එසැණ පුවත්

සිරකරුවන් 309 කට නිදහස

නත්තල් උත්සවය වෙනුවෙන් විශේෂ ජනාධිපති සමාව යටතේ සිරකරුවන් 309 ක් හෙට (25) දිනයේ නිදහස ලබන බව බන්ධනාගාර මාධ්‍ය ප්‍රකාශක, අතිරේක බන්ධනාගාර කොමසාරිස් ජෙනරාල් චන්දන ඒකනායක මහතා පැවසීය.

24 December 2022

හොරුන්ට දඬුවම් දෙන හැටි ජජබ කියයි

ඉදිරියේ දී ජාතික ජනබලවේගය ජනතාවාදී ආණ්ඩුවක් හදනවා. එම පාලනයේ දී මේ රටේ ජාතික ධනය සොරකම් කරන ලද දූෂිතයන් සියල්ලන්ටම අනිවාර්යයෙන්ම දඬුවම් කරනවා යැයි ජවිපෙ ප්‍රචාරක ලේකම් ටිල්වින් සිල්වා මීගහතැන්න මොරගල දී පැවසීය.

24 December 2022

පැරිසියේ වෙඩි තැබීමක්

ප්‍රංශයේ පැරිස් අගනුවර සිදුවුණු වෙඩි තැබීමකින් තිදෙනෙක් ජීවිතක්ෂයට පත්වූහ. වෙඩි තැබීම කළේ 69 හැවිරිදි අයෙකි.

24 December 2022

දරුවා පැහැර ගැනීමට දෙකක් රිමාන්ඩ්

එප්පාවල කිරලෝගම, ගැටදිවුල 09 හැවිරිදි පිරිමි දරුවා පැහැර ගෙන යාමේ සිද්ධියට සම්බන්ධ විදුලි කාර්මික ශිල්පියා හා ඔහුට සැගවීමට උපකාර කළ රිකිල්ලගස්කඩ නගර සභාවේ රියදුරා ජනවාරි මස 04 වැනි දින දක්වා රිමාන්ඩ් බාරයේ තබන්නැයි තඹුත්තගෙම මහේස්ත්‍රාත් එම්.එල් නුවන් කෞෂල්‍ය මහතා නියෝග කළේය.

24 December 2022

කාලගුණය හෙට ගැන අවධානමෙන්

නිරිතදිග බෙංගාල බොක්ක මුහුදු ප්‍රදේශයේ පවතින පීඩන අවපාතය හෙට (25) දිවයින හරහා ගමන් කිරීමේ හැකියාවක් පවතින අතර ඒ හේතුවෙන් හෙට (25) සහ අනිද්දා (26) දිනවල බොහෝ ප්‍රදේශවල තද වැසි හා සුළං ඇතිවන බව කාලගුණ විද්‍යා දෙපාර්තමේන්තුව පවසයි.

24 December 2022

පැල් රකිමින් සිටි අඹුසැමි යුවළ වල්අලි පහරින් මරුට

සිය කුඹුරේ පැල් රකිමින් සිටියදී වල් අලියෙකු පහරදීමෙන් බරපතළ තුවාල ලැබූ අඹුසැමි යුවළක් වව්නියාව රෝහලට ඇතුළත් කිරීමෙන් පසු අද(24) අළුයම මියගොස් ඇතැයි කැබිතිගොල්ලෑව මූලස්ථාන පොලීසිය පවසයි.

24 December 2022

ඇමෙරිකාවේ හිම කුණාටුවෙන් සති අගදී 12 ක් මියගිහින්

ඇමෙරිකාවට බලපෑ හිම කුණාටුව හේතුවෙන් සති අන්තයේදී අවම වශයෙන් 12 දෙනකු මියගොස් ඇතැයි විදෙස් මාධ්‍ය වාර්තා කරයි.

24 December 2022

එප්පාවලින් අතුරුදහන් දරුවා රිකිල්ලගස්කඩින් හමු වේ

එප්පාවලින් අතුරුදහන් වූ දරුවා රිකිල්ලගස්කඩ ජෙනිසන් වතුයායේ නිවෙසක සිටියදී අද අලුයම අත්අඩංගුවට ගත් බව පොලිසිය කියයි.

24 December 2022

වාද්දූවේ නුල් කර්මාන්ත ශාලාව ගින්නට බිලි

වාද්දුව මොරොන්තුඩුව පාරේ මැලැගම ප්‍රදේශයේ නූල් කර්මාන්ත ශාලාවක ගින්නක් හටගෙන ඇතැයි වාද්දුව පොලිසිය පවසයි .

24 December 2022

බිල් නොගෙවූ 2000කට නඩු

ජල බිල්පත් ගෙවීම පැහැර හැරි බව කියන ජල පාරිභෝගිකයන් 2000 කට වැඩි පිරිසකට නඩු පැවරීම සඳහා අදාළ ලිපිගොනු නීතිපති දෙපාර්තමේන්තුවට යවා ඇතැයි ජල සම්පාදන හා ජලාපවාහන මණ්ඩලය පවසයි.

24 December 2022

ඡන්ද පෙට්ටි දාහක් ’’රෙපයාර්’’ කරයි

කැඩී බිඳී ගොස් තිබූ දැවමය ඡන්ද පෙට්ටි දහසකට වැඩි ප්‍රමාණයක් අලුත්වැඩියාව සඳහා රජයේ කර්මාන්ත ශාලාවට පසුගියදා බාර දුන් බව මැතිවරණ කොමිෂන් සභාව පවසයි.

24 December 2022

බිල් ගේට්ස් ලබන වසරේ ලංකාවට

ජාත්‍යන්තර පුනර්ජනනීය බලශක්ති සමුළුවක් ලබන වසරේ මැද භාගයේදී පැවැත්වීමට ජනාධිපති රනිල් වික්‍රමසිංහ මහතාගේ අවධානය යොමු තිබේ.

24 December 2022

මත්තලට වැය කළ මුදල් වතුරේ

මත්තල ජාත්‍යන්තර ගුවන් තොටුපොළේ වියදම (මෙහෙයුම් පිරිවැය ) රුපියල් කෝටි 200 ඉක්මවා ඇතත් එම වියදම ආදායමට වඩා විසි ගුණයකින් පමණ වැඩි බව ජාතික විගණන කාර්යාලය නිකුත් කළ එහි අලුත්ම වාර්තාවේ සඳහන් වේ.

24 December 2022

ජැෆ්නා කිංග්ස් තෙවැනි වරටත් ශූරතාව දිනයි

ජැෆ්නා කිංග්ස් පිල ලංකා ප්‍රීමියර් ලීග් (එල්.පී.එල්.) ක්‍රිකට් තරගාවලියේ (2022) ශූරතාව දිනාගැනීමට අද (23) රාත්‍රී සමත් විය. කලම්බෝ ස්ටාර්ස් පිලට අනු ශූරතාව හිමිවිය.

23 December 2022

ඇල්පිටියේ වෙඩි තැබිමකින් තරුණයෙක් තුවාල ලබයි

ඇල්පිටිය යක්කටුව ප්‍රදේශයේ තරුණයකු වෙඩි වැදීමෙන් බරපතල තුවාල ලබා ඇල්පිටිය මූලික රෝහලට ඇතුළත් කිරීමෙන් පසු ගාල්ල කරාපිටිය රෝහල වෙත පිටත් කර යැවූ බව ඇල්පිටිය පොලිසිය පවසයි.

23 December 2022

මේ මාසයේ චීනයේ කෝටි 20කට කොරෝනා

මෙම මාසයේ පළමු දින 20 තුළ චීන ජාතිකයන් මිලියන 248 කට එසේත් නැතිනම් ජනගහණයෙන් සියයට 18 කට කොවිඩ් රෝගය අසාදනය වී ඇතැයි විශ්වාස කළ හැකි බව චීනයේ ජාතික සෞඛ්‍ය කොමිෂන් සභාවේ අභ්‍යන්තර රැස්වීම් වර්තාවක සටහන් වන බව විදෙස් මාධ්‍ය වාර්තා කර ඇත.

23 December 2022

ලයිසන් කාර්යාලය ළඟ සිටි කපුටන් 22ක් අල්ලයි

නාරහේන්පිට මෝටර් රථ ප්‍රවාහන දෙපාර්තමේන්තුවට පැමිණෙන පුද්ගලයන් රවටා ඔවුන්ගේ මුදල් සහ වැදගත් ලිපි ලේඛන සූක්ෂම අයුරින් රැගෙන පලායන සංවිධානාත්මක කල්ලියකට අයත් සාමාජිකයන් 22ක් අත්අඩංගුවට ගත් බව බොරැල්ල පොලිසිය කියයි.

23 December 2022

බොරලැස්ගමුවේ අමුතු සාදයක් වටලයි

මුදලට ගත් සුරූපී නළඟනන් සිවුදෙනකු සමග මත්ද්‍රව්‍ය සාදයක් පැවැත්වූ පුද්ගලයන් පස් දෙනකු අත්අඩංගුවට ගත් බව බස්නාහිර පළාත දකුණු දිසාව අපරාධ කොට්ඨාසය කියයි.

23 December 2022

මත් රකුසා ළමා පරපුර බිලි අරන්

මත්ද්‍රව්‍ය පාවිච්චි කරනවා කියන එක බෞද්ධ හා පාලි විශ්ව විද්‍යාලයේ පමණක් නොව පාසල්වලත් අද වන විට සිදු වෙන බව බෞද්ධ හා පාලි විශ්ව විශ්වවිද්‍යාලයේ උප කුලපති මහාචාර්ය නෙලුවේ සුමනවංශ හිමියෝ පැවැසූහ.

23 December 2022

තේ මණ්ඩලය අනුමැතිය නැතිව කෝටි 741ක් ආයෝජනය කරලා

ශ්‍රී ලංකා තේ මණ්ඩලය 2020 වර්ෂයේදී කෝටි 741 ක මුදලක් අදාල අමාත්‍යවරයාගේ හෝ මුදල් අමාත්‍යවරයාගේ අනුමැතිය ලබා නොගෙන ස්ථාවර හා කෙටි කාලීන තැන්පතුවල ආයෝජනය කර ඇතැයි ජාතික විගණන කාර්යාලය නිකුත් කළ වාර්තාවක සඳහන් වේ.

23 December 2022

අලි වැටට ගිය කෝටි 97ක් වතුරේ

විදුලි වැටක් ඉදිකිරීමට සහ එය නඩත්තු කිරීමට රුපියල් කෝටි 97 ක් වැයකර ඇතත් අලින්ගෙන් සිදුවන මිනිස් මරණ සහ දේපළ හානි පසුගිය වසර පහේදී අඩුවී නැතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.

23 December 2022

ඉම්රාන් ඛාන්ගේ හිටපු බිරිඳකට මංගල සීනු හැඬවෙයි

ඉම්රාන් ඛාන්ගේ හිටපු බිරිඳක් වන රෙහාම් ඛාන් හට මංගල සීනු හැඬවී ඇතැයි විදෙස් මාධ්‍ය පවසයි. 49 හැවිරිදි රෙහාම් ඛාන් වෘත්තියෙන් මාධ්‍යවේදිනියකි.

23 December 2022

පොලිස් පනතේ අඩු පාඩු හදන්න සාකච්ඡාවක්

දැනට පවතින පොලිස් ආඥා පනතෙහි අඩු පාඩු හදුනා ගෙන එය වර්තමානයට ගැළපෙන පරිදි සංශෝධනය කිරීම පිළිබදව සාකච්ඡාවක් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති නීතිඥ, ආචාර්ය විජයදාස රාජපක්ෂ මහතාගේ සහ මහජන ආරක්ෂක අමාත්‍ය ටිරාන් අලස් මහතාගේ සහභාගිත්වයෙන් අධිකරණ අමාත්‍යාංශ ශ්‍රවණාගාරයේදී අද(23) පැවැත්විණි.

23 December 2022

පිළිකා රෝගීන් මඟ දමා ඖෂධ වේදීහූ පැනයති

මහරගම අපේක්‍ෂා රෝහලේ බාහිර සායන රෝගීන්ට බෙහෙත් නිකුත් කරන කවුන්ටර අද (23) දහවල් පැය දෙකකට වැඩි කාලයක් හිටි හැටියේ වසා දැමීමෙන් පිළිකා රෝගීහු දැඩි අපහසුතාවට පත්වූහ.

23 December 2022

චිලී හි ගින්නකින් දෙදෙනෙක් මරුට

චිලී හි විනා ඩෙල් මාර් වෙරළබඩ නගරයේ ඇති වූ ගින්නකින් අවම වශයෙන් දෙදෙනකු මියගොස් නිවාස 400 කට හානි වී ඇතැයි චිලී බලධාරීහු ප්‍රකාශ කළහ.

23 December 2022

ළදරුවන් අතරේ මන්දපෝෂණය වැඩි වෙලා

අවුරුදු 1ට අඩු ළදරුවන්,වයස අවුරුදු එකත් පහත් අතර දරුවන් සහ පෙර පාසල් වියේ දරුවන් අතර පසුගිය වසරට ( 2021) සාපේක්ෂව මේ වසරේදී මන්දපෝෂණ තත්වයන්හි වැඩිවීමක් දක්නට ලැබෙන බව සෞඛ්‍ය අමාත්‍යාංශයේ පවුල් සෞඛ්‍ය කාර්යාංශය නිකුත් කළ වාර්තාවක සඳහන් වේ.

23 December 2022

නැව් අනතුරෙන් බේරුන ලාංකිකයන්ට මෙතර එන්න අවස්ථාවක්

වියට්නාමය සහ පිලිපීනය අතර මුහුදේ ගිලෙමින් තිබූ ’ලේඩි ආර් 3’ නැවේ මුදවා ගෙන වියට්නාමයේ රැඳී සිටින ශ්‍රී ලාංකිකයන් 302 ගෙන් ශ්‍රී ලංකාවට පැමිණීමට කැමැත්ත ප්‍රකාශ කර ඇති ශ්‍රී ලාංකිකයන් 152 ක් මෙරටට ගෙන්වා ගැනීම සඳහා අවශ්‍ය පහසුකම් සපයා ඇති බව විදේශ කටයුතු අමාත්‍ය අලි සබ්රි මහතා පවසා ඇත.

23 December 2022

‘පාස්පෝට්’ ගැනීමට සඳුදා වෙනුවට දිනයක්

ආගමන හා විගමන දෙපාර්තමේන්තුවේ ප්‍රධාන කාර්යාලයෙන් විදේශ ගමන් බලපත්‍ර ලබාගැනීමට ලබන සඳුදා දිනය (26 වැනිදා) සහ වේලාවක් ලැබී ඇති සියලු අයදුම්කරුවන්ට එම සතියේ ඉතිරි දින හතරේ දිනයක් සහ වේලාවක් ලැබෙන බව ආගමන විගමන පාලක ජනරාල් හර්ෂ ඉලුක්පිටිය මහතා පැවසීය.

23 December 2022