මහ පුවරුව

සීගිරි අභය භූමියට හෝටලයකින් අපද්‍රව්‍ය

සීගිරි හෝටලයකින් මුදා හරින අපද්‍රව්‍ය සීගිරි අභය භූමියට මුදා හළ බව කියන සිගිරිය ප්‍රදේශයේ සංචාරක හෝටලයක සහකාර කළමනාකාරවරයකු, ඉන්ජිනේරුවරයකු සහ උද්‍යාන පාලකවරයකු අත්අඩංගුවට ගත්බව සිගිරිය වනජීවී නිලධාරීහු පවසති.

ඉරාන යුද උණුසුමෙන් මෙරට ඇඟලුම් අපනයනයට බාධා

ශ්‍රී ලංකාවේ ඇඟලුම් ඇණවුම් රැගෙන යන නෞකා බොහොමයක් ගමන් කරන්නේ හෝමුස් සමුද්‍ර සන්ධිය හරහා බවත් ඉරාන යුද්ධය හේතුවෙන් ඇණවුමක් බාර දීමට ගතවන කාලය දින 3ත් 5ත් අතර ප්‍රමාණයකින් වැඩි වී තිබෙන බවත් ඒකාබද්ධ ඇඟලුම් සංසදයේ සභාපති ෆීලික්ස් ප්‍රනාන්දු අද (24) ප්‍රකාශ කළේය.

ඇමෙරිකාවේ තෙල් පිරිපහදුවක පිපිරීමක්

ඇමෙරිකාවේ ටෙක්සාස් ජනපදයේ පෝට් ආතර් නගරයේ වැලෙරෝ තෙල් පිරිපහදුවේ දැවැන්ත පිපිරීමක් සිදු වූ බව එරට මාධ්‍ය වාර්තා කරයි. මෙය දිනකට බැරල් 380,000ක ධාරිතාවයකින් යුත් පිරිපහදුවකි.

ඉරානය ඇමෙරිකාවට උත්තර දෙයි

ඉරානය පසුගිය සති අන්තයේදී ඇමෙරිකාව සමග කිසිදු ඵලදායී සාකච්ඡාවක් සිදු නොකළ බවත් අරමුණු ඉටු කරගන්නා තෙක් ඉරාන හමුදාව සිය මෙහෙයුම් සිදු කරනු ඇති බවත් ඉරාන විදේශ කටයුතු අමාත්‍යාංශය අද ප්‍රකාශ කළේය.

ඉරාන යුධ ගැටුම් දින 5කට නවතන්න ට්‍රම්ප්ගෙන් තීරණයක්

දින 5 ක කාලයක් ඉරානයේ විදුලි බලාගාර සහ බලශක්ති සැපයුම් මධ්‍යස්ථාන වෙත එල්ල කරන ප්‍රහාරයන් සම්පූර්ණයෙන් නතර කර දමන ලෙස ඇමෙරිකානු යුද අමාත්‍යාංශය දැනුම් දුන් බව ජනපති ඩොනල්ඩ් ට්‍රම්ප් සිය ටෘත් සෝෂල් සමාජ මාධ්‍ය ගිණුමේ සටහනක් තබමින් අද (23) ප්‍රකාශ කළේය.

‘‘ශ්‍රී ලාංකාව ඉල්ලීමක් කළොත් ඉන්ධන දෙනවා‘‘

ශ්‍රී ලංකාව ඉල්ලීමක් කළහොත් මෙරටට අවශ්‍ය ඉන්ධන සහ බොරතෙල් සැපයීමට ඉරානයට හැකි බව මෙරට ඉරාන තානාපති අලිරේසා ඩෙල්කෝෂ් මහතා අද (23) පැවැති මාධ්‍ය හමුවකදී ප්‍රකාශ කළේය.

’’ මීට පස්සේ ලයිට් එන්නේ ඩීසල් වලින්’’

ජනතාවට මින් පසු රෑට ලයිට් එන්නේ ඩීසල් වලින් බව ඛනිජ තෙල් තෙල් සංස්ථා සභාපති ඩී.ජේ රාජකරුණා මහතා අද (22)පැවසීය.

බහලුම් ප්‍රවාහන ගාස්තු සියයට 10 කින් ඉහළ යයි

ඉන්ධන මිල ඉහළ යෑමට සාපේක්‍ෂව බහලුම් ප්‍රවාහන රථ ගාස්තු සියයට 10 කට වැඩි ප්‍රතිශතයකින් ඉහළ දැමිට යුතු බව බහාලුම් ප්‍රවාහන රථ හිමිකරුවන්ගේ සංගමයේ ප්‍රකාශකයෙක් පැවසීය.

ඉන්ධන මිල ඉහළ දමයි

පෙට්‍රල් සහ ඩීසල් ඇතුළු සියලුම ඉන්ධනවල මිල ඉහළ දැමූ බව ලංකා ඛනිජ තෙල් නීතිගත සංස්ථාව මීට සුළු මොහොතකට පෙර නිවේදනය කළේය.

ඉන්ධන තොග නිකුත් කිරීම අත්හිටුවයි

තොග පර්යන්තවලින් ඉන්ධන අද (21) දිනයේ ද නිකුත් කරන්නේ යැයි ලංකා ඛනිජ තෙල් සංස්ථාව පැවසුවද ඉන්ධන නිකුත් කිරීම අත්හිටුවා ඇති බව ඉන්ධන පිරවුම්හල් හිමියෝ මීට සුළු මොහොතකට පෙර පැවසූහ.

ඇමරිකා ප්‍රහාරක යානා දෙකක් මත්තලට බාන්න අවසර ඉල්ලලා

මත්තල ගුවන්තොටුපලට ප්‍රහාරක ගුවන් යානා දෙකකට පැමිණීමට ඉඩ දෙන ලෙස එක්සත් ජනපදය ඉල්ලා සිටි අතර ගුඩ්විල් විසිට් එකක් සඳහා ලංකාවට පැමිණීමට ඉරාන නෞකා අවසර ඉල්ලා සිටි නමුත් ඒ දෙකටම රජය අවසර නොදුන් බව බව ජනාධිපති අනුර කුමාර දිසානායක මහතා පාර්ලිමේන්තුවේදී අද පැවසීය.

ජනපතිගෙන් පාර්ලිමේන්තුවට ප්‍රකාශයක්

ජනාධිපති අනුර කුමාර දිසානායක මහතා පාර්ලිමේන්තුවට අද ප්‍රකාශයක් කරනු ලබයි. ලෝකයේ පවතින වර්තමාන තත්ත්වය පිළිබඳ සභාව කල්තැබීමේ විවාදය අමතමින් ජනාධිපතිවරයා මෙම ප්‍රකාශය කරනු ඇත.

සිරිසඳ නිවාස ව්‍යාපෘතියේ නිවාස දේශපාලන හිතවතුන්ට දීලා-අල්ලස් කොමිසම

නිවාස සංවර්ධන අධිකාරිය විසින් කොළඹ බ්ලූමැන්ඩල් වතු නිවාස හිමියන් හා කොළඹ දුගී දුප්පත් අඩු ආදායම් ජනතාව සඳහා ඉදිකරන ලද සිරිසඳ නිවාස ව්‍යාපෘතියේ නිවාස 22ක් , හිටපු ආරක්ෂක ලේකම් ගෝඨාභය රාජපක්ෂ, හිටපු ජනාධිපති ආර්යා ශිරන්ති රාජපක්ෂ හා හිටපු නීතිපතිවරයකුගේ ඉල්ලීම් අනුව දේශපාලන හිතවතුන්ට ලබා දී ඇති බව කොළඹ ප්‍රධාන මහේස්ත්‍රාත් අසංග එස් බෝදරගම මහතා හමුවේ කරුණු දක්වමින් අල්ලස් කොමිසම අද පැවැසීය.

‘‘කපිලට ලැබුණු අල්ලසින් කෝටි අටක් මහින්දට - ප්‍රියංකරට දීලා‘‘

ශ්‍රී ලංකන් ගුවන් සමාගමට 2013 වසරේදී ගුවන් බලඇණියක් මිලදී ගැනීමේදී යුරෝපීය ගුවන් සමාගමකින් සැකකාර කපිල චන්ද්‍රසේනට ලැබුණු අල්ලස් මුදලින් රුපියල් කෝටි අටක මුදලක් හිටපු ජනාධිපතිවරයාට හා හිටපු ගුවන් සේවා අමාත්‍යවරයාට කොටස් වශයෙන් ලබා දී ඇති බව අල්ලස් කොමිසම කොළඹ ප්‍රධාන මහේස්ත්‍රාත් අධිකරණයට කරුණු දක්වමින් අද පැවසීය.

වසරේ ජනප්‍රියම පුවත්පත හිමි කිරුළ 20 වැනි වරටත් ලංකාදීපයට

වසරේ ජනප්‍රිය පුවත්පතට පිරිනැමෙන ස්ලිම් කැන්ටාර් මහජන සම්මානය 20 වැනි වරටත් ලංකාදීප පුවත්පත අද හිමි කරගත්තේය.

ඉන්ධන බෙදීම ඔත්තේ ඉරට්ටේ අනුව

QR කේතයට ඉන්ධන ලබා දීමේදී වාහන අංක තහඩුවේ අවසාන අංකය ඔත්තේ ඉරට්ටේ අනුව හෙට සිට ඉන්ධන නිකුත් කිරීමට පියවර ගන්නා බව ලංකා ඛනිජ තෙල් නීතිගත සංස්ථාව සඳහන් කරයි.

ගෑස්-ගල් අඟුරු-ඉන්ධන ගන්න සාකච්ඡා සාර්ථකයි

ගෑස්, ගල් අඟුරු සහ ඉන්ධන ලබා ගැනීම සඳහා මිතුරු රාජ්‍යයන් සමඟ කළ රාජ්‍ය තාන්ත්‍රික සාකච්ඡා මේ වන විට සාර්ථක වී තිබෙන බව ජනාධිපති අනුර කුමාර දිසානායක මහතා මාධ්‍ය හමුවක දී අද (17) පැවසීය.

බදාදා නිවාඩු දෙන්නැයි පෞද්ගලික පාසල් වලින් ඉල්ලයි

ජාත්‍යන්තර පාසල්, පෞද්ගලික උසස් අධ්‍යාපන ආයතන සහ වෘත්තීය අධ්‍යාපන ආයතන ද බදාදා දිනය නිවාඩු ලබා ලබා දෙන ලෙස අධ්‍යාපන, උසස් අධ්‍යාපන සහ වෘත්තීය අධ්‍යාපන අමාත්‍යාංශ ලේකම් නාලක කලුවැව මහතා ඉල්ලා සිටී.

බදාදා දිනය රජයේ නිවාඩු

මැදපෙර දිග කලාපයේ නිර්මාණය වී ඇති යුදමය තත්වය හේතුවෙන් රටේ බලශක්තිය ඉතිරි කිරීමේ මූලික පියවරක් ලෙස බදාදා දිනය රජයේ නිවාඩු දිනයක් කිරීමට තීරණය කළ බව අත්‍යවශ්‍ය සේවා කොමසාරිස් ජනරාල් ප්‍රභාත් චන්ද්‍රකීර්ති මහතා අද (16) පැවසීය.

ඉන්ධන අර්බුදය විසදන්න දින හතරක වැඩ සතියක් ?

ඉන්ධන අර්බුදයට පිළියමක් වශයෙන් දින හතරක වැඩ සතියක් හඳුන්වාදීමට ඉදිරිපත්ව ඇති යෝජනාවක් කෙරෙහි රජයේ විශේෂ අවධානය යොමුව ඇතැයි වාර්තාවේ.

කිව් ආර් නැතිව තෙල් ගහන පැට්‍රල් ෂෙඩ්වල බලපත්‍ර අවලංගුයි

අත්‍යවශ්‍ය සේවා ගැන ජනපති හදිසි සාකච්ඡාවක් කැඳවයි

නිවසේ සිට රාජකාරී කිරීමේ හැකියාව පිළිබඳ තවදුරටත් සොයා බලා කරුණු වාර්තා කරන ලෙස ජනාධිපති අනුර කුමාර දිසානායක මහතා අමාත්‍යංශ ලේකම්වරුන්ට අද (15)උපදෙස් ලබා දුන්නේය.

අලුත් කිව්.ආර් ගැටලු විසඳයි

අලුත් කිව්.ආර් ලියාපදිංචියට තව පැය කීපයක් යාවි

මීට පෙර QR කේත ලබාගත් සහ දැනටත් එම වාහනය සහ එම දුරකථන අංකයම භාවිතා කරන පුද්ගලයන්ට කිසිදු ගැටලුවකින් තොරව නව QR කේතය යාවත්කාලීන කරගත හැකි වුවත් වාහන හෝ දුරකථන අංක වෙනස් වී ඇති අයත්, අලුතින් වාහන මිලදී ගත් අයත් QR කේත ලබා ගැනීමේදී මද පමාවක් විය හැකි බව බලශක්ති අමාත්‍යාංශය පවසයි.

ඉන්ධන දෙන්න යළි QR එයි

මෙරට පිහිටි සියලුම ඉන්ධන පිරවුම් හල්වලින් ඉන්ධන නිකුත් කිරීම (15) දා සිට QR කේත ක්‍රමය ඔස්සේ සිදු කරන බව බලශක්ති අමාත්‍යාංශය පවසයි.

ඉරාන ප්‍රහාරයකින් කේ.සී 135 ගුවන් යානා පහකට හානි

සෞදි අරාබියේ ප්‍රින්ස් සුල්තාන් ගුවන් හමුදා කඳවුරට ඉරානය මෑතකදී එල්ල කළ මිසයිල ප්‍රහාරයකින් කේසී-135 වර්ගයට අයත් ඇමෙරිකානු ගුවන් යානා පහකට හානි වී ඇතැයි වෝල් ස්ට්‍රීට් ජර්නල් පුවත්පත පසුගියදා වාර්තා කළේය.

‘රටේ ජනතාවගෙන් හතරෙන් එකක් දුප්පත්’

මෙරට ජනතාවගෙන් හතරෙන් එකක් දිළිඳුභාවයෙන් පෙළෙන බව ග්‍රාමීය සංවර්ධන, සමාජ ආරක්ෂණ හා ප්‍රජා සවිබලගැන්වීම් අමාත්‍යාංශය පවසයි.

ශ්‍රී ලංකා ගුවන් සමාගමේ හිටපු ප්‍රධාන විධායක නිලධාරි කපිල රිමාන්ඩ්

සිය බිරිද නමින් බෘනායි රටේ ව්‍යාජ සමාගමක් පිහිටුවා ප්‍රකට සිවිල් ගුවන්යානා සමාගමකින් (European Aeronautic Defence and Space company (EADS)) යූරෝ 1,454,645.54 ක(රුපියල් මිලියන 500කට අධික ) අල්ලසක් ලබා ගත්තේ යැයි අත්අඩංගුවට ගෙන අධිකරණයට ඉදිරිපත් කළ ශ්‍රි ලංකා ගුවන් සමාගමේ හිටපු ප්‍රධාන විධායක නිලධාරි කපිල චන්ද්‍ර සේන සැකකරු ලබන 19 දින දක්වා රක්ෂිත බන්ධනාගාර ගත කිරීමට කොටුව මහේස්ත්‍රාත් ඉසුරු නෙත්තිකුමාරගේ නියෝග කළේය.