ප්‍රාදේශීය පුවත්

කොතල හිඹටු තොගයක් අත්අඩංගුවට

සංරක්ෂිත ශාකයක් වන කොතල හිඹටු කිලෝ 3000කට වැඩි ප්‍රමාණයක් සමඟ සැකකරුවකු අද (13) නෙළුව ඇඹුලගෙදර ප්‍රදේශයේ දී අත්අඩංගුවට ගත්බැව් ගාල්ල පොලිසියේ කොට්ඨාස අපරාධ විමර්ශන අංශය පවසයි.

13 October 2020

ලක්ෂ5ක හෙරොයින් අල්ලයි

රුපියල් ලක්ෂ පහමාරක් පමණ වටිනා හෙරොයින් මෝටර් රථයකින් ගෙන යමින් සිටි පුද්ගලයෙකු අද (13) සවස අත්අඩංගුවට ගත් බව ගාල්ල පොලිසිය පවසයි.

13 October 2020

නාවලපිටිය-තලවකැලේ මාර්ගයේ ගමනාගමනයට බාධා

නාවලපිටිය තලවාකැලේ මාර්ගයට කැටබුලාව ප්‍රාථමික වෛද්‍ය ඒකකය අසළ ඇති විශාල මාර ගසක් කඩා වැටීමෙන් එම මාර්ගයේ ගමනාගමනය අද (13) සම්පුර්ණයෙන්ම ඇණ හිට තිබේ.

13 October 2020

නාය අවදානමක් හේතුවෙන් බලංගොඩ පවුල් 13 ක් ඉවත් කරති

නායයෑමේ අවදානමක් හේතුවෙන් බළංගොඩ පෙටිටිගල වතුයායේ (ඉහළ බළංගොඩ කොටසේ) පවුල් 13 ක පුද්ගලයින් 56 දෙනෙකු අද (13) එම ස්ථාන වලින් ඉවත් කර එම වතුයායේ කෝවිලක තාවකාලිකව නතර කළ බව බළංගොඩ ප්‍රාදේශීය ලේකම් හේමන්ත බණ්ඩාර මහතා සඳහන් කළේය.

13 October 2020

කරන්දෙණිය ප්‍රා.සභාව උණුසුම් වෙයි

පාලක පොදුජන පෙරමුණ පක්ෂයේ මන්ත්‍රී සමීර ආරියවංශ මහතා තමන් ඉදිරිපත් කළ යෝජනා තුනක් මෙවර සභා රැස්වීමට නොගත්තැයි කියමින් විරෝධාතාව දැක්වීමත් සමඟ අද (13) පැවති කරන්දෙණිය ප්‍රාදේශීය සභා රැස්වීම උණුසුම් විය.

13 October 2020

මාතර-යටියන ප්‍රධාන මාර්ගයේ වාහන ගමනාගමනයට බාධා

මාතර දිස්ත්‍රික්කයට බලපා ඇති වැසි සහිත කාලගුණික තත්වයත් සමග ඇල්ලකන්ද ප්‍රදේශයේදී විශාල කජු ගසක් පාරට ඇදවැටීමෙන් අද(13) උදෑසන මාතර-යටියන ප්‍රධානමාර්ගයේ වාහන ගමනාගමනය සම්පූර්ණයෙන්ම අඩාල විය.

13 October 2020

බෝර 12 ගිනි අවියක් සමග 2 ක් අත්අඩංගුවට

පොලිස් විශේෂ කාර්යය බලකා කළුතර විශේෂ බුද්ධි ඒකකයේ නිලධාරීන් විසින් බුලත්සිංහල ගෝවින්න ප්‍රදේශයේ අද (13) කළ වැටලීම් දෙකකදී රුසියාවේ නිෂ්පාදිත බෝර 12 වර්ගයේ ගිනි අවියක් සමඟ පුද්ගලයන් දෙදෙනකු අත්අඩංගුවට ගෙන ඇත.

13 October 2020

හැටන් ප්‍රදේශ රැසක විදුලිය ඇන හිටී

මධ්‍යම කදුකරයේ බටහිර බැවුම් ප්‍රදේශ හරහා (12) දින රාත්‍රියේ සිට හමා යන දැඩි සුළං තත්ත්වය හේතුවෙන් අධි බලැති විදුලි රැහන් පද්ධතියක් මතට සයිප්‍රස් ගසක් කඩා වැටිමෙන් ප්‍රදේශ රැසකට විදුලිය ඇන හිට ඇති බව හැටන් විදුලි පාරිභෝගික සේවා මධ්‍යස්ථානයේ විදුලි අධිකාරි නිහාල් සමරකොන් මහතා පැවසිය.

13 October 2020

විස්සට එරෙහිව මහා සංඝරත්නයේ නැගී සිටීම ගැන සජිත් සිය ස්ථාවරය පහදයි

ආණ්ඩුව ස්වකීය බලලෝබී උවමනාව සහ ඒකාධිපති අවස්‍ථාවාදය මුල්කරගෙන, ගෙන එන්නට උත්සාහ කරන විසිවෙනි ආණ්ඩුක්‍රම ව්‍යවස්ථාව පිළිබඳව ලංකා අමරපුර රාමඤ්ඤ සාමග්‍රී මහා සංඝ සභා විසින් නිකුත් කරන ලද විශේෂ නිවේදනයෙන් ගරුකටයුතු මහා සංඝරත්නය නිරන්තරයෙන්ම මේ රටට එරෙහිව අනතුර පැමිණෙන සෑම මොහොතකම එය ආපසු හරවන්නට කටයුතු කළ ඉතිහාසය අද නැවත වරක් ගම්‍ය වූ බව විපක්ෂ නායක සහ සමගි ජන බලවේගයේ නායක සජිත් ප්‍රේමදාස මහතා පැවසීය.

12 October 2020

ගිනි අවියක් සමඟ පාතාල සාමාජිකයෙක් අත්අඩංගුවට

ඝාතනයට ලක්වූ පාතාල නායකයෙකුට අයත් 3.8 වර්ගයේ උණ්ඩ දැමිය හැකි මෙරට නිෂ්පාදිත අලුත්ම ගිනිඅවියක් සමඟ පාතාල සාමාජිකයෙකු නවගමුව ශ්‍රී සුමනතිස්ස මාවත නිවසකදී අද ( 12 ) අත්අඩංගුවට ගත් බව පොලිස් විශේෂ කාර්ය බලකා මුලස්ථාන කඳවුර කියයි .

12 October 2020

හලාවත සහකාර ධීවර අධ්‍යක්ෂ කාර්යාලය වහයි

ධීවර දෙපාර්තමේන්තුව විසින් මහවැව නගරයෙහි පවත්වා ගෙන යනු ලබන හලාවත සහකාර ධීවර අධ්‍යක්ෂ කාර්යාලය යළි දන්වන තෙක් තාවකාලිකව වසා දමා ඇති බව නියෝජ්‍ය ධීවර අධ්‍යක්ෂ අනුර ජයසේකර මහතා පවසයි.

12 October 2020

ගම්පහ දිස්ත්‍රික්කයට කොරෝනා තත්ත්ව විශේෂ මෙහෙයුම් මැදිරියක්

ගම්පහ දිස්ත්‍රික්කයේ කොරෝනා රෝග තත්ත්වය සම්බන්ධයෙන් සෞඛ්‍ය අංශ, පොලීසිය, යුද හමුදාව, දිස්ත්‍රික් ලේකම් කාර්යාලය ඇතුළු රාජ්‍ය ආයතනයන්හි කටයුතු සම්බන්ධීකරණ කිරීමේ විශේෂ මෙහෙයුම් මැදිරියක් ගම්පහ කච්චේරි පරිශ්‍රයේ ස්ථාපිත කර ඇත.

12 October 2020

නිවස තුළම මිය ගිය අයකුගේ සිරුරක් සොයාගනී

හැටන් හිජිරාපුර ප්‍රදේශයේ සිය නිවසේදීම දින කිහිපයකට පෙර මිය ගිය බවට සැකකරන ත්‍රිරෝද රථ රියදුරෙකුගේ සිරුර (12) දින සොයගත් බව හැටන් පොලිසිය පැවසිය.

12 October 2020

වව්නියාව-යාපනය ජාතික අධ්‍යාපන විද්‍යාපීඨයන් නිරෝධායන මධ්‍යස්ථාන කරයි

වව්නියාව සහ යාපනය ජාතික අධ්‍යාපන විද්‍යා පීඨයන් අද (12) සිට වසා දමා තාවකාලික නිරෝධායන මධ්‍යස්ථාන වශයෙන් පිහිටුවීමට යුද හමුදාව විසින් පියවර ගනු ලැබීය.

12 October 2020

ලක්ෂ 21 ක හෙරොයින් සමඟ දෙදෙනකු අත්අඩංගුවට

වෙන්නප්පුව ඇතුඵ අවට ප්‍රදේශවලට කාලයක සිට හෙරොයින් මත්කුඩු අලෙවි කිරීමේ නිරතවූ කාන්තාවක් සහ පුද්ගලයෙකු රුපියල් ලක්ෂ 21 ක් පමණ වටිනා මත්කුඩු ග්‍රෑම් 138 යි මිලි ග්‍රෑම් 870 ක් සමග සිරිගම්පොල ප්‍රදේශයේදී අත් අඩංගුවට ගත් බව වෙන්නප්පුව පොලීසිය කියයි.

12 October 2020

බාල වයස්කාර දැරියක් අපයෝජනය කළ තරුණයා අත්අඩංගුවට

වයස අවුරුදු 14 ක දැරියක් ලිංගික අපයෝජනයට ලක් කළ බවට කියන තරුණයකු මීගහකිවුල ප්‍රදේශයේදී අද (11) සවස සැකපිට අත්අඩංගුවට ගත් බව කන්දකැටිය පොලිසිය පවසයි.

11 October 2020

වලේබොඩ උඩකන්ද පාරේ මාර්ගයේ කොටසක් කැඩිලා

බලන්ගොඩ ප්‍රදේශිය සභා බල ප්‍රදේශයට අයත් වලේබොඩ උඩකන්ද මාර්ගයේ සිිතගල ප්‍රදේශයේ බෝක්කුවකුත් සමග මාර්ගයේ කොටසක් වර්ෂාවත් සමග අද (11) දා සවස කැඩෙි ගොස් ඇත.

11 October 2020

ත්‍රිරෝද රථ රියදුරු ඝාතනය කළ පුද්ගලයා වසර 12 කට පසු අත්අඩංගුවට

මාලඹේ නගරයේ දී වයස අවුරුදු 24ක ත්‍රිරෝද රථ රියදුරකුට තියුණු ආයුධයකින් පහරදී ඝාතනය කිරීමේ සිද්ධිය සම්බන්ධයෙන් පොලිසිය මගහැර සිටි සැකකරු වසර 12 කට පසු තලාහේන සුසාන භූමිය අසල දී අද (11) අත්අඩංගුවට ගත් බව තලංගම පොලිසිය කියයි .

11 October 2020

ලක්ෂ දෙකක කේරළ ගංජා සමඟ දෙදෙනෙකු දැලේ

ලක්ෂ දෙකකට අධික වටිනාකමින් යුතු කේරළ ගංජා තොගයක් සමඟ පුද්ගලයින් දෙදෙනෙකු අද(11) අත්අඩංගුවට ගත් බව පොල්ගහවෙල පොලිසිය පවසයි.

11 October 2020

දුම්රියේ ගැටී අයෙක් මරුට

මුහුදුබඩ දුම්රිය මාර්ගයේ අහුන්ගල්ල වැලිකන්ද ප්‍රදේශයේදි අද (11) දුම්රියක ගැටී පුද්ගලයකු මියගොස් ඇතැයි අහුන්ගල්ල පොලීසිය කියයි.

11 October 2020

ශ්‍රී පාද ජාතික විද්‍යා පීඨය නිරෝධායන මධ්‍යස්ථානයක් කරයි

අධ්‍යාපන අමාත්‍යංශය යටතේ පාලනය වන හැටන් දිඹුල පතන ශ්‍රි පාද ජාතික විද්‍යා පිඨය අද (11) සිට නිරෝධායන මධ්‍යස්ථානයක් බවට පත් කර ඇත.

11 October 2020

’අඟුලානේ සනා’ගේ සහායිකාවක් හෙරොයින් සමඟ දැලේ

වැලිකඩ බන්ධනාගාරය තුළ රැඳී සිටිමින් ජංගම දුරකථන උප⁣යෝගී කර ගනිමින් මත්ද්‍රව්‍ය ජාවාරමේ යෙදුණු ’අඟුලානේ සනා’ නැමැත්තාගේ සහායිකාවක හෙරොයින් ග්‍රෑම් 25 යි මිලි ග්‍රෑම් 500 ක් සමග අත්අඩංගුවට ගත් බව මොරටුව පොලිස් අපරාධ විමර්ශන අංශයේ නිලධාරීහු කියති.

11 October 2020

නිල්වලා විද්‍යා පීඨයත් නිරෝධාන මධ්‍යස්ථානයක් කරයි

අකුරැස්ස, විල්පිට නිල්වලා ජාතික අධ්‍යාපන විද්‍යා පීඨය නිරෝධාන මධ්‍යස්ථානයක් ලෙස භාවිතා කිරීම සඳහා යුද හමුදාව සූදානම් කර ඇති බව අතුරලිය සෞඛ්‍ය වෛද්‍ය නිලධාරී කාර්යාලය පවසයි.

11 October 2020

වන අලි පහරදීමකින් සිවිල් ආරක්ෂක භටයා මරුට

දිඹුලාගල , මඟුල්දමන ප්‍රදේශයේ පිහිටි සිවිල් ආරක්‍ෂක දෙපාර්තමේන්තුවට අයත් ගොවිපළක රාජකාරී කරමින් සිටි සිවිල් ආරක්‍ෂක භටයෙකු අද (11) අලුයම වනඅලියෙකු පහරදීමෙන් මරුමුවට පත්වී ඇතැයි අරලගංවිල පොලීසිය කියයි.

11 October 2020

ගංජා ජාවාරමේ යෙදුණු 3ක් දැලේ

යාපනය, කිලිනොච්චිය ප්‍රදේශයේ සිට කේරළ ගංජා රැගෙනවිත් මින්නේරිය, හිඟුරක්ගොඩ, අරලගංවිල යන ප්‍රදේශවලට බෙදාහැරීමේ ජාවාරමක නිරතව සිටින යුද හමුදා සෙබළෙකු, කාන්තාවක ඇතුළු සැකකරුවන් තිදෙනෙකු ගංජා ග්‍රෑම් 590ක්ද සමඟ අද (10) මින්නේරියේදී අත්අඩංගුවට ගත් බව මින්නේරිය පොලිසිය කියයි.

10 October 2020

බඹර ප්‍රහාරයකින් වතු කම්කරුවන් 06ක් රෝහලේ

නල්ලතන්නිය, මරේ තේ වතුයායේ, “ෆොරස්ට්” කොටසේ තේ දළු නෙළමින් වතු කම්කරුවන් පිරිසකට අද (10) ප.ව. 01.00 ට පමණ එල්ල වූ බඹර ප්‍රහාරයකින් තුවාල ලැබූ 06 දෙනෙක් මස්කෙළිය ප්‍රාදේශීය රෝහලට ඇතළත් කළ බව නල්ලතන්නිය පොලීසිය පවසයි.

10 October 2020

නිධන් හාරමින් සිටි පිරිසක් අත්අඩංගුවට

හොරණ අඟුරුවාතොට පොලිස් බල ප්‍රදේශයේ මදුරාවල මහාවිද්‍යාලය ඉදිරිපිට නිවසක නීතිවිරෝධී කැණීමක් සිදුකරමින් නිධන් හාරමින් සිටි පිරිසක් අදාළ යන්ත්‍රෝපකරණ සමග අද (10) අඟුරුවාතොට පොලිසිය විසින් අත්අඩංගුවට ගෙන ඇත. සැකකරුවන් 10 දෙනෙකු මෙලෙස අත්අඩංගුවට ගෙනඇති අතර බර්ගර් ජාතික තරුණියක් ද ඒ අතර වෙයි.

10 October 2020

අවුකන පුදබිමේ නඩත්තු කටයුතු සිවිල් ආරක්ෂක දෙපාර්තමේන්තුවට

ඓතිහාසික අවුකන බුද්ධ ප්‍රතිමා වහන්සේ වැඩ සිටින පූජාභූමි බලප්‍රදේශය ජනාධිපති ගෝඨාභය රාජපක්ෂ මහතාගේ නියෝගයක් පරිදි පිරිසිදු කිරීම සහ නඩත්තු කටයුතු අද (10) සිවිල් ආරක්ෂක දෙපාර්තමේන්තුව යටතට පවරා තිබේ.

10 October 2020