එසැණ පුවත්

ජල සම්පාදන පනත සංශෝධනයට ඇමැතිගෙන් උපදෙස්

ජල සම්පාදන පනතේ පවතින අඩුපාඩු රැසක් ඉවත්කර, අලුතින් නීති සම්පාදනය කිරීමට නිලධාරීන්ට උපදෙස් ලබාදී ඇතැයි අමාත්‍ය වාසුදේව නානායක්කාර මහතා අද(14) ලංකාදීපයට පැවසීය.

14 August 2020

තවත් 12ක් සුවය ලබා පිටව යති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි පුද්ගලයන් 12දෙනෙකු සුවය ලබා අද(14) පිටව ගිය බව වසංගත රෝග විද්‍යා අංශය පවසයි.

14 August 2020

ජනක බණ්ඩාර තෙන්නකෝන් ඇමැති ධූරයේ වැඩ බාරගනී

නව රජයේ රාජ්‍ය සේවා, පළාත් සභා හා පළාත් පාලන අමාත්‍යවරයා ලෙස ජනක බණ්ඩාර තෙන්නකෝන් මහතා අද(14) නිදහස් චතුරශ්‍රය, කොළඹ 7හි පිහිටි රාජ්‍ය සේවා, පළාත් සභා හා පළාත් පාලන අමාත්‍යාංශයේදී සර්ව ආගමික කටයුතුවලට මුල්තැන දෙමින් රාජකාරි ඇරඹීය.

14 August 2020

වනජීවී ඇමැති වැඩ අරඹයි

නව රජයේ වනජීවී හා වන සංරක්ෂණ අමාත්‍යවරයා ලෙස ආර්.එම්.සී.බී.රත්නායක මහතා අද(14) රාජගිරියේ පිහිටි වනජිවී හා වනසංරක්ෂණ අමාත්‍යාංශයේදී ආගමික කටයුතුවලට මුල්තැන දෙමින් රාජකාරි ආරම්භ කළේය.

14 August 2020

පළාත් සභා සහ පළාත් පාලන රාජ්‍ය ඇමැති වැඩ බාරගනී

නව රජයේ පළාත් සභා සහ පළාත් පාලන කටයුතු රාජ්‍ය අමාත්‍ය සරත් වීරසේකර මහතා අද (14) පෙරවරුවේ යෙදුණු සුබ මොහොතින් යුනියන් පෙදෙසේ පිහිටි එම අමාත්‍යාංශයේ දී වැඩ ආරම්භ කළේය.

14 August 2020

ජීවන් තොණ්ඩමන් රාජ්‍ය ඇමැති ධූරයේ වැඩ අරඹයි

වතු නිවාස හා සමාජ යටිතල පහසුකම් රාජ්‍ය අමාත්‍ය ජීවන් තොණ්ඩමන් මහතා කොල්ලුපිටියේ පිහිටි එම අමාත්‍යාංශයේ දී අද (14) පෙරවරුවේ සුභ මොහොතින් රාජකාරි කටයුතු ආරම්භ කළේය.

14 August 2020

පොලිස් ස්ථානාධිපතිවරුන්ගේ ව්‍යාජ නිල මුද්‍රා සහිත හොර කච්චේරියක් වටලයි

දිවයිනේ විවිධ ප්‍රදේශවල පොලිස් ස්ථානවල ස්ථානාධිපතිවරුන්ගෙ ව්‍යාජ ලෙස සැකසූ නිලමුද්‍රා 22ක් ඇතුළු නිලමුද්‍රා 75ක් සන්තකයේ තබාගෙන සිටි පුද්ගලයෙකු නාරහෙන්පිට ගජබාපුර ප්‍රදේශයේ නිවසකදී අත්අඩංගුවට ගත් බව කොළඹ දකුණ කොට්ඨාස දූෂණ මර්දන ඒකකය කියයි.

14 August 2020

වීනස් ජගත් සිනමා උළෙලේ හොඳම නළුවා ශ්‍යාම් ප්‍රනාන්දු

පළමුවැනි හොලිවුඩ් වීනස් අන්තර්ජාතික කෙටි චිත්‍රපට උළෙලේදී රටවල් 100කට අධික සංඛ්‍යාවක කෙටි චිත්‍රපට 1000කට ආසන්න ප්‍රමාණයක් අතුරින් හොඳම නළුවාට හිමි සම්මානය දිනාගැනීමට රංගන ශිල්පී ශ්‍යාම් ප්‍රනාන්දු සමත්විය. ඒ චතුර විමර්ෂ ප්‍රනාන්දු අධ්‍යක්ෂණය කළ‘One Blood’කෙටි චිත්‍රපටයේ රඟපෑ ප්‍රධාන භූමිකාව වෙනුවෙනි.

14 August 2020

‘‘උතුරේ ජනතාව වෙනුවෙන් දෙමළ මන්ත්‍රීවරු ඒකරාශී වියයුතුයි‘‘

සිංහල බෞද්ධ යටත්වාදී ආණ්ඩුවට එරෙහිව නැගී සිටිමින් උතුරු නැගෙනහිර දෙමළ ජනතාවගේ පැවැත්ම ආරක්ෂා කරගැනීම වෙනුවෙන් සියළුම දෙමළ පාර්ලිමේන්තු මන්ත්‍රීවරුන් ප්‍රතිපත්තිගරුකව ඒකරාශී විය යුතු යැයි ඊ.පී.ආර්.එල්.එෆ් පක්ෂයේ නායක හිටපු පාර්ලිමේන්තු මන්ත්‍රී සුරේෂ් ප්‍රේමචන්ද්‍රන් මහතා පවසයි.

13 August 2020

මහා මාර්ග ඇමති මහ මගදී වැඩ අරඹයි

මහා මාර්ග අමාත්‍ය ජොන්ස්ටන් ප්‍රනාන්දු මහතා අද (13) සිය ධූරයේ වැඩ භාරගත්තේය. අමාත්‍යවරයා අමාත්‍යාංශයේ දී වැඩ භාරනොගෙන කුරුණෑගල, වජිරඥාන මාවතේ මාර්ගය කාපට් කිරීම ආරම්භ කරමින් සිය ධූරයේ රාජකාරී ආරම්භ කිරීම විශේෂත්වයක් විය.

13 August 2020

අමාත්‍යාංශ 25 ක් සඳහා ලේකම්වරු පත්කෙරේ

නව කැබිනට් අමාත්‍යාංශ 25 ක් සඳහා පත්කෙරුණු ලේකම්වරුන්ට අද (13) පස්වරුවේ ජනාධිපති ගෝඨාභය රාජපක්ෂ මහතා විසින් ජනාධිපති කාර්යාලයේදී පත්වීම් ලිපි ප්‍රදානය කළේය.

13 August 2020

චීනයට ආනයනය කළ කුකුළු මස් තොගයක කොරෝනා

බ්‍රසීලයේ සිට චීනයේ දකුණු දිග නගරයක් වන ෂෙන්සෙන් වෙත ගෙනයන ලද ශීත කළ කුකුළු මස් තොගයක කොරෝනා වයිරසය හමුවී ඇතැයි චීන රජය පවසයි.

13 August 2020

ඉඩම් ඇමැති වැඩ බාරගනී

නව රජයේ ඉඩම් කැබිනට් අමාත්‍යවරයා ලෙස පත්වූ එස්. එම්. චන්ද්‍රසේන මහතා බත්තරමුල්ල, රජමල්වත්ත පාරේ පිහිටි ඉඩම් අමාත්‍යාංශයේදී අද (13) සිය ධුරයේ වැඩකටයුතු නිල වශයෙන් ආරම්භ කළේය.

13 August 2020

ජනාධිපති නීතීඥ වසන්ත බණ්ඩාර කොමිසම හමුවේ සමාව ගනී

හිටපු ජ්‍යෙෂ්ඨ අතිරේක සොලිසිටර් ජනරාල් ජනාධිපති නීතීඥ වසන්ත නවරත්න බණ්ඩාර මහතා දේශපාලන පළිගැනීම් පිළිබඳව විමර්ශනය කරන ජනාධිපති කොමිසම හමුවේ සමාව ගැනීමෙන් පසු කොමිසමේ අද (13) කටයුතු සාමාන්‍ය පරිදි ආරම්භ කෙරිණි.

13 August 2020

‘ජල ගාස්තු වැඩි කරන්නේ නෑ’

ජල ගාස්තු වැඩි කිරීමට රජයේ කිසිදු සූදානමක් නොමැති බව ජලසම්පාදන අමාත්‍ය වාසුදේව නානායක්කාර මහතා කොළඹදී අද (13) පැවසීය.

13 August 2020

කළුතර බන්ධනාගාරයේ සිර වාට්ටුවකින් ජංගම දුරකතන හමුවෙයි

කළුතර බන්ධනාගාරයේ කළ හදිසි සෝදිසි මෙහෙයුමකදී එහි බී-6 දරන සිර වාට්ටුවේ සඟවා තිබූ ජංගම දුරකතන 3ක් සිය බාරයට ගත් බව බන්ධනාගාර බුද්ධි අංශය පවසයි.

13 August 2020

අගමැති අ‘පුර සිද්ධස්ථාන වැඳපුදා ගනී

අගමැති මහින්ද රාජපක්ෂ මහතා අද (13)අනුරාධපුර ඓතිහාසික සිද්ධස්ථාන වැදපුදා ගනිමින් මහා සංඝරත්නයේ ආශිර්වාදය ලබා ගත්තේය.

13 August 2020

ධීවර ඇමැති-රාජ්‍ය ඇමැති වැඩ භාරගනිති

නව ර‍ජයේ ධීවර අමාත්‍ය ඩග්ලස් දේවානන්දා සහ විසිතුරු මසුන්, මිරිදිය මත්ස්‍ය, ඉස්සන් ඇතිකිරීම, ධීවර වරාය සංවර්ධන, බහුදින ධීවර කටයුතු හා මත්ස්‍ය අපනයන රාජ්‍ය අමාත්‍ය කංචන විජේසේකර යන මහත්වරු කොළඹ 10, මාළිගාවත්තේ පිහිටි එම අමාත්‍යාංශයේදී අද (13) සිය ධූරයන්හි රාජකාරී ඇරඹූහ.

13 August 2020

මහාචාර්ය ගංගානාත් දිසානායකගේ අභාවයට ජපානයෙන් ශෝක පණිවුඩයක්

මහාචාර්ය ධම්මික ගංගානාත් දිසානායක මහතාගේ අභාවය වෙනුවෙන් බලවත් ශෝකය සහ කනගාටුව පළ කරන බව කොළඹ ජපාන තානාපති කාර්යාලය නිවේදනයක් නිකුත් කරමින් සඳහන් කරයි.

13 August 2020

‘තුනෙන් දෙකේ බහුතරය තිබූ සැණින් දෙමළ ජනතාව නොසළකා හරින්න බැහැ‘

පාර්ලිමේන්තුවේ තුනෙන් දෙකක බහුතරය දිනාගත් සැණින් අග්‍රාමාත්‍ය මහින්ද රාජපක්ෂ මහතා ප්‍රමුඛ රජයට දෙමළ ජනතාවගේ ප්‍රශ්නවලට විසදුම් ගෙන ඒමේ වගකීමෙන් කිසි විටක බැහැර විය නොහැකි බව දෙමළ ජාතික සන්ධානයේ නායක පාර්ලිමේන්තු මන්ත්‍රී ආර්.සම්බන්ධන් මහතා පැවසීය.

13 August 2020

ඉන්දියාවෙන් හොරෙන් කහ ගෙන්වූ 13 ක් රිමාන්ඩ්

ඉන්දියාවේ සිට නීතිවිරෝධී ලෙස මුහුදු මාර්ග ඔස්සේ කහ කිලෝ ග්‍රෑම් 6381 ක් ටෝලර් යාත්‍රාවකින් ගෙන්වූ හා මිලදී ගැනීමට කටයුතු කළ පුද්ගලයින් 13 දෙනෙකු අගෝස්තු 25 වැනිදා දක්වා රක්ෂිත බන්ධනාගාරගත කිරීමට හලාවත දිසා විනිසුරු සහ මහේස්ත්‍රාත් මංජුල රත්නායක මහතා අද (13) නියෝග කළේය.

13 August 2020

’අනවශ්‍ය අතගැසීමකින් ජාතික ලැයිස්තු මන්ත්‍රී ධූරය අනිසි ලෙස පත්කරලා’

දෙමළ ජාතික සන්ධාන ජාතික ලැයිස්තු මන්ත්‍රීධූරය පිළිබඳ තීරණය අනවශ්‍ය පාර්ශවයක අතගැසීමත් අනිසි ලෙස ගෙන තිබෙන බවත් ඒ ගැන අප්‍රසාදය පළකරන බවත් ඉලංකයි තමිල් අරසු කච්චි පක්ෂයේ නායක හිටපු පාර්ලිමේන්තු මන්ත්‍රී මාවෙයි සේනාධිරාජා මහතා පැවසීය.

13 August 2020

සංවිධානාත්මක අපරාධ කල්ලි සාමාජිකයෝ 4ක් බූස්සට මාරුකෙරේ

තවත් සංවිධානාත්මක අපරාධ කල්ලි සාමාජිකයන් සිව්දෙනෙකු බූස්ස විශේෂිත බන්ධනාගාරය වෙත මාරුකර යවා ඇතැයි, එම බන්ධනාගාර ආරංචි මාර්ග අනාවරණය කරයි.

13 August 2020

විදුලිබල ඇමැති වැඩ බාරගනී

නව රජයේ විදුලිබල අමාත්‍ය ඩලස් අලහප්පෙරුම මහතා කොළඹ පිහිටි විදුලිබල අමාත්‍යංශයේදි අද (13) රාජකාරී ආරම්භ කළේය.

13 August 2020

සමගි ජන බලවේගය ජාතික ලැයිස්තු මන්ත්‍රී ධුර ප්‍රකාශයට පත් කරයි

සමගි ජනබලවේගයේ ජාතික ලැයිස්තු මන්ත්‍රී ධුර සඳහා පක්ෂ මහ ලේකම් රංජිත් මද්දුමබණ්ඩාර, තිස්ස අත්තනායක, ඉරාන් වික්‍රමරත්න, හරින් ප්‍රනාන්දු, ඉමිතියාස් බාකීර් මාකර්, මයන්ත දිසානායක සහ ඩයනා ගමගේ යන මහත්ම මහත්මීන් පත් කර තිබේ.

13 August 2020

‍චෛත්‍යයායේ පුරාවිද්‍යා ඉඩම් කොල්ලයක්

පොළොන්නරුව බකමුණ ඓතිහාසික කුමාර ඇල්ල, බුදුරුවයාය නටඹුන්වලට සමගාමීව පෙතන්ආර චෛත්‍ය ශාන්ති විහාරය ආසන්නයේ පිහිටි දේවානම් පියතිස්ස රජ සමයට අයත් බව සැළකෙන ඓතිහාසික චෛත්‍යය භූමිය හොර ඔප්පුවක් සදා විකුණා දැමීමේ කුමන්ත්‍රණයක් පවතින බව පෙතන්ආර ශාන්ති විහාරයේ විහාරාධිපති බටපොළ කෝලිත නාහිමියෝ පවසති.

13 August 2020

‘වරාය නගර සේවක වර්ජනයට ආයෝජන සමාගමේ හෝ ව්‍යාපෘතිය සමග සම්බන්ධතාවයක් නෑ’

ඉල්ලීම් කිහිපයක් මුල් කරගනිමින් වරාය නගර ව්‍යාපෘතියේ සේවකයන් පිරිසක් පැවැත්වූ විරෝධතාවයට වරාය නගර ආයෝජන සමාගම හෝ ව්‍යාපෘතිය සමඟ සෘජු සම්බන්ධතාවයක් නොමැති කොන්ත්‍රාත්කාර සමාගමක් සහ එහි සේවක පිරිසක් අතර ඇති වූවක් බව එම සමාගම නිවේදනයක් නිකුත් කරමින් සඳහන් කරයි.

13 August 2020

කොළඹ - ෂැංහයි ගුවන් ගමන් මාසයක් නවතී

ශ්‍රී ලංකන් එයාර්ලයින්ස් ගුවන් සේවය කොළඹ-ෂැංහායි ගුවන් ගමන් අගෝස්තු 17 වැනිදා සිට සති හතරකට නවත්වන බව චීනයේ සිවිල් ගුවන් සේවා පරිපාලනය සඳහන් කරයි.

13 August 2020