එසැණ පුවත්

මල්ලී අපයෝජනය කළ අයියා අල්ලයි

වනාතවිල්ලුව ප්‍රදේශයේ ගම්මානයක තම බාල සොහොයුරා අපයෝජනය කළ බව කියන වයස අවුරුදු 17ක සිසුවකු අත් අඩංගුවට ගත් බව වනාතවිල්ලුව පොලිසිය පවසයි.

15 March 2018

නීතීඥ සංගම් රීට් පෙත්සම් විභාගයෙන් විසිනුරුවරු දෙදෙනෙක් ඉවත්වෙති

අල්ලස් පනත යටතේ අභියාචනාධිකරණ විනිසුරු ඒ.එච්.එම්.නවාස් සහ හිටපු අගවිනිසුරු මොහාන් පීරිස් මහත්වරුන්ට එරෙහිව කොළඹ මහේස්ත‍්‍රාත් අධිකරණයේ ගොනු කර ඇති පැමිණිල්ල විභාගයට ගැනීම වළක්වාලන අතුරු නියෝගයක් ඉල්ලා ගොනු කළ රිට් පෙත්සම් විභාගයෙන් ශ්‍රේෂ්ඨාධිකරණ විනිසුරුවරු දෙනෙකු අද (15) ඉවත් වූහ.

15 March 2018

ලක්ෂ 106 ක භාණ්ඩ තොගයක් රේගුවෙන් අත්අඩංගුවට

කපු නූල් කිලෝ ග්‍රෑම් 2650 ක් බවට රේගුවට පවසමින් ලංකාවට ගෙන්වීමට තහනම් කරන ලද ගලයිෆොසෙට් පැකට් 10,000 ක් දුම්කුඩු ග්‍රෑම් ඇසුරුම් තිස්පන්දහසක් ,පාවහන් සහ දුම්වැටි ඇතුළු ලක්ෂ 106 ක වටිනාකමකින් යුත් භාණ්ඩ තොගයක් පෑලියගොඩ නව නුගේ පාරේ රේගු ගුදමේදී ශ්‍රී ලංකා රේගු නිවාරණ අංශය මගින් අද (15) අත්අඩංගුවට ගනු ලැබීය.

15 March 2018

‘වඳභාවය ඇති කළ හැකි පෙත්තක් මෙතෙක් සොයාගෙන නැහැ‘

බටහිර වෛද්‍ය ක්‍රමය අනුව වඳභාවය ඇති කළ හැකි පෙත්තක් සොයා ගෙන නැති බව ප්‍රජනන වෛද්‍ය විද්‍යාව පිළිබඳ මහාචාර්ය චන්දිකා විජේරත්න මහත්මිය අද (15) ශ්‍රී ලංකා වෛද්‍ය සංගමයේ මාධ්‍ය හමුවක දී පැවසීය.

15 March 2018

ලසන්ත ඝාතනයේ සාක්කි විනාශ කළැයි පොලිස් නිලධාරීන් තවදුරටත් රිමාන්ඩ්

සන්ඩේ ලීඩර් හිටපු කර්තෘ ලසන්ත වික්‍රමතුංග මහතාගේ ඝාතනය සම්බන්ධයෙන් සැකපිට රිමාන්ඩ් කර සිටින හිටපු ජ්‍යෙෂ්ඨ නියෝජ්‍ය පොලිස්පති හේමන්ති ප්‍රසන්න නානායක්කාර මහතා සහ උප පොලිස් පරීක්ෂක හෙට්ටිආරච්චිගේ තිස්සසිරි සුගතපාල මහතා ලබන 29 වැනිදා තෙක් රිමාන්ඩ් කරන ලෙස ගල්කිස්ස සහේස්ත්‍රාත් අධිකරණය නියෝග කළේය.

15 March 2018

ධීවරයින්ට ලබා දෙන භූමිතෙල් සහනාධාරය විකිණිමේ ජාවාරමක්

ත්‍රිකුණාමල කින්නියා ධීවර ඉන්ධන පිරවුම්හලට රජය මඟින් ලබාදෙන සහනාධාර භූමිතෙල් ප්‍රදේශයේ බස් හා ලොරි රථ වලට අලෙවි කරන ජාවාරමක් පිළිබඳ තොරතුරු අනාවරණය කරගැනීමට ලංකා ඛනිජ තෙල් නීතිගත සංස්ථාවේ වැටලීම් අද (15) සමත්ව තිබේ.

15 March 2018

ලක්ෂ 18 ක මත්කුඩු සමඟ අයෙක් දැලේ

රුපියල් ලක්ෂ 18 ක් අධික වටිනා හෙරොයින් මත්කුඩු තොගයක් සමග ජාවාරම්කරුවකු කොටහේන ප‍්‍රදේශයේ දී පොලිස් මත්ද්‍රව්‍ය නාශක කාර්යාංශය විසින් අත්අඩංගුවට ගෙන ඇති බව පොලිසිය කියයි.

15 March 2018

ඥානසාර හිමියන්ට වරෙන්තු

ගලගොඩඅත්තේ ඥානසාර හිමියන් අත්අඩංගුවට ගෙන අධිකරණයට ඉදිරිපත් කරන ලෙස දැනුම් දෙමින් කොළඹ ප්‍රධාන මහේස්ත්‍රාත් අධිකරණය අද (15) වරෙන්තු නිකුත් කළේය.

15 March 2018

දින නවයකට පසු ෆේස්බුක් අවහිරය ඉවතට

⁣මහනුවර ඇතිවූ කළහකාරී සිදුවීමත් සමඟ ෆේස්බුක් සමාජ ජාලය අවහිර කරමින් රජය විසින් ගනු ලැබූ තීරණය දින නවයකට පසු ඉවත් කර තිබේ.

15 March 2018

මව් පිය සෙනහස අහිමි වු දරුවන්ට පොලීසියෙන් රැකවරණය

මා පිය රැකවරණයක් නොමැතිව ගලේවෙල බේලියකන්ද ප‍්‍රදේශයේ වත්තක පිහිටි මඩුවක දමා ගොස් සිටි වයස අවුරුදු එකහමාරක හා හතරක දරුවන් දෙදෙනෙකු අද (15) සොයාගත් බව ගලේවෙල පොලිසිය පවසයි.

15 March 2018

හිටපු මහ බැංකු අධිපති අත්අඩංගුවට ගන්න වරෙන්තු

හිටපු මහ බැංකු අධිපති අර්ජුන් මහේන්ද්‍රන් අත්අඩංගුවට ගෙන අධිකරණට ඉදිරිපත් කරන ලෙස කොළඹ කොටුව මහේස්ත්‍රාත් ලංකා ජයරත්න මෙනවිය අද (15) වරෙන්තුවක් නිකුත් කළාය.

15 March 2018

‘සමාජ මාධ්‍ය රජයේ අත්අඩංගුවෙන් මුදන්න‘ - ජවිපෙ කියයි

අන්තර්ජාල සමාජ මාධ්‍ය කඩිනමින් ආණ්ඩුවේ ‘අත්අඩංගුවෙන්’ මුදා හැරීමට පියවර ගන්නා ලෙසත් ජනතාවගේ පුළුල් ප‍්‍රජාතන්ත‍්‍රීය අයිතිවාසිකම් උල්ලංඝනය කරන මාධ්‍ය මර්දනයකට නොකරන ලෙසත් ඉල්ලමින් ජනතා විමුක්ති පෙරමුණේ ප‍්‍රචාරක ලේකම් විජිත හේරත් මහතා මුදල් හා ජනමාධ්‍ය අමාත්‍ය මංගල සමරවීර මහතා වෙත ලිපියක් යවා ඇත.

15 March 2018

මුලතිව් ඉඩමක ජීව මෝටාර් බෝම්බයක්

මුලතිව් ශිලාවත්ත දියෝගනගර්හි නැවත පදිංචි ගම්මානයේ ඉඩමක තිබී ජීව මෝටාර් බොම්බයක් සොයාගත් බව මුලතිව් පොලීසිය පවසයි.

15 March 2018

නීතී විරෝධිව ගෙන ආ විදේශිය දුම්වැටි සමඟ ලාංකියා දැලේ

නීතිවිරෝධී ලෙස ශ්‍රී ලංකාවට රැගෙන ආ රුපියල් 2,10,000 ක් පමණ වටිනාකමකින් යුතු විදේශීය දුම්වැටි තොගයක් අද (15) අලුයම කටුනායක ගුවන් තොටුපොළේ දී රේගු නිලධාරීන් විසින් අත් අඩංගුවට ගෙන තිබේ.

15 March 2018

ඇලෝසියස්-පලිසේන උසාවියට

බැඳුම්කර වංචාව සම්බන්ධයෙන් රිමාන්ඩ් බාරයේ සිටි පර්පචුවල් ට්‍රෙෂරීස් සමාගමේ හිමිකරු අර්ජුන ඇලෝසියස් සහ එහි ප්‍රධාන විධායක නිලධාරී කසුන් පලිසේන අද (15) කොටුව මහේස්ත්‍රාත් උසාවිය වෙත රැගෙන එනු ලැබීය.

15 March 2018

මිතුරන් දෙදෙනාට ටිපරයෙන් මරුවා එයි

වැලිගම කප්පරතොටදී මෝටර් රථයක් හා ටිපර් රථයක් මුහුණට මුහුණලා ගැටී අද (15) උදෑසන සිදු වු අනතුරකින් මෝටර් රථයෙහි ගමන් කළ තරුණයින් දෙදෙනා මියගොස් ඇතැයි පොලීසිය පවසයි.

15 March 2018

හදිසි නීතිය ඉවත් කිරීම ජනපති ලංකාවට පැමිණි පසු

මහනුවර ඇතිවූ කළහකාරී සිදුවීම් සමග ජනාධිපතිවරයා විසින් පවන ලද හදිසි නීති රෙගුලාසි ඉවත් කිරීම සම්බන්ධයෙන් තීරණයක් ගන්නේ ජනාධිපති මෛත්‍රීපාල සිරිසේන මහතා විදේශ සංචාරය නිමවී ලංකාවට පැමිණි පසුව බව ජනාධිපති ලේකම් ඔස්ටින් ප්‍රනාන්දු මහතා ලංකාදීපයට පැවසීය.

14 March 2018

අායුර්වේද දෙපාර්තමේන්තු නීති නිලධාරියෙකුත් අල්ලස් ගනිද්දී අල්ලයි

රුපියල් ලක්ෂ තුනක අල්ලසක් ඉල්ලා රුපියල් 50,000ක අත්තිකාරමක් ලබා ගැනීමට උත්සාහ කළ බව කියන ආයුර්වේද දෙපාර්තමේන්තුවේ සහකාර නීතී නිලධාරියකු සහ සූත්‍ර කමිටු සාමාජිකයකු අද (14) අත්අඩංගුවට ගත් බව අල්ලස් හෝ දූෂණ චෝදනා විමර්ශන කොමිෂන් සභාව කියයි.

14 March 2018

පළාත් පාලන ආයතන බලය පිහිටුවීම 22 දා

පළාත් පාලන ආයතන 326 ක බලය පිහිටුවීම මෙ මස 22 වැනිදා සිට සිදු කරන බව පළාත් සභා පළාත් පාලන අමාත්‍ය ෆයිසර් මුස්තාපා මහතා පවසයි.

14 March 2018

දිනේෂ්ගේ පෙත්සමට අතරමැදි පෙත්සම් 11ක්

විශේෂ මහාධිකරණ තුනක් පිහිටුවීමේ විධි විධාන ඇතුළත් , අධිකරණ සංවිධාන පනත් කෙටුම්පතට එරෙහිව ඒකාබද්ධ විපක්ෂයේ නායක දිනේෂ් ගුණවර්ධන මහතා ගොනු කළ පෙත්සමට කරුණු දැක්වීමට මැදිහත් වන්න අවසර ඉල්ලා දේශපාලන නියෝජිතයින් හා සිවිල් සංවිධාන නියෝජනය කරමින් කිහිපදෙනෙක් අද (15) ශ්‍රේෂ්ඨාධිකරණය හමුවේ අතරමැදි පෙත්ස්ම් ගොනුකළහ.

14 March 2018

අගමැති ලේකම් නමින් පොලිසිවලට බලපෑම් කරලා

අග්‍රමාත්‍ය ලේකම් යනුවෙන් පවසමින් දිවයිනේ විවිධ පොලිස් ස්ථාන වලට කතා කරමින් පෞද්ගලික අවශ්‍යතාවයන් ඉටුකරගත් පුද්ගලයකු සම්බන්ධයෙන් වහාම විමර්ශන සිදු කරන ලෙස අග්‍රමාත්‍ය ලේකම් සමන් ඒකනායක මහතා ඉහළ පොලිස් නිළධාරින් වෙත අද(14) දිනයේ දැනුම් දි තිබේ.

14 March 2018

ජනපති ලේකම් කාර්යාල ප්‍රධානීහු හෙට ෆේස්බුක් නියෝජිතයන් හමුවෙති

ජනාධිපති ලේකම් ඔස්ටින් ප්‍රනාන්දු මහතා ඇතුළු උසස් නිලධාරීන් පිරිසක් හෙට ෆේස්බුක් සමාගමේ ඉන්දියානු නියෝජිතයන් පිරිසක් හමුවීමට නිමිත බව ජනාධිපති ලේකම් කාර්යාල ආරංචි මාර්ග කියයි.

14 March 2018

වී අස්වනු මිලදී ගන්න වී අලෙවි මණ්ඩලය සුදානම්

මෙවර මහ කන්නයේ වී අස්වැන්න මිලදී ගැනීම සඳහා වී අලෙවි මණ්ඩලය යටතේ පවතින වී ගබඩා 200ක් සුදානම් කර තිබෙන බව ග්‍රාමීය ආර්ථිකය පිළිබඳ අමාත්‍යාංශය සඳහන් කරයි.

14 March 2018

ඊවා වනසුන්දර පක්ෂග්‍රාහීව කටයුතු කර ඇතැයි අල්ලස් කොමිසම කියයි

හිටපු අගවිනිසුරු මොහාන් පීරිස් සහ අභියාචානාධිකරණ විනිසුරු ඒ.එච්.එම්.නවාස් මහතාට එරෙහිව අල්ලස් කොමිසම කොළඹ මහේස්ත‍්‍රාත් අධිකරණයේ ගොනු කර ඇති පැමිණිල්ල විභාගයට ගැනීම අත්හිටුවීමට නියෝග කළ ශ්‍රේෂ්ඨාධිකරණ විනිසුරු මඩුල්ලේ සාමාජිකයෙකු ලෙස කටයුතු කළ ඊවා වනසුන්දර මහත්මිය පක්ෂග‍්‍රාහීව කටයුතු කර ඇතැයි සඳහන් කරමින් එම නියෝගය අවලංගු කරන ලෙස ඉල්ලා අල්ලස් කොමිසම ශ්‍රේෂ්ඨාධිකරණය හමුවේ අද (14) රිට් පෙත්සමක් ගොනු කර ඇත.

14 March 2018

‘සීනිගොඩ පැට්ටා’ සමඟ තවත් අයෙක් අත්අඩංගුවට

විවිධ වර්ගයේ ගිනි අවි නිෂ්පාදනය කර කාලයක් තිස්සේ මුදලට අලෙවි කිරිමේ යෙදුණු යුද හමුදාවෙන් පලා ආ සෙබළකු වන සීනිගොඩ පැට්ටා නැමැත්තා හා තවත් පුද්ගලයකු අද (14) අත්අඩංගුවට ගත් බව කලුතර දිසා අපරාධ ඒකකය කියයි.

14 March 2018

වට්ස්ඇප් තහනමත් ඉවතට

සමාජ මාධ්‍ය අවහිර කිරීමත් සමඟ රජය විසින් අවහිර කරනු ලැබූ වට්ස්ඇප් සමාජ ජාලය වෙත පිවිසීමේ අවස්ථාව ලබා දෙන ලෙස ජනාධිපති ලේකම් කාර්යාලය සහ ආරක්ෂක අමාත්‍යංශය විදුලි සංදේශ නියාමන කොමිෂන් සභාවට දැනුම් දී තිබේ.

14 March 2018

අල්ලස් ගත් සීදුව ඕඅයිසී රිමාන්ඩ්

සීදුව පොලිස් ස්ථානයේ අපරාධ අංශයේ ස්ථානාධිපතිවරයා ලබන 28 වැනි දා දක්වා රිමාන්ඩ් කරන ලෙස කොළඹ ප්‍රධාන මහේස්ත්‍රාත් බණ්ඩාර රණසිංහ මහතා අද (14) නියෝග කළේය.

14 March 2018

හිටපු අගවිනිසුරුගේ පෙත්සම යළි කැඳවන්නැයි ඉල්ලයි

හිටපු අගවිනිසුරු මොහාන් පිරිස් මහතාට සහ අභියාචනාධිකරණ විනිසුරු නවාස් මහතාට එරෙහිව අල්ලස් කොමිසම විසින් පවරන ලද නඩුව විභාගයට ගැනීම වළකාලමින් ශ්‍රේෂ්ඨාධිකරණය දුන් නියෝගය නැවත සළකා බැලීම සඳහා එම පෙත්සම යළි කැඳවන්නැයි අල්ලස් කොමිසම අද (14) ඉල්ලීමක් කළේය.

14 March 2018