එසැණ පුවත්

හිටපු ඇමැති ජොන්ස්ටන්ගේ නඩුව කල් යයි

සිය වත්කම් බැරකම් ප‍්‍රකාශ සාධාරණ හේතුවක් නොමැතිව ජනාධිපති ලේකම් කාර්යාලය වෙත ඉදිරිපත් නොකර සිටීමෙන් වරදක් සිදුකර ඇතැයි හිටපු සමූපකාර අභ්‍යන්තර වෙළෙද අමාත්‍ය ජොන්ස්ටන් ප‍්‍රනාන්දු මහතාට එරෙහි අල්ලස් නඩු 5ට අදාළ වැඩිදුර නඩු විභාගය ලබන ජූලි 21 වැනි දා තෙක් කල් තැබීමට කොළඹ ප‍්‍රධාන මහේස්ත‍්‍රාත් ලාල් රණසිංහ බණ්ඩාර මහතා අද (26) නියෝග කළේය.

26 May 2017

ගංවතුර තත්ත්වය නිසා පාර්ලිමේන්තුව කල් තැබේ

පවතින ගංවතුර හා නායයෑම් තත්ත්වය හේතුවෙන් අද(26) පාර්ලිමේන්තු සභා වාරය සවස 2ට අවසන් කිරීමට පක්ෂ නායකයෝ තීරණය කළහ.

26 May 2017

සහන සලසන්න ත්‍රිවිධ හමුදාවම සීරුවෙන්

අවතැන් වු ජනතාවට සහන සැලසීම සඳහා යුද හමුදාවෙන් 800ක භට පිරිසක් සහ ගුවන් හමුදාවේ හෙලිකොප්ටර් යානා 7ක් අද(26) පස්වරුව වනවිට යොදවා ඇතැයි හමුදා මාධ්‍ය ප්‍රකාශක බ්‍රිගේඩියර් රොෂාන් සෙනෙවිරත්න මහතා පවසයි.

26 May 2017

ගාල්ලේ ගංවතුරෙන් පවුල් 17000 ක් අවතැන්

ගාල්ල දිස්ත්‍රික්කයේ පසු ගිය පැය 24 තුළ ඇති වූ ගං වතුර හේතුවෙන් ප්‍රාදේශීය ලේකම් කොට්ටාශ 19 හි ග්‍රාම සේවා වසම් 313 ක පවුල් 17771 ක සමාජිකයින් 69216 ක් පීඩාවට පත්ව ඇති බව ගාල්ල දිස්ත්‍රික් ආපදා කළමනාකරණ ඒකකය පවසයි.

26 May 2017

යාත්‍රා අවශ්‍ය නම් ධීවර අමාත්‍යංශය අමතන්න

අධික වර්ෂාව නිසා ඇතිවී තිබෙන ආපදා තත්ත්වය හේතුවෙන් ගංවතුරට කොටු වී සිටින ජනතාව මුදා ගැනීම සදහා අවශ්‍ය යාත්‍රා සැපයීමට සඳහා ධීවර හා ජලජ සම්පත් සංවර්ධන අමාත්‍යාංශය මෙහෙයුම් කමිටුවක් පත්කර තිබේ.

26 May 2017

කේබලය කැඩී ගුවන් භටයා බිම ඇද වැටෙයි

නෙළුව දුරිඇල්ල ප‍්‍රදේශයේ අවතැන් වු පිරිසක් බේරා ගැනීමේ සහන කටයුතු වල නිරතව තිබූ ගුවන් හමුදා හෙළිකොප්ටර් යානයක සිටි ගුවන් හමුදා සමාජිකයකු අද පෙරවරුවේ හෙළිකොප්ටර් යානයේ කේබලය කඩා වැටී බිම ඇද වැටී තුවාල ලබා ඇතැයි ගුවන් හමුදාව කියයි.

26 May 2017

අදත් හෙටත් තවත් වැසි වසී

නිරිත දිග මෝසමේ බලපෑම හේතුවෙන් බස්නාහිර, සබරගමුව, දකුණු, මධ්‍යම සහ වයඹ පළාත්වලට අද (26) සහ හෙට (27) දෙදින තුළත් ගිගුරුම් සහිත තද වැසි හා සුළං ඇතිවන බව කාලගුණ විද්‍යා දෙපාර්තමේන්තුව පවසයි.

26 May 2017

මීරීගම බැංකුවක් කොල්ල කති

අවිගත් දෙදෙනකු පැමිණ මීට සුළු මොහොතකට පෙර මීරිගම නගරයේ පෞද්ගලික බැංකුවක් කොල්ලකා ඇතැයි පොලිස් ආරංචි මාර්ග කියයි.

26 May 2017

උපදෙස් පිළිපදින්න‘යි අමාත්‍යාංශයෙන් ධීවරයන්ට උපදෙස්

මුහුදු යෑමට පෙර සෑම විටම අදාළ උපදෙස් පිළිපදින්නැයි ධීවර හා ජලජ සම්පත් අමාත්‍යාංශය ධීවරයන්ගෙන් ඉල්ලා සිටියි. පවතින වර්ෂා සහිත කාලගුණ තත්ත්වය හේතුවෙන් මුහුදු යෑමට පෙර සෑම විටම කාලගුණ විද්‍යා දෙපාර්තමේන්තුවේ පණිවිඩ වෙත අවධානය යොමු කරන්නැයි අමාත්‍යාංශය ධීවරයන්ට දැනුම් දී තිබේ.

26 May 2017

හදිසි තත්ත්වයක් යයි සලකා රාජ්‍ය සේවක නිවාඩු අවලංගු කරයි

අධික වර්ෂාව නිසා ඇති වී තිබෙන තත්ත්වය සැලකිල්ලට ගනිමින් රාජ්‍ය සේවකයන්ගේ නිවාඩු අවලංගු කිරීමට තීරණය කර ඇතැයි ස්වදේශ කටයුතු අමාත්‍ය වජිර අබේවර්ධන මහතා අද (26) පෙරවරුවේ ප්‍රකාශ කළේය.

26 May 2017

රත්නපුර නගරය ජලයෙන් යටවෙයි

අධික වර්ෂාව හේතුවෙන් රත්නපුර නගරය ජලයෙන් යටවී ඇත.

26 May 2017

මාතර මොරවක් කන්ද නාය යෑමෙන් 20ක් අතුරුදන්

මාතර දිස්ත්‍රික්කයට නොකඩවා දින දෙකක් තිස්සේ ඇඳ හැලෙන ධාරාණිපාත වර්ෂාවෙන් දෙණියාය මොරවක,වරල්ල,අකුරැස්ස,කඹුරුපිටිය,දෙයියන්දර,පල්ලේගම සහ මාකදුර ආදි ප්‍රදේශ රැසක් ගංවතුරින් යට වීම නිසා අවතැන් වූ ජනතාව බෝට්ටු මඟින් බේරා ගැනීමට මෙහෙයුමක් අරඹා ඇතැයි ආපදා කළමනාකරණ ඒකකය කියයි.

26 May 2017

අගලවත්තේ නිවාස තුනක් නායයාමෙන් පහක් මරුට

අගලවත්ත, මාවතවත්ත නිවාස තුනක් නායයාමට හසුව පුද්ගලයන් පස් දෙනකු මියගොස් ඇතැයි පොලිසිය කියයි.

26 May 2017

ආපදා සහන සඳහා අගමැතිගෙන් මුදල් ප්‍රතිපාදන

අධික වර්ෂාව නිසා ඇතිව තිබෙන ආපදා තත්ත්වය හේතුවෙන් විපතට පත්වූවන්ට සහන සැලසීම සඳහා මුදල් ප්‍රතිපාදන වෙන්කරන ලෙස අගමැති රනිල් වික්‍රමසිංහ මහතා අද(26) අරලියගහ මන්දිරයේ පැවැති සාකච්ඡාවකදී අදාළ බලධාරීන්ට උපදෙස් දී ඇත.

26 May 2017

බුලත්සිංහල නායයාමෙන් නවයක් මරුට

බුලත්සිංහල බෝගහවත්ත කන්ද නාය යාමෙන් මිය ගිය නව දෙනෙකුගේ සිරුරු පිඹුර රෝහලට අැතුළත් කළ බව වෛද්‍ය අධිකාරි ජි.ඩී.ආර්.රුද්‍රිගු මහතා පවසයි.

26 May 2017

වර්ෂාව වැඩිවී ගංවතුර අනතුරු ඇඟවීම් නිකුත් කෙරෙයි

දිවයිනට බලපා ඇති නිරිත දිග මෝසම් වර්ෂාව නිසා ගංගාවල ජල මට්ටම සීඝ්‍රයෙන් ඉහළ නඟින බැවින් ප්‍රධාන ගංගා දෙපස ජීවත්වන ජනයාට ඒ සම්බන්ධයෙන් ආධානයෙන් සිටින ලෙස උපදෙසක් දී තිබේ.

26 May 2017

සබරගමු⁣වේ පාසල් වසයි

පවතින අධික වර්ෂව නිසා පස් කඳු කඩාවැටිමේ හා ජල ගැලීමේ හේතවෙන් සබරගමු පළාතේ සියලුම පාසල් වසා දැමූ බව පළාත් අධ්‍යාපන කර්යාලය පවසයි

26 May 2017

මව සහ දියණිය පස් කන්දට බිලි

සපුගස්කන්ද හෙයියන්තඩුවේ නිවෙසක් මතට පස්කන්දක් කඩාවැටිමෙන් මවක සහ දියණියක මියගොස් ඇතැයි පොලිසිය කියයි.

26 May 2017

ගසක් කඩා වැටී අයෙක් මරුට

කහවත්ත ප්‍රාදේශීය ලේකම් කොට්ඨාශයේ මදලගම ජනපදය ග්‍රාම නිළධාරී වසමේ අඩි පාරක ගමන් කරමින් සිටි පුද්ගලයෙකුගේ සිරුරට ගසක් කඩා වැකහවත්ත ප්‍රාදේශීය ලේකම් කොට්ඨාශයේ මදලගම ජනපදය ග්‍රාම නිළධාරී වසමේ අඩි පාරක ගමන් කරමින් සිටි පුද්ගලයෙකුගේ සිරුරට ගසක් කඩා වැටිමෙන් ඔහු එම ස්ථානයේම මිය ගොස් ඇතැයි කහවත්ත පොලිසිය පවසයි.ටිමෙන් ඔහු එම ස්ථානයේම මිය ගොස් ඇතැයි කහවත්ත පොලිසිය පවසයි.

25 May 2017

ගිං ගඟේ ජල මට්ටම තවත් ඉහළ යයි

ගිංගඟේ ජල මට්ටම සීග්‍ර ලෙස ඉහළ යාමේ අවධානමක් ඇතැයි ගාල්ල අතිරේක දිස්ත්‍රික් ලේකම් කමල් රණසිංහ මහතා කියයි.

25 May 2017

බ්‍රිගේඩියර් ගුණවර්ධන 31 දා තෙක් රිමාන්ඩ්

ගම්පහ රතුපස්වල පිරිසිදු පානීය ජලය ඉල්ලූ ප්‍රදේශවාසීන්ට වෙඩි තැබූ යුද හමුදා කණ්ඩායම බාරව සිටි බ්‍රිගේඩියර් අනුර දේශප්‍රිය ගුණවර්ධන ලබන 31 වැනිදා තෙක් රිමාන්ඩ් කරන ලෙස ගම්පහ ප්‍රධාන මහේස්ත්‍රාත් ඩී.ඒ රුවන් පතිරණ මහතා අද (25) නියෝග කළේය.

25 May 2017

ප්‍රසන්නගෙන් ජනපතිට රහසිගත ලිපියක්

තමන් 2015 වසරේ මුලදී ජනාධිපතිවරයා දැනුම්වත් කරන්නට උත්සාහ ගත් කාරණය අද වනවිට දෙනෙත් ඉදිරියේ සැබෑවක් වී ලක් දෙරණේ දේශපාලන කෙහෙළි බිමෙහි ජය කෙහෙලි නැංවූ ශී‍්‍ර ලංකා නිදහස් පක්ෂය රුවල් කැඩුණු නැවක් සේ අන්ත අසරණ තත්ත්වයකට පත්ව ඇතැයි ගම්පහ දිස්ත්‍රික් පාර්ලිමේන්තු මන්තී‍්‍ර ඒකාබද්ධ විපක්ෂයේ කැඳවුම්කරු ප‍්‍රසන්න රණතුංග මහතා ජනාධිපති මෛති‍්‍රපාල සිරිසේන මහතා වෙත ලිපියක් යවමින් පවසයි.

25 May 2017

එක් කෝටි විසි ලක්ෂයක මත්ද්‍රව්‍ය අල්ලයි

ජර්මන් ජාතිකයකු විසින් ලන්ඩනයේ සිට නැව් මගින් මෙරටට ගෙන්වන ලද රුපියල් එක් කෝටි විසි ලක්ෂයක් පමණ වටිනා කොකේන් ග්‍රෑම් 55ක් සහ මත් පෙති 3500ක් රේගු මධ්‍යම විමර්ශන ඒකකය මගින් අද(25) ගාල්ල පෞද්ගලික භාණ්ඩ නිෂ්කාශන ආයතනයක දී අත්අඩංගුවට ගනු ලැබීය.

25 May 2017

වෛද්‍ය පාදෙණිය නිතරගයෙන්ම යළි සභාපති තනතුරට

විශේෂඥ වෛද්‍ය පාදෙණිය මහතා අඛණ්ඩව 7 වැනි වරටත් රජයේ වෛද්‍ය නිලධාරීන්ගේ සංගමයේ සභාපති ධුරයට පත්වීමට නියමිත ය.

25 May 2017

ඥානසාර හිමි අල්ලන්න පොලිස් මෙහෙයුමක්

බොදු බල සේනා සංවිධානයේ මහ ලේකම් ගලගොඩඅත්තේ ඥානසාර හිමියන් අත්අඩංගුවට ගැනීම සඳහා විශේෂ පොලිස් මෙහෙයුමක් ක්‍රියාත්මක කර ඇතැයි පොලිස් මාධ්‍ය ප්‍රකාශක කාර්යාලය පවසයි.

25 May 2017

මැන්චෙස්ටර්හි පාර්සලය බෝම්බයක් නොවන බව හෙළිවෙයි

මැන්චෙස්ටර් හි හල්ම් වීදියේ තිබූ සැක සහිත පාර්සලයක් නිසා යුද හමුදා බෝම්බ නිෂ්ක්‍රීය විශේෂඥයන් කැඳවන ලදි.

25 May 2017

වෛද්‍යවරියගේ මරණය ගැන විවෘත තීන්දුවක්

නුවරඑළිය මහ රෝහලේ ජ්‍යෙෂ්ඨ වෛද්‍යවරුන්ගේ නිල නිවාසයේදී මිය ගිය එම රෝහලේ නිර්වින්ද වෛද්‍යවරියගේ මළ සිරුර පිළිබඳව පශ්චාත් මරණ පරීක්ෂණය පවත්වා විවෘත තීන්දුවක් ලබා දී ඇති අතර මෘත ශරීරයේ කොටස් ගණනාවක් රජයේ රස පරික්ෂකවරයා වෙත යවා වාර්තාවක් ලබා ගන්නා ලෙස මහනුවර අධිකරණ විශේෂඥ වෙද්‍ය එම්. සිවසුබ‍්‍රමණියම් මහතා පොලීසියට උපදෙස් දී ඇත.

25 May 2017

ගිං ගඟ පිටාර මට්ටම ආසන්නයේ

ඉකුත් පැය 24 තුල දිවයිනේ වැඩිම වර්ෂාපතනය වූමි.මි.197.5 ගාල්ල දිස්ත්‍රික්කයේ බලපිටිය ප්‍රදේශයට ඇදහැලී ඇතැයි කාලගුණ විද්‍යා දෙපාර්තමේන්තුව පවසයි.

25 May 2017