එසැණ පුවත්

රත්නපුර-නිවිතිගල පාසල් හෙට නිවාඩු

පවතින ගංවතුර ආපදා තත්ත්වය හේතුවෙන් රත්නපුර දිස්ත්‍රික්කයේ රත්නපුර අධ්‍යපන කලාපෙය් පාසල් සහ නිවිතිගල කලාපයේ පාසල් හෙට(29) නිවාඩු දීමට පියවර ගත් බව සබරගමුව පළාත් අධ්‍යාපන ලේකම් මහින්ද වීරසූරිය මහතා නිවේදනය කරයි.

ගිංගඟේ බද්දේගම ගංවතුර වේල්ල අනතුරේ

ගිංගඟේ පිටාර ජලය බද්දෙගම නගරයට ඇතුළු වීම වැළැක්වීමට ඉදිකර ඇති වේල්ලේ බද්දෙගම ක්‍රිස්තුදේව විද්‍යාලය අසල ජල කාන්දුවක් ඇතිව තිබේ.

මාතර ගම්මාන රැසකට අනතුරු ඇඟවීම්

නිල්වලා ගංඟා ද්‍රෝණිය අවට ප්‍රදේශ අවට දැඩි ගංවතුර අවදානම් තත්ත්වයක් උද්ගතව ඇතැයි වාර්තා වේ. නිල්වල ගංඟාවේ ඉවුරු කඩාගෙන යෑමේ තත්ත්වයක් උද්ගත ව ඇති හෙයින් ආරක්ෂිත ස්ථානවලට බලධාරීහූ ප්‍රදේශවාසීන්ගෙන් ඉල්ලා සිටිති.

කළුතර නාගොඩ මංසන්ධියත් යටවෙයි

කළුතර නාගොඩ මංසන්ධිය ද ජලයෙන් යටවී ඇතැයි ප්‍රදේශවාසීහු කියති.‘රැල්ල ගහනවා වගේ වතුර ආවා.‘ යැයි සිද්ධිය දුටුවෙක් කීවේය. නාගොඩ මංසන්ධියේ උස ස්ථානයේ මේ වන විට ඉණ ගාවට ජලය පිරී තිබේ.

ආපදාවට මුහුණ දෙන්න ශ්‍රී ලංකාව විදේශ ආධාර ඉල්ලයි

ගංවතුර හා නායයෑම්වලින් මියගිය සංඛ්‍යාව 122 බව වාර්තා වෙද්දි ආපදා කටයුතුවලට සහන කටයුතු සඳහා ශ්‍රී ලංකා රජය සෙනසුරාදා 27 දිනයේදී ජාත්‍යන්තර සහාය පැතීය.

ගඟ පහළ දෙපස ගංවතුර අවදානම ඉහළ යයි

කැලණි ගඟට සම්බන්ධ නාගලගම් වීදිය, කළු ගඟට සම්බන්ධ පටුපාවුල සහ ගිං ගඟට සම්බන්ධ බද්දේගම යන ප්‍රදේශවල ගංවතුර අවදානම ඉහළ යමින් පවතින බව වාරිමාර්ග දෙපාර්තමේන්තුව අද 27 සවස 3.30ට නිකුත් කළ අනතුරු ඇඟවීමේ දැක්වේ.

දිස්ත්‍රික්ක 7 කට නායයාමේ අවදානම් රතු නිවේදනය

දිස්ත්‍රික්ක හතකට නායයෑමේ අවදානමක් තිබෙන බව සඳහන් කරමින් ජාතික ගොඩනැගිලි පර්යේෂණ ආයතනය අද 27 රතු නිවේදනයක් නිකුත් කළේය.

නිල්වලා ගඟේ ජලමට්ටම ඉතා සීඝ්‍රයෙන් ඉහළ යයි

මාතර නිල්වලා ගඟේ ජලමට්ටම ඉතා සීඝ්‍රයෙන් ඉහළ යමින් පවතින බව ආපදා කළමනාකරණ මධ්‍යස්ථානය කියයි. මේ වනවිට මාතර නගරාසන්නේ ඇති ගබඩා වීදිය, තුඩාව, වෙලන්වත්ත, වේරදූව, මැදවත්ත ආදි ප්‍රදේශ ජලයෙන් යටවී තිබේ. ඇතැම් ස්ථානවල අඩි 8 කට වඩ වතුර පිරී තිබේ.

රත්නපුරේ ගම්මාන පිටින් නාය යද්දී නගරයේ තවමත් ගංවතුර

රත්නපුර දිස්ත්‍රික්කයේ ගංවතුර බැස යාම ඉතා සෙමින් සිදුවන අතර නායයාම් නිසා සිදුව ඇති ජීවිත හානි ප්‍රමාණය පනහ අතර අතුරුදන් වූවන්ගේ ප්‍රමාණය ද ඊට සමාන බව සහන සේවා කටයුතු වල නිරත යුද හමුදාව, පොලීසිය සහ ප්‍රාදේශීය ලේකම් කාර්යාල නිධාරීහූ පවසති.

සංගාගෙන් ද්විත්ව ශතකයක්

එංගලන්ත ප්‍රාන්ත ක්‍රිකට් තරගාවලියේ එසෙක්ස් ප්‍රාන්ත කණ්ඩායම සහ සරේ ප්‍රාන්ත කණ්ඩායම අතර චෙල්ම්ස්ෆෝඞ්හිදී පැවැත්වෙන සිවුදින තරගයේ දෙවැනි දිනය වන අද (27 වැනිදා) සරේ ප්‍රාන්ත කණ්ඩායම වෙනුවෙන් ද්විත්ව ශතකයක් ලබාගැනීමට කුමාර් සංගක්කාර (200) සමත් විය.

සහන කඩිනම් කිරීමට ජනපතිගේ ප්‍රධානත්වයෙන් කළුතරදී රැස්වීමක්

විපතට පත් ජනතාවට සහන සැලසීමේ කටයුතු කඩිනම් කිරීම වෙනුවෙන් සාකච්ඡාවක් ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් අද (27) කඑතර දිස්ත්‍රික් ලේකම් කාර්යාලයේ දී පැවැත්විණි.

මියගිය අයගේ අවසන් කටයුතු රජයේ වියදමෙන්

වර්ෂාව නිසා ඇතිවී තිබෙන ආපදාවෙන් මියගිය අයගේ අවසන් කටයුතු සඳහා සියලුම වියදම් රජය විසින් දරනු ලබන අතර ඔවුන් විපතට පත් පුද්ගලයන්ට වන්දි ගෙවීමත් හානියට පත් නිවාස හා දේපල සඳහා වන්දි ලබාදීමත් ඉදිරි දින කිහිපයේදී රජය විසින් සාකච්ඡා කර තීරණය කරන බවද අමාත්‍යවරයා පැවසීය.

වර්ෂාවේ බලපෑම බළන්ගොඩටත් පැතිරෙයි

පවතින වැසි සහිත කාලගුණික තත්ත්වයේ බලපෑම බළන්ගොඩ ප්‍රදේශයටත් යොමුවීම නිසා ජාතික ගොඩනැගිලි පර්යේෂණ ආයතනය මගින් නයයාමේ අවදානම් පවතින ප්‍රදේශ ලෙස නම්කර ඇති බළන්ගොඩ ඉඹුල්පේ ප්‍රාදේශීය ලේකම් කොට්ඨාසයේ පවුල් 203 ක පුද්ගලයින් 744 ක් තාවකාලිකව එම ප්‍රදේශයන්ගෙන් ඉවත් කිරීමට ඉඹුල්පේ ප්‍රාදේශීය මහලේකම් කීර්ති ජයසිංහ මහතාගේ උපදෙස් පරිදි ආපදා සහන සේවා නිලධාරී අමිලසම්පත් විජේසිංහ ඇතුලු නිලධාරීහු පියවර ගත්හ.

දන්සැල් - තොරණ වෙනුවෙන් වෙන්කළ මුදල් අසරණවූ ජනතාවට දෙන්න‘යි අස්ගිරි මහනාහිමියෝ ඉල්ලති

පොසොන් පොහොය වෙනුවෙන් නියමිතව තිබු දන්සල්, තෝරන් ප්‍රදර්ශනය කිරීම් වැනි කටයුතු සදහා වෙන්කළ මුදල් වලින් කොටසක් ගංවතුරෙන් සහ නායයාම් වලින් අසරණව සිටින ජනතාව සඳහා බෙදා දීමට කටයුතු කරන්න යැයි අස්ගිරි මහානායක වරකාගොඩ ඥාණරතන මහනායක හිමියෝ ඉල්ලා සිටිති.

ආධාර අරන් ඉන්දියාවෙන් නැවක් එයි

ජල ගැලීම් තත්ත්වය හේතුවෙන් පීඩාවට පත් ජනතාවට සහන සැලසීම සදහා වියලි ආහාර රැගත් පළමු ඉන්දිය නෞකාව කොළඹ වරායට ළඟාවී තිබේ.

ගංගාවල ජල මට්ටම තවත් නගී

කැලණි, කළු, ගිං හා නිල්වලා යන ගංගාවල ජල මට්ටම තවදුරටත් ඉහළ යන බැවින් හැකිතාක් දුරට ආරක්ෂිත ස්ථානවෙත යන්නැයි රජය දැනුම් දෙයි.

අවතැන් වූ පිරිස ලක්ෂ 5 කට ආසන්නයි

ගාල්ලේ ගංවතුර මට්ටම තවත් නගී

නාගොඩ සහ යටලමත්ත ප්‍රාදේශවල ගංවතුර මට්ටම ඊයේරාත්‍රී වැඩිවීම නිසා තවත් පහත්බිම් රැසක් අලුතින් යටවීම නිසා පීඩාවට පත්ව සිටි පිරිසට අමතරව තවත් විශාලපිරිසක් පීඩාවට පත්ව ඇතැයි ආපදා සහන කණ්ඩායම් ප්‍රකාශ කරයි.

සහන සේවා ගුවන් භටයාත් දිවියෙන් සමුගනී

නෙළුව කොස්මුල්ල දූලිඇල්ල තේකර්මාන්ත ශාලාවට අයත් වතු නේවාසිකාගාරයේ කොටුවී සිටි කාන්තාවන් පිරිසක් බේරා ගැනීමට යද්දී කේබලය කැඩීමෙන් ඇද වැටුණු ගුවන් හමුදා සහන සේවා කණ්ඩායමේ ගුවන් භටයා කරාපිටිය රෝහලේදී මියගිය බව කරාපිටිය රෝහල් පොලිසිය කියයි.

කිරිබත්ගල ප්‍රදේශයේත් නායයාමක්

නිවිතිගල, කිරිබත්ගල ප්‍රදේශයේ කන්දක් නායයාමෙන් නිවාස කිහිපයක් යටවී ඇති බවට තොරතුරු වාර්තාවෙයි. ඊට යටවි ජීවිතක්‍ෂය පත් වූ 10 දෙනෙකුගේ පමණ සිරුරු හමුවී ඇති බව ද පැවසේ. පස්වලට යටවු තවත් පිරිසක් සිටින බවට තොරතුරු වාර්තා වුවද ඒ බව තහවුරු කර ගැනීමට බලධාරීන් කිසිවෙකුත් සම්බන්‍ධ කර ගැනීමට දුරකතන මාර්ග අවහිරව තිබේ.

කැළණි ගඟත් පිටාර ගැලීමෙන් පවුල් 3000 ක් ඉවත් කරයි

කැලණි ගඟ පිටාර ගලා ඒ අවට ප්‍රදේශ රැසක් මේ වන විට ජලයෙන් යට වී ඇතැයි වාර්තා වේ. ඉහළ ප්‍රදේශවලට ලද අධික වර්ෂාව හේතුවෙන් කැලණි හා කළු යන ගංගාවල ජල මට්ටම ශීඝ්‍රයෙන් ඉහළ යන බැවින් කඩිනමින් ගංගා දෙපසින් ඉවත් වන්නැයි ආපදා කළමනාකරණ මධ්‍යස්ථානය සහ බලධාරීහූ දිගින් දිගටම ජනතාවගෙන් ඉල්ලා සිටිති.

ව්‍යාජ ට්විටර් ගිණුම අත්හිටුවයි

විදේශ කටයුතු අමාත්‍යවරයාට අපහාස වන අයුරින් ව්‍යාජ ට්විටර් ගිණුමක් පවත්වාගෙන යෑම සම්බන්ධයෙන් විදේශ කටයුතු අමාත්‍යාංශය කළ පැමිණිල්ල පිළිබඳ වහා ක්‍රියාත්මක වූ ශ්‍රී ලංකා පරිඝණක හදිසි ප්‍රතිචාර සංසදය එම ව්‍යාජ ට්විටර් ගිණුම මේවන විට අත්හිටුවා ඇතැයි විදේශ කටයුතු අමාත්‍යාංශය කියා සිටී.

මහ වැස්සක විනාශයේ දිගහැරුම

අධික වර්ෂාව නිසා ඇතිවූ ගංවතුර හා නායයෑම් තත්ත්වයෙන් මේ වන විට 91 දෙනකු මියගොස් 110ක් අතුරුදන්ව ඇතැයි ආපදා කළමනාකාරණ මධ්‍යස්ථානය කියයි.

දිස්ත්‍රික්ක පහකට නාය යැමේ අවදානමක්

පවතින තද වැසි සහිත කාලගුණ තත්ත්වය ඉදිරියටත් පැවතියහොත් රත්නපුර, ගාල්ල, කළුතර, මාතර සහ හම්බන්තොට යන දිස්ත‍්‍රික්කයන්හි නායයෑමේ අවදානමක් පවතින බව ජාතික ගොඩනැගිලි පර්යේෂණ සංවිධානය පවසයි.

ආපදා දැනුම් දෙන්න දුරකථන අංක

අධික වර්ෂාව නිසා ඇතිවන ඕනෑම ආපදා තත්ත්වයක් පිළිබඳව 117 අංකයට ඇමතුමක් දීමෙන් දැනුම් දිය හැකි බව ආපද කළමනාකරණ මධ්‍යස්ථානය පවසයි.

මහ වැස්සෙන් 91ක් මිය යති-110ක් අතුරුදන්

අධික වර්ෂාව නිසා ඇතිවූ ගංවතුර හා නායයෑම් තත්ත්වයෙන් මේ වන විට 91 දෙනකු මියගොස් 110ක් අතුරුදන්ව ඇතැයි ආපදා කළමනාකාරණ මධ්‍යස්ථානය කියයි.

ආපදා තත්ත්වය ගැන ජනපති දුක් වෙයි

හදිසි ආපදා තත්ත්වය අසා තමන් බලවත් ශෝකයට පත්වූ බව ජනාධිපති මෛත්‍රීපාල සිරිසේන මහතා ඔස්ට්‍රේලියාවේ සිට ට්විටර් පණිවුඩයක් නිකුත් කරමින් කියයි.

කුකුලේ ගඟින් විසි හතර පැයේ වැඩිම වර්ෂාපතනය වාර්තා වෙයි

පවතින අධික වැසි සහිත කාලගුණය හේතුවෙන් අද (26) පෙරවරු 8.30 දක්වා ගතවූ පැය 24 තුළ දිවයිනේ වැඩිම වර්ෂාපතනය ලෙසින් මිලිමීටර් 553 වර්ෂාපතනයක් කුකුලේ ගඟ ප්‍රදේශයෙන් වාර්තා වී ඇතැයි කාලගුණ විද්‍යා දෙපාර්තමේන්තුව පවසයි.