එසැණ පුවත්

ඉන්ධන නැතුව බස් ගමන් කොට උඩ

රටේ ඇතිව තිබෙන ඉන්ධන හිගය හේතුවෙන් අන්තර් අන්තර් පළාත් පෞද්ගලික බස් රථ 250ක් පමණ දෛනිකව ගමන් වාර අවලංගු කිරීමට සිදුව ඇති බව අන්තර් පළාත් පෞද්ගලික බස් හිමියන්ගේ සංගමයේ සභාපති සරත් විජිත කුමාර මහතා ප්‍රකාශ කළේය.

22 February 2022

‘රට වැටී ඇති හිඟන තත්ත්වයට ජනපති,අගමැති,මුදල් ඇමැති වගකිව යුතුයි‘

තෙල් නැව බාන්න ආණ්ඩුවට ඩොලර් මිලියන 36ක් නොමැති නිසා ‘වෙස්ට් කෝස්ට්‘ බලාගාරයේ මෙගාවොට් 300ත් අද සිට අහිමි වන බව හිටපු අමාත්‍ය පාඨලී චම්පික රණවක මහතා කොළඹදී අද (22) පැවසීය.

22 February 2022

‘භානුකට‘ සාධාරණය ඉටු කරනු

ඉන්දියාවට එරෙහිව ලක්නව්හිදී මේ මස 24 වැනිදා ආරම්භ වන විස්සයි20 ක්‍රිකට් තරගාවලියට සහභාගි වන ශ්‍රී ලංකා විස්සයි20 සංචිතයට ප්‍රවේගකාරී පිතිකරු භානුක රාජපක්‍ෂ ඇතුළත් නොකිරීමට විරෝධ පළ කරමින් ක්‍රීඩා ලෝලීහූ පිරිසක් ශ්‍රී ලංකා ක්‍රිකට් මූලස්ථානය ඉදිරිපිට අද (22) පස්වරුවේ උද්ඝෝෂණයක් කළහ.

22 February 2022

පිටින් නොපෙනුනත් පී.සී.ආර්. කළ දොළහම පොසිටිව්

කොරෝනා රෝග ලක්ෂණ කිසිවක් නොමැති පුද්ගලයන් දොළොස් දෙනෙකු හට සිදු කරන ලද පී . සී ආර් . පරීක්ෂණයකින් එම පුද්ගලයන් දොළොස් දෙනාම කොරෝනා වෛරසය ආසාදිත බවට වාර්තා වූ බව කටාන පරිපාලන මහජන සෞඛ්‍ය පරීක්ෂක එස් . ඒ.යු.ටි. කුලතිලක මහතා පවසයි.

22 February 2022

ජීවන් අත අතහරි

මේ රටේ පංච මහා බලවේගය ජීවත්වීමේ අයිතිය ඉල්ලා මහ පාරේ සටන් කරද්දී , ශ්‍රී ලංකා නිදහස් පක්ෂයේ නායකයන් එහි ප්‍රතිපත්ති අමතක කොට දෙබිඩි පිළිවෙතක් අනුගමනය කරමින් කටයුතු කිරීම නිසා තම හෘද සාක්ෂියට එකඟව තවදුරටත් එහි රැඳී සිටීමට නොහැකි බැවින් තමා ශ්‍රී ලංකා නිදහස් පක්ෂයේ දැරූ සියලු තනතුරුවලින් හා පක්ෂ සාමාජිකත්වයෙන් ඉල්ලා අස්වීමට තීරණය කළ බව, ශ්‍රී ලංකා නිදහස්පක්ෂ උප සභාපති හා කැස්බෑව ආසනයේ ප්‍රධාන සංවිධායක , හිටපු අමාත්‍ය ජීවන් කුමාරතුංග මහතා පවසයි.

22 February 2022

අවුරුදු 12 ට අඩු දරුවන්ටත් ෆයිසර් එන්නත්?

වයස අවුරුදු 12 ට අඩු දරුවන්ටත් ෆයිසර් එන්නත ලබාදිය හැකිදැයි සොයාබලන බව ඖෂධ සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා පැවැසීය.

22 February 2022

භාවිතයෙන් ඉවත් කළ බස් රථ 200කට පණ දෙයි

අබලන්ව භාවිතයෙන් ඉවත් කළ ලංකා ගමනාගමන මණ්ඩලයට අයත් බස් රථ 200ක් ප්‍රතිසංස්කරණය කර, නැවත ධාවනයට එක්කිරීම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් ජනාධිපති කාර්යාල පරිශ්‍රයේ දී අද (22) පැවැත්විණි.

22 February 2022

ආන්දෝලනාත්මක අධිභාර පනත මැතිසබයට

ආන්දෝලනයට තුඩුදී ඇති අධිභාර බද්ද පිළිබඳ පනත් කෙටුම්පත සභානායක දිනේෂ් ගුණවර්ධන මහතා විසින් පාර්ලිමේන්තුවට අද (22) ඉදිරිපත් කරනු ලැබීය.

22 February 2022

පාස්කු ප්‍රහාරයේ සාක්ෂි පාර්ලිමේන්තුවට

පාස්කු ඉරිදා ප්‍රහාරය පිළිබඳ ජනාධිපති පරීක්ෂණ කොමිෂන් සභාවේ සාක්ෂිවල වෙළුම් 88 කින් යුක්ත සම්පූර්ණ වාර්තාව ජනාධිපති නීති අධ්‍යක්ෂ ජනරාල් හරිගුප්ත රෝහණධීර මහතා කථානායක මහින්ද යාපා අබේවර්ධන මහතාට පාර්ලිමේන්තුවේදී අද (22) පෙරවරුවේ භාර දුන්නේය.

22 February 2022

යුක්රේන-රුසියා අර්බුදයෙන් බොරතෙල් මිල ඉහළට

රුසියාව සහ යුක්රේනය අතර උද්ගත වී තිබෙන අර්බුදකාරී තත්ත්වය හේතුවෙන් බොරතෙල් බැරලයක මිල අද (22) පෙරවරුවේ ඇමෙරිකානු ඩොලර් දෙකක අගයකින් ඉහළ ගියේ ය.

22 February 2022

ජාත්‍යන්තර මූල්‍ය අරමුදල සමඟ සාකච්ඡාවකට සූදානම්

ජාත්‍යන්තර මූල්‍ය අරමුදල සහ අනෙකුත් බහුපාර්ශවීය ණය දෙන්නන් සමඟ සාකච්ඡා කිරීමට සූදානම් බව වැවිලි කර්මාන්ත අමාත්‍ය රමේෂ් පතිරණ මහතා පවසා ඇත.

22 February 2022

10 වැනි මහලින් වැටී පුද්ගලයෙක් මරුට

මරදාන පොලිස් පරිශ්‍රයේ ඉදිකර ඇති පොලිස් නිලධාරීගේ තනිකඩ බට නිවාස ගොඩනැගිල්ලේ (දසවන මහලින් ) අද (22) පුද්ගලයකු වැටී මියගොස් ඇති බව පොලිසිය කියයි.

22 February 2022

මාධ්‍යවේදී චමුදිතගේ නිවසට පොලිස් ආරක්ෂාව

මාධ්‍යවේදී චමුදිත සමරවික්‍රම මහතාගේ නිවස පිහිටා තිබෙන නිවාස සංකීර්ණයේ ප්‍රධාන දොරටුවට ගිනි අවි සහිත පොලිස් නිලධාරීන් දෙදෙනෙකු ආරක්ෂාව සඳහා යෙදවූ බව ගල්කිස්ස පොලිස් කොට්ඨාසයේ උසස් පොලිස් නිලධාරියෙක් පැවැසීය

22 February 2022

සමාජ - දේශපාලන ක්‍රියාකාරි කුමාර් රූපසිංහ අභාවප්‍රාප්ත වෙයි

ප්‍රකට සමාජ සහ දේශපාලන ක්‍රියාකාරිකයෙක් වූ ආචාර්ය කුමාර් රූපසිංහ මහතා අභාවප්‍රාප්ත විය.

22 February 2022

දෙමටගොඩ රුවන් යළි රිමාන්ඩ්

හෙරොයින් මත්ද්‍රව්‍ය ජාවාරමෙන් රුපියල් කෝටි ගණන් වටිනා දේපළ උපයා ගනිමින් මුදල් විශුද්ධිකරණ පනත ප්‍රකාරව වරදක් සිදු කලැයි රක්ෂිත බන්ධනාගාර ගත කර සිටින රුවන් චමිල නොහොත් දෙමටගොඩ රුවන් ලබන 08 වැනිදා තෙක් තවදුරටත් රක්ෂිත බන්ධනාගාර ගත කරන ලෙස කොළඹ ප්‍රධාන මහේස්ත්‍රාත් බුද්ධික රාගල මහතා අද (22) නියෝග කළේය.

22 February 2022

‘පැරණි මිලට ඇනවුම් කළ ඉන්ධන නැව් 3ට මුදල් ගෙවන්න‘

රුසියාව සහ යුක්රේනය අතර ඇති වී තිබෙන අර්බුදය නිසා ලෝක වෙළෙඳ පොළේ තෙල් බැරලය ඩොලර් 115 ක් දක්වා ඉහළ යාමට හැකි හෙයින් පැරණි මිලට ඇනවුම් කරන ලද ඉන්ධන නැව් තුන සඳහා කෙසේ හෝ මුදල් සොයාගෙන ගෙවන්නැයි ආණ්ඩුවෙන් ඉල්ලා සිටින බව හිටපු අග්‍රාමාත්‍ය කොළඹ දිස්ත්‍රික් පත්කළ මන්ත්‍රී (එජාප) රනිල් වික්‍රමසිංහ මහතා පාර්ලිමේන්තුවේදී අද (22) පැවසීය.

22 February 2022

‘විශේෂ භාණ්ඩ හා සේවා බදු පනත ජනමත විචාරණයකින් සම්මත විය යුතුයි‘

විශේෂ භාණ්ඩ හා සේවා බදු පනත් කෙටුම්පත පාර්ලිමේන්තුවේ තුනෙන් දෙකක බහුතර බලයෙන් පමණක් නොව ජනමත විචාරණයකින්ද සම්මත කළ යුතු බව ශ්‍රේෂ්ඨාධිකරණය දැනුම්දී ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද පෙරවරුවේ දැනුම් දුන්නේය .

22 February 2022

නැප්තා ලීටර ලක්‍ෂ 12 ක් ලැබෙයි

විදුලි බලාගාර සඳහා අවශ්‍ය නැප්තා ලීටර ලක්‍ෂ 12 ක් ලැබුණු බවත් එම ඉන්ධන ප්‍රමාණයෙන් බලාගාර අඛණ්ඩව පැය 35 ක් ක්‍රියාත්මක කළ හැකි බවත් විදුලිබල මණ්ඩලය පවසයි.

22 February 2022

ත්‍රස්තවාදය වැළැක්වීමේ පනතට එරෙහිව පෙත්සම් හයක්

ත්‍රස්තවාදය වැළැක්වීමේ විධිවිධාන (සංශෝධන ) පනත් කෙටුම්පත සම්බන්ධයෙන් ශ්‍රේෂ්ඨාධිකරණයට ඉදිරිපත් කෙරුණු පෙත්සම් හයක පිටපත් තමාට ලැබී ඇතැයි කතානායක මහින්ද යාපා අබේවර්ධන මහතා පාර්ලිමේන්තුවට අද පෙරවරුවේ දැනුම් දුන්නේය.

22 February 2022

ජනපති සන්නද්ධ හමුදා නැවතත් කැඳවයි

මහජනතාවගේ ආරක්ෂාව සඳහා සන්නද්ධ හමුදා රට පුරා කැඳවීමට ජනාධිපති ගෝඨාභය රාජපක්ෂ මහතා විසින් විශේෂ ආඥාවක් නැවතත් නිකුත් කරනු ලැබ ඇත.

22 February 2022

යුක්රේනයේ දිසා දෙකකට රුසියන් සාමසාධක හමුදාව යවයි

රුසියානු ජනාධිපති ව්ලැදිමීර් පුටින් සාම සාධක භටයන් ලෙස රුසියානු හමුදාව ඩොන්බාස් ජනරජ සමුහාණ්ඩුව වෙත යැවීමට නියෝග කර ඇත.

22 February 2022

හොරට වී අස්වනු නෙලු අඹු-සැමි යුවළ මාට්ටු

අක්මිමන පින්නදුව වැවේ යායේ කඹුරකින් හොරට වි අස්වනු නෙලමින් සිටි අඹුසැමි යුවළක් අත්අඩංගුවට ගත්බැව් අක්මිමන පොලිසිය පවසයි.

22 February 2022

විශේෂ කැබිනට් රැස්වීමක් අද පස්වරුවේදී

රට තුළ මතුව ඇති ඉන්ධන සහ විදුලි අර්බුදයට විසඳුමක් සෙවීම සඳහා විශේෂ කැබිනට් රැස්වීමක් ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද(22) පස්වරු 5.00ට ජනාධිපති කාර්යාලයේදී පැවැත්වේ .

22 February 2022

හොරට පී.සී.ආර් වාර්තා හැදු තිදෙනකු අත්අඩංගුවට

විදේශ ගතවීමේදී ගුවන්තොටුපල බලධාරීන්ට ඉදිරිපත් කරන පී. සී. ආර්. පරීක්ෂණ වාර්තා මෙරට ප්‍රධාන පෙළේ රෝහලක වාර්තා වලට සමාන ලෙස ව්‍යාජව සකස් කරන ලදැයි කියන සැකකරුවන් තිදෙනකු අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබීය.

22 February 2022

වැස්ස ගැන අනාවැකිය

ගාල්ල, මාතර, රත්නපුර සහ කළුතර දිස්ත්‍රික්කවල ස්ථාන ස්වල්පයක සවස් කාලයේ හෝ රාත්‍රී කාලයේ වැසි හෝ ගිගුරුම් සහිත වැසි ඇතිවන බව කාලගුණ විද්‍යා දෙපාර්තමේන්තුව පවසයි.

22 February 2022

යුක්රේන සංචාරකයන්ට උපදෙසක්

අත්‍යාවශ්‍යය නොවන කාරණයකට හැර යුක්රේනයේ සිදු කෙරෙන සංචාරවලින් වලකින්නැයි ලෙස විදේශ අමාත්‍යංශය මෙරට වැසියනට දැනුම්දිමක් කර ඇත.

22 February 2022

දකුණේ මත් ජාවාරම්කරුවන්ගේ වත්කම් ගැන විමර්ශන

ඩුබායි රාජ්‍යයේ සැගව සිටින බව කියන දකුණු පළාතේ ප්‍රධාන පෙළේ මත්ද්‍රව්‍ය ඡාවාරම්කරුවකු වන නදුන් චින්තක වික්‍රමරත්න නොහොත් ‘හරක්කටා”නැමැත්තා සහ දකුණේ තවත් ප්‍රබල මත්ද්‍රව්‍ය ඡාවාරම්කරුවන් දෙදෙනකු ඇතුළු සැකකරුවන් 20 දෙනකුගේ දේපළ හා වත්කම් පිළිබදව විමර්ශනයක් ආරම්භ කර ඇතැයි අපරාධ පරික්ෂණ දෙපාර්තමේන්තුවේ නිති විරෝධී වත්කම් විමර්ශන කොට්ඨාසය කොළඹ ප්‍රධාන මහේස්ත්‍රාත් බුද්ධික සී. රාගල මහතා හමුවේ අද (21) කරුණු වාර්තා කර ඇත.

21 February 2022

තලංගම තෙත් බිම් හරහා ඉදිවන අධිවේගී මඟ උසාවියෙන් අත්හිටුවයි

තලංගම තෙත් බිම හරහා මංතීරු 4කින් යුත් අධිවේගී මාර්ගයක් ඉදිකිරීම වළකාලමින් අභියාචනාධිකරණය අද අතුරු නියෝගයක් නිකුත් කළේය.

21 February 2022