එසැණ පුවත්

සීඅයිඩීය බදියුදීන්ගෙන් පැය 6ක් ප්‍රශ්න කරයි

2019 වසරේ එල්ල වු පාස්කු ප්‍රහාරය සම්බන්ධයෙන් සිදුකරන විමර්ශනවලට අදාලව අපරාධ පරීක්ෂණ දෙපාර්තමේන්තුව අද (12) හිටපු අමාත්‍ය රිෂාඩ් බදියුදීන් මහතාගෙන් පැය 6 ට කාලයක් පුරා ප්‍රශ්න කර ප්‍රකාශ සටහන් කරගත් බව අපරාධ පරීක්ෂණ දෙපාර්තමේන්තුව පවසයි.

12 August 2020

‘ජාතික ලැයිස්තු මන්ත්‍රී ධූරය ලබා දීමේදී පක්ෂ නායකගේ තීරණයට එකඟයි‘

ජාතික ලැයිස්තු මන්ත්‍රීධුරය සම්බන්ධ තීරණයේදී සමගි ජනබලවේගයේ නායක සජිත් ප්‍රේමදාස මහතා ලබාදෙන ඕනෑම තීරණයකට එකඟවන බව දෙමළ ප්‍රගතිශීලී සන්ධානයේ නායක මනෝ ගනේෂන් මහතා කොළඹ දී අද(12) පැවසීය.

12 August 2020

අංගොඩ ලොක්කාගේ ප්‍රධාන වෙඩික්කරු පොලිස් වෙඩි පහරින් මරුට

පාතාල කල්ලි නායක ලසන්ත චමින්ද පෙරේරා නොහොත් අංගොඩ ලොක්කා නමැත්තාගේ ප්‍රධාන වෙඩික්කරු බව පැවැසෙන අසිත හේමතිලක නොහොත් සොල්ටා නැමැත්තා මුල්ලේරියාව වැලිවිට ප්‍රදේශයේදී ඊයේ (11) රාත්‍රී පොලිස් නිලධාරීන් පිරිසක් කළ වෙඩි තැබීමකින් මරුමුවට පත්ව ඇතැයි පොලීසිය පවසයි.

12 August 2020

කුරුණෑගල නගරාධිපති ඇතුළු 5ට එරෙහි වරෙන්තුව 24දා තෙක් අත්හිටුවයි

කුරුණෑගල රාජ සභා මණ්ඩපය කඩා ඉවත් කිරීමේ සිද්ධිය සම්බන්ධයෙන් කුරුණෑගල නගරාධිපති , නාගරික ඉංජිනේරු ඇතුළු පස් දෙනකු අත්අඩංගුවට ගැනීම සඳහා කුරුණෑගල මහෙසේත්‍රාත් අධිකරණයෙන් නිකුත් කර තිබු වරෙන්තුව ක්‍රියාත්මක වීම ලබන 24 වැනිදා තෙක් අත්හිටුවීමට අභියාචනාධිකරණය අද ( 12) තීන්දු කළේය.

12 August 2020

ගම්පහ රෝහලේ හෙද-හෙදියෝ තෙවන දිනයටත් වර්ජනයේ

ගම්පහ දිස්ත්‍රික් මහ රෝහලෙහි හෙද කාර්ය මණ්ඩලය, පාලනාධිකාරිය සමඟ පවතින ගැටළුවක් සම්බන්ධයෙන් අරඹා ඇති වර්ජනය අද(12) වනවිට තෙවන දිනටත් පැවති අතර එය නිමා නොවීමෙන් රෝගීන්ට දැඩි අපහසුතාවයකට පත්වීමට සිදුව තිබිණි.

12 August 2020

‘අපේ ජනබලේ මන්ත්‍රී ධුරය කොල්ලකන්න දෙන්නේ නෑ‘

අපේ ජන බල පක්ෂයට ජාතිය වෙනුවෙන් ලැබුණු මන්ත්‍රී ධුරය කොල්ලකෑමට නොදී සියලු දෙනා එක්ව රැක ගත යුතු බව බොදුබල සේනා සංවිධානයේ මහලේකම් ගලගොඩඅත්තේ ඥානසාර හිමියෝ කොළඹ දී ඊයේ (11) පැවසූහ.

12 August 2020

ඇඟලුම් අස්සේ කෝටි දෙකහමාරක මත්පෙති

රුපියල් දෙකෝටි හතළිස් අට ලක්ෂයක් (2,48,00,000) වටිනා මෙතැම්පටමයින් නමැති විස මත්ද්‍රව්‍ය පෙති 4960 ක් ඇඟලුම් බහාලූ පෙට්ටියක සඟවා, කටුනායක කුරියර් භාණ්ඩ නිශ්කාශන මධ්‍යස්ථානයට ගුවන් මගින් එවා තිබියදී රේගු මත්ද්‍රව්‍ය පාලන අංශයේ නිලධාරීන් පිරිසක් විසින් ඊයේ (11) සවස අත්අඩංගුවට ගනු ලැබ ඇති බව රේගු මාධ්‍ය ප්‍රකාශක, අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසීය.

12 August 2020

කෝටි 4 ක කේරළ ගංජා පේදුරුතුඩුව මුහුදු තීරයෙන්

යාපනය පේදුරුතුඩුව මුහුදු තීරයේදී නාවික හමුදා යාත්‍රාවකට මුහුදේ පාවෙමින් තිබූ රුපියල් කෝටි 4 කට ආසන්න වටිනාකමින් යුත් කේරළ ගංජා කිලෝ 275 ක් තිබී හමු වූ බවට නාවික හමුදාව පවසයි.

12 August 2020

ලක්ෂ 70 ක මුදල්-හෙරොයින් සමඟ තිදෙනෙක් අත්අඩංගුවට

රුපියල් ලක්ෂ 70 ක මුදලක් හා හොරොයින් තොගයක් සමඟ කාන්තාවක් ඇතුළු දෙදෙනෙක් මිරිහාන බැද්දගාන ප්‍රදේශයේ දී අත්අඩංගුවට ගත් බව පොලිසිය කියයි.

12 August 2020

වලස්මුල්ලේ නිවෙසක අනවසරයෙන් ගිනි අවි තනයි

වලස්මුල්ල අන්නාසිවත්ත ප්‍රදේශයේ නිවෙසක අනවසරයෙන් පවත්වාගෙන ගිය බව කියන ගිනි අවි කම්මලක් වටලා ගිනි අවි සහ ජීව පතුරොම් සමඟ සැකකරුවකු අද(12)අත්අඩංගුවට ගත් බව පොලිස් විශේෂ කාර්යය බළකායේ තංගල්ල කඳවුරේ නිලධාරිහු කියති.

12 August 2020

ප්‍රේමලාල් ජයසේකර බන්ධනාගාරයේ සිට පාර්ලිමේන්තු යන්න අවසර ඉල්ලයි

වැලිකඩ බන්ධනාගාරයේ මරණ දඬුවම නියම වී සිටින හිටපු නියෝජ්‍ය අමාත්‍යවරයකු වන ප්‍රේමලාල් ජයසේකර හෙවත් ’චොකා මල්ලී’ අගෝස්තු 20 වනදා පැවැත්වෙන පාර්ලිමේන්තුවේ මංගල සභා රැස්වීමට සහභාගී වීම සඳහා බන්ධනාගාර අධිකාරියෙන් අවසර ඉල්ලා ඇතැයි බන්ධනාගාර ආරංචි මාර්ග අනාවරණය කරයි.

12 August 2020

එදාවේල සොයාගත් පිරිසකට අයත් බොලේරෝ රියට ගිනිතියයි

ලේවෙල නගරයේ සතිපොළ භුමියේ තාවකාලිකව නවාතැන් ගෙන සිටි, සිය ජීවිකාව සඳහා ගමින් ගම යමින් එදිනෙදා වියදම උපයාගන්නා පිරිසක් පිරිසකට අයත් බොලේරෝ වර්ගයේ රථයක් ගිනිතබා විනාශකර තිබේ. බහින් බස්විමක් දුරදිගයාමෙන් ඇතිවූ මෙම ගැටුමට පසුව බොලේරෝ රථයට ගිනිතබා විනාශකළේ යැයි කියන ගලේවෙල ප්‍රදේශිය සභාවේ කම්කරුවන් තිදෙනෙකු අද( 12) සැකපිට අත්අඩංගුවට ගෙන ඇතැයි ගලේවෙල පොලිසිය පවසයි.

12 August 2020

බන්ධනාගාරයට දුම්කොළ ගෙනයන්න හැදූ නියාමකගේ වැඩ තහනම්

සිය නිල ඇඳුමේ හිස්වැස්මක සඟවා කළුතර බන්ධනාගාරය තුළට දුම්කොළ රැගෙන යාමට තැත්කළ බන්ධනාගාර නියාමකවරයකුගේ වැඩ තහනම් කළ බව බන්ධනාගාර මූලස්ථානය පවසයි.

12 August 2020

මාලක සිල්වාට ඇප

අත්අඩංගුවට ගත් මාලක සිල්වා කඩුවෙල අධිකරණය වෙත ඉදිරිපත් කිරීමෙන් පසු රුපියල් ලක්ෂ 5 බැගින් වූ ශරීර ඇප දෙකක් මත මුදා හරින ලෙස කඩුවෙල ප්‍රධාන මහේස්ත්‍රාත් ප්‍රසන්න අල්විස් මහතා නියෝග කළේය.

12 August 2020

තවත් 16ක් සුවය ලබා පිටව යති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 16දෙනෙකු සුවය ලබා අද(12) පිටව ගිය බව වසංගත රෝග විද්‍යා අංශය කියයි.

12 August 2020

ලක්ෂ 5ක වෙනිවැල්ගැට තොගයක් පිටිගල නිවාස දෙකක සඟවලා

බලපත්‍ර නොමැතිව, පිටිගල බඹරවාන ප්‍රදේශයේ නිවාස දෙකක සඟවාගෙන තිබූ රුපියල් ලක්ෂ පහකට අධික වටිනාකමක් ඇති වෙනිවැල්ගැට කිලෝ 1205ක් සමග සැකකරුවන් දෙදෙනකු අද(12) අත්අඩංගුවට ගත් බව ඇල්පිටිය වන සංරක්ෂණ නිලධාරීහු කියති.

12 August 2020

වැටුප් වර්ධක ඉල්ලා වරාය සේවකයෝ විරෝධතාවයක

වැටුප් වර්ධක ලබා දීම ඇතුළු ඉල්ලීම් කිහිපයක් මුල්කර ගනිමින් වරාය නගරයේ ප්‍රධාන ගේට්ටුව ඉදිරිපිට සේවකයෝ පිරිසක් අද (12) විරෝධතාවයක නිරතවුහ.

12 August 2020

ගලේවෙල අලුත්වැව වයඹ ඇළේ සේවකයෝ විරෝධතාවක

වයඹ පළාත් ඇළ ව්‍යාපෘතිය හා සම්බන්ධව ගලේවෙල අලුත්වැව ප්‍රදේශයේ ඉදිකිරීම් කටයුතු කරන උප කොන්ත්‍රාත් සමාගමක සේවකයෝ පිරිසක් අද(12) ගලේවෙල අලුත්වැව මංසංධියට පැමිණ විරෝධතාවක නිරත වූහ.

12 August 2020

එජාපයේ නාගරික මන්ත්‍රීවරුන් 19 දා සිරිකොතට කැඳවයි

කොළඹ නගරාධිපතිනි රෝසි සේනානායක මහත්මිය ඇතුළු එක්සත් ජාතික පක්ෂ මන්ත්‍රීවරුන් කිහිපදෙනෙකු පිළිබඳව පැන නැගී ඇති ගැටලු කිහිපයක් සම්බන්ධයෙන් සාකච්ඡා කිරීම සඳහා පක්ෂයේ නාගරික මන්ත්‍රීවරුන් සියලු දෙනා අගෝස්තු 19 වැනි දින සිරිකොතට කැඳවා ඇතැයි එම නගර සභා ආරංචි මාර්ග අනාවරණය කරයි.

12 August 2020

හිටපු ඇමැතිවරු 7 ක් කැබිනට්ටුවෙන් හැලෙති

පසුගිය රජයේ හිටපු ප්‍රබල ඇමැතිවරු හත් දෙනකුට මෙවර අමාත්‍ය මණ්ඩලයේ කිසිඳු තනතුරක් හිමි වී නොමැත.

12 August 2020

ඇමැති මණ්ඩලයට සුබ පැතුම් සමඟ පණිවිඩයක්

මහනුවර ඓතිහාසික මඟු‍ල් මඩුවේදී අද (12) පෙරවරුවේ ජනාධිපති ගෝඨාභය රාජපක්ෂ මහතා ඉදිරියේදී දිවුරුම් දෙන කැබිනට් ඇමැතිවරුන් 28 දෙනාට සහ රාජ්‍ය ඇමැතිවරුන් 40 දෙනාට මුලින්ම අපගේ උණුසුම් සුභාශිංසන පිරිනැමීමට කැමැත්තෙමු.

12 August 2020

මඩු දේවස්ථානයේ වාර්ෂික මංගල්‍යය 14-15දා

ජපමාල දේවමාතාවන් නමින් කැප කර ඇති වන්නිකරයේ මඩු සිද්ධස්ථානයේ වාර්ෂික අගෝස්තු මහ මංගල්‍යය 14 හා 15 වන දිනයන්හි සුපුරුදු අයුරින් පැවැත්වීමට සියලු කටයුතු සුදානම් කර ඇති බව සිද්ධස්ථානයේ පාලක පෙප්පි සුසෙයි පියතුමා සඳහන් කළේය.

12 August 2020

මාලිමාවේ ජාතික ලයිස්තු මන්ත්‍රී ධූරය ජ්‍යෙෂ්ඨ කථිකාචාර්ය හරිනි අමරසූරියට

ජාතික ජනබලවේගයේ ජාතික ලැයිස්තු මන්ත්‍රීධුරය සඳහා විවෘත විශ්ව විද්‍යාලයේ සමාජ විද්‍යා අධ්‍යයනාංශයේ ජ්‍යෙෂ්ඨ කථිකාචාර්ය ආචාර්ය හරිනි අමරසුරිය මහත්මිය පත් කිරිමට එහි විධායක සභාව තීරණය කර ඇති බව එම සංවිධානය අද (12) නිවේදනයක් නිකුත් කරමින් සඳහන් කර තිබේ.

12 August 2020

නව ඇමැති මණ්ඩලය

නව රජයේ කැබිනට් මණ්ඩලය දිවුරුම් දීම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද (12) උදෑසන මහනුවර මඟුල් මඩුවේ දී ඇරඹිණි.

12 August 2020

කෝටි දෙකහමාරක මත්පෙති ගුවන්තොටේදී අත්අඩංගුවට

රුපියල් දෙකෝටි හතලිස් අට ලක්ෂයක් වටිනා (2,48,00,000) මත්පෙති 4960 ක් ඇඟලුම් බහාලූ පෙට්ටියක සඟවා කටුනායක භාණ්ඩ නිශ්කාශන මධ්‍යස්ථානය වෙත ගුවන් මගින් එවා තිබියදී රේගු මත්ද්‍රව්‍ය පාලන අංශයේ නිලධාරීන් අද (11) අත්අඩංගුවට ගෙන ඇති බව රේගු මාධ්‍ය ප්‍රකාශක අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසීය.

12 August 2020

වත්කම් බැරකම් නොදුන් අපේක්ෂකයන්ගේ නාම ලේඛනය අල්ලස් කොමිසමට

මහ මැතිවරණයට ඉදිරිපත් වී පරාජයට පත්වූ අපේක්ෂකයන් අතරින් මේ වනතුරුත් වත්කම් බැරකම් ප්‍රකාශ ලබා නොදුන් අපේක්ෂකයන්ගේ නාම ලේඛනය අල්ලස් හෝ දූෂණ විමර්ශන කොමිසම වෙත භාරදීමට කටයුතු කරන බව පැෆරල් සංවිධානය කියයි.

11 August 2020

නව ඇමැති මණ්ඩලය හෙට දිවුරුම් දෙති

මහනුවර මඟුල් මඩුවේදී හෙට (12) පෙරවරුවේ දිවුරුම් දෙන කැබිනට් මණ්ඩලයේ විදේශ කටයුතු අමාත්‍යධූරය දිනේෂ් ගුණවර්ධන මහතාටද , අධ්‍යාපන ඇමැතිධූරය ශ්‍රී ලංකා පොදුජන පෙරමුණේ සභාපති මහචාර්ය ජී.එල් පීරිස් මහතාටද හිමිවනු ඇතැයි රජයේ ආරංචි මාර්ග සඳහන් කරයි.

11 August 2020

මර්වින් සිල්වාගේ පුත් මාලක අත්අඩංගුවට

බත්තරමුල්ල වික්‍රමසිංහපුර ව්‍යාපාරිකයකුගෙන් රුපියල් ලක්ෂයක කප්පමක් ඉල්ලීමේ සිද්ධියකට සම්බන්ධ හිටපු අමාත්‍ය මර්වින් සිල්වා මහතාගේ පුත් මාලක සිල්වා මහතා තලංගම පොලිසිය අසල දී අද (11) අත්අඩංගුවට ගත් බව තලංගම පොලිසිය කියයි.

11 August 2020