එසැණ පුවත්

ජෝසප් ස්ටාලින්ට ඇප

අධිකරණ නියෝග කඩකළැයි රක්ෂිත බන්ධනාගාර ගත කර සිටි ලංකා ගුරු සංගමයේ ලේකම් ජෝසප් ස්ටාලින් මහතා රුපියල් ලක්ෂ 5 බැගින් වූ ශරීර ඇප දෙකක් මත මුදා හැරීමට කොළඹ කොටුව මහේස්ත්‍රාත් තිලිණ ගමගේ මහතා අද (08) නියෝග කළේය.

නාවික හා ගුවන් හමුදාවට ඕස්ට්‍ර්ලියාවෙන් නොමිළේ ඉන්ධන

රටතුළ පවතින ඉන්ධන අර්බුධය හේතුවෙන් සමුද්‍රීය මෙහෙයුම් අඛණ්ඩව පවත්වාගෙන යාම සදහා ඕස්ට්‍ර්ලියානු රජය විසින් ශ්‍රි ලංකා නාවික හමුදාවට හා ගුවන් හමුදාව වෙත නොමිළේ ඉන්ධන තොගයක් ප්‍රධාන කර ඇත.

කිව්.ආර්. නව ලියාපදිංචි කිරීම් නැවත අරඹයි

‘ජාතික ඉන්ධන බලපත්‍රය’ හෙවත් කිව්.ආර්. කේතයේ නව ලියාපදිංචි කිරීම් නැවත ආරම්භ කළ බව බලශක්ති අමාත්‍ය කංචන විජේසේකර මහතා අද (8) පැවසීය.

ප්‍රතිපත්ති ප්‍රකාශය ගැන විවාදය හෙට

ජනාධිපති රනිල් වික්‍රමසිංහ මහතා පාර්ලිමේන්තුවට පසුගියදා ඉදිරිපත් කළ ආණ්ඩුවේ ප්‍රතිපත්ති ප්‍රකාශය සම්බන්ධයෙන් පැවැත්වීමට නියමිත සභාව කල් තබන අවස්ථාවේ තෙදින විවාදය හෙට (9) පස්වරු 1.00ට ආරම්භ කෙරේ.

හමුදාව කන්දකාඩුවෙි බඩ ඉරිඟු වවයි

ලබන මාස් කන්නයේ දී වගාවට අවශ්‍ය බඩ ඉරිඟු බීජ ලබා ගැනීම සඳහා ශ්‍රී ලංකා යුද්ධ හමුදාව පොලොන්නරුව කන්දකාඩු ගොවිපළේ අක්කර 100ක බීජ බඩඉරිඟු මේ වගා කර තිබේ.

කොටුවේ අදත් විරෝධතා

රාජ්‍ය මර්ධනයට හා විරෝධය පෑමට ඇති අයිතිය සුරකින ලෙසත් හදිසි නීතිය වහා හකුලා ගන්නා ලෙස රජයට බලකරමින් අන්තර් ආගමික කමිටුව සංවිධානය කරන ලද නිහඬ විරෝධතාවයක් කොළඹ කොටුව දුම්රිය ඉදිරිපිට අද (08) පැවැත්වේ

අයි.ඔ.සී පිරවුම්හල් 50ක් විවෘත කිරීමට අවසර

ලංකා ඉන්දියන් ඔයිල් සමාගමට (අයි.ඔ.සී) දිවයින පුරා නව ඉන්ධන පිරවුම්හල් 50ක් විවෘත කිරීමට විදුලිබල හා බලශක්ති අමාත්‍යාංශයෙන් අවසර දුන් බව එම අමාත්‍යංශය උසස් නිලධාරියෙකු පැවසීය.

මංකි පොක්ස් පරීක්ෂණ ඇරඹේ

මංකි පොක්ස් රෝගයේ ආසාදිතයන් හඳුනාගැනීමේ පරීක්ෂණ ආරම්භ කළ බව සෞඛ්‍ය අමාත්‍යාංශයේ තාක්ෂණ සේවා අධ්‍යක්ෂ වෛද්‍ය අන්වර් හම්දානි මහතා පැවසීය.

කිරිඇල්ලගෙන් රනිල්ට ප්‍රශ්නයක්

අලුතින් පිහිටුවීමට යන සර්වපාක්ෂික ආණ්ඩුව ක්‍රියාත්මක වන කාල සීමාව අනෙක් සෑම දේටම පෙර මුලින්ම රටට හෙළි කරන්නැයි විපක්ෂයේ ප්‍රධාන සංවිධායක පාර්ලිමේන්තු මන්ත්‍රී නීතිඥ ලක්ෂ්මන් කිරිඇල්ල මහතා ජනාධිපතිවරයාගෙන් ඉල්ලීමක් කළේය.

මැයි 9 කලහට සජබ ආසන සංවිධායක අත්අඩංගුවට

පිළියන්දල පොලිස් වසමේ ඉකුත් මැයි නම වෙනි දින සිදුවූ කලහ කාරී සිද්ධීන් 6කට මූලිකත්වය ගෙන ක්‍රියා කළ බව කියන සමගි ජන බලවේගයේ කැස්බෑව ආසන සංවිධායක ගයාන් ද මෙල් මහතා අත්අඩංගුවට ගත් බව පිලියන්දල පොලිසිය කියයි.

පොදුරාජ්‍ය මණ්ඩලය ක්‍රීඩා උළෙලේදී ශ්‍රී ලංකාවේ දහයක් ගල්වෙති

එංගලන්තයේදී දැන් පැවැත්වෙන පොදු රාජ්‍ය මණ්ඩලීය ක්‍රීඩා උළෙලට සහභාගි වූ ශ්‍රී ලංකා කණ්ඩායමේ ක්‍රීඩකයන් සහ නිලධාරීන් ඇතුළු දස දෙනකු මේ වන විට අතුරුදහන් අතුරුදහන්ව ඇතැයි එංගලන්තයෙන් ලැබෙන ආරංචි මාර්ග සඳහන් කරයි.

ලිට්‍රෝ ගෑස් ලාභ ලබයි

ලිට්‍රෝ ගෑස් සමාගම පසුගිය ජූලි මස සුළු ලාභයක් ඉපයූ බව එම සමාගමේ සභාපති මුදිත පීරිස් මහතා පැවසීය.

කොටියාගේ මරණය ගැන අමාත්‍යාංශයෙන් විමර්ශනයක්

පළාත් කීපයකට වැසි වාර කිපයක්

බස්නාහිර, සබරගමුව සහ වයඹ පළාත්වලත්, මහනුවර, නුවරඑළිය, ගාල්ල, මාතර දිස්ත්‍රික්කවලත් අද (8) වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

ගිනි අවි සමග දෙකක් සැකපිට

ඇඹිලිපිටිය, මොදරවාන, වල්ඌරුමඩ ප්‍රදේශයේ දී ටී 56 ගිනි අවියක්, මැගසිනයක්, පතුරොම් සමග මත්කුඩු ද සමග පුද්ගලයන් දෙදෙනකු අත්අඩංගුවට ගත් බව උඩවලව විශේෂ කාර්ය බළකා කඳවුර පවසයි.

දළදා මලිගාවේ ප්‍රථම රන්දෝලි පෙරහර වීදි සංචාරය කරයි

මහනුවර ශ්‍රී දළදා මාලිගාවේ ඇසළ මංගල්‍යයේ ප්‍රථම රන්දෝලි පෙරහර පෙරහැර වීදි සංචාරය අද ආරම්භ කෙරිණි.

ලිට්‍රෝ ගෑස් මිල පහළ දැමීම තවත් කල්යයි

ලිට්‍රෝ ගෑස් මිල පහළ දැමීම හෙට (8) පස්වරුවේ නිවේදනය කිරීමට නියමිත බව ලිට්‍රෝ ගෑස් සමාගමේ උසස් නිලධාරියකු අද (7) පස්වරුවේ පැවසීය.

කිසිදු ආකාරයක ඇමතිධුර බාර ගැනීමට සජබය සූදානම් නැහැ

පවතින තත්ත්වයෙන් රට ගොඩ ගැනීම සදහා රටේ ප්‍රධාන විපක්ෂය වන සමගි ජන බලවේගය සර්ව පාක්ෂික, ඒකාබද්ධ රට ගොඩනගන වැඩපිළිවෙළක එකඟ වුවත් එහි දී කිසිදු ආකාරයක ඇමති ධුර ආදී තනතුරු බෙදා ගැනීම වැනි ඩීල්වලට එකතු නොවන බවත් විපක්ෂ නායක සජිත් ප්‍රේමදාස මහතා පැවසීය.

රනිල්ට ඉඩක් දෙන්නැයි වජිරගෙන් ඉල්ලීමක්

වසරක් තිස්සේ දෑසට නොදුටු ගෑස් ,දෙවසරක් තිස්සේ නුදුටු රසායනික පොහොර දැන් ටිකෙන් ටික ඇසට යළි පෙනෙන්නට පටන්ගෙන තිබෙන හෙයින් රනිල් වික්‍රමසිංහ ජනාධිපතිවරයාට මාස හයක් නිරවුල්ව රට ගෙන යන්නට ඉඩ දෙන්නැයි එක්සත් ජාතික පක්ෂ සභාපති පාර්ලිමේන්තු මන්ත්‍රී වජිර අබේවර්ධන මහතා පැවසීය.

පැයක අඳුර තවත් දින 3ක්

විදුලි ජනනය සඳහා ප්‍රමාණවත් ඉන්ධන සහ ජලය නොමැති වීම නිසා හෙට (8) සිට මේ මස 10 වැනිදා දක්වා දිනකට පැයක් පමණක් විදුලිය කප්පාදු කරන බව මහජන උපයෝගිතා කොමිසමේ සභාපති ජනක රත්නායක මහතා අද (6) පස්වරුවේ පැවසීය.

මාස හතරකදී ඉන්ධන, විදුලි ඉල්ලුම කැපී පෙනෙන ලෙස අඩුවෙලා

පසුගිය මාර්තු සිට ජූලි දක්වා ගත වූ මාස 4ක කාලයේදී මෙරට ඉන්ධන භාවිතය සියයට 65 කින් සහ විදුලිය භාවිතය සියයට 25 කින් පමණ අඩුවී ඇති බවත්, මෙය රටේ ආර්ථිකයෙහි සීඝ්‍ර කඩා වැටීම පැහැදිලි වන අවස්ථාවක් බවත් 43 වන සේනාංකයේ නායක, පාර්ලිමේන්තු මන්ත්‍රී පාඨලී චම්පික රණවක මහතා පැවසීය.

බදුලු දුම්රිය නවය සිට යළි දුවයි

අධික වර්ෂව හේතුවෙන් උඩරට දුම්රිය මාර්ගයට සිදුවූ හානිය නිසා නාවලපිටියේ සිට බදුල්ල දක්වා අත්හිටුවා ඇති දුම්රිය ධාවනය ලබන අඟහරුවාදා (9 වැනිදා) පස්වරුවේ නැවත ආරම්භ වන බව දුම්රිය දෙපාර්තමේන්තුවේ උසස් නිලනිලධාරියෙක් පැවසීය.

කිංස්ලි - ශෂි සභාපති ධූරවලට නැවත පත්කරයි

ලංකා ගමනාගමන මණ්ඩලයේ සහ ජාතික ගමනාගමන කොමිෂන් සභාවේ සභාපති ධූරවලට හිටපු සභාපතිවරු වන කිංස්ලි රණවක සහ ශෂි වෙල්ගම යන මහත්වරු නැවත පත්කළ බව ප්‍රවාහන අමාත්‍යංශයේ උසස් නිලධාරියකු පැවසීය.

නල්ලතන්නි පාර ගිලා බසී

මධ්‍යම කදුකරයේ බටහිර බැවුම් ප්‍රදේශවලට පසුගිය දිනවල ඇද හැලුණු අධික වර්ෂාවත් සමග මස්කෙලිය ශ්‍රි පාද නල්ලතන්නිය මාර්ගය ගිලා බැසිමේ අවදානමක් හේතුවෙන අද සිට තාවකාලිකව වසා දමන බව නුවරඑලිය දිස්ත්‍රික් ආපදා කලමණාකරණ ඒකකයේ සහකාර අධ්‍යක්ෂක රංජිත් අලහකොන් මහතා පැවසිය.

පොලිසිය තුළදී පිහි පහරින් අයෙක් මරුට

නවගමුව පොලිසියේ සුළු පැමිණිලි අංශය තුළදී පැමිණිල්ලක් විභාග කරමින් සිටියදී සිදුවූ පිහි ප්‍රහාරයකින් පුද්ගලයකු රෝහල් ගත කිරීමේ දී මියගිය බව නවගමුව පොලිසිය කියයි.

කොළඹ සරසවිය මුලට එයි

ලෝකයේ විශ්ව විද්‍යාල ශ්‍රේණිගත කිරීමේ ‘වෙබෝමෙටි්‍රක්ස්’ ශේණිගත කිරීම් අනුව මෙරට විශ්ව විද්‍යාල අතර පළමු ස්ථානය කොළඹ විශ්ව විද්‍යාලයට හිමිව ඇත.

මධ්‍යම අධිවේගය අතරමඟ නතර වෙයි?

ශ්‍රී ලංකාවේ මධ්‍යම අධිවේගී මාර්ගයේ පළමු අදියර ඉදිකිරීම සඳහා චීනයේ එක්සිම් බැංකුව ලබා දී තිබූ ණය පහසුකම අත් හිටුවා ඇතැයි වාර්තා වෙයි.

මද්ද සමග කොටියා ගසේ එල්ලෙයි

මද්දකට හසු වු කදුකර කොටියකු මද්ද කඩාගෙන ගොස් ගසක් මැද සිර වි සිටින බව නල්ලතන්නිය වනජිවි කාර්යාලයේ වන සත්ව අඩවි ආරක්ෂක ප්‍රභාෂ් කරුණාතිලක මහතා පවසයි.