එසැණ පුවත්

දින නියමයක් නැතිව ඌව වෙල්ලස්ස සරසවිය වැසේ

රටේ පවතින ඉන්ධන අර්බුදය හේතුවෙන් ඌව වෙල්ලස්ස විශ්වවිද්‍යාලයේ සියලුම පීඨවල සිදු කරන අධ්‍යයන කටයුතු හෙට (29) සිට නැවත දැනුම් දෙනතුරු තාවකාලිකව නතර කළ බව ඌව වෙල්ලස්ස විශ්වවිද්‍යාලයේ උපකුලපති මහචාර්ය ජයන්ත ලාල් රත්නසේකර මහතා පවසයි .

28 June 2022

ග්‍රහලෝක පහක් හෙට අලුයම එකම රේඛාවක

සෞර ග්‍රහ මණ්ඩලයට අයත්ග්‍රහ ලෝක පහක් එකම රේඛාවක පිහිටා ඇති ආකාරය දැකගැනීමේ හැකියාව මේ දිනවල පවතින අතර, එම සංසිද්ධිය හෙට (29) අලුයම 4.40 සිට හිරු උදාව දක්වා වඩාත් හොඳින් දැකගත හැකි බව ග්‍රහලෝකාගාරයේ කථිකාචාර්ය ගීතාංජන වනිගසේකර මහතා පවසයි.

28 June 2022

කහ-නිල් ගෑස් ගාල්ල ක්‍රිකට් පිටිය වටලයි

ඕස්ට්‍රේලියාව සහ ශ්‍රී ලංකාව අතර හෙට (29) ආරම්භ වන ටෙස්ට් ක්‍රිකට් තරගය පැවැත්වෙන ගාල්ල ජාත්‍යන්තර ක්‍රිකට් ක්‍රීඩාංගණය වටා ලිට්‍රෝ සහ ලාෆ් ගෑස් සිලින්ඩර තබාගෙන ජනතාව අද (28) දිනයේ ද පෝලිමේ රැදී සිටියහ.

28 June 2022

ඇමෙරිකාවෙන් ඩොලර් මිලියන 20 ක්

ජී7 සමුළුවේදී ඇමෙරිකානු ජනාධිපති ජෝ බයිඩන් මහතා ශ්‍රී ලංකාවට ඇමෙරිකා එක්සත් ජනපද ඩොලර් මිලියන 20 ක මුදලක් අමතර සහායක් ලෙස ලබා දෙන බව අද (28) නිවේදනය කළේය.

28 June 2022

ඇමැති කංචන කාටාර් බලශක්ති ඇමැති හමුවෙයි

විදුලිබල හා බලශක්ති අමාත්‍ය කාංචන විජේසේකර මහතා සහ කටාර් බලශක්ති අමාත්‍ය සාද් ශෙරීඩා අල්-කාබි මහතා අතර හමුවක් අද (28) පැවැත්විණ.

28 June 2022

පෞද්ගලික බස් හිමියන්ගෙන් ඇමැතිට පැමිණිල්ලක්

ලංකා ගමනාගමන මණ්ඩලයේ (ලංගම) ඩිපෝවලින් පෞද්ගලික බස් රථවලට නියමිත පරිදි ඉන්ධන නොලැබෙන බවට පෞද්ගලික බස් රථ සංගම් නියෝජිතයෝ ප්‍රවාහන අමාත්‍ය ආචාර්ය බන්දුල ගුණවර්ධන මහතාට අද (28) පැමිණිලි කළහ.

28 June 2022

බස් ගාස්තුව සියයට 30 කින් නගී

ජූලි මස 1 වැනිදා සිට බස් ගාස්තුව සියයට 30 කින් ඉහළ දැමීමට සහ අවම බස් ගාස්තුව රුපියල් 40 ක් දක්වා ඉහළ දැමීමට බස් රථ හිමියන් ඉල්ලීමක් කළ බවත් ජාතික ගමනා ගමන කොමිසමේ අධ්‍යක්‍ෂ ජනරාල් ආචාර්ය තිලාන් මිරැන්ඩා මහතා පැවසීය.

28 June 2022

මාගම්මන නිවසේ ගින්නෙන් තුවාල ලද දියණියත් මරුට

හෝමාගම මාගම්මන ප්‍රදේශයේ නිවසක ඉකුත් 25 දා රාත්‍රි ඇතිවූ ගින්නෙන් බරපතල පිළිස්සුම් තුවාල ලබා කොළඹ ජාතික රෝහලේ දැඩි සත්කාර ඒකකයේ ප්‍රතිකාර ලබමින් සිටි 19 හැවිරිදි දියණිය මීට සුළු මොහොතකට පෙර මිය ගිය බව කහතුඩුව පොලිසිය පවසයි.

28 June 2022

විපක්ෂය අගමැතිට කාලය නොදෙන්නේ ඇයි?

රට බාර දුනහොත් මාස 06 න්, අවුරුද්දෙන්, අවුරුදු පහෙන් තමන්ට රට හැදිය හැකිය කියන විපක්ෂ කණ්ඩායම් ඒ් කාලය අගමැති රනිල් වික්‍රමසිංහට ලබා නොදෙන්නේ මන්දැයි එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ප්‍රශ්න කළේය.

28 June 2022

හිරුණිකා කොටුවේ විරෝධයක

හිටපු පාර්ලිමේන්තු මන්ත්‍රි හිරුණිකා ප්‍රේමචන්ද්‍ර මහත්මිය පවත්වන විරෝධතාවක් හේතුවෙන් කොටුව මුදලිගේ මාවත ප්‍රදේශයේ උණුසුම් තත්ත්වයක් හටගෙන ඇත.

28 June 2022

තෙල් ටෝකන් හොරට විකුණයි

පෝලිම්වල නොසිට ඉන්ධන ක්‍රමානුකූලව ලබා දීම සඳහා රජය විසින් ක්‍රියාත්මක කළ ටෝකන් පත් ක්‍රමය කුරුණෑගල දිස්ත්‍රික්කයේ නිසියාකාරව ක්‍රියාත්මක නොවන බවද ඒ සඳහා නිකුත් කර ඇති අයැදුම්පත් කුරුණෑගල නගරයේ ඡයා පිටපත් කර අලෙවි කරන බව ජනතාව චෝදනා කරති.

28 June 2022

වවුනියාවෙන් ඉන්ධන ලීටර් 3000ක් අල්ලයි

වවුනියාව , වේප්පම්කුලම ප්‍රදේශයේ ඉදිකිරීම් භාණ්ඩ අලෙවි කිරීමේ ව්‍යාපාරික ස්ථානයක තිබී නීති විරෝධී ලෙස රැස්කරන ලද ඩීසල් ලීටර 3000ක් සමඟ ව්‍යාපාරිකයකු අත්අඩංගුවටගත් බව නෙලුක්කුලම පොලිසිය පවසයි.

28 June 2022

විදෙස් සමාගම්වලට තෙල් ගේන්න අවසර

ඛනිජතෙල් නිෂ්පාදනය කරන රටවල සමාගම්වලට ශ්‍රී ලංකාව වෙත ඉන්ධන ආනයනය, බෙදාහැරීම සහ අලෙවිය සිදුකිරීමට අවස්ථාව ලබාදීම සඳහා අමාත්‍ය මණ්ඩල අනුමැතිය හිමිවී තිබේ.

28 June 2022

කොලොන්නාවෙන් තෙල් බෙදීම නවතී

ලංකා ඛනිජ තෙල් සංස්ථාවේ කොළොන්නාව තොග ගබඩාවෙන් ඉන්ධන නිකුත් කිරීම අද (28) පෙරවරුවේ සිට සම්පූර්ණයෙන්ම අත්හිටුවා ඇති බව එම සංස්ථාවේ උසස් නිලධාරියෙක් පැවසීය.

28 June 2022

පාපැදිය සොරාගෙන දියවන්නාවට පැනලා

පාපැදියක් සොරකම් කිරීමෙන් පසු කිඹුලාවල හංදියෙන් දියවන්නා ඔයට පනින ලද පුද්ගලයෙක් තලංගම පොලිසිය විසින් අද උදේ අත්අඩංගුවට ගනු ලැබීය.

28 June 2022

පොහොර බෙදන්න කෘෂි ඇමති ඩීසල් ඉල්ලයි

යල කන්නයේ අස්වනු නෙලීම සහ යූරියා පොහොර ප්‍රවාහනය සඳහා ඩීසල් ලීටර් 20,275,000ක් අවශ්‍ය බව අමාත්‍ය මණ්ඩලයට දැනුම් දෙන බව කෘෂිකර්ම වන ජීවී සහ වන සංරක්ෂණ අමාත්‍ය මහින්ද අමරවීර මහතා පැවසීය.

28 June 2022

කතුනට රට යන්න තිබූ තහංචියක් ඉවතට

වයස අවුරුදු දෙක හෝ ඊට වැඩි දරුවන් සිටින කාන්තාවන් රැකියා සඳහා විදේශගතවීමේදී පවුල් පසුබිම් වාර්තාවක් ඉදිරිපත් කිරීමේ අවශ්‍යතාවයෙන් නිදහස් කිරීමට අමාත්‍ය මණ්ඩල අනුමැතිය හිමිව ඇත.

28 June 2022

හොරෙන් රට පනින්න ගිය 47ක් අල්ලයි

බහුදින යාත්‍රාවකින් නීති විරෝධී ලෙස ඕස්ට්‍රේලියාව බලා සංක්‍රමණය වීමට උත්සහ කළ පුද්ගලයන් 47 දෙනකු මීගමුවට ඔබ්බෙන් වු මුහුදු ප්‍රදේශයේ දී අත්අඩංගුවට ගත් බව නාවික හමුදාව පවසයි.

28 June 2022

වෛද්‍යවරු තෙල් පෝලිමේ දුක්විඳිද්දී:රෝගීහු රෝහලේ දුක් විඳිති

නිකවැරටිය රෝහල් වෛද්‍යවරුන් ඇතුලු කාර්ය මණ්ඩල ඉන්ධන පෝලිමේ රැඳී සිටීම හේතුවෙන් රෝහල් කටයුතු අඩාල විය.

28 June 2022

ඉන්ධන පෝලිම් අවසන්:ටෝකන් පෝලිම් දිගු වේ

ඉන්ධන නොමැතිවීම හේතුවෙන් බණ්ඩාරගම සමුපකාර ඉන්ධන පිරවුම්හලේ පෝලිමේ රැඳී සිටි පාරිභෝගිකයන්ට ටෝකන් පත්‍ර ලබාදීම යුද හමුදාව කටයුතු කෙළ්ය.

28 June 2022

මිලින්ද මොරගොඩ ඉන්දීය තෙල් ඇමැති හමු වෙයි

ඉන්දියාවේ ශ්‍රී ලංකා මහ කොමසාරිස් මිලින්ද මොරගොඩ මහතා සහ ඉන්දියාවේ ඛනිජ තෙල්,ස්වභාවික වායු,නිවාස හා නාගරික කටයුතු අමාත්‍ය ශ්‍රී හර්දීප් සිං පූරි මහතා සමග හමුවක් නවදිල්ලි නුවර නිවාස හා නාගරික කටයුතු අමාත්‍යාංශයේදී පැවැත්විණ.

28 June 2022

නව අමාත්‍යංශයක් එයි

තාක්ෂණ අමාත්‍යාංශය ලෙස නව අමාත්‍යාංශයක් ගැසට් මඟින් ප්‍රකාශයට පත් කර ඇත.

28 June 2022

දුම්රිය ගාස්තු ඉහළට

දුම්රිය ප්‍රවාහන ගාස්තු සංශෝධනය කිරීමට අමාත්‍ය මණ්ඩල අනුමැතිය හිමි වී ඇත.

28 June 2022

ලක්ෂ පහක තෙල් මාරවිලින් අල්ලයි

මාරවිල තුම්මෝදර ප්‍රදේශයේ නීති විරෝධී ලෙස ඉන්ධන රැස්කර ගබඩා කර තිබූ ස්ථානයක් වටලා එහි ගබඩා කර තිබු ඩිසල් ලිටර් 900 ක් සොයා ගත් බව මාරවිල පොලිසිය කියයි.

28 June 2022

සංස්ථාව සතු ඉන්ධනහල් විකුණනවාට දැඩි ලෙස විරුද්දයි

රටේ පවතින දැඩි අර්බුදකාරී වාතාවරණය තුල ආණ්ඩුව සැලසුම් කර ඇති තෙල් සංස්ථාව සතු ඉන්ධනහල් විකුණන ක්‍රියාවලියට දැඩි ලෙස විරෝධය පළකරන බව සමගි ජන බලවේගයේ ජාතික සංවිධායක පාර්ලිමේන්තු මන්ත්‍රී තිස්ස අත්තනායක මහතා කොළඹදී පැවසීය.

28 June 2022

ගෙලකපා ගඟට දැමූ සැකකරු අල්ලයි

අකුරැස්ස තිබ්බටුවාව ප්‍රදේශයේ නිවසක් තුළ කපු මහතෙක් තියුණු ආයුධයකින් ගෙල කපා ඝාතනය කර ඔහුගේ හිස රැගෙන ගොස් නිලවලා ගඟට දැමූ බව කියන සිද්ධියේ සැකකරු අත්අඩංගුවට ගත් බව පොලිසිය පවසයි.

28 June 2022

පළාත් රැසකට වැසි රහිත කාලගුණයක්

දිවයිනේ පළාත් කිහිපයක හැර සෙසු ප්‍රදේශවල අද (28) වැසි රහිත කාලගුණයක් පවතින බව කාලගුණ විද්‍යා දෙපාර්තමේන්තුව පවසයි.

28 June 2022

‘‘අර්බුදය දඩමීමා කරගෙන ආයතනවලට අත තබනවා‘‘

රට තුළ ඇති අර්බුදය භාවිතා කරමින් ඛනිජ තෙල් නීතිගත සංස්ථාව වැනි ආතයනවලට අත තැබීමට පාලකයන් කටයුතු කරමින් සිටින බව ජාතික නිදහස් පෙරමුණේ නායක, පාර්ලිමේන්තු මන්ත්‍රී විමල් වීරවංශ මහතා පැවසීය.

27 June 2022