ප්‍රාදේශීය පුවත්

හොර පාරෙන් මැණික් ගැරු දෙන්නෙක් සැකපිට

නොර්වුඩ් එල්බොඩ තේ වතුයායේ අනවසරයෙන් මැණීක් ගරමින් සිටි බව කියන වතුකම්කරුවන් දෙදෙනකු අද (13) අත්අඩංගුවට ගත් බව නොර්වුඩ් පොලිසිය කියයි.

සයිටම් විරෝධතාවට පහර දුන්නැයි වි‍රෝධතා

කොළඹ දී අඟහරුවාදා පැවති සයිටම් විරෝධී උද්ඝෝෂණයට පොලිසිය විසින් කඳුළු ගෑස් සහ ජල ප්‍රහාර එල්ල කරනු ලැබීමට විරෝධය දක්වමින් පේරාදෙණිය විශ්ව විද්‍යාලයේ මහා ශිෂ්‍ය සංගමය විසින් සංවිධානය කරන ලද උද්ඝෝෂණයක් අද (12) ගලහ මංසන්දියේදී පැවැත්විණි.

එකම බස්රිය අනතුරු දෙකක

යාපනය - නුවර ඒ 9 මාර්ගයේ අලිමංකඩ පාලම අසලදී අනතුරට පත්ව තිබූ බස්රථයක අද (12) යතුරු පැදිකරුවකු ගැටී මියගොස් ඇතැයි කිලිනොච්චිය පොලිසිය පවසයි.

ගාල්ලට පැය 12 ක් ජල සැපයුම නවතී

බද්දේගම ජල පවිත්‍රාගාරයේ පොම්පකරන ප්‍රධාන නළ මාර්ගයේ ඇතිවූ පිපිරීමක් නැවත අලුත්වැඩියා කරන තෙක් අම්බලන්ගොඩ ,බලපිටිය, කොස්ගොඩ ,ඇල්පිටිය සහ බටපොල යන ප්‍රදේශවලට අද (12) උදේ 8.00 සිට පැය දොළහක කාලයක් ජලය සැපයිම අත්හිටුවන බව ජාතික ජල සම්පාදන හා ජල පවහන මණ්ඩලය පවසයි.

අල්ලස් ගත්තැයි මඩුල්ලේ කාර්මික නිලධාරියෙක් සැකපිට

මොණරාගල මඩුල්ලේ මාර්ගයක් සංවර්ධන කිරීම සඳහා කොන්ත්‍රාත් ලබා ගැනීමට බිල්පත් සකස් කිරීම ඇතුළු කරුණු වෙනුවෙන් යැයි කියා රුපියල් 18,000 ක අල්ලසක් ගත්තේයැයි සැකපිට කාර්මික නිලධාරියකු අද (11) අත්අඩංගුවට ගත් බව අල්ලස් හෝ දුෂණ චෝදනා විමර්ශන කොමිසම කියයි.

මොරගහකන්දේ පතුල සුද්ද කිරීමෙන් වන අලි ගම්වදිති

මොරගහකන්ද වාරි ව්‍යාපෘතිය සඳහා අක්කර 8000ක් වූ ජලාශයේ පතුල සුද්ද කිරීම හේතුවෙන් වන අලින් ගම් වැදීමේ අවදානමක් පවතින බව ගම්මාන රැසක ජනතාව පවසති.

පාසල් සිසුන් තුනකට බඹර ප්‍රහාරයක්

හැටන් අධ්‍යාපන කලාප කාර්යාලය යටතේ පාලනය වන ඇන්ෆීල්ඩ් දෙමළ විද්‍යාලයේ පාසල් යමින් සිටි සිසුන් පිරිසකට එල්ලවු බඹර ප‍්‍රහාරයකින් තුවාල ලැබු සිසුවියන් තිදෙනෙක් දික්ඔය මුලික රෝහලට ඇතුළත් කර ඇති බව හැටන් පොලිසිය පවසයි.

මරිච්චිකට්ටුවේ අනතුරින් අයෙක් මරුට

හලාවත - පුත්තලම මාර්ගයේ මංගලඑළිය - මරිච්චිකට්ටුව මංසන්ධියේදී කාර් රථයක් සහ යතුරු පැදියක් ගැටීමෙන් එක් අයෙකු මිය ගොස් දෙදෙනෙක් තුවාල ලබා ඇති බව මුන්දලම පොලීසිය කියයි.

උයන්වත්තේ බාධකය ඉවත් කරන්නැයි මුදල් ඇමැති දැනුම් දෙයි

මාතර උයන්වත්ත ක්‍රීඩාංගනයට ඇතුළු වීමට ඇති ප්‍රධාන දොරටුව අවහිර කර රථ ගාලක් සාදා වාහන වලින් පැමිණෙන අයගෙන් මුදල් අය කර ගැනීම වහාම නතර කරන්නැයි මුදල් හා ජනමාධ්‍ය අමාත්‍ය මංගල සමරවීර මහතා මාතර නාගරික කොමසාරිස්වරයා වෙත දැනුම් දී කර ඇත.

රියදුරුට වීර නාමයක් ඉල්ලති

බණ්ඩාරවෙල සිට කොස්ගම දක්වා ධාවනය කරවූ බස් රථය උඩ විහාරගල දී කාර්මික දෝෂයකට ලක්වූ අවස්ථාවේ අඩි දහසක පල්ලමකට යා නොදී බසය ගලක වැදීමට සලස්වා ජීවිතය 28ක් බේරා ගත් රියැදුරු එච්.එම්. කීර්ති බණ්ඩාර මහතාට වීර නාමයක් ලබා දෙන්නැයි ඔහුගේ ඥාතීහු ඉල්ලති.

ගංජා සමග මව සහ පුතා අත්අඩංගුවට

කුඩු සමග හමුදා සෙබළා අත්අඩංගුවට

නිති විරෝධි හෙරොයින් ග්‍රෑම් 15 ක් සමග යුද හමුදාවේ හිටපු සෙබළෙකු මැල්සිරිපුර ඹමාරගොල්ලෙදි 7ද අලූයම අත්අඩංගුවට ගෙන ඇතැයි කුඹුක්ගැටේ පොලිසිය පවසයි

හලාවත - පුත්තලම මාර්ගට ගසක් වැටී අවහිරවෙයි

හලාවත - පුත්තලම මාර්ගයේ දැදුරුඔය පාලම ආසන්නයේදී කොහොඹ ගසක් කඩා වැටීමෙන් ගමනා ගමනයට බාධා එල්ල විය. 07 වැනිදා අළුයම පැවති වැසි සහිත කාලගුණයත් සමග මෙම ගස කඩා වැටී ඇත.

මැණික්පිහිල්ල කුණු කන්ද ගම් රැසක් ගද ගස්සයි

පොත්තපිටිය කිරිමැටියවත්ත රක්ෂිතයේ දිය උල්පත් ඇති මැණික්පිහිල්ල ප්‍රදේශයට යටිනුවර ප්‍රාදේශීය සභාවෙන් කුණු කසල දැමීම හේතුවෙන් හතරලියද්ද හා ගලගෙදර ඇතුළු ප්‍රදේශ ගණනාවක ජනවාට බීමට ඇති ජලය අපවිත්‍ර වී ඇතැයි එම ගම්මානවල වැසියෝ පවසති.

වන සතුන්ගෙන වගා රකින්න අඩු සැර විදුලි වැටක්

වල් ඌරන් ඉත්තෑවුන් වැනි වන සතුන්ගෙන් වගාවන්ට සිදු වන හානි වැළැක්වීම සදහා අඩු වෝල්ටීයතාවයකින් යුත් විදුලි වැටක් හදුන්වාදීමට මධ්‍යම පළාත් කෘෂිකර්ම දෙපාර්තමේන්තුව පියවර ගෙන තිබේ.

ප්‍රා ලේකම් ගස් කැපීමට එරෙහි වෙයි

බලපත්‍ර නීති උල්ලංඝණය කරමින් මාතලේ බණ්ඩරපොල රජයේ වත්තේ විශාල ගස් 110 ක් කපා ඉවත් කරන බවට ප්‍රදේශවාසීන් විසින් ඉදිරිපත් කළ ලිපියකට අනුව එම වතුයායේ සිදු කරමින් පැවති දැව කැපීම තාවකාලිකව තහනම් කිරිමට රත්තොට ප්‍රාදේශීය ලේකම්වරයා පියවරගෙන ඇත.

යතුරුපැදි අනතුරින් අයෙක් මරුට

දංකොටුව බුජ්ජම්පොළ මාර්ගයේ කර්මාන්තපුරය අසල සිදු වු අනතුරකින් යතුරුපැදිකරුවකු මියගොස් ඇතැයි දංකොටුව පොලිසිය පවසයි.

මීගමුව බන්ධනාගාරයේදී රැඳවියෙක් මිය ගිහින්

මීගමුව බන්ධනාගාරයේ රැඳවියකු රෝගාතුර වී මිගමුව මහ රෝහලට ඇතුළත් කිරීමෙන් අනතුරුව මිය යාම ගැන මහේස්ත්‍රාත් පරීක්ෂණය මීගමුව වැඩ බලන මහේස්ත්‍රාත් ශාන්ත මිරිඇල්ල මහතා විසින් සිදුකරනු ලැබීය.

පෝය දා අරක්කු විකිණු අයෙක් දැලේ

නීති විරෝධී ලෙස මත්පැන් අලෙවි කළ බව කියන පුද්ගලයකු බගවන්තලාව බි‍්‍රඩිවෙල් වතුයායේදී අද (05) අත්අඩංගුවට ගත් බව බගවන්තලාව පොලිසිය පවසයි.

විපතින් නොවැටුණු සබරගමුව ශිෂ්‍යත්ව හපනුන්ට ස්තූතිය

මෙවර ශිෂ්‍යත්ව විභාග ප‍්‍රතිඵල අනුව සබරගමු පළාතේ රත්නපුර සහ කෑගල්ල දිස්ත‍්‍රික් දෙකේ ජනප‍්‍රිය නොවන ග‍්‍රාමීය පාසල්වලින් ඉහළ ප‍්‍රතිඵල ලැබී ඇති බව සබරගමු පළාත් අධ්‍යාපන අමාත්‍යාංශ ලෙකම් මහින්ද එස්. වීරසූරිය මහතා පවසයි.

දකුණේ ඉන්ධනහල් කොල්ල කෑ අයෙක් අත්අඩංගුවට

දකුණු පළාතේ ඉන්ධන පිරිවුම්හල් කිහිපයකට පසු ගිය දිනවල කඩා වැදී මුදල් කොල්ලාකා පලා ගිය බව කියන කණ්ඩායමේ පුද්ගලයකු සහ කොල්ලාකැමට යොදා ගත් යතුරුපැදියක් ගුරුල්ලවල ප්‍රදේශයේදී අද (5) අත්අඩංගුවට ගත් බව අහංගම පොලිසිය පවසයි.

හමුදා මේජර්වරයෙක් අත්අඩංගුවට

බිමත්ව රිය පදවා අනුරාධපුර ශික්ෂණ රෝහල ඉදිරිපිට ඩෙන්සිල් කොබ්බැකඩුව පිළිරුව වටා ඉදි කර ඇති වැටට අලාභ හානි කැළැයි යුද හමුදා මේජර්වරයකු බදාදා (04) රාත‍්‍රි 11.00 ට පමණ අත් අඩංගුවටගත් බව අනුරාධපුර පොලිසිය කියයි.

ට්‍රෝලින් ක්‍රමය නිසා ධීවරයෝ අවදානමේ

කල්පිටිය කළපුවේ සිදු කරන නීතී විරෝධී ට්‍රෝලින් පන්න ක්‍රමය හේතුවෙන් සෙසු ධීවර ජනතාවගේ ධීවර රැකියා අවදානමට ලක්ව ඇතැයි ධීවරයෝ චෝදනා කරති.

මාළු පෙට්ටි අස්සෙන් අරක්කු මතුවෙයි

තංගල්ලේ සිට බිබිල දක්වා ගමන් ගත් කුඩා මාළු ලොරියක මාළු පෙට්ටි අස්සේ සඟවාගෙන රැගෙන යමින් තිබූ අරක්කු බෝතල් 28 ක් සමග පුද්ගලයකු අද (04) අම්බලන්තොට වලවේ ගඟ පාළම අසලදී අත්අඩංගුවට ගත් බව මාතර තංගල්ල දිසා විශේෂ විෂ මත්ද්‍රව්‍ය වැටලිම් ඒකකය කියයි.

නෝර්වුඩ් ඇඟළුම් සේවිකාවෝ 200ක් හදිසියේ ලෙඩ වෙති

නොර්වුඩ් නිව්වැලිගම පෞද්ගලික ඇඟළුම් කර්මාන්ත ශාලාවක සේවිකාවන් දෙසීයයකට ආසන්න පිරිසක් හදිසියේ රෝගාතුර වී දික්ඔය මුලික රෝහලට ඇතුළත් කරනු ලැබ සිටිති.

මඩකලපුවේ හොරට වෙළඳාම් කළ 15ක් අත්අඩංගුවට

මඩකලපුවේ නීති විරෝධී ව්‍යාපාරවල යෙදුණු බව කියන වෙළඳුන් 15 දෙනකු අත් අඩංගුවට ගත් බව මිනුම් හා ප්‍රමිති දෙපාර්තමේන්තුවේ දිස්ත්‍රික් අධ්‍යක්ෂ ඒ.එල්.නෞසාත් මහතා පැවසීය.

කෝන්කිටිපොතානෙන් පිරිමි හිස් කබලක්

මිහින්තලය රොටවැව කෝන්කිටිපොතාන රක්ෂිතය තුළ තිබි මීට මාස දෙකකට පමණ පෙර මිය ගියැයි සැක කෙරෙන පිරිමි හිස් කබලක් හා අස්ථි කොටස් කිහිපයක් අද (03) සොයාගත් බව මිහින්තලය පොලිසිය පවසයි.

ජයබිම සතොස කොල්ලකති

සමුපකාර තොග වෙළෙඳ සංස්ථාවට අයත් හලාවත ජයබිම ප‍්‍රදේශයේ සතොස වෙළෙඳසල අද(03) අලුයම කොල්ල කා ඇතැයි හලාවත පොලිසිය කියයි.