එසැණ පුවත්

නාවික හමුදා කොමදෝරු යළි රිමාන්ඩ්

තරුණයන් 11 දෙනෙකු අතුරුදන් කිරිමේ චෝදනාවට රිමාන්ඩ් බාරයේ සිටි හිටපු නාවික හමුදා මාධ්‍ය ප්‍රකාශක කෝමදෝරු ඩී.කේ.පී.දසනායක අගෝස්තු 2 වැනි දා දක්වා යළි රිමාන්ඩ් කිරිමට කොළඹ කොටුව අතිරේක මහේස්ත්‍රාත් ලංකා ජයරත්න මෙනවිය අද (19) නියෝග කළාය.

19 July 2017

නැටුම් පෙති 45ක් අල්ලයි

රාත්‍රී සමාජ ශාලාවක පැවති උත්සවයකට සහභාගීවන්නන් සඳහා අලෙවි කිරීමට ගෙන යමින් තිබු විෂ මත් පෙති හතලිස් පහක් සමඟ පුද්ගලයකු අත්අඩංගුවට ගත් බව ග්‍රැන්ඩ්පාස් පොලීසිය පවසයි.

19 July 2017

වේදනානාශක පෙති 1000ක් සමඟ අයෙක් අල්ලයි

මත් ලෝලීන් මත්පෙති සඳහා භාවිතා කරන වේදනානාශක පෙති 1000 ක් සමඟ පුද්ගලයකු රාගම බටුවත්තේ දී අත්අඩංගුවට ගත්බව පොලිසිය කියයි.

19 July 2017

ටීඑන්ඒ මන්ත්‍රීට එරෙහිව කිලිනොච්චියේ විරෝධතා

වතුකරයේ දෙමළ ජනතාවට අපහාස කරමින් කිලිනොච්චිය දිස්ත‍්‍රික් දෙමළ ජාතික සන්ධාන මන්ත‍්‍රි එස්. ශ‍්‍රීදරන් මහතා මාධ්‍යයට කළ බව කියන ප‍්‍රකාශය ඉල්ලා අස්කරගන්නා ලෙස බල කරමින් කිලිනොච්චිය ප්‍රදේශවාසීහු පිරිසක් කිලිනොච්චිය ඩිපෝ මංසන්ධිය ඉදිරිපිට අද(19) විරෝධතාවක නිරතවූහ

19 July 2017

රාජ්‍ය ඇමැතිට එරෙහිව බොරැල්ල පොලිසියෙන් සංශෝධිත පැමිණිල්ලක්

ව්‍යාජ අංක තහඩුවක් සවි කර වෑන් රථයක් සන්තකයේ තබා ගනිමින් සාවද්‍ය පරිහරණය කළැයි කම්කරු හා වෘත්තිය සමිත සම්බන්ධතා රාජ්‍ය ඇමැති රවීන්ද්‍ර සමරවීර මහතාට සහ තවත් සැකකරුවකුට එරෙහිව බොරැල්ල පොලිසිය විසින් නව සංශෝධිත පැමිණිල්ලක් ඉදිරිපත් කර ඇත.

19 July 2017

නිදහස් පෙරමුණ ව්‍යවස්ථා සම්පාදන මඩුල්ලෙන් ඉවත්වන බව කථානායකට දන්වයි

එක්සත් ජනතා නිදහස් සන්ධානයේ ජාතික නිදහස් පෙරමුණ නියෝජනය කරන මන්ත‍්‍රීවරු ආණ්ඩුක‍්‍රම ව්‍යවස්ථා සම්පාදක මණ්ඩලයෙන් ඉවත් වන බව අද(19) කථානායක කරු ජයසූරිය මහතාට නිල වශයෙන් දැනුම් දුන්හ.

19 July 2017

රට ගිය ජ’පුර ඇදුරෝ 38 ක් අතුරුදන්

ශිෂ්‍යත්ව ලබා විදේශ රටවලට ගොස් සිටි ශ්‍රී ජයවර්ධනපුර විශ්වවිද්‍යාලයේ කථිකාචාර්යවරුන් 38 දෙනෙකු ආගිය අතක් නැතැයි එම විශ්ව විද්‍යාල ආරංචි මාර්ග සඳහන් කරයි.

19 July 2017

තවුහීත් ජමාත් සංවිධානය සමාව ගැනීමට සූදානම්

බුදු දහමට අපහාස කිරීම සම්බන්ධයෙන් තමන් සමාව ගැනීමට සූදානම් බව තවුහීත් ජමාත් සංවිධානයේ මහ ලේකම් රාසික් රෆයිඩීන් ඇතුළු සැකකරුවන් 6 දෙනකු සූදානම් බව අද(19) කොළඹ ප්‍රධාන මහේස්ත්‍රාත් අධිකරණයට දැන්වීය.

19 July 2017

හම්බන්තොට වෙඩි තැබීමක්

සූරියවැව-මිරිජ්ජවිල මාර්ගයේ හම්බන්තොට ගුවන්පාලම මතදී සිදුවු වෙඩි තැබීමකින් තුවාල ලැබූ එක් අයෙකු හම්බන්තොට මහ රෝහලට ඇතුළත් කරනු ලැබ ඇතැයි පොලිසිය කියයි.

19 July 2017

‘සැකකරු මුදාහැරීමට ලලිත් ජයසිංහ උපදෙස් දීලා‘

විද්‍යා සිසුවිය ඝාතනයේ ප්‍රධාන සැකකරු අත්අඩංගුවට ගැනීමෙන් පසු සාක්කි නැති බව කියමින් ප්‍රකාශ සටහන් කරගැනීමක් පමණක් සිදුකර මුදාහැර ඇති බවත් එසේ සිදුකර ඇත්තේ උතුරු පළාත බාර ජ්‍යෙෂ්ඨ නියෝජ්‍ය පොලිස්පති ලලිත් ජයසිංහ මහතාගේ උපදෙසින් යැයි යාපනය දිසාව බාර නියෝජ්‍ය පොලිස්පතිවරයා තමන් හා පැවසූ බවත් යාපනය කොට්ඨාස බාරව කටයුතු කළ හිටපු ජ්‍යෙෂ්ඨ පොලිස් අධිකාරී ලක්ෂ්මන් වීරසේකර මහතා අධිකරණයේ සාක්කි දෙමින් පැවසීය.

19 July 2017

දුම්රියේ ගැටුණු තිදෙනාගෙන් දෙදෙනෙක් මරුට

වාද්දූව තල්පිටිය මහවත්තේදී දුම්රියේ ගැටුණු තිදෙනකුගෙන් දෙදෙනකු මිය ගොස් එක් අයකු තුවාල ලබා ඇතැයි පොලීසිය කියයි.

19 July 2017

දුම නැති දුම්කොළ නිෂ්පාදන හෙට සිට තහනම්

දුම රහිත දුම්කොළ නිෂ්පාදන හෙට (19 ) සිට නිෂ්පාදනය කිරීම, ආනයනය, විකිණීම හෝ විකිණීම සඳහා ප්‍රදර්ශනය කිරීම සපුරා තහනම් කිරීමට ජාතික දුම්කොළ හා මද්‍යසාර පිළිබඳ අධිකාරිය තීරණය කර තිබේ.

18 July 2017

රජයේ වෛද්‍ය සංගමයට එරෙහිව නව සංගමයක්

ශ්‍රේණිගත වෛද්‍යවරුන්ගේ සංගමය නමින් නව සංවිධානයක් පිහිටුවා තිබේ. එහි මහා සභා රැස්වීම හෙට (19) දහවල් කොළඹ පදනම් ආයතනයේදී පැවැත්වේ.

18 July 2017

ඥානසාර හිමිගේ හැසිරීම සුළුකොට තැකිය නොහැකියි - මහේස්ත්‍රාත් සාක්කි දෙයි

ජංගම දුරකතනයක් නාදවුවත් ,ඈනුමක් ඇරියත් මිනිසුන් රිමාන්ඩ් කිරීමේ බලතල ඇති මහේස්ත්‍රාත් අධිකරණයක ගලගොඩඅත්තේ ඥානසාර හිමියන් කළ ප්‍රකාශ හා හැසිරීම් සුළු කොට තැකිය නොහැකි බව හෝමාගම හිටපු මහේස්ත්‍රාත් සහ කොළඹ අතිරේක මහේස්ත්‍රාත් රංග දිසානායක අද (18) අභියාචනාධිකරණය හමුවෙහි පැවසීය.

18 July 2017

බැඳුම්කර කොමිසමේ කාලය දිර්ඝ කරන්නයි ඉල්ලයි

බැඳුම්කර කොමිසමේ නිල කාලය තවත් මාස තුනකින් දීර්ඝ කරන ලෙස ජනාධිපති මෛත්‍රීපාල සිරිසේන මහතාගෙන් ඉල්ලීමක් කොට ඇතැයි විශ්වාස කටයුතු ආරංචි මාර්ගයකින් වාර්තා වේ.

18 July 2017

මිය ගිය කතගේ දේහය පාරේ තබාගෙන සාධාරණය ඉල්ලති

දඹුල්ල මූලික රොහලට දරු ප්‍රසුතියක් සඳහා ඇතුළුකළ මවක දරුවා ප්‍රසූතියෙන් පසු මියයැමේ සිද්ධියට විරෝධය පළ කරමින් ඇගේ දේහය අනුරාධපුර මාර්ගය මැද තබා ගම්වාසීහු අද විරෝධතාවක් පැවැත්වූහ.

18 July 2017

විදේශ රැකියා සඳහා සුදුස්සන් නෑ - තලතා අතුකෝරල

විදේශ රැකියා ක්ෂේත්‍රයේ ඇති බරපතලම ප්‍රශ්නය රැකියා අවස්ථා සොයා ගැනීම නොව රැකියා සඳහා සුදුසු කම් ඇති ශ්‍රමිකයන් සොයා ගැනීම යැයි විදේශ රැකියා ඇමතිනී තලතා අතුකෝරල මහත්මිය පැවැසුවාය.

18 July 2017

ගනුදෙනු 32ක ඩීල් ටිකට් තවම අහවර නැතිලු

පර්පචුවල් ට්‍රෙෂරීස් සමාගම හා සේවක අර්ථ සාධක අරමුදල අතර සිදුවු ගනුදෙනු 32කදී පෑන් ඒෂියා බැංකුව අතරමැදියා ලෙස කටයුතු කොට ඇති බවත් එවැනි ගනුදෙනු සිදුවු සමහර ‘ඩීල් ටිකට්‘ මේ දක්වා අහවර කොට නොමැති බවත් පැමිණිල්ල වෙනුවෙන් පෙනී සිටි නියෝජ්‍ය සොලිස්ටර් ජනරාල් මිලින්ද ගුණතිලක මහතා බැඳුම්කර කොමිසමට අද (18) දැනුම් දුන්නේය.

18 July 2017

දුමින්ද රත්නායක ආයෝජන මණ්ඩලයේ නව සභාපති

ශ්‍රී ලංකා ආයෝජන මණ්ඩලයේ නව සභාපතිවරයා ලෙස දුමින්ද රත්නායක මහතාත්, අධ්‍යක්ෂවරුන් ලෙස අජිත් ගුණවර්ධන සහ මංගල පී බී යාපා මහත්වරුනුත් පත් කර තිබේ.

18 July 2017

කේපාපිලව් ඉඩම් අක්කර 189ක් මුල් පදිංචිකරුවන්ට

මුලතිව්, කේපාපිලව් ගම්මානයේ ආරක්ෂක අංශ යටතේ පැවති ඉඩම් අක්කර 189ක් යළිත් මුල් පදිංචිකරුවන්ට ලබාදීම බන්ධනාගාර ප්‍රතිසංස්කරණ, පුනරුත්ථාපන, නැවත පදිංචි කිරීම හා හින්දු ආගමික කටයුතු අමාත්‍ය ඩී.එම් ස්වාමිනාදන් මහතා ගේ ප්‍රධානත්වයෙන් හෙට (19) සිදුකෙරේ.

18 July 2017

දකුණේ ආණ්ඩු පක්ෂ සංවිධායක මෛත්‍රීගේ සහායට

මෙතෙක් ඒකාබද්ධ විපක්ෂයට සහාය දැක්වූ දකුණු පළාත් සභාවේ ආණ්ඩු පක්ෂයේ ප්‍රධාන සංවිධායක අජිත් රාජපක්ෂ මහතා අද ජනාධිපති මෛත්‍රීපාල සිරිසේන සහ දුමින්ද දිසානායක මහත්වරුන් හමුවි පූර්ණ සහාය ලබා දෙන බව ප්‍රකාශ කර තිබේ.

18 July 2017

උක් ගොවීහූ මානව හිමිකම් යති

සෙවණගල සීනී සමාගමේ සභාපති ඇතුළු පාලන අධිකාරියට එරෙහිව උක් ගොවීහූ පිරිසක් අද (18) ශ්‍රී ලංකා මානව හිමිකම් කොමිෂන් සභාවට පැමිණිල්ලක් ඉදිරිපත් කළහ.

18 July 2017

දැරියක අපයෝජනය කළැයි තරුණයෙක්ට සිර දඩුවම්

තිස්සමහාරාම ප්‍රදේශයේ පදිංචි පාසල් දැරියක බලහත්කාරයෙන් ලිංගික අපයෝජනය කළැයි ඇල්ලගල ප්‍රදේශයේ තරුණයකුට වසර 07ක බර වැඩ සහිත සිර දඩුවම් හා වින්දිත දැරියට රුපියල් ලක්ෂයක වන්දි මුදලක් ගෙවන ලෙස හම්බන්තොට මහාධිකරණ විනිසුරු අජිත් එම් . මාසිංහ මහතා අද (18) නියෝග කළේය.

18 July 2017

‘කරදියානට කසළ ගෙනාවොත් බලාගෙනයි‘ - ඉසුර දේවප්‍රිය

කරදියානට කොළඹ නගර සභාවේ කසල දමන්නට ආවොත් කාටත් කලින් කරදියාන කසල අංගනයේ ගේට්ටුව ඉස්සරහා නිදා ගන්නේ තමන් යැයි බස්නාහිර පළාත් මහ ඇමති ඉසුර දේවප‍්‍රිය මහතා අද(18) පැවසීය.

18 July 2017

උතුරු මැද සබේ නව සභාපති අමරතුංග

දීර්ඝ විවාදයකින් හා ගැටුමකින් පසු උතුරු මැද පළාත් සභාවේ සභාපති ලෙස ඩී.එම්.අමරතුංග මහතා පත් කෙරිණි.

18 July 2017

ඉදිරියේ එන නියඟයට අගමැති සූදානම් වෙයි

ලෝක දේශගුණ විපර්යාසවලට මුහුණ දීම සඳහා ශ්‍රී ලංකා ආර්ථිකය ඊට ගැලපෙන අයුරින් සකස් කරන බව අග්‍රමාත්‍ය රනිල් වික්‍රමසිංහ මහතා අද(18) අරලියගහ මන්දිරයේ දී පැවසීය.

18 July 2017

ශ්‍රී ලංකාව කඩුලු 4 කින් ජයගනී

කොළඹ ආර්. ප්‍රේමදාස ක්‍රීඩාංගණයේදී පැවැති ටෙස්ට් තරගයේදී සිම්බාබ්වේ කණ්ඩායම පරදවා කඩුලු හතරක විශිෂ්ට ජයක් ලබාගැනීමට ශ්‍රී ලංකාව අද (18 වැනිදා) සමත් විය.

18 July 2017

සයිටම් විරෝධි පාගමන ඇරඹෙයි

සයිටම් පෞද්ගලික වෛද්‍ය විද්‍යාලය අහෝසිකරන ලෙස ඉල්ලා අන්තර් විශ්ව විද්‍යාලීය ශිෂ්‍ය බල මණ්ඩලය ඇතුළු ශිෂ්‍ය සංගම් කිහිපයක් විසින් සංවිධානය කරනු ලබන විරෝධතා පාගමන මීට සුළු මොහොතකට පෙර කොළඹ නෙළුම් පොකුණ රඟහල අසලදී ආරම්භ විය.

18 July 2017