆොන්සේකා Wednesday, 21 February 2024 05:11 PM
බොහෝ දෙනෙකුගේ වාහනවල කැමරා සවිකර තිබෙනවා. නොහික්මුණු රියැදුරන් පාරේ නීති නොතකා රථ ධාවනය කරන හැටි ඕනෑතරම් අපි කාගේත් කැමරාවල සටහන් වෙනවා. සමහර බස් ලොරි රියැදුරන් සීමා ඉරි ඉතා පැහැදිලිවම කපාගෙන පාර ඔවුන්ට රිසි පරිදි, අසාධාරණ ලෙස අපගේ ඇඟට කපාගෙන එන හැටි ඕනෑතරම් අපේ කැමරා ඇසට හසු වෙනවා. දැන්වත් මේ දෘශ්‍ය තොරතුරු පොලිසිවලට ලබාදීමට ක්‍රමයක් තියෙන්න ඕනෑ කියලයි මම හිතන්නේ...!