එසැණ පුවත්

අන්තර්කාලීන ආණ්ඩුවක් පිහිටවනු

ජනපති අගමැති-අගමැති ඉවත්වීමෙන් පසුව ජනතා අරගලයේ අපේක්ෂාවලට අනුව අන්තර්කාලීන ආණ්ඩුවක් පිහිටවිය යුතු බව අරගලකරුවෝ ජනාධිපති මන්දිරයේ පැවති මාධ්‍ය හමුවේ දී පැවැසූහ.

09 July 2022

මෙරට අරගලය ජාත්‍යාන්තර මාධ්‍ය ඇසින්

ශ්‍රී ලංකාවේ පැවැත්වෙන දැවැන්ත විරෝධතාව සම්බන්ධයෙන් ජාත්‍යන්තර මාධ්‍ය දැඩි අවධානයක් යොමු කළේය. ලෝකයේ සෑම රටකම පාහේ ප්‍රධාන මාධ්‍ය ආයතන ඒ අතර විය.

09 July 2022

පොහොට්ටුවේ පිරිසක් තනතුරින් යන්නැයි ජනපතිට කියයි

රටේ පවතින තත්වය සැලකිල්ලට ගෙන වහාම ජනපති ධුරයෙන් ඉවත්වන ලෙස ශ්‍රී ලංකා පොදුජන පෙරමුණේ මන්ත්‍රීවරු පිරිසක් ජනාධිපති වරයාට ලිපියක් යොමු කරමින් ඉල්ලීමක් කරති.

09 July 2022

පක්ෂ නායක රැස්විමට සමගි බල වේගය නෑ

අගමැති රනිල් වික්‍රමසිංහ මහතා විසින් කැඳවා ඇති එම පක්ෂ නායක රැස්වීමට සමගි ජන බලවේගය සහභාගි නොවන බව, විපක්ෂ නායක සජිත් ප්‍රේමදාස නිවේදනයක් නිකුත් කරමින් පැවසීය.

09 July 2022

ජනපති නිල නිවස අරගලකරුවන්ගේ සැණකෙළි භූමියක් වෙයි

කොළඹ ජනාධිපති නිල නිවසට ඇතුළු වූ අරගලකරුවන් එහි නාන තටාකයට බැස දිය කෙළින අයුරු ද නිල නිවසේ වහලයට නැඟ සැරිසරන අයුරු ද දැකගත හැකිය.

09 July 2022

රාජිතටත් ප්‍රහාරයක්

පාර්ලිමේන්තු මන්ත්‍රී රාජිත සේනාරත්න මහතා අරගලකරුවන් ගේ ප්‍රහාරයකට ලක් වී ඇතැයි වාර්තා වෙයි.

09 July 2022

ප්‍රභූන් පිරිසක් නැව් දෙකකට නඟිති

ශ්‍රී ලංකා නාවික හමුදාවට අයත් සිදුරළ සහ ගජබා නෞකා දෙකෙන් ප්‍රභූ පිරිසක් කොළඹ වරායෙන් පිටත් ව යන අයුරු සමාජමාධ්‍යවල වීඩියෝවක් සංසරණය වෙයි.

09 July 2022

සජිත් රෝහල්ගත කරයි

විපක්ෂ නායක සජිත් ප්‍රේමදාස මහතා සාමාන්‍ය රෝගී තත්වයක් නිසා රෝහල් ගත කර ඇතැයි සජබ ආරංචි මාර්ග සඳහන් කරයි.

09 July 2022

අලුත උපන් දරුවන් රැගෙන යන්න පොලිසියේ උපකාරය

අලුත උපන් නිවුන් දරුවාන් දෙදෙනකු සමඟ මහා මඟ සිටි මවක පියකු කලවාන පොලිසිය මැදිහත්වීම මත පෞද්ගලික ලොරි රථයක සිය නිවස කරා යැවීමට කටයුතු කරනු ලැබුණි.

09 July 2022

ජනාධිපති ලේකම් කාර්යාලයටත් පිරිස ඇතුළු වෙයි

ගාලු මෝදර පිහිටි ජනාධිපති ලේකම් කාර්යාලයට මීට සුළු මොහොතකට පෙර අරගලකරුවන් ඇතුළු වී ඇත..

09 July 2022

අගමැති පක්ෂ නායක රැස්වීමක් කැඳවයි

පවතින තත්ත්වය පිළිබඳව සාකච්ඡා කර කඩිනම් විසඳුමකට පැමිණීම සඳහා අග්‍රාමාත්‍ය රනිල් වික්‍රමසිංහ මහතා හදිසි පක්ෂ නායක රැස්වීමක් කැඳවා තිබේ.

09 July 2022

අරගලකරුවන් 31ක් රෝහලට

අරගලයට ලක්ව සිටියදී විවිධ අනතුරුවලට ලක්ව තුවාල ලැබූ පුද්ගලයන් 31 කොළඹ ජාතික රෝහලට ඇතුළත් කර ඇති බව රෝහල් ආරංචි මාර්ග කියයි.

09 July 2022

අරගලකරුවෝ ජනාධිපති මන්දිරයට ඇතුළු වෙති

චැතැම් වීදිය ඔස්සේ ජනාධිපති මන්දිරය දක්වා ගමන් ගත් පිරිස මේ අවස්ථාවේ ජනාධිපති මන්දිරයට ඇතුළුව ඇත.

09 July 2022

ආරක්ෂක අංශ සාමාජිකයෝ දෙකක් අරගලයට එක් වෙති

කොටුව බැංකු ආරක්ෂාවට යොදවා සිටි පොලිස් විශේෂ කාර්ය බලකා භටයකු මීට සුළු මොහොතකට පෙර අරගලකරුවන් සමග එක් වී ඇතැයි වාර්තා වෙයි.

09 July 2022

ගාලු මුවදොර තුවාල ලැබූ 14ක් රෝහලට

කොළඹ ගාලු මෝදර ආශ්‍රිත පැවැත්වෙන විරෝධතාවලට සහභාගීවූ පුද්ගලයන් 12 දෙනකු ඇතුළු 14 දෙනකු තුවාල ලබා මේ වන විට කොළඹ ජාතික රෝහල වෙත ඇතුළත් කර ඇතැයි එහි ජ්‍යෙෂ්ඨ ප්‍රකාශිකාවක් පැවසුවාය.

09 July 2022

පොහොර නැව එයි

ඉන්දීය රජය විසින් දුන් යූරියා පොහොර නැව අද පෙරවරු 11.00ට කොළඹ වරායට ළඟා විය

09 July 2022

ජනඅරගලයට සහාය දක්වා රටපුර විරෝධතා

පවතින ආණ්ඩුවට කොළඹ කොටුවේ පැවැත්වෙන ජන අරගලයට සහය දකවමින් රටපුරා විවිධ නගරවල විරෝ්ධතා පැවැත්වේ.

09 July 2022

ගාලු කොටු පවුර මත දැවන්ත විරෝධයක්

ඕස්ට්‍රේලියාව සහ ශ්‍රී ලංකාව අතර පැවැත්වෙන දෙවන ටෙස්ට් ක්‍රිකට් තරගය අතරතුර අරගලකරුවන් විශාල පිරිසක් ගාලු කොටුව මත දැවන්ත විරෝධතාවක නිතරව සිටිති.

09 July 2022

විරෝධතාකරුවන්ට කඳුළු ගෑස්

ජනාධිපතිවරයා ඇතුළු ආණ්ඩුවට ඉවත් වන ලෙස බලකරමින් දැන් පැවැත්වෙන විරෝධතාවයට කොළඹ චැතැම් වීදියේදී පොලිසිය කඳුළු ගෑස්සහ ජල ප්‍රහාරයක් එල්ල කළේය.

09 July 2022

අරගලයට සහභාගීවීමට මහ ජන ගඟක් කොළඹට

ජනාධිපති ගෝඨාභය රාජපක්‍ෂ මහතා ඇතුළු ආණ්ඩුව වහා ඉවත්විය යුතු බවට බලකරමින් අද (9) කොළඹදී දැවැන්ත විරෝධතාවට සහභාගී වීම සඳහා විශාල ජනකායක් මේ වන විට කොළඹට ඇදෙන බව අප වාර්තා කරුවෝ පවසති.

09 July 2022

ගෘහස්ථ ගෑස් ’නිශ්චිත භාණ්ඩයක්’ බවට පත් කරයි

ගෘහස්ථ ගෑස් ’නිශ්චිත භාණ්ඩයක්’ ලෙස නම් කරමින් වෙළඳ, වාණිජ හා ආහාර සුරක්ෂිතතා අමාත්‍ය නලින් ප්‍රනාන්දු මහතා ඊයේ (8) මධ්‍යම රාත්‍රියේ සිට ක්‍රියාත්මක වන පරිදි අති විශේෂ ගැසට් නිවේදනයක් නිකුත් කර තිබේ.

09 July 2022

ලංගම වර්ජනය අවසන්

ශ්‍රී ලංකා ගමනා ගමන මණ්ඩලයට ඊයෙ ආරම්භ කළ වැඩ වර්ජනය අද පෙරවරුවේ අවසන් කළ බව සේවක සංගමයේ සභාපති සේපාල ලියනගේ මහතා පවසයි.

09 July 2022

දඹුල්ල ආර්ථිකයත් පාළුවට යයි

දඹුල්ල ආර්ථික මධ්‍යස්ථානය අද උදෑසන පාළුවට ගොස් තිබෙන අයුරු දැක ගැනීමට හැකි විය.

09 July 2022

පළාත් කීපයකට විටින් විට වැසි

සබරගමුව පළාතේත් මහනුවර සහ නුවරඑළිය දිස්ත්‍රික්කවලත් අද (9) දිනයේත් වැසි වාර කිහිපයක් ඇතිවන බව කාලගුණ විද්‍යා දෙපාර්තමේන්තුව පවසයි.

09 July 2022

ආයෝජන ඇද ගැනීමට ධම්මිකගෙන් අලුත් ක්‍රමයක්

විදේශ සෘජු ආයෝජන අනුමත කිරීමේ ක්‍රියාවලිය විධිමත් කිරීමට ආයෝජන ප්‍රවර්ධන අමාත්‍ය ධම්මික පෙරේරා මහතා පියවර ගෙන ඇත.

09 July 2022

දුම්රිය නැතිව තැන තැන උණුසුම්

පොලිස් ඇඳිරි නීතිය ඉවත් කළත් දුම්රිය ධාවනය නොකිරීම හේතුවෙන් උදෑසන දුම්රිය ස්ථාන වෙත පැමිණි මගීහු දැඩි පීඩාවට පත්ව සිටිති.

09 July 2022

කොළඹට පැනවු ඇඳිරි නීතිය අද අටට අවසන්

බස්නාහිර පළාතේ පොලිස් කොට්ඨාස කිහිපයක් ආවරණය වන පරිදි නැවත දැනුම් දෙන තුරු පනවා තිබූ පොලිස් ඇඳිරි නීතිය (9) පෙරවුරු 8.00 ට ඉවත් කරන බව පොලිස් මූලස්ථානය පවසයි.

09 July 2022

කොළඹට හෙට දුම්රිය නෑ

බස්නාහිර පළාතේ පොලිස් කොට්ඨාස 7 කට පොලිස් ඇඳිරි නීතිය පැනවීම හේතුවෙන් කොළඹට හෙට (9) දින දුම්රිය ධාවන නොකරන බව දුම්රිය නියෝජ්‍ය සාමාන්‍යාධිකාරී (ගමනාගමන) ගාමිණී සෙනෙවිරත්න මහතා අද රාත්‍රී පැවසීය.

08 July 2022