එසැණ පුවත්

ලක්ෂ 65 ක ගජමුතු සමඟ 5 ක් අත්අඩංගුවට

රුපියල් ලක්ෂ 65 ක් පමණ වටිනා ගජමුතු 4 ක් සමඟ කාන්තාවක ඇතුළු 5 දෙනකු අද (13) පස්වරුවේ අත්අඩංගුවට ගත් බව පොලිස් විශේෂ කාර්යය බළකායේ අම්බලන්තොට කඳවුරේ නිලධාරිහු කියති.

13 January 2021

ලොක්කෙකුගේ සහයෙන් බන්ධනාගාරයට රිංගන්න හදලා

මහර බන්ධනාගාරයේ උසස් නිලධාරියෙකුගේ දුරකතන ඇමැතුමකින් වූ නියෝගයක් මත බන්ධනාගාරයට පැමිණි පුද්ගලයකු , රැගෙන ආ කුකුළු මස් ව්‍යාංජනයක් සහිත භාජනයක තිබු නවීන පන්නයේ ජංගම දුරකතන දෙකක් සහ දුම්කොල කුඩු සහිත පාර්සලයක් සම්බන්ධයෙන් බුද්ධි අංශ විමර්ශනයක් ආරම්භ කර ඇතැයි බන්ධනාගාර මාධ්‍ය ප‍්‍රකාශක බන්ධනාගාර කොමසාරිස් (පාලන) චන්දන ඒකකනායක මහතා පැවසීය.

13 January 2021

රංජන්ගේ පාර්ලිමේන්තු මන්ත්‍රීධූරය ආරක්ෂා කිරීමට පෙනී සිටිනවා

රන්ජන් රාමනායක මහතාගේ පාර්ලිමේන්තු මන්ත්‍රී මන්ත්‍රීධූරය ආරක්ෂා කිරීම සඳහා නිත්‍යනුකූලව ගත හැකි සෑම ක්‍රියා ක්‍රියා මාර්ගයක්ම ගන්නා බව විපක්ෂ නායක සජිත් ප්‍රේමදාස මහතා පැවසීය.

13 January 2021

කෑගල්ල පොලිසියට කොරෝනා බෝකළ සැරයන්ගේ වැඩ තහනම්

කෑගල්ල පොලිස් අධිකාරි කාර්යාලයේ පොලිස් නිලධාරින්ට කොවිඩ්-19 වයිරසය බෝවීමට ක්‍රියා කළ බව කියන පොලිස් සැරයන්වරයෙකුගේ වැඩ තහනම් කිරීමට කෑගල්ල සහකාර පොලිස් අධිකාරි එච්.ඒ. කමල් පෙරේරා මහතා පියවර ගෙන තිබේ.

13 January 2021

මත්කුඩු ග්‍රෑම් 3ක් ළඟ තබාගත්තාට ජීවිතාන්තය දක්වා සිරගෙට

මත්කුඩු ළග තබාගැනීම හා ජාවාරම් කිරීම යන චෝදනා දෙකටම වරදකරුවකු වූ කාන්තාවකට වසර 21ක දීර්ඝ නඩු විභාගයකින් පසු ජීවිතාන්තය දක්වා සිරදඬුවමක් බලපිටිය මහාධිකරණ විනිසුරු කුමාරී එම්.අබේරත්න මහත්මිය අද (13) පස්වරුවේදී නියෝග කළාය.

13 January 2021

පාර්ලිමේන්තුවේ පීසීආර් පරීක්ෂණ 400ක්

කථානායක මහින්ද යාපා අබේවර්ධන මහතා ඇතුළු මන්ත්‍රීවරුන් ද පාර්ලිමේන්තු කාර්ය මණ්ඩලය ද ඇතුළුව 400කට අධික පිරිසක් සඳහා පීසීආර් පරීක්ෂණ අද(13) පාර්ලිමේන්තු පරිශ්‍රයේදී සිදුකෙරිණි.

13 January 2021

රුපියල තවත් පහළට

ඇමෙරිකා එක්සත් ජනපද ඩොලරයට සාපේක්ෂව රුපියලේ අගය අද (13) නැවත වරක් 194ක් දක්වා පහළ ගියේ ය.

13 January 2021

ට්‍රම්ප්ගේ යුටියුබ් නාලිකාව අත්හිටුවයි

ඇමෙරිකාවේ වත්මන් ජනාධිපති ඩොනල්ඩ් ට්‍රම්ප් මහතාගේ යූටියුබ් නාලිකාව අත්හිටුවීමට ඇල්ෆබට් සමාගම පියවර ගෙන ඇත.

13 January 2021

කෝටි 44 ක් වංචාවෙන් උපයාගත්තැයි කී සජින් වාස්ට එරෙහි නඩුව මාර්තු 1 දා

නීතීවිරෝධි ක්‍රියාකාරකම්වලින් රුපියල් කෝටි 44 කට අධික මුදලක් උපයා ගත් බවට චෝදනා ලැබ සිටින හිටපු පාර්ලිමේන්තු මන්ත්‍රී සජින් ද වාස් ගුණවර්ධන මහතාට එරෙහි නඩුව ලබන මාර්තු පළමුවැනිදා යළි කැඳවීමට කොළඹ මහාධිකරණ විනිසුරු දමිත් තොටවත්ත මහතා අද (13) නියම කළේය.

13 January 2021

බස්නාහිරින් පිටවන ස්ථාන 11 ක රැපිඩ් ඇන්ටිජන් පරික්ෂාව අද සිට

බස්නාහිර පළාත තුළින් පිටවන ස්ථාන 11 ක් ඉලක්ක කරගෙන සිදුකළ රැපිඩ් ඇන්ටිජන් පරික්ෂාවන් අද (13) සිට යළිත් ආරම්භ කර ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා පවසයි.

13 January 2021

රංජන්ට වෙනම කාමරයක්

අධිකරණයට අපහාස කිරීමේ චෝදනාවට වරදකරු වූ හිටපු රාජ්‍ය අමාත්‍ය රංජන් රාමනායක මහතා ආරක්ෂා සහිතව මීගමුව පල්ලන්සේන තරුණ වරදකරුවන්ගේ විශෝධන පුහුණු මධ්‍යස්ථානයේ, නිරෝධායන මධ්‍යස්ථානය තුළ වෙනම කාමරයක රඳවා ඇතැයි බන්ධනාගාර මාධ්‍ය ප්‍රකාශක (කොමසාරිස් පාලන) චන්දන ඒකනායක මහතා පැවසීය.

13 January 2021

එජාප මහලේකම් රංගෙබණ්ඩාර

එක්සත් ජාතික පක්ෂයේ තනතුරු කිහිපයක් සඳහා අකිල විරාජ් කාරියවසම්, පාලිත රංගේබණ්ඩාර, වජිර අබේවර්ධන සහ ඒ.එස්.එම් මිස්බාහ් යන මහත්වරුන් පත්කිරීමට කෘත්‍යාධිකාරී මණ්ඩලය අද(13) පියවර ගෙන තිබේ.

13 January 2021

වැටෙන් පැන පාර මාරුවීමට ගිය අය මරුට

මොරටුව එගොඩඋයන ප්‍රදේශයේදී මාර්ගය මැද ඉදිකර ඇති සිමෙන්ති බැමි තීරුවේ සවිකර ඇති යකඩ වැටට ඉහළින් පැන පාර මාරුවීමට ගිය පුද්ගලයෙකු ශාන්ත ආනා පාර ඉදිරිපිටදී මෝටර් රියක සහ ලොරියක අද(13) ගැටී පානදුර මූලික රෝහලට රැගෙන යමින් සිටින අතරතුර දී මියගොස් ඇති බව අඟුලාන පොලිසිය පැවසීය.

13 January 2021

ඊ.ටී.අයි. ෆිනෑන්ස් ගණන බේරා වසා දැමීමට යයි

ඊ.ටී.අයි ෆිනෑන්ස් ලිමිටඩ් ආයතනය ගණන බේරා වසා දැමීම සඳහා නිසි බලය ඇති අධිකරණයක් වෙත ඉල්ලුම් කිරීමට ශ්‍රී ලංකා මහ බැංකුවේ බැංකු නොවන මූල්‍ය ආයතන අධීක්ෂණ දෙපාර්තමේන්තුවේ අධ්‍යක්ෂවරයා පියවර ගත් බව ශ්‍රී ලංකා මහ බැංකුව නිවේදනයක් නිකුත් කරමින් සඳහන් කරයි.

13 January 2021

අජිත් ප්‍රසන්නට ඇප

අධිකරණයෙහි විභාගවන නඩුවක සාක්කිකරුවන්ට සහ වින්දිතයින්ට බලපෑම් කිරීම සහ අධිකරණයට අපහාස කිරීමේ සිද්ධියක් සම්බන්ධයෙන් මාධ්‍ය සාකච්ඡාවක් පවත්වමින් නඩුවක සාක්ෂිකරුවන්ට බලපෑම් සිදුවන ආකාරයෙන් ප්‍රකාශ නිකුත්කළේ යැයි සැකපිට රක්ෂිත බන්ධනාගාර ගතකර සිටි විශ්‍රාමික යුද හමුදා මේජර් නීතිඥ අජිත් ප්‍රසන්න මහතා රුපියල් ලක්ෂ පහක ඇප මත මුදා හරින ලෙස අභියාචනාධිකරණය නියම කළේය.

13 January 2021

බඩු මිල බැස්සීමේ වෑයම සාර්ථක කරගනිමු

සහල්, පිටි, සීනි, පරිප්පු, සැමන් පමණක් නොව බිත්තර ද ඇතුළත් අත්‍යාවශ්‍ය ආහාර ද්‍රව්‍ය දහයක් ස්ථාවර මිලක් යටතේ නිශ්චිත කාලසීමාවක් පවත්වාගෙන යාමේ වැඩපිළිවෙළක් සකස් කිරීමට වෙළෙඳ හා පාරිභෝගික කටයුතු අමාත්‍ය බන්දුල ගුණවර්ධන මහතා තීන්දු කර ඇතැයි පසුගියදා මාධ්‍යවල සඳහන් විය. එම වැඩපිළිවෙළ යනු ගැසට් පත්‍රයක් නිකුත් කිරීම නොවන බවද ප්‍රකාශ වී තිබේ.

13 January 2021

කොළඹ- පුත්තලම මාර්ගය වහයි

මහවැව ධර්මරාජ විද්‍යාලය ජාතික පාසලක් නොකිරිමට විරෝධය පා මව්පියන් අද (13) දින පුත්තලම කොළඹ මාර්ගය සම්පුර්ණයෙන් වසා විරෝධතාවයක් ආරම්භ කර ඇති බව මාරවිල පොලිසිය පවසයි.

13 January 2021

පිල්ලෙයාන් නිදහස්

ඇප මත නිදහස් කර සිටි මඩකලපුව දිස්ත්‍රික්ක පාර්ලිමේන්තු මන්ත්‍රී පිල්ලෙයාන් හෙවත් සිවනේසතුරෙයි චන්ද්‍රකාන්තන්ට එරෙහි පවරා තිබූ නඩුව ඉවත දමමින් ඔහු නිදහස් කිරිමට මඩකලපුව මහාධිකරණ විනිසුරු එස්. සුසයිදාසන් මහතා අද (13) නියෝග කළේය.

13 January 2021

බද්දේගම උපන්දින සාදයට ගිය තිදෙනෙකුට කොරෝනා

බද්දේගම නගරයේ පසුගිය දිනක පැවැත්වූ උපන්දින සාදයකට සහභාගීවූ තිදෙනකු මේවනවිට කොරෝනා ආසාදිතයින් බවට තහවුරුවී ඇතැයි සෞඛ්‍ය අංශ පවසයි. එම ප්‍රදේශයේ මින්පෙර ආසාදිතයෙකු බවට හඳුනාගත් කාන්තාවකගේ ආශ්‍රිතයන්ට සිදුකරන ලද පීසීආර් පරීක්ෂණ වලදී මෙම සාදයට සහභාගීවූ පුද්ගලයෙකු ආසාදිත බව හඳුනාගෙන ඇත. පසුව, සාදයට සහභාගීවූ කිහිපදෙනකුට සිදුකරන ලද පරීක්ෂණ වලදී තවත් දෙදෙනකු ආසාදිත බව හඳුනාගෙන තිබේ.

13 January 2021

කෝටි 24ක හෙරොයින් කොස්ගොඩින් අල්ලයි

කොස්ගොඩ ටකරං වාඩිය ප්‍රදේශයේ ලදු කැලෑවක සගවා තිබූ රුපියල් කෝටි 24ක් පමණ වටිනා හෙරොයින් කිලෝග්‍රෑම් 23යි ග්‍රෑම් 155ක් සොයා ගත් බව පොලිස් විශේෂ කාර්‍ය බලකායේ කොළඹ මූලස්ථාන වැටලීම් ඒකකය කියයි.

13 January 2021

තවත් කොරෝනා මරණ 4 ක්

කොරෝනා වයිරසය ආසාදනය වීම හේතුවෙන් තවත් පුද්ගලයන් අට දෙනෙකු මිය ගොස් ඇතැයි රජයේ ප්‍රවෘත්ති දෙපාර්තමේන්තුව අද (12) නිවේදනයක් නිකුත් කරමින් සඳහන් කරයි.

12 January 2021

අද කොරෝනා ආසාදිතයන් 584 යි

මිනුවන්ගොඩ, දිවුලපිටිය සහ බන්ධනාගාර පොකුරු වලින් අද (12) දිනට කොරෝනා ආසාදිතයින් 584 දෙනෙකු හදුනාගෙන තිබේ.

12 January 2021

අවිස්සාවේල්ලෙන් කිලෝ 22 ක පළිගුවක් හමුවෙයි

කිලෝ විසි දෙකක් පමණ බරැති දුර්ලභ ගණයේ පළිඟු ගලක් අවිස්සාවේල, දෙහියාගල ප්‍රදේශයේ පතලකින් හමුවී ඇති බව මැණික් හා ස්වර්ණාභරණ අධිකාරිය පවසයි.

12 January 2021

සිරදඬුවම් විඳින - රිමාන්ඩ් සිරකරුවන් මිශ්‍රවෙන්න හොඳ නෑ

සිර දඬුවම් විඳින සහ රිමාන්ඩ් සිරකරුවන් බන්ධනාගාරය තුළ මිශ්‍රවීමට සැලසීම කිසිසේත් නොකළ යුතු යැයි මහර බන්ධනාගාර ගැටුම සම්බන්ධයෙන් සොයා බැලීමට පත් කළ කමිටුව විසින් සිය අවසන් වාර්තාවෙන් නිර්දේශ කර ඇත.

12 January 2021

ඊ.ටී.අයි. හිටපු අධ්‍යක්ෂකවරුන් යළි රක්ෂිත බන්ධනාගාරයට

ඊ.ටී.අයි. ආයතනයේ හිටපු අධ්‍යක්ෂක මණ්ඩල සාමාජිකයින් වන නාලක එදිරිසිංහ , ජීවක එදිරිසිංහ, දීපා එදිරිසිංහ හා අසංක එදිරිසිංහ යන අය ලබන 15 දා දක්වා යළි රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් මොහොමඩ් මිහාර් මහතා අද (12) දා නියෝග කළේය.

12 January 2021

ස්වර්ණමහල් මුල්‍ය සේවාව තෙමසකට විවෘත කරයි

මහජනතාවගේ සහ ආයතනයේ තැන්පත්කරුවන්ගේ යහපත සඳහා ස්වර්ණමහල් ෆිනෑන්ෂියල් සර්විසස් පී.එල්.සී. ආයතනයේ ව්‍යාපාර කටයුතු දැඩි කොන්දේසිවලට තෙමසක කාලසීමාවකට යටත්ව නාමිකව නැවත ආරම්භ කිරීමට තීරණය කළ බව ශ්‍රී ලංකා මහ බැංකුව නිවේදනයක් නිකුත් කරමින් සඳහන් කරයි.

12 January 2021

කටුනායක ගුවන්තොටුපලට ජාත්‍යන්තර සහතිකයක්

ජාත්‍යන්තර ගුවන්තොටුපල කවුන්සිලය (Airports Council International) විසින් කටුනායක ජාත්‍යන්තර ගුවන්තොටුපල කොව්ඩ් අවදානම මත ආරක්ෂිතව පවත්වාගෙන යා හැකි පහසුකම් වලින් සමන්විත බවට තත්ත්ව සහතිකය ලබා දී ඇති බව ගුවන් සේවා හා ආයෝජන කලාප සංවර්ධන රාජ්‍ය ඇමැති ඩී වී චානක මහතා පැවසීය.

12 January 2021

ලක්ෂ 20 ක අයිස් මත්ද්‍රව්‍ය සමඟ පුද්ගලයකු අල්ලයි

රුපියල් ලක්ෂ 20 ක් පමණ වටිනා අයිස් මත්ද්‍රව්‍ය ග්‍රෑම් 200 සමඟ පුද්ගලයකු අතුරුගිරිය බෝධිරාජ මාවත ප්‍රදේශයේදී අද (12 ) අත්අඩංගුවට ගත් බව නුගේගොඩ කොට්ඨාස මත්ද්‍රව්‍ය ඒකකය කියයි.

12 January 2021