පොලිසියේ වැඩ පොලිස්පතිට පවරා ගැසට්ටුවක්

(ඉන්දිකා  රාමනායක)

පොලිස් දෙපාර්තමේන්තුවේ   ප්‍රධාන පොලිස් පරීක්ෂක ධුරයේ සිට  පොලිස් කොස්තාපල් නිළය දක්වා   නිළයන් වෙනුවෙන් සිදුකරනු  ලබන පත්කිරීම්, උසස්කිරීම්, ස්ථානමාරු කිරීම්, විනය පාලනය කිරීම්, සේවයෙන් පහ කිරීම  ආදි කටුයතු සිදු කිරීමේ බලය  පොලිස්පතිවරයාට පවරමින්    අතිවිශේෂ ගැසට් පත්‍රයක් මගින්  ජාතික පොලිස් කොමිසම් සභාව විසින්  බලය පවරා ඇති බව  ජාතික පොලිස් කොමිසම් පවසයි.

පොලිස්පතිවරයා ට  අමතරව ජ්‍යෙෂ්ඨ නියෝජ්‍ය පොලිස්පති සිට  සහකාර පොලිස් අධිකාරිවරුන් වෙතද  මෙම  බලය පවරා ඇති බවද    පොලිස් කොමිසම් ආරංචි මාර්ග පවසයි.

මෙම සියලු  පත්කිරීම්, උසස්කිරීම්, ස්ථානමාරු කිරීම්, විනය පාලනය කිරීම්, සේවයෙන් පහ කිරීම  ආදි කටුයතු සිදුවන්නේ  ජාතික පොලිස් කොමිසමේ  නීති රීති වලට අනුකුළව බවත්, කිසිවකුට යම්  අසාදාරණයක්  වී ඇති නම්  ඒ සම්බන්ධයෙන් ජාතික පොලිස් කොමිසම් සභාව වෙත අභියාචනා  ඉදිරිපත් කළ හැකි බවද කොමිසම් ආරංචි මාර්ග  සඳහන් කරයි.

ජාතික පොලිස් කොමිසම   පොලිස්පතිවරයා  හා අනිකුත් උසස් නිලධාරීන්ට මෙම බලය පැවරුව ද ඔවුන් සෑම අවස්ථාවකදීම  තීරණ ගත යුත්තෙ   ආණ්ඩු ක්‍රම ව්‍යවස්ථාවේ 155 උ,   වන  ව්‍යවස්තාවට අනුව බවද  එම ආරංචි මාර්ග සඳහන් කරයි.

පොලිස් නිලධාරීන්ගේ  කටයුතු පහසු කිරීම,  ඉක්මනින් තීන්දු තීරණ ගැනීම ආදි කරුණු රැසක් සැලකිල්ලට ගනිමින් මෙම බලය ලබා දීම සිදුකර ඇති බවද  කොමිසම් ආරංචි මාර්ග වැඩිදුරටත පවසයි.