එසැණ පුවත්

යුගදනවි පෙත්සමේ තීන්දුව පසුවට කල් යයි

කෙලවරපිටිය යුගදනවි බලාගාරයේ කොටස් ඇමරිකානු සමාගමට පැවරීමට ගෙන ඇති තීරණය බලරහිත කරන ලෙස ඉල්ලා ගොනු කර ඇති පෙත්සම්, විභහගයට ගන්නවාද? නැද්ද ? යන තීරනය සදහා එම නඩුව පසුවට කල් තැබීමට පංච පුද්ගල ශ්‍රේෂ්ඨාධිකරණය අද (23) නියෝග කලේය.

23 February 2022

පුෂ්පිකා පොලිසියට නොඑයි

හිරු මාධ්‍යවේදී චමුදිත සමරවික්‍රම මහතාගේ පිළියන්දල වෑවල නිවසටගල් සහ අසූචි ප්‍රහාරයක් එල්ල කිරීමේ සිද්ධිය සම්බන්ධයෙන් ප්‍රකාශයක් ගැනීම සඳහා පිලියන්දල පොලිසියට ශ්‍රී ලංකා විවාහක රූ රැජින පුෂ්පිකා ද සිල්වා මහත්මියට කැඳවීමක් කර තිබුණ ඇය ඒ සඳහා නොපැමිණි බව පිළියන්දල පොලිසිය කියයි.

23 February 2022

වනිදුට ඉන්දීය තරගාවලිය අහිමිවෙයි

ශ්‍රී ලංකා තුන් ඉරියව් ක්‍රීඩක වනිදු හසරංග කොවිඩ් ආසාදිත බව තවදුරටත් තහවුරු වීම නිසා ඉන්දියාවට එරෙහිව මේ මස ආරම්භ වන තරග තුනකින් සමන්විත විස්සයි20 තරගාවලිය ඔහුට අහිමි වෙයි.

23 February 2022

රොසැල්ල-හැටන් අතර රක්ෂිතයක ගින්නකින් අක්කර 25ක් විනාශයි

උඩරට දුම්රිය මාර්ගයේ රොසැල්ල සහ හැටන් අතර පිහිටි රක්ෂිතයක හටගත් ගින්නකින් අක්කර 25ක් පමණ අද (23) අලුයම වන විට ගිනිගෙන විනාශ වි ඇත.

23 February 2022

බස් - බස් ගැටී 23ක් රෝහලේ

හොරණ කොළඹ මාර්ගයේ කොරලඉම ප්‍රදේශයේ දී ලංගම බස් රථයක් සහ ඇඟළුම්ලුම් කර්මාන්ත ශාලාවක සේවකයන් ප්‍රවාහනය කරන බස් රථයක් එකිනෙක ගැටීමෙන් සේවක සේවිකාවන් 23 දෙනකු තුවාල ලබා රෝහල් ගත කළ බව කහතුඩුව පොලිසිය කියයි.

23 February 2022

ඉන්ධන සැපයුම සාමාන්‍ය පරිදි සිදු කිරීමට උපදෙස්

ඉන්ධන සැපයුම සාමාන්‍ය පරිදි කරගෙන යන ලෙස ජනාධිපති ගෝඨාභය රාජපක්ෂ මහතා විශේෂ කැබිනට් රැස්වීමේදී ඛනිජ තෙල් සංස්ථාවට උපදෙස් දී ඇත .

23 February 2022

අධිභාර පනත් කෙටුම්පතට එරෙහිව පෙත්සමක්

පාර්ලිමේන්තු න්‍යාය පුස්තකයට ඇතුළත් කර ඇති අධිභාර පනත් කෙටුම්පත ආණ්ඩුක්‍රම ව්‍යවස්ථාවට පටහැනි බව සඳහන් කරමින් නියෝගයක් නිකුත් කරන ලෙසට ඉල්ලා සමගි ජන බලවේගයේ මහලේකම් රංජිත් මද්දුමබණ්ඩාර මහතා විසින් ශ්‍රේෂ්ඨාධිකරණය හමුවේ අද (23) පෙත්සමක් ගොනු කරනු ලැබ ඇත .

23 February 2022

පුටින්ගේ යෝජනාව ඒකමතිකව සම්මතයි

විදේශයන්හි තම සන්නද්ධ හමුදා භාවිතා කිරීමට අවසර දෙන යෝජනාවට රුසියානු පාර්ලිමේන්තුවේ ඉහළ මණ්ඩලය වන ෆෙඩරේෂන් කවුන්සිලය ඒකමතිකව සම්මත කළේය.

23 February 2022

හොරෙන් ගෙනා ජීප් රථයක් විකුණන්න ගිය 6ක් මාට්ටු

තීරු බදු නොගෙවා නීති විරෝධීව මෙරටට ආනයනය කළ තිබූ සුඛෝපභෝගී ජිප් රථයක් අලෙවි කිරීමට තැත් කළ පුද්ගලයන් 6 දෙනෙකු පෑලියගොඩ අපරාධ කොට්ඨාශය මගින් මාරවිලදී අත්අඩංගුවට ගනු ලැබීය .

23 February 2022

නීතිවිරෝධී දුම්වැටි 6000 සමඟ අයෙක් අල්ලයි

තීරුබදු නොමැතිව නීති විරෝධීව මෙරටට ආනයනය කර තිබූ රුපියල් ලක්ෂ පහකට අධික වටිනා දුම්වැටි තොගයක් සමඟ සැකකරුවෙකු කඳාන උතුරු බටගම ප්‍රදේශයේ දී අත්අඩංගුවට ගත් බව විශේෂ කාර්ය බලකාය පවසයි.

23 February 2022

ඩීසල් නැවට ඩොලර් ගෙවයි

කොළඹ වරායෙන් පිටත දින හතරක සිට නවතා තිබෙන නෞකාවේ ඇති ඩීසල් මෙට්‍රික්ටොන් 37,500 සඳහා වන ඇමෙරිකානු ඩොලර් මිලියන 35.3 ක මුදල ඊයේ රාත්‍රී ගෙවූ බව බලශක්තිය අමාත්‍ය උදය ගම්මන්පිල මහතා පැවසීය.

23 February 2022

කෙරවලපිටිය බටහිර වෙරළ බලාගාරය යළිත් අක්‍රීය වෙයි

ඉන්ධන නොමැති වීම නිසා කෙරවලපිටිය බටහිර වෙරළ බලාගාරය ද අක්‍රිය තත්ත්වයට පත්ව ඇතැයි ලංකා විදුලිබල මන්ඩලය උසස් නිලධාරියකු ’ලංකාදීප’ යට පැවැසීය.

23 February 2022

ප්‍රදේශ රැසකට විටින් විට තද වැසි

උතුරු, උතුරුමැද, නැගෙනහිර සහ ඌව පළාත්වලත්, මාතලේ සහ හම්බන්තොට දිස්ත්‍රික්කවලත් අද (23) දිනයේත් විටින් විට වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

23 February 2022

කොරෝනා මරණ 31 ක්

කොවිඩ් ආසාදිත වූ තවත් රෝගීන් 31 දෙනකු ඊයේ (21) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (22) තහවුරු කළේය.

22 February 2022

අලුත් අසාදිතයෝ 1,254 ක්

කොවිඩ් ආසාදිතයින් තව 1,254 ක් අද (22) හඳුනාගත් බව සෞඛ්‍ය අමාත්‍යාංශය පවසයි.

22 February 2022

පැය 4 යි විනාඩි 40 ක් හෙට ලයිට් නෑ

බලාගාර සඳහා ඉන්ධන නොමැතිවීම හේතුවෙන් මොගවොට් 700 ක ඌනතාවක් ඇතිවීමෙන් හෙට (23) දිනයේ ඒ බී සහ සී යන කළාපවලට පැය 4 යි විනාඩි 40 ක් ද, සෙසු කළාපවලට පැය 4 යි විනාඩි 30 ක් ද, විදුලිය විසන්ධි කරන බව මහජන උපයෝගිතා කොමිසමේ සභාපති ජනක රත්නායක මහතා අද (22) පස්වරුවේ පැවසීය.

22 February 2022

පානදුර සලිදුගේ ලක්ෂ 80 ක සල්ලි කළුගල් ගොඩකින් එළියට

විදේශ රටක සැඟව සිටිමින් මත්කුඩු ජාවාරමේ නියුතු ’’පානදුර සළිදු’’ නැමැත්තා ට අයත් බව කියන රුපියල් අසූ ලක්ෂ එක්දහසක ජාවාරම් මුදලක් පානදුර , විහාරස්ථානයක කළුගල් ගොඩක සගවා තිබියදී සොයාගෙන, ජාවාරම් මුදල් එකතු කරන පුද්ගලයෙකු හෙරොයින් මත්කුඩු පැකට් කිහිපයක්ද සමගින් අද (22) පස්වරුවේ අත්අඩංගුවට ගත්බව පානදුර කොට්ඨාස අපරාධ විමර්ශන ඒකකය පවසයි .

22 February 2022

කොටදෙනියාව අල්කයිඩා පවුලේ ප්‍රබලයෙක් දැලේ

බාඳුරාගොඩ වත්තෙමුල්ල ප්‍රදේශයේ ජනතාව කපාකොටා දමමින් භීතියට පත් කළ අල්කයිඩා පවුලේ ප්‍රබල සාමාජිකයෙකු අද 22 දහවල් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය කියයි.

22 February 2022

සුපිරි හොලිවුඩ් නළු ජෝර්ජ් ගේ ගුවන් යානය හදිසියේ කටුනායකට ගොඩබාලා

සුපිරි ඇමෙරිකානු හොලිවුඩ් නළු ජෝර්ජ් ක්ලූනි ( George Clooney ) මහතා ඕස්ට්‍රේලියාවේ සිට එංගලන්තය බලා තම පෞද්ගලික ගුවන් යානයෙන් ගමන් කරමින් සිටින අතරතුර , කටුනායක ගුවන් තොටුපළ වෙත ඉකුත් 19 දා විනාඩි 45 ක කාලයක් සදහා පැමිණ තිබේ .

22 February 2022

ගල්කිස්සේ දැරියක් විකුණා කෝටි 4 ක් ඉපැයූ තැරැව්කරු 4 තෙක් රිමාන්ඩ්

ගල්කිස්ස ප්‍රදේශයේ බාලවයස්කාර දැරියක ඇතුලු කාන්තාවන් පිරිසක් ලිංගික කටයුතු සඳහා වෙළෙදාම් කර කෙටිකලකදී රුපියල් කෝටි 4කට අධික මුදලක් උපයාගෙන ඇතැයි කියන සිද්ධියක් සම්බන්ධයෙන් අපරාධ පරික්ෂණ දෙපාර්තමේන්තුව අත්අඩංගුවට ගත් එම සිද්ධියේ තැරැව්කරු, ලබන 04 වැනිදා තෙක් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් බුද්ධික සී. රාගල මහතා අද (22) නියෝග කළේය.

22 February 2022

ඇමතිවරයකුගෙන් විදුලිබල මණ්ඩලයට කෝටියක පොල්ලක්

විදුලිය ලබාගෙන විදුලිබල මණ්ඩලයට රුපියල් එක් කෝටි විසිලක්ෂයක පොල්ලක් තැබූ ඇමැතිවරයා සම්බන්ධයෙන් වහාම ක්‍රියාමාර්ගයක් ගත යුතු බව සමගි ජන බලවේගයේ පුත්තලම දිස්ත්‍රික් මන්ත්‍රී හෙක්ටර් අප්පුහාමි මහතා පාර්ලිමේන්තුවේදී අද (22) පැවසීය.

22 February 2022

ඛනිජ තෙල් තොග ගබඩාවේ ඩීසල් නෑ

ලංකා ඛනිජ තෙල් තොග ගබඩා පර්යන්ත සමාගම සතුව ඩීසල් තොග නොමැති බව එම සමාගමේ උසස් නිලධාරියෙක් අද (22) පස්වරුවේ ‘ලංකාදීප’යට පැවසීය.

22 February 2022

රුසියන් ගෑස් නළ මාර්ගයට ජර්මනියෙන් අවහිර

රුසියාවේ සිට යුරෝපය දක්වා ස්වභාවික ගෑස් සැපයීම සඳහා ඉදි වූ නළ මාර්ගය සඳහා ජර්මනිය නෝර්ඩ් ස්ට්රීම් 2 සහතිකය තාවකාලිකව අත්හිටුවූ බව ජර්මන් චාන්සලර් ඕලාෆ් ෂෝල්ස් නිවේදනයක් නිකුත් කරමින් පවසයි.

22 February 2022

හොරට පී.සී.ආර් වාර්තා හැදු තිදෙනා රිමාන්ඩ්

විදේශ ගතවීමේදී ගුවන්තොටුපල බලධාරීන්ට ඉදිරිපත් කරන පී සී ආර් පරීක්ෂණ වාර්තා මෙරට ප්‍රධාන පෙළේ රෝහලක වාර්තාවලට සමාන ලෙස ව්‍යාජව සකස්කර රුපියල් ලක්ෂ 50කට අධික මුදලක් වංචාකළැයි කියන සිද්ධියක් සම්බන්ධයෙන් අපරාධ පරික්ෂණ දෙපාර්තමේන්තුව අත්අඩංගුවට ගත් කෝටිපත් ව්‍යාපාරිකයන් දෙදෙනකු ලබන 08 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් ප්‍රියන්ත ලියනගේ මහතා අද (22) නියෝග කළේය.

22 February 2022

ඉන්ධන හිඟයෙන් දුම්රිය ධාවනයට බාධාවක් නෑ

දුම්රිය දෙපාර්තමේන්තුව සතුව අවශ්‍ය තරම් ඩීසල් තොග තිබෙන බවත් ඒ හේතුවෙන් ඩීසල් හිඟය දුම්රිය ධාවනයට බලපෑමක් නොමැති බවත් නියෝජ්‍ය දුම්රිය සාමාන්‍යාධිකාරී (ගමනාගමන) ගාමිණී සෙනෙවිරත්න මහතා පැවසීය.

22 February 2022

තෙල් මිල ඉහළ යාමෙන් වාහන නොගෙන්වූ වාසිය අහිමිවෙලා

වසර දෙකක් තිස්සේ වාහන ආනයනය නොකිරීමෙන් ලබාගත් වාසිය ඉන්ධන මිල ඉහළයාම නිසා අහිමිව ගොස් ඇතැයි කැබිනට් සම මාධ්‍ය ප්‍රකාශක අමාත්‍ය රමේෂ් පතිරණ මහතා පැවැසීය.

22 February 2022

‘මධ්‍යම අධිවේගයට එරෙහිව එන චෝදනාව ගැන ඇමති ජොන්ස්ටන්ගෙන් ප්‍රකාශයක්‘

විපක්ෂය අද චෝදනා කරන්නේ මධ්‍යම අධිවේගී මාර්ගයේ අඩුම තරමින් ලියුම්කවරයක්වත් ගලවපු නැති ටෙන්ඩරයක් ගැන යැයි මහා මාර්ග අමාත්‍ය ජොන්ස්ටන් ප්‍රනාන්දු මහතා පාර්ලිමේන්තුවේදී අද (22) පැවසීය.

22 February 2022

පාස්කු කොමිසමේ සංවේදී කරුණු ජනපති සතුයි

පාස්කු දා ප්‍රහාරය පිළිබඳව සොයා බැලීම සඳහා පත්කළ ජනාධිපති කොමිෂන් සභාවේ වාර්තාවේ අඩංගු ඉතා සංවේදී කරුණු ඇතුළත් තොරතුරු ප්‍රමණයක් ජනාධිපතිවරයා සතුව තිබෙන බව සම කැබිනට් ප්‍රකාශක ඇමැති රමේෂ් පතිරණ මහතා පවසයි.

22 February 2022