එසැණ පුවත්

දුම්රිය මාර්ග කීපයක දුම්රිය ධාවනය සීමා වේ

දිට්වා සුළි කුණාටුව හේතුවෙන් හානි වූ උතුරු දුම්රිය මාර්ගය ඉන්දියානු රජයේ ප්‍රදානයක් යටතේ ප්‍රතිසංස්කරණ කටයුතු හෙට (19) ආරම්භ කරන බව ශ්‍රී ලංකා දුම්රිය සේවය නිවේදනයක් නිකුත් කරමින් සඳහන් කරයි.

18 January 2026

අන්ද අලියා පුළුස්සා මැරූවැයි තිදෙනාට ඇප

ඇස් පෙනීමේ දුර්වලතාවයකින් සහ ඇවිදීමේ අපහසුතාවයකින් පෙළෙන වන අලියකු හුළු අතුවලින් පුළුස්සා මරා දැමීමේ සිද්ධිය සම්බන්ධයෙන් මාසයකට ආසන්න කාලයක් රිමාන්ඩ් බාරයට පත් කර සිටි සැකකරුවන් තිදෙනා මුදල් සහ ශරීර ඇප මත මුදා හරින ලෙස අනුරාධපුර අතිරේක මහේස්ත‍්‍රාත් දසුනි හපුආරච්චි මෙනවිය නියෝග කළාය.

18 January 2026

බහාලුම් 8000ක නිෂ්කාශන ඉක්මන් කරන්නැයි ඇමැතිගෙන් උපදෙස්

වරායේ ආනයන අපනයන හා ප්‍රති අපනයන බහාලුම් ප්‍රමාණය ඉහළ ගොස් අැති බැවින් එම මෙහෙයුම් සේවා සහ නිෂ්කාශන කටයුතුවල තදබදය අවම කර ගැනීම සඳහා ක්‍රියාමාර්ග කඩිනම් කිරීමට වරාය සහ සිවිල් ගුවන් සේවා අමාත්‍ය ආචාර්යය අනුර කරුණාතිලක මහතා උපදෙස් දී ඇතැයි වාර්තා වේ.

18 January 2026

ජනපති අනුරගේ පොරොන්දු 30න්, දහයක් හරි, තව දහයක් පටන් අරන්

ජනාධිපති අනුර කුමාර දිසානායක මහතා පසුගිය ජනාධිපතිවරණයේදී ලබාදුන් ප්‍රධාන මැතිවරණ පොරොන්දු 30 න් පොරොන්දු 10ක් පසුගිය නොවැම්බර් මාසය වනවිට ඉටුකර ඇති බවත් තවත් පොරොන්දු 10 ක් ඉටු කිරීම ආරම්භ කර ඇති බවත් වෙරිටේ රිසර්ච් ආයතනය නිවේදනයක් නිකුත් කරමින් ප්‍රකාශ කළේය.

18 January 2026

මත් සැකකරුවෝ 882 ක්

’’රටම එකට’’ ජාතික මෙහෙයුම යටතේ රට පුරා කළ වැටලීම් වලදී මත්ද්‍රව්‍ය වැරැදි වලට සම්බන්ධ සැකකරුවන් 882 ක් ඊයේ (17) කළ මෙහෙයුම් වලදී අත්අඩංගුවට ගත් බව පොලිස් මාධ්‍ය කොට්ඨාශය කියයි.

18 January 2026

‘‘පොහොට්ටු රැස්වීම උසස් පෙළ දරුවන්ට බාධාවක් වෙලා‘‘

තඹුත්තේගම නගරයේ ඊයේ පැවතී, ශ්‍රී ලංකා පොදු ජන පෙරමුණේ දේශපාලන රැස්වීමේ අධික ශබ්දය තඹුත්තේගම ජාතික පාසලේ උසස්පෙළ විභාග මධ්‍යස්ථානයේ සිටි උසස් පෙළ සිසුන්ට දැඩ් බාධාවක් වූ බව විභාග සම්බන්ධීකාරක තඹුත්තේගම මූලස්ථාන ප්‍රධාන පොලිස් පරික්ෂකවරයාට දැනුම්දී ඇත.

18 January 2026

සෞඛ්‍ය ලොකුම අභියෝගය බෝ නොවන රෝග

මෙරට නිදහස් සෞඛ්‍ය ක්ෂේත්‍රයේ හදුනාගත් ප්‍රධානතම අභියෝගය බෝනොවන රෝග බව සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතා පැවසීය.

18 January 2026

හෙරොයින් සමඟ අඹුසැමි යුවළ දැලේ

සංවිධානාත්මක අපරාධකරුවෙකු හා මහා පරිමාණ මත්ද්‍රව්‍ය ජාවාරම්කරුවෙකු වන දැනට විදේශ රටකට පලාගොස් සැඟව සිටින බඩෝවිට අසංක නමැත්තාගේ මත්ද්‍රව්‍ය ජාලයට අයත් හෙරොයින් සමග අඹුසැමි යුවළක් අද (18) දා අත්අඩංගුවට ගත් බව බස්නාහිර පළාත දකුණ අපරාධ කොට්ඨාසය පවසයි.

18 January 2026

රටේ සියලු සංස්කෘතීන් රැකිය යුතුයි

රටේ බෞද්ධ සංස්කෘතිය කේන්ද්‍රකරගත් සමාජයේ සියළු සංස්කෘතින් ආරක්ෂා විය යුතු බව ශ්‍රී ලංකා පොදු ගැන පෙරමුණේ ජාතික සංවිධායක නාමල් රාජපක්ෂ මහතා පැවසීය.

18 January 2026

අලව්වේදී තරුණයකුට වෙඩි තියලා

අලව්ව, මොරවලපිටිය,ගොඩාකූරුව හංදියේ දී ඊයේ රාත්‍රියෙහි තරුණයකුට වෙඩි තබා ඝාතනය කර ඇතැයි අලව්ව පොලීසිය කියයි.

18 January 2026

අධ්‍යාපන ප්‍රතිසංස්කරණ අඩියක් පස්සට ගන්නේ නෑ

අධ්‍යාපන ප්‍රතිසංස්කරණ ක්‍රියාවලියේ පරිවර්තනීය වෙනස සිදු කිරීමේ ක්‍රියාවලිය අඩියක්වත් පස්සට ගෙන නැති බව අග්‍රාමාත්‍ය ආචාර්ය හරිනි අමරසූරිය මෙනවිය පැවසුවාය.

18 January 2026

මුදල් වංචාවක් කළැයි කාන්තාවන් තිදෙනකු අල්ලයි

ගෘහ භාණ්ඩ ලබා දෙන බව පවසා අන්තර්ජාලයේ දැන්වීම් පළකර මාර්ග ගත ක්‍රමවේදයේ ඔස්සේ දිවයිනේ විවිධ ප්‍රදේශවල පුද්ගලයන් රැසකගෙන් රුපියල් කෝටියකට අධික මුදලක් සංවිධානාත්මකව වංචා කළ කාන්තාවන් තිදෙනකු අත්අඩංගුවට ගත් බව බස්නාහිර පළාත( දකුණ) දිසා අපරාධ විමර්ශන කොට්ඨාසය සඳහන් කරයි.

18 January 2026

බසය පෙරැළි රියදුරු මරුට: අටක් රෝහලට

කොළඹ සිට වැලිමඩ දක්වා ධාවනය වෙමින් තිබූ පෞද්ගලික මගී බස් රථයක් අද (18) උදෑසන හල්දුම්මුල්ල ඌව තැන්න නායමඩිත්ත ප්‍රදේශයේදී මාර්ගයෙන් ඉවතට පැන ගල් ඇන්දක හැපීමෙන් බස් රථය මාර්ගය හරහා පෙරළී ගොස් රියදුරු ජීවිතක්ෂයට පත් වී තවත් කාන්තාවක් කුඩා දරුවකු ඇතුළු අට දෙනෙකු තුවාල ලබා ඇතැයිද හල්දුම්මුල්ල පොලිසිය පැවසීය.

18 January 2026

අදත් වැස්ස නැති දවසක්

දිවයිනේ බොහෝ ප්‍රදේශවල වියලි කාලගුණික තත්වය තවදුරටත් පවතින බව කාලගුණ විද්‍යා දෙපාර්තමේන්තුව කියයි

18 January 2026

නන්දන ගුණතිලක දිවි ගමන නිමා කරයි

මෙරට ප්‍රසිද්ද දේශපාලනාඥයකු වූ නන්දන ගුණතිලක මහතා අද අලුයම රාගම රෝහලේදී මියගිය බව පවුලේ ඥාතිහූ සනාථ කළහ.

18 January 2026

ගිනි අවි සහ කුඩු සමග දෙකක් මාට්ටු

සංවිධානාත්මක අපරාධකරුවකු හා මහා පරිමාණ මත්ද්‍රව්‍ය ජාවාරම්කරුවක බව කියන පුද්ගලයකුගේ සමීපතයන් දෙදෙනකු ගිනි අවි සහ මත්කුඩු සමග අත්අඩංගුවට ගත් බව කොළඹ දකුණ කොට්ඨාස අපරාධ විමර්ශන කාර්යාංශය පවසයි.

17 January 2026

ඉන්දුනීසියා අතුරුදන් යානය සොයන්න මෙහෙයුමක්

ඉන්දුනීසියානු ගුවන් ප්‍රවාහන සමාගමට අයත් ATR 42-500 මගී ගුවන් යානයක් පුද්ගලයන් 11 දෙනකු සමඟ අතුරුදන් වී ඇති බව විදෙස් මාධ්‍ය වාර්තා කරයි.

17 January 2026

කල්දැමූ ප්‍රතිසංස්කරණ ඉල්ලා තිදරුපියා උපවාසයේ

කල්දමන ලද යෝජිත 6 වන ශ්‍රෙණියේ අධ්‍යාපන ප්‍රතිසංස්කරණ ජනවාරි 21 දින සිට නැවත ක්‍රියාත්මක කරන ලෙස ඉල්ලා අම්පාර මඩවලලන්ද ග්‍රාමයේ පුද්ගලයෙක් අම්පාර නගරයේ ප්‍රධාන ඔරලෝසු කණුව ඉදිරිපිට උපවාසයක් ආරම්භ කළේය.

17 January 2026

හොර දුම්වැටි ගුවන්තොටෙන් පන්නන්න බැරි වේ

රුපියල් 68,95,000 වටිනා විදේශීය නිෂ්පාදිත දුම්වැටි තොගයක් සහ විද්‍යුත් දුම්වැටි තොගයක් නීතිවිරෝධී ලෙස මෙරටට රැගෙන විත් ගුවන් තොටුපොළ පැමිණීමේ පර්යන්තයේ කිසිවක් ප්‍රකාශ කිරීමට නොමැති ’’ හරිත මාවත ’’ (Green Channel ) ඔස්සේ පිට කර ගෙන යාමට තැත් කළ ගුවන් මගියකු අද සවස අත්අඩංගුවට ගත් බව ගුවන් තොටුපොළ රේගුව කියයි.

17 January 2026

යතුරු පැදි රේස් ගිහින් නොඑන ගමන් යයි

හොරණ ඉලිඹ හන්දිය අසල තරගෙට යතුරු පැදි දෙකක් මෝටර් රථයක ගැටීමෙන් එක් තරුණයකු මිය ගොස් අනිත් තරුණයා රෝහල්ගත කළ බව පොලිසිය කියයි.

17 January 2026

රියදුරු බලපත්‍ර ලක්ෂ පහක් බෙදන්න යයි

කාඩ්පත් හිඟය හේතුවෙන් නිකුත් කිරීමට නොහැකිවූ රියැදුරු බලපත්‍ර ලක්ෂ පහකට ආසන්න සංඛ්‍යාවක් මාර්තු මාසය නිමවීමට ප්‍රථම අදාළ අයිතිකරුවන් වෙත යොමු කරන බව මෝටර් රථ ප්‍රවාහන දෙපාර්තමේන්තුව පවසයි.

17 January 2026

ගොවීන් ලියාපදිංචි කරයි

ගොවීන් ලියාපදිංචි කිරීමේ පද්ධතිය එළි දැක්වීමේ ජාතික වැඩසටහන FarmerNet.lk නමින් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල්කාන්ත මහතාගේ ප්‍රධානත්වයෙන් ගොවිජන මන්දිරයේදී ජනගත කෙරිණි.

17 January 2026

ලොරි - වෑන් රථ ගැටී දෙකක් රෝහලට

ලොරි රථයක් සහ වෑන් රථයක් ගැටීමෙන් අද (17) දින සිදු වූ අනතුරකින් වෑන් රථයේ ගමන් ගත් රියදුරා සහ තවත් එක් අයෙකු බරපතල ලෙස තුවාල ලබා දික්ඔය මූලික රෝහල වෙත ඇතුලත් කල බව හැටන් පොලිසිය පැවසීය.

17 January 2026

නුවරඑළිය මල් තුහින

ශ්‍රී ලංකාවේ “පුංචි එංගලන්තය” ලෙස හඳුන්වන නුවරඑළියේ අද අලුයම ඇතැම් ස්ථානවල මල් තුහිණ පතිත වී තිබූ අයුරු දක්නට ලැබුණි.

17 January 2026

මහජන බැංකු විශ්‍රාමික සංගමයෙන් රට නගන්න ලක්ෂ 45ක්

රට ගොඩනඟන අරමුදලට මහජන බැංකු විශ්‍රාමික සංගමය රුපියල් ලක්ෂ 45ක මූල්‍ය පරිත්‍යාගයක් කළේය. මහජන බැංකු විශ්‍රාමික සංගමයේ 96ට පෙර කණ්ඩායමේ සාමාජිකයන් සහ දිස්ත්‍රික් සංවිධාන වශයෙන් මේ සඳහා දායකත්වය ලබාදී තිබේ.

17 January 2026

එජාප සජබ දීගය මැද මන්ත්‍රීලා බිලිබෑමක්

එක්සත් ජාතික පක්ෂය සහ සමගි ජන බලවේගය එකට එකතුවී වැඩ කිරීමේ වැඩපිළිවෙළ මුවාවෙන් සමහර නායකයන් මන්ත්‍රීවරුන් බිලිබා ගැනීමේ කූට උත්සාහයක නිරත වීම හේතුවෙන් එම එකතුවීමේ වැඩපිළිවෙළ අසාර්ථක වීමේ තැනකට තල්ලු වීමේ අවදානමක් මතුව ඇතැයි වාර්තාවේ.

17 January 2026

සුව ඇමති මහනාහිමිවරුන් බැහැ දකී

සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස සහ සෞඛ්‍ය නියෝජ්‍ය අමාත්‍ය වෛද්‍ය හංසක විජේමුණි මහත්වරු මහනුවරදී මල්වතු-අස්ගිරි මහා නා හිමිවරුන් බැහැ දුටුවහ.

17 January 2026

හිටපු කතා නායකගේ බිරිඳ රිය අනතුරකින් රෝහල්ට

හිටපු කතා නායක පාර්ලිමේන්තු මන්ත්‍රී අශෝක සපුමල් රංවල මහතාගේ බිරිඳ වෛද්‍ය ඉන්ද්‍රාණි රන්වල මහත්මිය පැදවූ මෝටර් රථයේ අද අලුයම තවත් මෝටර් රථයක් ගැටීමෙන් ඒ මහත්මිය තුවාල ලබා රෝහල් ගත කළ බව බියගම පොලිසිය සඳහන් කරයි.

17 January 2026