එසැණ පුවත්

අතුරු සම්මත ගිණුම පාර්ලිමේන්තුවට

ඉදිරි මාස හතරක වියදම් වෙනුවෙන් මුදල් වෙන්කරගැනීමේ අතුරු සම්මත ගිණුම අග්‍රමාත්‍ය හා මුදල් අමාත්‍ය මහින්ද රාජපක්ෂ මහතා විසින් අද (27) පාර්ලිමේන්තුවට ඉදිරිපත් කළේය.

27 August 2020

පළමු වසර පාසල් නිල ඇඳුම් තිලිණපත් වලංගු කාලය දීර්ඝ කරයි

රජයේ සියලු පාසල්වල පළමු ශ්‍රේණියේ සිසුන් වෙනුවෙන් 2020 වසර සඳහා නිකුත් කර ඇති පාසල් නිල ඇඳුම් තිලිණ පත්වල වලංගු කාලය සැප්තැම්බර් 30 වැනිදා තෙක් දීර්ඝ කිරීමට අධ්‍යාපන අමාත්‍යංශය තීරණය කර තිබේ.

27 August 2020

අඩි 100ක් උස සල් ගසකට නැගුණු කතක් උපවාසයක

බලන්ගොඩ දියඉන්න ප්‍රදේශයේ කාන්තාවක් බලංගොඩ ප්‍රාදේශීය ලේකම් කාර්යාලයේ අඩි 100 ක් පමණ උස සල් ගසකට නැගී අද (27) උපවාසයක් ආරම්භ කළාය.

27 August 2020

‘යල් පැනගිය පුරාවිද්‍යා පණත වහා සංශෝධනය කළයුතුයි’

යල් පැනගිය පුරාවිද්‍යා පනත වහාම කඩිනමින් සංශෝධනය කිරීම සඳහා රජයේ අවධානය යොමු කළ යුතු කාලය එළැඹ ඇතැයි සියම් මහා නිකායේ රංගිරි දඹුළු විහාර පාර්ශ්වයේ මහා නායක ආචාර්ය ඉනාමළුවේ ශ්‍රී සුමංගලභිධාන මහ නා හිමියෝ අවධාරණය කරති.

27 August 2020

දක්ෂිණ අධිවේගයේ අනතුරකින් එක මංතීරුවක් වැසෙයි

දක්ෂිණ අධිවේගී මාර්ගයේ කඩුවෙල සහ කඩවත අතර ප්‍රදේශයේදී යුද හමුදා ජීප් රථයක් සහ තවත් ජිප් රථයක් එකිනෙක ගැටීමෙන් කාන්තාවන් දෙදෙනකු ඇතුළු පුද්ගලයන් තිදෙනෙකු තුවාල ලබා ඇතැයි පොලිසිය කියයි.

26 August 2020

විදුලිය බිඳවැටී ඇත්තේ විදුලි අධිකාරීවරයකුගේ නොසැලකිල්ල හේතුවෙන්

දිවයිනපුරා ඉකුත් 17 වැනිදා විදුලිය බිඳවැටීම කෙරවලපිටිය උප බලාගාරයේ නඩත්තු කටයුත්තකදී විදුලි අධිකාරීවරයකුගේ නොසැලකිල්ල හේතුවෙන් ඇති වූවක් බව ඒ සම්බන්ධයෙන් සොයාබැලීමට පත්කළ කමිටු වාර්තාවෙන් පෙන්වා දී ඇත.

26 August 2020

‘‘උපායමාර්ගිකව - ආරක්ෂාවේදී ඉන්දියාවට මුල්තැන දී කටයුතු කරනවා‘‘

ශ්‍රී ලංකාව ‘‘මධ්‍යස්ථ’’ විදේශ ප්‍රතිපත්තියක් අනුගමනය කරන බවත් එසේ නමුත් උපායමාර්ගික සහ ආරක්ෂක කරුණුවලදී ‘‘ඉන්දියාවට මුල්තැන’’ දී කටයුතු කරන බවත් විදේශ ලේකම් අද්මිරාල් ආචාර්ය ජයනාත් කොළඹගේ මහතා පවසයි.

26 August 2020

ලිංගික අල්ලස් ඉල්ලූ උප පොලිස් පරීක්ෂක රිමාන්ඩ්

කාන්තාවකගෙන් ලිංගික අල්ලස් ඉල්ලීම සම්බන්ධයෙන් ඉංගිරිය නම්බපාන ප්‍රදේශයේ හෝටලයකදී අත්අඩංගුවට ගත් උප පොලිස් පරීක්ෂකවරයා හොරණ අධිකරණයට ඉදිරිපත් කිරීමෙන් අනතුරුව ලබන මස 8 වැනි දින දක්වා රක්ෂිත බන්ධනාගාර ගතකරන ලෙස මහේස්ත්‍රාත් චාමනී විජයබණ්ඩාර මහත්මිය අද (26) නියෝග කළාය.

26 August 2020

කැලණිවැලි දුම්රිය මාර්ගයට නව දුම්රියක්

කැලණිවැලි දුම්රිය මාර්ගය සඳහා නව කාර්යාල දුම්රියක් යෙදවීමට පියවර ගන්නා බව ප්‍රවාහන අමාත්‍ය ගාමිණී ලොකුගේ මහතා ලංකාදිපයට පැවසීය.

26 August 2020

තවත් කොරෝනා ආසාදිතයින් දෙදෙනෙක් හමුවෙයි

කොරෝනා ආසාදිතයින් 2 දෙනෙකු හඳුනාගැනීමත් සමඟ අද (26) වනවිට මෙරටින් හඳුනාගත් සමස්ථ ආසාදිතයින් ගණන 2984 දක්වා ඉහළ ගොස් ඇති බව සෞඛ්‍ය අංශ පවසති.

26 August 2020

මත්කුඩු ජාලයකට සම්බන්ධ තිදෙනෙක් අත්අඩංගුවට

දුම්බර බන්ධනාගාරයේ සිරදඬුවම් විඳින කාන්තා රැඳවියන් මෙහෙයවන හොරොයින් මත්කුඩු ජාලයකට සම්බන්ධ පුද්ගලයන් තිදෙනෙක් රුපියල් ලක්ෂ හතරකට ආසන්න වටිනා මත්කුඩු සමඟ අත්අඩංගුවට ගත්බව කළුතර කොට්ඨාස අපරාධ විමර්ශන අංශය කියයි.

26 August 2020

ඉතාලියේදී සිදුවූ අනතුරකින් ලාංකිකයෙකු ජීවිතක්ෂයට

ඉතාලියේ නාපෝලි නගරයේ මරානෝ ප්‍රදේශයේදී සිදුවූ රිය අනතුරකින් ශ්‍රී ලාංකිකයෙකු ජීවිතක්ෂයට පත්ව ඇතැයි එරට තානාපති ආරංචි මාර්ග සඳහන් කර සිටී.

26 August 2020

සැකකරුගේ සිරුර අභ්‍යන්තරයේ හෙරොයින්

පල්ලන්සේන බන්ධනාගාරයට කඩුවෙල අධිකරණයේ සිට රැගෙන ආ සැකකරුවෙකුගේ ශරීරයේ සඟවා තිබූ හොරොයින් ග්‍රෑම් 9 ක් සොයා ගැනීමට හැකිවූ බව එම බන්ධනාගාරයේ ප්‍රකාශකයෙකු ලංකාදීපයට අද (26) පැවසීය.

26 August 2020

මත්ද්‍රව්‍ය ජාවාරමට සිව්දෙනෙක් අත්අඩංගුවට ගනිති

කොම්පඤ්ඤවීදීය පොලිස් වසමේ ප්‍රදේශ කිහිපයක සිදු කරන ලද වැටලීම් වලින් හෙරොයින් මත්ද්‍රව්‍ය ජාවාරම් සම්බන්ධයෙන් පුද්ගලයින් සිව් දෙනෙකු මත්ද්‍රව්‍ය , මුදල් ඇතුළු භාණ්ඩ රැසක් සමඟ අත්අඩංගුවට ගත්බව පොලිසිය කියයි.

26 August 2020

සුසිල් ප්‍රේමජයන්තට රාජ්‍ය ඇමැතිකමක්

අධ්‍යාපන ප්‍රතිසංස්කරණ, විවෘත විශ්ව විද්‍යාල හා දුරස්ථ අධ්‍යාපන ප්‍රවර්ධන රාජ්‍ය අමාත්‍යාංශය කොළඹ දිස්ත්‍රික් පාර්ලිමේන්තු මන්ත්‍රී සුසිල් ප්‍රේමජයන්ත මහතාට පැවරෙනු ඇතැයි දේශපාලන ආරංචි මාර්ග සදහන් කරයි.

26 August 2020

බාල වයස්කාර දැරියකට හදි කර පලාගිය තරුණයා අත්අඩංගුවට

බස් රථයක දී 15 හැවිරිදි දැරියක මිතුරු කරගෙන, ඇය රවටා කැඳවාගෙන ගොස් අපහරණය කර ඇයව ගැබිනියක කළ තරුණයෙකු ජාතික ළමා ආරක්ෂක අධිකාරියේ විශේෂ විමර්ශන ඒකකය විසින් අත්අඩංගුවට ගෙන ඇත.

26 August 2020

අන්තර්ජාතික ජීවවිද්‍යා ඔලිම්පියාඩ් තරගාවලියෙන් ශ්‍රී ලංකාවට ලෝකඩ පදක්කම් 3ක්

අන්තර්ජාතික ජීව විද්‍යා ඔලිම්පියාඩ් 2020 තරගාවලියේදී ශ්‍රී ලංකාවේ සිසු සිසුවියන් ලෝකඩ පදක්කම් තුනක් සහ සම්මාන සහතිකයක් හිමිකරගෙන ඇත.

26 August 2020

මාලදිවයිනේ හිටපු ජනපතිටත් කොරෝනා

මාලදිවයිනේ හිටපු ජනාධිපති මවුමුන් අබ්දුල් ගයුම් හට කොවිඩ්-19 වෛරසය ආසාදනය වි ඇතැයි නිව්ස් එයිටීන් පුවත්සේවය අද (26) වාර්තා කළේය.

26 August 2020

තවත් තිදෙනෙක් සුවය ලබා පිටව යති

කොරෝනා වයිරසය ආසාදනය වීම හේතුවෙන්, රෝහල්ගතව ප්‍රතිකාර ලබමින් සිටි 3දෙනෙකු සුවය ලබා අද(26) පිටව ගිය බව වාර්තාවක් නිකුත් කරමින් වසංගත රෝග විද්‍යා අංශය පවසයි.

26 August 2020

දේශීය පළමු පෙළ වැඩිම ලකුණු වාර්තාව චන්දිමාල්ට

ශ්‍රී ලංකාවේ දේශීය පළමු පෙළ තරගාවලියේදී පිතිකරුවකු ලබාගත් ඉහළම ලකුණු සංඛ්‍යාව ලබාගැනීමට ටෙස්ට් ක්‍රීඩක දිනේෂ් චන්දිමාල් අද (26 වැනිදා) සමත් විය. සැරසන්ස් පිලට එරෙහිව කටුනායකදී පැවැති පළමු පෙළ තරගයකදී චන්දිමාල් මෙම ලකුණු සංඛ්‍යාව ලබාගත්තේය.

26 August 2020

විදෙස්ගත ශ්‍රී ලාංකිකයෝ 26,500 ක් ආපසු එති

කොරෝනා වයිරසයේ ව්‍යාප්තියත් සමඟ ලෝකයේ රටවල් 105 ක රැදී සිටි ශ්‍රී ලාංකිකයන් 26,500 වැඩි පිරිසක් මේ වනවිට මෙරටට ගෙන්වාගෙන ඇතැයි විදේශ කටයුතු අමාත්‍යාංශයේ ලේකම් අද්මිරාල්, මහාචාර්ය ජයනාත් කොළඹගේ මහතා පැවසීය.

26 August 2020

පළාලි ගුවන්තොටුපොළ සංවර්ධනය කිරීමේ ගිවිසුම කැබිනට් මණ්ඩලයට

යාපනය පළාලි ගුවන්තොටුපොළ සංවර්ධනය කිරිම සඳහා ඉන්දීය රජය සමඟ අත්සන් කිරීමට අපේක්ෂා කරන අවබෝධතා ගිවිසුම අනුමැතිය ලබාගැනීම සදහා ඉදිරි සති දෙක ඇතුළතදී කැබිනට් මණ්ඩලයට ඉදිරිපත් කරන බව සංචාරක අමාත්‍ය ප්‍රසන්න රණතුංග මහතා පැවැසීය.

26 August 2020

පාම් ඔයිල් කර්මාන්තකරුවෝ ජනපතිට ලියති

කටුපොල් පැල 356,000 කට වැඩි ප්‍රමාණයක් මේ වනවිටත් තවාන්වල ඇති අතර ඒවා වසර තුනකටත් අධික කාලයක් තවාන්වල මෝරමින් ඇති බැවින් එම ප්‍රමාණය වැවීමට අවසර දෙන මෙන් පාම් ඔයිල් කර්මාන්ත කරුවන්ගේ සංගමය ජනාධිපතිවරයාගෙන් ඉල්ලීමක් කරයි.

26 August 2020

අපරාධ නඩු ගොනු 23,645 ක උපදේශන කටයුතු අවසන්

අපරාධ සිද්ධීන් සම්බන්ධයෙන් සිදුකළ විමර්ශන කටයුතු වලින් අනතුරුව නීතීපති දෙපාර්තමේන්තුවට ඉදිරිපත් කළ අපරාධ නඩු ගොනු අතුරින් පසුගිය මාස 18ක කාලය තුළදී ගොනු 23,645 ක උපදේශන කටයුතු අවසන් කළ බව නීතීපතිවරයාගේ සම්බන්ධීකරණ නිලධාරිනි නිරාශා ජයරත්න මෙනවිය අද (26) දැනුම් දුන්නාය.

26 August 2020

’වෙලේ සුදා’ගෙන් විස්කි බෝතල් ගත් ජේලර්ට එරෙහිව විනය පරීක්ෂණයක්

බූස්ස බන්ධනාගාරයේ මරණ දඬුවම ලැබ සිටින ප්‍රධාන පෙළේ මත්ද්‍රව්‍ය ජාවාරම්කරුවකු වන ’වෙලේ සුදා’ නමැත්තාගෙන් විස්කි බෝතල් 100ක් ලබාගත් බව කියන එම බන්ධනාගාරයේ ජේලර්වරයකුට එරෙහිව විනය පරීක්ෂණයක් ආරම්භ කර ඇතැයි බන්ධනාගාර ආරංචි මාර්ග සඳහන් කරයි.

26 August 2020

වීරකැටියේදී නමගිය අපරාධකරුවකු අත්අඩංගුවට

ටී - 56 ගිනි අවියක්, මැගසිනයක්, ජීව පතුරොම් 30ක් සහ හෙරොයින් මත්කුඩු සමඟ දිවයිනේ විවිධ අපරාධ රැසකට සම්බන්ධ යැයි කියන අයකු අද (26) වීරකැටියේදී අත්අඩංගුවට ගත් බව තංගල්ල කොට්ඨාස අපරාධ විමර්ශන ඒකකයේ නිලධාරිහු කියති.

26 August 2020

කඳුකර දිවියෙක් කම්කරු කාන්තාවන් වෙත කඩා පනී

බගවන්තලාව පොලිස් වසමට අයත් ‘කිවු’ තේ වත්තේදී, වැඩ කරමින් සිටි කම්කරු කාන්තාවන් දෙදෙනෙකු මතට අද (26) දිවියෙකු කඩාවැදීම හේතුවෙන් එම කාන්තාවන් තුවාල ලබා බගවන්තලාව ප්‍රාදේශීය රෝහල වෙත ඇතුළත් කර ඇත.

26 August 2020

‘දුම්රිය-බස් රථ ගාස්තු වැඩිකිරීමේ සූදානමක් නැහැ’

දුම්රිය හෝ බස්රථ ගාස්තු වැඩිකිරීමේ කිසිදු සූදානමක් නැතැයි ප්‍රවාහන අමාත්‍ය ගාමිණී ලොකුගේ මහතා ලංකාදීපයට පැවසීය.

26 August 2020