එසැණ පුවත්

වනිඳු ඉන්දීය රුපියල් කෝටි 1.5කට අළෙවි වෙයි

ඉන්දීය ප්‍රිමියර් ලීග් (අයි.පී.එල්.) ක්‍රිකට් තරගාවලියේ (2024) ඩුබායිහිදී අද පැවැති ක්‍රීඩක වෙන්දේසියේදී ශ්‍රී ලංකා විස්සයි20 පිලේ නායක තුන් ඉරියව් ක්‍රීඩක වනිඳු හසරංග සන්රයිසස් හයිද්‍රාබාද් පිල ඉන්දීය රුපියල් කෝටි 1.5 කට ලබාගත්තේය.

19 December 2023

මාතර පාසල් 22ක විදුලිය කපයි

මාතර අධ්‍යාපන කලාපයේ පාසල් 22ක විදුලිය විසන්ධි කර තිබේ. විදුලිබිල නොගෙවීම නිසා එලෙස විදුලිය විසන්ධි කළ බව ලංකා විදුලිබල මණ්ඩල ආරංචි මාර්ග කියයි.

19 December 2023

ආපදා ගැන කරුණු කියන්න දුරකථන සමාගම් ගිවිසුමකට එයි

ආපදා පූර්ව අනතුරු ඇඟවීමේ නව ක්‍රමවේදයක් එළි දැක්වීම සහ ඒ සඳහා වන අවබෝධතා ගිවිසුමකට එළැඹීම ජනාධිපති රනිල් වික්‍රමසිංහ මහතාගේ ප්‍රධානත්වයෙන් ජනාධිපති කාර්යාලයේ දී අද (19) සිදු විය.

19 December 2023

හෝමාගම සමෘද්ධි බැංකුව කොල්ලකයි

හෝමාගම පිටිපන ගබඩාවත්ත සමෘද්ධි ප්‍රජාමූල බැංකුවට ගිනි අවියක් සමග ඇතුලු වූ දෙදෙනෙකු විසින් එහි තිබූ රුපියල් ලක්ෂ හතකට ආසන්න මුදලක් කොල්ල කා පලා ගොස් ඇතැයි හෝමාගම මූලස්ථාන පොලිසිය පවසයි

19 December 2023

විශේෂ සැකකරු ලැයිස්තුවේ 169 ක් ‘යුක්තිය’යෙන් මාට්ටු

වැඩබලන පොලිස්පති දේශබන්දු තෙන්නකෝන් මහතාගේ සෘජු අධීක්‍ෂණයෙන් ක්‍රියාත්මක වන ‘යුක්තිය’ පාතාලය සහ මත්ද්‍රව්‍ය මැඩලීමේ මෙහයෙුම යටතේ පසුගිය පැය 24 තුළ පොලිස් මත්ද්‍රව්‍ය නාශක සහ විශේෂ කාර්යංශයේ ලේඛනගත සැකකරු ලැයිස්තුවේ සිටි සැකකරුවන් 169 ක් අත්අඩංගුවට ගත් බව මහජන ආරක්‍ෂක අමාත්‍යංශය පැවසීය.

19 December 2023

කාන්තාවන් - දරුවන් වෙනුවෙන් පොලිස් ක්ෂණික දුරකථන අංකයක්

කාන්තාවන් සහ ළමුන් මුහුණ දෙන හිරිහැර සහ පීඩාවන් සම්බන්ධව ක්ෂණිකව ක්‍රියාත්මක වීම සඳහා පැය 24 පුරා ක්‍රියාත්මක ක්ෂණික දුරකථන අංකයක් ජනවාරි 1 වැනිදා සිට හඳුන්වා දෙන බව මහජන ආරක්ෂක අමාත්‍ය ටිරාන් අලස් මහතා අද (19) පැවසීය.

19 December 2023

මැතිවරණයට අදහස් දෙන්න ජනවාරි 15 දක්වා කල්දෙයි

මැතිවරණ නීති සංශෝධනය කිරීම සඳහා මහජන අදහස් ඉදිරිපත් කිරීමේ කාලය ලබන ජනවාරි මස 15 වැනිදා දක්වා දීර්ඝ කළ බව මැතිවරණ නීති සංශෝධනය සඳහා නිර්දේශ ඉදිරිපත් කිරීමේ ජනාධිපති පරීක්‍ෂණ කොමිෂන් සභාව පවසයි.

19 December 2023

රතු මුහුදේ ආරක්ෂාවට රටවල් 10 ක් එකමුතු වෙයි

යේමනයේ හවුති සටන්කාමීන්ගෙන් තර්ජන එල්ල වන බැවින්, රතු මුහුදේ වෙළෙඳ නාවික කටයුතු සඳහා විශේෂ ආරක්ෂාවක් සැපැයීමට, ඇමෙරිකාව ප්‍රමුඛ රටවල් 10 ක් අත්වැල් බැඳගෙන සිටින බව ඇමෙරිකන් ආරක්ෂක ලේකම් ලොයිඞ් ඔස්ටින් පවසයි.

19 December 2023

මාර ගස වැටී යතුරු පැදි 10ක් වැනසෙයි

මහනුවර නගරයේ තිබූ දැවැන්ත මාර ගසක් වඩුගඩපිටිය වීදියට කඩා වැටීම හේතුවෙන් එහි මග දෙපස නවතා තිබූ යතුරුපැදි දාහයකට අධික ප්‍රමාණයකට බරපතළ හානි සිදු විය .

19 December 2023

එළවළු මිල අහස උසට

කොළඹ සහ අවට ප්‍රදේශවල අද (19) එළවළු මිල තව දුරටත් ඉහළ ගොස් තිබුණි.

19 December 2023

ජාතික හැදුනුම්පත් ඡායාරූප ගාස්තුව 400 ක් වෙයි

ජාතික හැදුනුම්පත් සඳහා ඩිජිටල් ඡායාරූප ගාස්තු රුපියල් 150 සිට රුපියල් 400 දක්වා ඉහළ නංවමින් මහජන ආරක්‍ෂක අමාත්‍ය ටිරාන් අලස් මහතා ගැසට් නිවේදනයක් නිකුත් කර තිබේ.

19 December 2023

මේ අවුරුද්දේ ළමා අම්මලා 2000ක්

බාල වයස්කාර ගැහැණු දරුවන් 2000ක් මේ වසරේ ගෙවී ගිය කාලයේදී මවුවරුන් බවට පත්ව ඇතැයි වාර්තා වන බව ජාතික ළමාරක්ෂක අධිකාරියේ සභාපති ජ්‍යෙෂ්ඨ කථිකාචාර්ය උදය කුමාර අමරසිංහ මහතා පැවසීය.

19 December 2023

ඩෙංගුවා මට්ටු කරන්න ’’වොල්බැකියා’’ එයි

කොළඹ උතුර සෞඛ්‍යය වෛද්‍ය නිලධාරී කොට්ඨාසයේ ඩෙංගු මර්දනය සාර්ථක කර ගැනීමට ඉවහල් වූ වොල්බැකියා (Wolbachia) විශේෂ ඩෙංගු මර්ධන ව්‍යාපෘතිය කොළඹ හා ගම්පහ දිස්ත්‍රික්කයන්හි ඩෙංගු ව්‍යාප්තිය බහුල සෞඛ්‍ය වෛද්‍ය නිලධාරී කොට්ඨාස වලද ක්‍රියාත්මක කරන ලෙස ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානී සාගල රත්නායක මහතා බලධාරීන්ට උපදෙස් දුන්නේය.

19 December 2023

විපක්ෂ මන්ත්‍රීවරුන්ට පාර්ලිමේන්තුව තහනම්

කලහකාරීව හැසිරුණු, ඉන්දීය පාර්ලිමේන්තුවේ විපක්ෂ මන්ත්‍රීවරුන් 78 දෙනකුට පාර්ලිමේන්තුව තහනම් කර ඇතැයි එරට මාධ්‍ය වාර්තා කරයි.

19 December 2023

රජිව් ඝාතකයා ලංකාවට හැර වෙනත් රටකට පිටුවහල් කරන්න බෑ

ඉන්දියාවේ හිටපු අග්‍රාමාත්‍ය රජිව් ගාන්ධි මහතා ඝාතනය කිරීම සම්බන්ධව වරදකරු වී පසුව නිදහස ලැබූ වී.ශ්‍රීහරන් නොහොත් මුරුගන් ඔහු ඉල්ලා ඇති පරිදි එක්සත් රාජධානියට පිටුවහල් කර නොහැකි බවත් ඔහුව පිටුවහල් කර හැක්කේ ශ්‍රී ලංකාවට පමණක් බවත් විදේශිකයන් පළාත් බද මට්ටමින් ලියාපදිංචි කිරීමේ නිලධාරියා මුදුරාසි මහාධිකරණයට දැනුම් දුන්නේය.

19 December 2023

ඉතිරි කිරීමේ බැංකු පනත සංශෝධනයට

1971 අංක 30 දරණ ජාතික ඉතිරි කිරීමේ බැංකු පනත සංශෝධනය කිරීම සඳහා කැබිනට් අනුමැතිය ලැබී ඇත.

19 December 2023

කෝටි තුනක බඩු ගුවන්තොටෙන් පන්නන්න බැරිවෙයි

නීතිවිරෝධී ලෙස ශ්‍රී ලංකාවට ආනයනය කර තිබූ රුපියල් කෝටි තුනක් පමණ වටිනා භාණ්ඩ තොගයක් සමග භාණ්ඩ තොගය මෙරටට රැගෙන විත් තිබූ පුද්ගලයන් සිව් දෙනෙකු ද , අද(19 ) අලුයම කටුනායක ගුවන් තොටුපොළ පොලිසියේ නිලධාරීන් පිරිසක් විසින් අත් අඩංගුවට ගෙන තිබේ .

19 December 2023

පුංචි ඡන්දෙට ඉල්ලූ රාජ්‍ය සේවකයන්ට සහන දෙන්න කැබිනට් අනුමැතිය

පළාත් පාලන ඡන්ද විමසීම සඳහා ඉදිරිපත් වූ දේශපාලන අයිතිවාසිකම් හිමි රජයේ නිලධරයන් සඳහා සහන ලබාදීමට කැබිනට් අනුමැතිය ලැබී තිබේ.

19 December 2023

වව්නියාවේ පිරමනාදන්කුලම වැවේ බැම්ම කැඩෙයි

පවතින වැසි තත්වය හේතුවෙන් වවුනියාව,සෙට්ටිකුලම,පිරමනාදන්කුලම වැවේ වැව් බැම්ම ස්ථාන කිහිපයකින් කැඩී ගොස් ඇති බව වවුනියාව දිස්ත්‍රික් ආපදා කළමනාකරණ එ‍්කකය පවසයි.

19 December 2023

කතරගම චූටි කපුරාල අත්අඩංගුවට

ඓතිහාසික කතරගම දේවාලයට පූජා කර තිබූ පවුම් 38 ක් බර රන් තැටියක් අස්ථානගත කිරීම සම්බන්ධයෙන් එම දේවාලයේ භාරකරු ලෙස කටයුතු කළ චූටි කපුවා අත්අඩංගුවට ගත් බව කොළඹ අපරාධ කොට්ඨාසය කියයි.

19 December 2023

කුළුබඩු කීපයක් අගය එකතුකර ප්‍රති අපනයනයට අවසර

තෝරාගත් කුළුබඩු ආනයනය හා සැකසුම සහ තෙල් නිස්සාරණය,ඔයියෙරෙයාසින් හා අවශේෂ ස්වරූපයෙන් ප්‍රති අපනයනය කිරීමේ ක්‍රියා පටිපාටිය ක්‍රියාත්මක කිරීම සඳහා කැබිනට් අනුමැතිය ලැබී ඇත.

19 December 2023

තවත් බද්දක් සංශෝධනයට

2022 අංක 25 දරණ සමාජ ආරක්ෂණ දායකත්ව බදු පනත සඳහා වන සංශෝධනය සඳහා කැබිනට් අනුමැතිය ලැබී ඇත.

19 December 2023

බඩ ඉරිඟු රටින් ගෙන්වන්න අවසර

සීමා සහිත ශ්‍රී ලංකා රාජ්‍ය වාණිජ විවිධ නීතිගත සංස්ථාව මගින් බඩ ඉරිඟු ආනයනය කිරීම සඳහා කැබිනට් අනුමැතිය ලබා දී ඇත.

19 December 2023

කීරි සම්බා ටොන් 50000ක් ආනයනයට කැබිනට් අනුමැතිය

කීරි සම්බා සහල් වර්ගයට සමාන ජී.ආර් 11 සහල් වර්ගයෙන් සහල් මෙට්‍රික් ටොන් පනස්දහසක් ආනයනය කිරීමට කැබිනට් අනුමැතිය ලැබී ඇත.

19 December 2023

බිත්තර තවත් එක් කෝටි අසූ ලක්ෂයක් ගේන්න අවසර දෙයි

දේශීය වෙළඳපොළේ බිත්තර මිල සීඝ්‍රයෙන් ඉහළ යාමේ ප්‍රවණතාවක් පවතින බැවින් සත්ව නිෂ්පාදන සහ සෞඛ්‍ය දෙපාර්තමේන්තුව විසින් නිර්දේශ කර ඇති ඉන්දීය වෙළඳපොල්වලින් තවත් බිත්තර එක්කෝටි අසූ ලක්ෂයක් ගෙන ඒමට කැබිනට් අනුමැතිය ලැබී ඇත.

19 December 2023

උඩරට දුම්රිය ධාවනය යථා තත්ත්වයට

හපුතලේ දියතලාව දුම්රිය ස්ථාන අතර 155/25 සැතපුම් කණුව අසලදී ගල්පර්වත පස්කදු කඩා වැටීමෙන් අවහිර වී තිබූ උඩරට දුම්රිය මාර්ගයේ බදුල්ල කොළඹ කොටුව අතර දුම්රිය ධාවනය අද (19) පෙරවරුවේ යථා තත්වයට පත් කල බව දුම්රිය දෙපාර්තමේන්තුව පවසයි .

19 December 2023

කුරුණෑගල- හබරණ යෝජිත දුම්රියමඟේ ඉදිකිරීම් අත්හිටුවයි

කුරුණෑගල සිට හබරණ දක්වා ඉදිකිරීමට යෝජිත දුම්රිය මාර්ගයේ සම්පූර්ණයෙන්ම අත්හිටුවා ඉදිකිරීම් සඳහා ජනතාවගෙන් ලබා ගත් ඉඩම් නැවත ජනතාවට භාර දීමට රජය තීරණය කොට ඇතැයි දඹුල්ල ප්‍රාදේශීය ලේකම් පියල් ජයසූරිය මහතා පැවසීය.

19 December 2023

මුලතිව් අවතැන් පිරිස් පාසල් අටකට

මුලතිව් දිස්ත්‍රික්කයේ පාසල් 08 ක අද (19) අධ්‍යාපන කටයුතු සිදු නොවන බව මුලතිව් කලාප අධ්‍යාපන කාර්යාලය පවසයි.

19 December 2023