එසැණ පුවත්

චීන නෞකා තුනක් දිවයිනට

අවතැන් වූවන්ට සහන සැලසීම සඳහා චීන නාවික හමුදාවට අයත් නෞකා 3 ක් අද (31) කොළඹ වරායට සේන්දු විය. මෙම නෞකා වලින් පැමිණි වෛද්‍ය කණ්ඩායම් පහක් (5) සහ ආපදා සහන කටයුතු සඳහා කුඩා යාත්‍රා 10 ක් දිවයින පුරා විපතට පත් ජනතාව උදෙසා සහන සැළසීමට ශ්‍රී ලංකා නාවික හමුදාව සමග එක්ව කටයුතු කිරීමට නියමිතය.

31 May 2017

ඥානසාර හිමි ඝාතන තැතක් ගැන අධිකරණයේදී හෙළිවෙයි

බන්ධනාගාර ගතව සිටින අපරාධකරුවන් කිහිප දෙනෙකු විසින් බොදු බල සේනා සංවිධානයේ මහ ලේකම් ගලගොඩඅත්තේ ඥානසාර හිමියන් ඝාතනය කර ආගම් බේදයක් ඇතිකිරීමේ සැලැස්මක් සම්බන්ධයෙන් ලද පැමිණීල්ලකට අදාළව විමර්ශනයක් ආරම්භ කර ඇතැයි සංවිධානාත්මක අපරාධ නිවාරණ කොට්ඨාසය අද(31) කොළඹ ප‍්‍රධාන මහේස්ත‍්‍රාත් අධිකරණය වෙත කරුණු වාර්තා කළේය.

31 May 2017

පුරාවිද්‍යා වැඩබලන අධ්‍යක්ෂක පී.බී. මණ්ඩාවල

පුරාවිද්‍යා දෙපාර්තමේන්තුවේ වැඩබලන අධ්‍යක්‍ෂ ජනරාල්වරයා ලෙස මහාචාර්ය පී.බී මණ්ඩාවල මහතා පත්කිරීමට කැබිනට් මණ්ඩලය තීරණය කර තිබේ.

31 May 2017

නිල්වලා ගඟේ වේල්ලක් කපා ගං වතුර බස්සයි

ජීවිත බිළිගනිමින් දහස් ගණනකට උන්හිටිතැන් අහිමි කරමින් ගම්බිම් වනසමින් ප්‍රචණ්ඩව ගලාගිය නිල්වලා ගගේ අද (31) ස්වභාවය වාරිමාර්ග ඉංජිනේරුවරු මෝයකට ආශ්‍රිත ප්‍රදේශයේ තත්වය පරීක්ෂා කළහ.

31 May 2017

ගලගොඩඅත්තේ හිමි රෝහලේ

අධිකරණ ශාලාව තුළ කලහකාරී ලෙස හැසීරීමෙන් අධිකරණයට අපහාස කිරීමේ සිද්ධියක් සම්බන්ධයෙන් චෝදනා ලැබ ඇතැයි කියන බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමි තවදුරටත් අසනීප තත්ත්වයෙන් රෝහල්ගතව සිටින බව ඥානසාර හිමියන් වෙනුවෙන් පෙනී සිටි නීතීඥවරයා බදාදා (24) අභියාචනාධිකරණයට දැනුම් දුන්නේය.

31 May 2017

‘අගමැති කාලගුණ අනාවැකි නොපිළිගන්නවානම් කාලගුණ විද්‍යා දෙපාර්තමේන්තුව වසා දැමිය යුතුයි‘ - අනුර යාපා

අගමැතිවරයා කාලගුණ විද්‍යා දෙපාර්තමේන්තුවේ අනාවැකි නොපිළිගන්නවානම් සහ ජෝන් අමරතුංග ඇමැතිවරයා කාලගුණ අනාවැකි විහිළුවට ලක් කරනවානම් කාලගුණ විද්‍යා දෙපාර්තමේන්තුව වසා දැමිය යුතු යැයි ආපදා කළමනාකරණ අමාත්‍ය අනුර ප්‍රියදර්ශන යාපා මහතා පැවසීය.

31 May 2017

අධිවේගී මාර්ගයේ නීති කැඩීමේ චෝදනාවලින් හිටපු විදුහල්පති නිදහස්

ගාල්ල මහින්ද විද්‍යාල හිටපු විදුහල්පති වු දොන් කරුණාසේන අතුකෝල මහතාගේ අතින් දක්ෂිණ අධිවේගි මාර්ගයේ සිදුවු වාහන අනතුර සම්බන්ධයෙන් මාර්ග සංවර්ධන අධිකාරිය හා ගාල්ල අක්මීමන පොලිසිය එක්ව ඉදිරිපත් කළ චෝදනා තුනෙන්ම නිදහස් කරනු ලබන බව ගාල්ල අතිරේක මහේස්ත්‍රාත් අසංකා හෙට්ටිවත්ත මහත්මිය අද (31) නියෝග කළාය.

31 May 2017

ජගත් මහලේකම් ශ්‍රී ලංකාවට හා බංග්ලාදේශයට සොව පළ කරයි

මෝරා සුළි කුණාටුව හා එහි බලපෑම හේතුවෙන් ශ්‍රී ලංකාවට හා බංග්ලාදේශයටත් දකුණු ආසියාවේ අනෙකුත් රටවල් සිදුවූ දරුණු බලපෑම සම්බන්ධයෙන් පීඩාවට පත් ජනතාව වෙනුවෙන් කනගාටුව පළ කරන බව එක්සත් ජාතීන්ගේ මහ ලේකම් ඇන්තෝනියෝ ගුටරෙස් මහතා නිවේදනයක් නිකුත් කරමින් පැවැසීය.

31 May 2017

ගංවතුර ආරක්ෂණ ආඥා පනත වෙනස් කිරීමට කැබිනට් අනුමැතිය

ගංවතුර ආරක්ෂණ ආඥාපනත අහෝසිකර ඒ වෙනුවට නව ගංවතුර කළමනාකරණ පනතක් ස්ථාපිත කිරීමට කැබිනට් මණ්ඩල අනුමැතිය හිමිවී තිබේ.

31 May 2017

සී.අයි.ඩියේ අතපසුවීමට අධිකරණයෙන් අවවාද

පාර්ලිමේන්තු මන්ත්‍රී විමල් විරවංශ මහතාගේ බිරිඳ ශෂි විරවංශ මහත්මියට එරෙහිව ව්‍යාජ ගුවන් ගමන් බලපත්‍රයක් ලබාගැනීමේ චෝදනාව යටතේ අපරාධ පරික්ෂණ දෙපාර්තමේන්තුව පවරා තිබු නඩු දෙකකට අදාළව නඩු භාණ්ඩ වු ගුවන් ගමන් බලපත්‍රය හා ජාතික හැදුනුම්පත අස්ථාන ගත වී ඇති බව මීට පෙර හෙළි වු කරුණු අසත්‍ය බව කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා සඳහන් කළේය.

31 May 2017

නියෝජ්‍ය හා රාජ්‍ය ඇමැතිවරු අටක් දිවුරුම් දෙති

නව රාජ්‍ය හා නියෝජ්‍ය ඇමැතිවරු කිහිප දෙනෙක් අද(31) පෙරවරුවේ ජනාධිපති මන්දිරයේ දී දිවුරුම් දුන්හ.

31 May 2017

උතුරේ සිසුන් ආරක්ෂක හමුදා උත්සවවලට එපාලු

ආරක්ෂක හමුදාව විසින් සංවිධානය කරන උත්සව හා වැඩසටහන් සදහා උතුරේ පාසල් සිසුන් සහභාගී කරගැනීම වහාම නවතා දැමිය යුතු යැයි දෙමළ ජාතික සන්ධාන උතුරු පළාත් සභා මන්ත්‍රී එම්.කේ.සිවාජිලිංගම් මහතා එම පළාතේ අධ්‍යාපන බලධාරීන්ගෙන් ඉල්ලා ඇත.

31 May 2017

ලංකා සීනි සමාගම ඈවර කරන බව ප්‍රසිද්ධ කිරීමට නියෝග

ගල්ඔය වැවිලි සමාගමට ගෙවිය යුතු රුපියල් කෝටි පහළොවකට අධික මුදල ගෙවීම සඳහා ලංකා සීනී සමාගම ඈවර කරන බව සඳහන් කරමින් ගැසට් නිවේදනය සහ පුවත්පත්වල දැන්වීම් පළ කරන ලෙස කොළඹ වාණිජ මහාධිකරණ විනිසුරු ගාමිණි අමරසේකර මහතා අද(31) නියම කළේය.

31 May 2017

නායයෑම් අනතුරු ඇඟවීම තව පැය 24කට දිගු කරයි

අඛණ්ඩව සිව්වැනි දිනටත් රත්නපුර, කෑගල්ල, ගාල්ල, කළුතර, මාතර, හම්බන්තොට සහ නුවරඑළිය යන දිස්ත්‍රික්ක 7ට ලබා දී තිබූ නායයෑම් පිළිබඳ පූර්ව අනතුරු ඇඟවීම් තවත් පැය 24ක් දක්වා දීර්ඝ කිරීමට ජාතික ගොඩනැගිලි පර්යේෂණ සංවිධානය අද (31) පස්වරු 1ට කටයුතු කළේය.

31 May 2017

ගාල්ල කොතේගොඩ කන්ද අවට පවුල් 94ක් ඉවත් කෙරේ

ගාල්ල, කොතේගොඩ කන්ද නාය යාමේ අවදානමක් පවතින බැවින් පවුල් 94ක් ඉවත් කර ඇතැයි ආපදා කළමනාකරණ මධ්‍යස්ථානය පවසයි.

31 May 2017

දකුණේ ජනතාව වෙනුවෙන් උතුරේ සෙනෙහස සොයයි

ස්වාභාවික විපත් අවස්ථාවකදී තිරිසන් සතුන් වන නයි මුගටින්ට එකට ඉන්නට හැකි නම් දකුණේ විපතට පත් ජනතාව වෙනුවෙන් ජාති ආගම් කුල භේද නොසලකා උතුරේ ජනතාවගේ සෙනෙහස අවශ්‍ය වී ඇති බවට උතුරු පළාත් ආණ්ඩුකාර රෙජිනොල්ඩ් කුරේ මහතා පැවසීය.

31 May 2017

ආපදා මරණ 203 දක්වා ඉහළට

ආපදා කළමනාකරණ මධ්‍යස්ථානයේ නවතම වාර්තා අනුව ගංවතුර හා නායයාම් වලින් මියගිය සංඛ්‍යාව 203 දක්වා වැඩිවී ඇත.

31 May 2017

ඇෆ්ගනිස්ථානයේ පිපිරීමකින් 60ක් මරුට

ඇෆ්ගනිස්ථානයේ කාබුල් නුවර විශාල පිපිරීමක් සිදුව ඇතැයි ද මේ වන විට 60දෙනකු පමණ මියගොස් ඇතැයි ද වාර්තා වෙයි.

31 May 2017

හිටපු ජනපති ආරක්ෂක ප්‍රධානියාට එරෙහි නඩු විභාගයට

හිටපු ජනපතිගේ ප්‍රධාන ආරක්ෂක නිලධාරි නෙවිල් වන්නිආරච්චිට එරෙහිව 2010 සිට 2014 දක්වා වත්කම් හා බැරකම් හෙළි නොකිරිම යටතේ අල්ලස් කොමිසම විසින් පවරා ඇති නඩු පහ විභාගයට ගැනීමට කොළඹ අතිරේක මහේස්ත්‍රාත් අරුණි ආටිගල මහත්මිය නියෝග කළාය.

31 May 2017

හොර රියදුරු බලපත් හැදූ 6ක් කොටුවෙති

මරදාන දේවානම්පියතිස්ස මාවතේ පවත්වාගෙන ගිය ව්‍යාජ රියදුරු බලපත‍්‍ර සකස් කිරීමේ ස්ථානයක් වටලා ව්‍යාජ රියදුරු බලපත‍්‍ර 56 ක් සමග සැකකරුවන් 6 දෙනකු පොලිස් සංවිධානාත්මක අපරාධ නිවාරණ කොට්ඨාසය විසින් අත්අඩංගුවට ගනු ලැබු බව පොලිස් මුලස්ථානය කියයි.

31 May 2017

අන්තරේ කැඳවුම්කරු ඇතුළු හයකට ඇප

අන්තර් විශ්ව විද්‍යාල ශිෂ්‍ය බල මණ්ඩලයේ කැඳවුම්කරු වන ළහිරු වීරසේකර සහ තැන්නේ ඤාණානන්ද හිමි ඇතුළු සැකකරුවන් හය දෙනෙකු අද (31) එක් අයකුට රුපියල් 2500 බැගින් වූ ඇප මත මුදා හැරීමට කොළඹ ප්‍රධාන මහේස්ත්‍රාත් ලාල් රණසිංහ බණ්ඩාර මහතා නියෝග කළේය.

31 May 2017

රතුපස්වල වෙඩි තැබීමේ සිද්ධියේ බ්‍රිගේඩියර් යළි රිමාන්ඩ්

පිරිසිදු පානීය ජලය ඉල්ලූ රතුපස්වල ජනතාවට වෙඩි තැබීමේ සිද්ධිය සම්බන්ධයෙන් රිමාන්ඩ් කර සිටින බ්‍රිගේඩියර් දේශප්‍රිය ගුණවර්ධන මහතා ඇතුළු සැකකරුවන් සිව් දෙනා ජූනි 14 තෙක් යළි රිමාන්ඩ් කරන ලෙස ගම්පහ ප්‍රධාන මහේස්ත්‍රාත් ඩී.ඒ රුවන් පතිරණ මහතා අද(31) නියෝග කළේය.

31 May 2017

මිය ගිය ගණන 202 දක්වා ඉහළට:96ක් තවමත් අතුරුදන්

ආපදා තත්ත්වය නිසා මිය ගණන 202 දක්වා ඉහළ ගොස් ඇතැයිද 96 දෙනකු අතුරුදන් ව ඇතැයි ද ආපදා කළමනාකරණ මධ්‍යස්ථානය කියයි. ගංවතුරෙන් සහ නායයෑම්වලින් 630 000ට අධික පිරිසක් පීඩාවට පත්ව ඇතැයි ද කියැවේ.

31 May 2017

හොර සල්ලි අච්චූ ගැසූවැයි දෙදෙනෙක් සැකපිට

ශ්‍රී ලංකා මහ බැංකුව මගින් නිකුත් කෙරෙන රුපියල් පන්දහසේ මුදල් නෝට්ටුවට සමාන අන්දමට ව්‍යාජ නෝට්ටු මුද්‍රණය කළ බව කියන 21 හැවිරිදි කාන්තාවක සහ ඇයට අනුබල දුන් පුද්ගලයෙකු අත්අඩංගුවට ගත් බව ගණේමුල්ල පොලිසිය කියයි.

31 May 2017

දඹුල්ලේ ත්‍රීරෝද රථයක් ලොරියක ගැටී දෙකක් මරුට

දඹුල්ල කුරුණෑගල ප්‍රධාන මාර්ගයේ ගලේවෙල පහලවැව ප්‍රදේශයේදී වැඩ නිමවී නිවසට ත්‍රීරෝද රථයකින් පැමිණෙමින් සිටි එකම පවුලේ සහෝදරයින් දෙදෙනෙකු රැගත් ත්‍රීරෝද රථය සිමෙන්ති පටවාගෙන යමින් තිබු ලොරි රථයක ගැටීමෙන් සිදු වූ අනතුරකින් ත්‍රීරෝද රථයේ සිටි එකම පවුලේ සහෝදරයන් දෙනෙනා මිය ගොස් ඇතැයි ගලේවෙල පොලිසිය පවසයි.

31 May 2017

වැස්සෙන් වලස්මුල්ලේ පාලම් රැසකට හානි

නායයෑම් සහ ගංවතුර නිසා වලස්මුල්ල ප්‍රාදේශීය ලේකම් කොට්ඨාසයේ පාතේගම, හඳුගල, හිඟුරවත්ත ආදී ප්‍රදේශ රැසක පාලම් කැඩී ගොස් තිබේ.

30 May 2017

දුෂ්කර ගමක් අධාර ඉල්ලයි

ජල ගැලීම්වලින් හා නායයෑම්වලින් පීඩාවට පත්වුවද නගරයේ සිට තරමක් දුර බැහැරව පවතින නිසා ආධාර නොලැබෙන ගම්මාන රැසක් තවමත් තිබේ.රත්නපුර දිස්ත්‍රික්කයේ කලවාන පිටකැලේ එවැනි ගම්මානයකි.

30 May 2017

දකුණේ සිසුහූ අටක් මිය යති:අටක් අතුරුදන්

ආපදා හේතුවෙන් දකුණු පළාතේ පාසල් සිසුන් අට දෙනකු මියගොස් තවත් අට දෙනකු අතුරුදන්ව ඇතැයි දකුණු පළාත් ආපදා කළමනාකරණ විෂය භාර සහකාර අධ්‍යාපන අධ්‍යක්ෂිකා ප්‍රසාංජලී ගමගේ මහත්මිය පවසයි.

30 May 2017