ශ්‍රී ලංකාව ‘‘මධ්‍යස්ථ’’ විදේශ ප්‍රතිපත්තියක් අනුගමනය කරන බවත් එසේ නමුත් උපායමාර්ගික සහ ආරක්ෂක කරුණුවලදී ‘‘ඉන්දියාවට මුල්තැන’’ දී කටයුතු කරන බවත් විදේශ ලේකම් අද්මිරාල් ආචාර්ය ජයනාත් කොළඹගේ මහතා පවසයි.

‘‘උපායාමාර්ගික සහ ආරක්ෂාව සම්බන්ධ කරුණුවලදී අපි ඉන්දියාවට මුල්තැන දී කටයුතු කරනවා. ජනාධිපති ගෝඨාභය රාජපක්ෂ මහතා ඒ බව ප්‍රකාශ කර තිබෙනවා. අපට උපායමාර්ගික ආරක්ෂාව පැත්තෙන් ඉන්දියාවට තර්ජනයක් වෙන්න බැහැ. එසේ වීමට අවශ්‍යත් නැහැ. අපි ඉන්දියාවේ ප්‍රතිලාභ ලැබිය යුතුයි. ආරක්ෂාව සම්බන්ධයෙන් අපි ප්‍රමුඛත්වය දෙන්නේ ඉන්දියාවට. ජනාධිපතිවරයා ඒ බව පැහැදිලිව ප්‍රකාශ කර තිබෙනවා. එහෙත් ආර්ථික සෞභාග්‍ය සම්බන්ධයෙන් ගත්විට අපට අනෙක් පාර්ශව සමඟ ගනුදෙනු කරන්න වෙනවා’’ යැයි අද්මිරාල් ආචාර්ය ජයනාත් කොළඹගේ මහතා පැවැසීය.

රූපවාහිනි නාලිකාවකට අදහස් දක්වමින් හෙතෙම ඒ බව සඳහන් කළේය.

මධ්‍යස්ථ විදේශ ප්‍රතිපත්තියක් අනුගමනය කරන අතරවාරයේදීම ශ්‍රී ලංකාව ඉන්දියාවේ උපායමාර්ගික අභිලාෂ ආරක්ෂා කරන බව ද ඔහු කීවේය.

හම්බන්තොට වරාය 99 අවුරුදු බද්දක් යටතේ චීනයට ලබාදීම ‘‘වරදක්’’ යැයි ද විදේශ ලේකම්වරයා කීය.

‘ද ටයිම්ස් ඔෆ් ඉන්දියා’

055