එසැණ පුවත්

ප්‍රේමලාල් ජයසේකර බන්ධනාගාරයේ සිට පාර්ලිමේන්තු යන්න අවසර ඉල්ලයි

වැලිකඩ බන්ධනාගාරයේ මරණ දඬුවම නියම වී සිටින හිටපු නියෝජ්‍ය අමාත්‍යවරයකු වන ප්‍රේමලාල් ජයසේකර හෙවත් ’චොකා මල්ලී’ අගෝස්තු 20 වනදා පැවැත්වෙන පාර්ලිමේන්තුවේ මංගල සභා රැස්වීමට සහභාගී වීම සඳහා බන්ධනාගාර අධිකාරියෙන් අවසර ඉල්ලා ඇතැයි බන්ධනාගාර ආරංචි මාර්ග අනාවරණය කරයි.

12 August 2020

එදාවේල සොයාගත් පිරිසකට අයත් බොලේරෝ රියට ගිනිතියයි

ලේවෙල නගරයේ සතිපොළ භුමියේ තාවකාලිකව නවාතැන් ගෙන සිටි, සිය ජීවිකාව සඳහා ගමින් ගම යමින් එදිනෙදා වියදම උපයාගන්නා පිරිසක් පිරිසකට අයත් බොලේරෝ වර්ගයේ රථයක් ගිනිතබා විනාශකර තිබේ. බහින් බස්විමක් දුරදිගයාමෙන් ඇතිවූ මෙම ගැටුමට පසුව බොලේරෝ රථයට ගිනිතබා විනාශකළේ යැයි කියන ගලේවෙල ප්‍රදේශිය සභාවේ කම්කරුවන් තිදෙනෙකු අද( 12) සැකපිට අත්අඩංගුවට ගෙන ඇතැයි ගලේවෙල පොලිසිය පවසයි.

12 August 2020

බන්ධනාගාරයට දුම්කොළ ගෙනයන්න හැදූ නියාමකගේ වැඩ තහනම්

සිය නිල ඇඳුමේ හිස්වැස්මක සඟවා කළුතර බන්ධනාගාරය තුළට දුම්කොළ රැගෙන යාමට තැත්කළ බන්ධනාගාර නියාමකවරයකුගේ වැඩ තහනම් කළ බව බන්ධනාගාර මූලස්ථානය පවසයි.

12 August 2020

මාලක සිල්වාට ඇප

අත්අඩංගුවට ගත් මාලක සිල්වා කඩුවෙල අධිකරණය වෙත ඉදිරිපත් කිරීමෙන් පසු රුපියල් ලක්ෂ 5 බැගින් වූ ශරීර ඇප දෙකක් මත මුදා හරින ලෙස කඩුවෙල ප්‍රධාන මහේස්ත්‍රාත් ප්‍රසන්න අල්විස් මහතා නියෝග කළේය.

12 August 2020

තවත් 16ක් සුවය ලබා පිටව යති

කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 16දෙනෙකු සුවය ලබා අද(12) පිටව ගිය බව වසංගත රෝග විද්‍යා අංශය කියයි.

12 August 2020

ලක්ෂ 5ක වෙනිවැල්ගැට තොගයක් පිටිගල නිවාස දෙකක සඟවලා

බලපත්‍ර නොමැතිව, පිටිගල බඹරවාන ප්‍රදේශයේ නිවාස දෙකක සඟවාගෙන තිබූ රුපියල් ලක්ෂ පහකට අධික වටිනාකමක් ඇති වෙනිවැල්ගැට කිලෝ 1205ක් සමග සැකකරුවන් දෙදෙනකු අද(12) අත්අඩංගුවට ගත් බව ඇල්පිටිය වන සංරක්ෂණ නිලධාරීහු කියති.

12 August 2020

වැටුප් වර්ධක ඉල්ලා වරාය සේවකයෝ විරෝධතාවයක

වැටුප් වර්ධක ලබා දීම ඇතුළු ඉල්ලීම් කිහිපයක් මුල්කර ගනිමින් වරාය නගරයේ ප්‍රධාන ගේට්ටුව ඉදිරිපිට සේවකයෝ පිරිසක් අද (12) විරෝධතාවයක නිරතවුහ.

12 August 2020

ගලේවෙල අලුත්වැව වයඹ ඇළේ සේවකයෝ විරෝධතාවක

වයඹ පළාත් ඇළ ව්‍යාපෘතිය හා සම්බන්ධව ගලේවෙල අලුත්වැව ප්‍රදේශයේ ඉදිකිරීම් කටයුතු කරන උප කොන්ත්‍රාත් සමාගමක සේවකයෝ පිරිසක් අද(12) ගලේවෙල අලුත්වැව මංසංධියට පැමිණ විරෝධතාවක නිරත වූහ.

12 August 2020

එජාපයේ නාගරික මන්ත්‍රීවරුන් 19 දා සිරිකොතට කැඳවයි

කොළඹ නගරාධිපතිනි රෝසි සේනානායක මහත්මිය ඇතුළු එක්සත් ජාතික පක්ෂ මන්ත්‍රීවරුන් කිහිපදෙනෙකු පිළිබඳව පැන නැගී ඇති ගැටලු කිහිපයක් සම්බන්ධයෙන් සාකච්ඡා කිරීම සඳහා පක්ෂයේ නාගරික මන්ත්‍රීවරුන් සියලු දෙනා අගෝස්තු 19 වැනි දින සිරිකොතට කැඳවා ඇතැයි එම නගර සභා ආරංචි මාර්ග අනාවරණය කරයි.

12 August 2020

හිටපු ඇමැතිවරු 7 ක් කැබිනට්ටුවෙන් හැලෙති

පසුගිය රජයේ හිටපු ප්‍රබල ඇමැතිවරු හත් දෙනකුට මෙවර අමාත්‍ය මණ්ඩලයේ කිසිඳු තනතුරක් හිමි වී නොමැත.

12 August 2020

ඇමැති මණ්ඩලයට සුබ පැතුම් සමඟ පණිවිඩයක්

මහනුවර ඓතිහාසික මඟු‍ල් මඩුවේදී අද (12) පෙරවරුවේ ජනාධිපති ගෝඨාභය රාජපක්ෂ මහතා ඉදිරියේදී දිවුරුම් දෙන කැබිනට් ඇමැතිවරුන් 28 දෙනාට සහ රාජ්‍ය ඇමැතිවරුන් 40 දෙනාට මුලින්ම අපගේ උණුසුම් සුභාශිංසන පිරිනැමීමට කැමැත්තෙමු.

12 August 2020

මඩු දේවස්ථානයේ වාර්ෂික මංගල්‍යය 14-15දා

ජපමාල දේවමාතාවන් නමින් කැප කර ඇති වන්නිකරයේ මඩු සිද්ධස්ථානයේ වාර්ෂික අගෝස්තු මහ මංගල්‍යය 14 හා 15 වන දිනයන්හි සුපුරුදු අයුරින් පැවැත්වීමට සියලු කටයුතු සුදානම් කර ඇති බව සිද්ධස්ථානයේ පාලක පෙප්පි සුසෙයි පියතුමා සඳහන් කළේය.

12 August 2020

මාලිමාවේ ජාතික ලයිස්තු මන්ත්‍රී ධූරය ජ්‍යෙෂ්ඨ කථිකාචාර්ය හරිනි අමරසූරියට

ජාතික ජනබලවේගයේ ජාතික ලැයිස්තු මන්ත්‍රීධුරය සඳහා විවෘත විශ්ව විද්‍යාලයේ සමාජ විද්‍යා අධ්‍යයනාංශයේ ජ්‍යෙෂ්ඨ කථිකාචාර්ය ආචාර්ය හරිනි අමරසුරිය මහත්මිය පත් කිරිමට එහි විධායක සභාව තීරණය කර ඇති බව එම සංවිධානය අද (12) නිවේදනයක් නිකුත් කරමින් සඳහන් කර තිබේ.

12 August 2020

නව ඇමැති මණ්ඩලය

නව රජයේ කැබිනට් මණ්ඩලය දිවුරුම් දීම ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද (12) උදෑසන මහනුවර මඟුල් මඩුවේ දී ඇරඹිණි.

12 August 2020

කෝටි දෙකහමාරක මත්පෙති ගුවන්තොටේදී අත්අඩංගුවට

රුපියල් දෙකෝටි හතලිස් අට ලක්ෂයක් වටිනා (2,48,00,000) මත්පෙති 4960 ක් ඇඟලුම් බහාලූ පෙට්ටියක සඟවා කටුනායක භාණ්ඩ නිශ්කාශන මධ්‍යස්ථානය වෙත ගුවන් මගින් එවා තිබියදී රේගු මත්ද්‍රව්‍ය පාලන අංශයේ නිලධාරීන් අද (11) අත්අඩංගුවට ගෙන ඇති බව රේගු මාධ්‍ය ප්‍රකාශක අතිරේක රේගු අධ්‍යක්ෂ ජනරාල් සුනිල් ජයරත්න මහතා පැවසීය.

12 August 2020

වත්කම් බැරකම් නොදුන් අපේක්ෂකයන්ගේ නාම ලේඛනය අල්ලස් කොමිසමට

මහ මැතිවරණයට ඉදිරිපත් වී පරාජයට පත්වූ අපේක්ෂකයන් අතරින් මේ වනතුරුත් වත්කම් බැරකම් ප්‍රකාශ ලබා නොදුන් අපේක්ෂකයන්ගේ නාම ලේඛනය අල්ලස් හෝ දූෂණ විමර්ශන කොමිසම වෙත භාරදීමට කටයුතු කරන බව පැෆරල් සංවිධානය කියයි.

11 August 2020

නව ඇමැති මණ්ඩලය හෙට දිවුරුම් දෙති

මහනුවර මඟුල් මඩුවේදී හෙට (12) පෙරවරුවේ දිවුරුම් දෙන කැබිනට් මණ්ඩලයේ විදේශ කටයුතු අමාත්‍යධූරය දිනේෂ් ගුණවර්ධන මහතාටද , අධ්‍යාපන ඇමැතිධූරය ශ්‍රී ලංකා පොදුජන පෙරමුණේ සභාපති මහචාර්ය ජී.එල් පීරිස් මහතාටද හිමිවනු ඇතැයි රජයේ ආරංචි මාර්ග සඳහන් කරයි.

11 August 2020

මර්වින් සිල්වාගේ පුත් මාලක අත්අඩංගුවට

බත්තරමුල්ල වික්‍රමසිංහපුර ව්‍යාපාරිකයකුගෙන් රුපියල් ලක්ෂයක කප්පමක් ඉල්ලීමේ සිද්ධියකට සම්බන්ධ හිටපු අමාත්‍ය මර්වින් සිල්වා මහතාගේ පුත් මාලක සිල්වා මහතා තලංගම පොලිසිය අසල දී අද (11) අත්අඩංගුවට ගත් බව තලංගම පොලිසිය කියයි.

11 August 2020

එමිල් රන්ජන්ගෙන් දේශපාලන පළිගැනීම් ගැන තිදෙනෙකුට චෝදනා

වැලිකඩ බන්ධනාගාරයේ හිටපු කොමසාරිස් එමිල් රංජන් ළමාහේවා මහතා දේශපාලන පළිගැනීම් පිළිබඳ විමර්ශනය කරන ජනාධිපති කොමිසමට කර ඇති පැමිණිල්ලට අදාළව යහපාලන ආණ්ඩුවේ හිටපු අමාත්‍යවරියක ඇතුළු තිදෙනෙකු වගඋත්තරකරුවන් ලෙස එම ජනාධිපති කොමිසමේ සභාපති විශ්‍රාමික ශ්‍රේෂ්ඨාධිකරණ විනිසුරු උපාලි අබේරත්න මහතා විසින් අද (11) නම් කරනු ලැබ සිටියේය.

11 August 2020

බොල්ගොඩ ගඟේ ගිලී අතුරුදන් වූ පුද්ගලයාගේ සිරුර හමුවෙයි

සිය ඥාති සහෝදරිය බේරා ගැනීමට ගොස් බොල්ගොඩ ගගේ ගිලී අතුරුදන් වූ එක් දරු පියාගේ සිරුර හමු වූ බව බණ්ඩාරගම පොලිසිය කියයි.

11 August 2020

ජී. ඇම්. අජිත් කවියා අභාවප්‍රාප්ත වෙයි

ප්‍රසිද්ධ හා දක්‍ෂ හිටිවන කවියකු වූ ජී. ඇම්. අජිත් මහතා අභාවප්‍රාප්ත විය.

11 August 2020

ලක්ෂ 35 ක කේරල ගංජා සමඟ අයෙක් අත්අඩංගුවට

රුපියල් ලක්ෂ 35 කට ආසන්න වටිනා කේරල ගංජා තොගයක් සමඟ පුද්ගලයෙක් දෙහිවලදී අත්අඩංගුවට ගත් බව පොලිස් විශේෂ කාර්ය බලකා සංවිධානාත්මක අපරාධ මර්දන ඒකකය කියයි.

11 August 2020

කොරෝනා ආසාදිතයින් 9 ක්

කොරෝනා ආසාදිතයින් 9 දෙනෙකු හඳුනාගැනීමත් සමඟ අද (11) වනවිට මෙරටින් හඳුනාගත් සමස්ථ ආසාදිතයින් ගණන 2880 දක්වා ඉහළ ගොස් ඇති බව සෞඛ්‍ය අංශ පවසති.

11 August 2020

පරිසර යුක්ති කේන්ද්‍රය ගොනු කළ පෙත්සම සලකා බැලීම 15දා

අලි ඇතුන් හා සම්බන්ධ ජාතික සැලැස්මක් සකස් කරන ලෙසත් ,හබරණ ප්‍රදේශයේ සිදු වන අලි මරණ සම්බන්ධයෙන් වගකිවයුත්තතන් වහා අත්අඩංගුවට ගෙන , ඒවා සම්බන්ධයෙන් නිසි ලෙස විමර්ශනය කරන ලෙසට වනජීවී අධ්‍යක්ෂවරයා, පරිසර අමාත්‍යවරයා සහ පොලිස්පතිවරයා ඇතුළු බලධාරීන්ට නියෝග කරන්නැයි ඉල්ලා පරිසර යුක්ති කේන්ද්‍රය ගොනු කළ පෙත්සම අභියාචනාධිකරණය හමුවේ ලබන ඔක්තෝබර් 15 වැනිදා සලකා බැලීමට නියමිතය.

11 August 2020

දේශපාලන පළිගැනීම් විමර්ශන ඒකකයට පැමිණිලි 1842 ක්

දේශපාලන පළිගැනීම් පිළිබඳ විමර්ශනය කරන ජනාධිපති කොමිසම යටතේ ස්ථාපිත විශේෂ පොලිස් ඒකකයට අලුතින් පැමිණිලි 162 ක් ලැබී ඇති බව එම ජනාධිපති කොමිසමේ ආරංචි මාර්ග සඳහන් කරයි.එම පැමිණිලි අතරින් පැමිණිලි 48 ක් අදාළ විමර්ශන අවසන් කර විභාග කිරීම සඳහා ජනාධිපති කොමිසම වෙත යොමු කර තිබේ.

11 August 2020

අගමැති තොරතුරු අන්තර්ජාලය ඔස්සේ පාර්ලිමේන්තුවට

පාර්ලිමේන්තුව විසින් මන්ත්‍රීවරුන් සඳහා සකස් කර ඇති අයදුම්පත (අන්තර්ජාලය ඔස්සේ) පුරවා සිය ජීවදත්ත තොරතුරු පාර්ලිමේන්තු මහ ලේකම් කාර්යාලය වෙත ලබාදීමට අග්‍රාමාත්‍ය මහින්ද රාජපක්ෂ මහතා අද(11) කටයුතු කළේය.

11 August 2020

ලක්ෂ 6 මත්කුඩු සමඟ සිව්දෙනකු අත්අඩංගුවට

වැලිකඩ බන්ධනාගාරයේ රැඳවියකු මෙහෙයවන මත්කුඩු ජාවාරමකට සම්බන්ධ කාන්තාවක් ඇතුළු පුද්ගලයන් සිව්දෙනෙකු රුපියල් ලක්ෂ 6 කට අධික වටිනා මත්කුඩු සහ මුදල් සමඟ අත්අඩංගුවට ගත් බව පිළියන්දළ පොලිසිය කියයි.

11 August 2020

වැලිකඩ සිර වාට්ටුවකින් ජංගම දුරකතන ඇතුළු උපාංග රැසක් සොයාගනී

වැලිකඩ බන්ධනාගාරයේ කාන්තා අංශයේ සිදු කරන ලද හදිසි සෝදිසි මෙහෙයුමකදී එහි සිර වාට්ටුවක සඟවා තිබූ ජංගම දුරකතන ඇතුළු උපාංග තොගයක් බුද්ධි අංශ කාන්තා නිලධාරීන් කණ්ඩායමක් විසින් අත්අඩංගුවට ගෙන ඇතැයි එම බන්ධනාගාර ආරංචිමාර්ග කියයි.

11 August 2020