එසැණ පුවත්

හිටපු රාජ්‍ය ඇමැති ප්‍රසන්න රණවීර යළි රිමාන්ඩ්

කිරිබත්ගොඩ නගරයේ ඉදි කිරීමට රජයට පවරා ගෙන තිබු රුපියල් කෝටි දෙකක් පමණ වටිනා ඉඩමකට කූට ලේඛණ සකස් කිරීම සම්බන්ධව රක්ෂිත බන්ධනාගාර ගත කර සිටින හිටපු රාජ්‍ය ඇමැති ප්‍රසන්න රණවීර ඇතුළු තිදෙනා තවදුරටත් ලබන අගෝස්තු මස 04 වැනිදා දක්වා රිමාන්ඩ් බාරයේ තැබීමට මහර මහේස්ත්‍රාත් කාංචනා ද සිල්වා මහත්මිය අද නියම කළාය.

28 July 2025

දින 30ට වනාතවිල්ලුවෙන් අලි මරණ පහක්

වෙඩි තැබිම්, කදන් පත්තුවිම්, හා වස හේතුවෙන් වනාතවිල්ලුව ප්‍රාදේශීය ලේකම් බල ප්‍රදේශයෙ මසක් ඇතුලත වල් අලින් පස් දෙනකු මරණයට පත්ව ඇති බව වනජීවි පශු වෛද්‍ය ඉසුරු කොට්ටගොඩ මහතා පවසයි.

28 July 2025

වැඩබලන ඇමතිවරු පත් කෙරේ

ජනාධිපති අනුර කුමාර දිසානායක මහතා මාලදිවයිනේ රාජ්‍ය සංචාරයක් සඳහා දිවයිනෙන් පිටත්ව යාම හේතුවෙන් අමාත්‍යාංශ හතරක් සඳහා වැඩබලන අමාත්‍යවරුන් පත් කර තිබේ.

28 July 2025

ගංජා අල්ලන්ක ගිය පොලිසිය හතරක් සිරකරගෙන

කයිට්ස් මණ්ඩතීවි ප්‍රදේශයේ නිවසක කේරළ ගංජා වැටලීමකට ගිය පොලිස් නිලධාරීන් සිව් දෙනකු ප්‍රදේශවාසී පිරිසක් සිරකර ගෙන පහර දෙමින් සිටියදි පොලිසිය සහ විශේෂ කාර්ය බළකාය එක්ව එම පිරිස මුදාගත් බව කයිට්ස් පොලිසිය පවසයි.

28 July 2025

පොතුහැර දුම්රිය හරස් පාරක අලුත් වැඩියාවට මහ පාර වහයි

පොතුහැර -කුරුණෑගල අතර දුම්රිය මාර්ගයේ සැතපුම් 53 දම්වැල් 31 ස්ථානයෙහි පිහිටි දුම්රිය හරස් මාර්ගයේ හදිසි අලුත්වැඩියාවක් කිරීමට සිදුවී ඇති බැවින් 31 දා සිට අගෝස්තු 3 වැනිදා තෙක් අදාල ස්ථානයේ මහා මාර්ගය වරින් වර වාහන ගමනාගමයට වසා තැබෙන බව දුම්රිය සාමාන්‍යාධිකාරී ජේ.අයි.ඩී ජයසුන්දර මහතා පවසයි.

28 July 2025

ගිනි අවි සමග කතක් මාට්ටු

බණ්ඩාරවෙල නිවසකින් පිස්තෝල දෙකක්, පතුරම් සහ තහනම් පිහි දෙකක් සමග කාන්තාවක අත්අඩංගුවට ගත් බව පොලිසිය කියයි.

28 July 2025

ජනපතිට මාලදිවයිනේදී ඉහළ පිළිගැනීමක්

මාලදිවයිනේ රාජ්‍ය සංචාර‍ය ආරම්භ කරමින් ජනාධිපති අනුර කුමාර දිසානායක මහතා අද (28) පෙරවරුවේ වෙලානා ජාත්‍යන්තර ගුවන් තොටුපොළට ළඟා විය.

28 July 2025

තට්ටු ගොඩනැගිල්ලෙන් වැටී ආරක්ෂක නිලධාරියා මරුට

කිලිනොච්චිය අරවියල්නගර් හි පිහිටි යාපනය විශ්ව විද්‍යාලයේ කෘෂිකර්ම පීඨයේ ගොඩනැගිල්ලක ඉහළ මාලයෙන් අ‍ැඳවැටී අ‍ාරක්ෂක නිලධාරියකු මියගොස් අ‍ැතැයි කිලිනොච්චිය පොලිසිය කියයි.

28 July 2025

ස්මාර්ට් විදියට දඩ ගෙවන පහසුකම බස්නාහිරට

බස්නාහිර පළාතේ සහ අධිවේගී මාර්ග වල ස්ථානීය දඩ ’’Govpay’’ ඇප් එක හරහා ගෙවීමේ ක්‍රමවේදය අද (28) සිට ක්‍රියාත්මක කරන බව ප්‍රවාහන, මහාමාර්ග, වරාය සහ සිවිල් ගුවන්සේවා අමාත්‍ය බිමල් රත්නායක මහතා පැවසීය.

28 July 2025

පොලිස්පති පුටුවට ලොක්කෝ හයක් සීතල යුද්ධයක

පොලිස්පති ධූරයට ජ්‍යෙෂ්ඨත්වයෙන් ඉහළ ජ්‍යෙෂ්ඨ නියෝජ්‍ය පොලිස්පතිවරුන් හය දෙනකු අතර සීතල යුද්ධයක් ආරම්භ වී ඇතැයි පොලිස් ආරංචි මාර්ගවලින් පැවසේ.

28 July 2025

බහින්බස් වීම මරණයකින් කෙළවර වෙයි

මාතලේ පලාපත්වල ප්‍රදේශයේ නිවසක දෙපාර්ශවයක් අතර ඇතිවු බහින් බස් විමක් දුර දිග යැමේන් ඇතිවු ගැටුමකින් සිදු කළ පහරදිමකදි එක් පුද්ගලයෙක් මියගොස් ඇති බව මාතලේ මුලස්ථාන පොලිසිය කියයි.

28 July 2025

තිළිණි ප්‍රියමාලි අත්අඩංගුවට

හෝමාගම අධිකරණයෙහි රාජකාරියෙහි නිරත පිස්කල් නිලධාරීවරයෙකුගේ රාජකාරියට බාධා කිරීම ඇතුළු චෝදනා කිහිපයක් සම්බන්ධයෙන් ව්‍යාපාරිකාවක වන තිළිණි පියමාලි නැමැත්තිය අද (28) දින අත්අඩංගුවට ගත් බව හෝමාගම මූලස්ථාන පොලිසිය පවසයි.

28 July 2025

ජනපති මාල දිවයිනට පිටත්ව යයි

ජනාධිපති අනුර කුමාර දිසානායක මහතා තෙදින නිල සංචාරයක් සඳහා අද පෙරවරුවේ මාලදිවයින බලා පිටත්ව ගියේය.මාලදිවයින් ජනාධිපති මොහොමඩ් මුයිසු මහතාගේ ආරාධනයකට අනුව ජනාධිපතිවරයා මෙම සංචාරයේ නිරත වෙයි.

28 July 2025

බොරැල්ලේ අනතුරක් : අයෙක් මරුට : පිරිසක් රෝහලට

බොරැල්ල කනත්ත වටරවුමේදී දොඹකර රථයක් යතුරුපැදී පහක සහ මෝටර් රථයක ගැටීමෙන් එක් පුද්ගලයකු මිය ගොස් තවත් පුද්ගලයන් පස්දෙනකුට අධික පිරිසක් තුවාල ලබා රෝහල් ගත කර ඇතැයි බොරැල්ල පොලිසිය කියයි.

28 July 2025

ජාජබ ප්‍රා.ස.මන්ත්‍රී නිවසට වෙඩිතැබූ සිද්ධියට මෝටර් රියක් සමඟ අයෙක් මාට්ටු

වැලිගම ප්‍රාදේශීය සභාවේ මන්ත්‍රී නීතිඥ තාරක නානායක්කාර මහතාගේ නිවසට වෙඩි තැබීම සම්බන්ධයෙන් සැකකරුවන් ප්‍රවාහනයට යොදාගත් බව කියන මෝටර් රථයක් සමඟ පුද්ගලයෙකු මාතර ප්‍රදේශයේදී අත්අඩංගුවට ගත් බව පොලිස් මාධ්‍ය කොට්ඨාසය පවසයි.

28 July 2025

යූත් ක්ලබ් බලය දැක ඇතැමුන් කලබල වෙලා

බලය පවතින විට යෞවන සමාජ පිළිබඳව හෝ තාරුණ්‍ය පිළිබඳව අවධානය යොමු නොකළ විපක්ෂයේ කණ්ඩායම් දැන් තාරුණ්‍යයේ බලය දැක බෙහෙවින් කලබලයට පත් වී ඇති බව තරුණ කටයුතු නියෝජ්‍ය අමාත්‍ය එරංග ගුණසේකර මහතා පැවසීය.

28 July 2025

තැනින් තැනට සිහින් වැස්සක්

බස්නාහිර සහ සබරගමුව පළාත්වලත් නුවරඑළිය, මහනුවර,ගාල්ල සහ මාතර දිස්ත්‍රික්කවලත් සිහින් වැසි වාර කීපයක් ඇති වන බව කාලගුණ විද්‍යා දෙපාර්තමේන්තුව කියයි.

28 July 2025

පාර කොන්ක්‍රිට් කර පැය කීපයකින් එය විනාශ කරලා

මිනුවන්ගොඩ වීදියවත්ත දොලාගත ප්‍රදේශයේ පිහිටි බාඳුරාවත්ත පාර කොන්ක්‍රීට් අතුරා සකස් කර පැය කිහිපයක් තුළදී කිසියම් පිරිසක් කොන්ක්‍රිට් විනාශ කර හානි සිදුකර ඇතැයි මිනුවන්ගොඩ ප්‍රාදේශීය සභාවේ සභාපති අසංක සංජීව (ජා:ජ:බ:)මහතා පවසයි .

27 July 2025

ව්‍යවසායකයන් සවිබල ගන්වන්නැයි සජිත් ඉල්ලයි

ක්ෂුද්‍ර කුඩා හා මධ්‍ය පරිමාණ ව්‍යවසායකයන් වෙනුවෙන් මැතිවරණ සමයේ පෙන්වූ ආදරය ලබාදී ඔවුන්ව සවිබල ගන්වන්නැයි රජයෙන් ඉල්ලා සිටින බව විපක්ෂ නායක සජිත් ප්‍රේමදාස මහතා පැවසීය.

27 July 2025

ඇඟළුම් අපනයනයේ වැඩි වීමක්

පසුගිය වසරේ ජූනි මාසයට සාපේක්ෂව මෙම වසරේ ජූනි මාසයේදී මෙරට ඇඟලුම් අපනයනය සියයට 5.2 කින් වර්ධනය වී ඇතැයි ඒකාබද්ධ ඇඟලුම් සංසදය පසුගියදා ප්‍රකාශ කළේය.

27 July 2025

පුත්තලම පොලිස් අධිකාරි කාර්යාලය ගිනි ගනී

පුත්තලම පොලිස් අධිකාරි කාර්යාලයේ ගණකාධිකාරිවරයාගේ කාර්යාලයේ තුල අද සවස ගින්නක් හට ගෙන ඇතැයි පුත්තලම පොලීසය කියයි.

27 July 2025

මැඩිල්ල කලපුව ආසන්නයේ ගින්නක්

තංගල්ල මැඩිල්ල කලපුව ආසන්නයේ ඇති කඩොලාන රක්ෂිතයේ ගින්නක් හටගෙන ඇති බව තංගල්ල මූලස්ථාන පොලිසිය පවසයි.

27 July 2025

නැගෙනහිර උ.පෙ විශිෂ්ටයන්ට ලක්ෂ බැගින් දෙයි

ජනාධිපති අරමුදලෙන් ක්‍රියාත්මක කරන 2023/2024 අ.පො.ස උසස් පෙළ විභාගයේදී දිස්ත්‍රික් මට්ටමින් ඉහළ දක්ෂතා දැක්වූ විශිෂ්ටයන් ඇගයීමේ නැගෙනහිර පළාත් වැඩසටහන කතානායක ජගත් වික්‍රමරත්න මහතාගේ ප්‍රධානත්වයෙන් මඩකලපුව, ස්වාමි විපුලානන්ද සෞන්දර්ය පීඨයේදී අද (27) පැවැත්විණි.

27 July 2025

ජනාධිපති හෙලිකොප්ටරයෙන් යන්න ඕනේ

ජනාධිපති අනුර කුමාර දිසානායක මහතාට දැවැන්ත ආරක්‍ෂාවක් අවශ්‍ය බවත් ජනාධිපතිවරයා අවශ්‍ය නම් හෙලිකොප්ටරයෙනුත් පැමිණිය යුතු බවත් කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී. ලාල් කාන්ත මහතා පැවසීය.

27 July 2025

දක්ෂිණ අධිවේගයේ අනතරින් දෙකක් මරුට හතරක් රෝහලට

දක්ෂිණ අධිවේගී මාර්ගයේ අගුණකොළපැලැස්ස 175 කිලෝමීටර් කණුව ආසන්නයේදී අද 27 සවස 5.30 ට පමණ වෑන් රථයක ටයරයක් පුපුරා ගොස් මැද ආරක්ෂිත වැටේ ගැටී සිදුවූ අනතුරකින් වෑන් රියේ ගමන් ගත් කාන්තාවන් දෙදෙනකු ජීවිතක්ෂයට පත්ව ඇතැයි පොලිසිය පැවසීය.

27 July 2025

කොළඹ බාලිකාව සිසුවියෝ පස් දෙනෙක් මත් පෙති බීලා

කොළඹ ප්‍රධාන පෙළේ බාලිකා විදුහලක සිසුවියන් පස්දෙනකු මත්පෙති පානය කර සිටියදී සිය බාරයට ගත් බව මරදාන පොලිසිය කියයි.

27 July 2025

‘‘රාජ නීතියයි ආගමයි පටලවා ගන්න එපා‘‘

රාජ නීතියයි ආගමයි පටලවා ගන්න එපා දුම්රිය රක්ෂිතයේ නීති විරෝධීව තනා ඇති නිවසක පදිංචි වී සිටින භික්ෂූන් වහන්සේ නමක් අමතා අත්තනගල්ල මහේස්ත්‍රාත් මංජුල කරුණාරත්න මහතා ඉකුත් ප්‍රකාශ කරමින් මාසයක් ඇතුළත එම නිවස ඉවත් කර ගෙන අධිකරණය ඉදිරියේ පෙනී සිටින ලෙසට එම වග උත්තරකාර හිමි නමට නියෝග කළේය.

27 July 2025

කුඩ්ඩකු එක්ක හාදකම් පෑ පොලිසියේ තුනක් අල්ලයි

මත්ද්‍රව්‍ය ජාවාරම්කරුවකුට ආධාර අනුබල දුන් බව කියන පොලිස් කොස්තාපල් තිදෙනෙක් මධ්‍යම කොට්ඨාස අපරාධ විමර්ශන කාර්යාංශයේ නිලධාරීන් කණ්ඩායමක් විසින් අත්අඩංගුවට ගනු ලැබූහ.

27 July 2025