එසැණ පුවත්

’’තාත්තගෙ තත්ත්වය යහපත්’’

කොළඹ පෞද්ගලික රෝහලකට ඇතුළත් කරනු ලැබූ හිටපු ජනාධිපති මහින්ද රාජපක්ෂ මහතාගේ තත්ත්වය යහපත් බව පාර්ලිමේන්තු මන්ත්‍රී නාමල් රාජපක්ෂ මහතා පැවසීය. පවතින කාලගුණ තත්වය යටතේ ඕනෑම කෙනෙකුට උණ හෙම්බිරිස්සාවක් හැදෙන්න හැකි බවද නාමල් රාජපක්ෂ මහතා කීය.

27 November 2025

ජනපති ආපදා කළමනාකරණ සභාව රැස් කරයි

වහාම ක්‍රියාත්මක වන පරිදි ජාතික ආපදා කළමනාකරණ සභාව කිරීමට ජනාධිපති අනුර කුමාර දිසානායක මහතා තීරණය කර තිබේ.

27 November 2025

හොංකොන් මරණ තවත් ඉහළට

හොංකොං හි තායි පෝ දිස්ත්‍රික්කයේ උස් මහල් නිවාස සංකීර්ණයක ඇති වූ ගින්නෙන් මියගිය පුද්ගලයින් ගණන 55 දක්වා ඉහළ ගොස් ඇති බව එරට ගිනි නිවන දෙපාර්තමේන්තුව පවසයි.

27 November 2025

‘‘දට්වා‘‘ නිසා තද සුළං සමග තද වැසි

ශ්‍රි ලංකාවට ගිනිකොණ දෙසින් පැවැති පීඩන අවපාතය මේ වන විට ගැඹුරු පීඩන අවපාතයක් දක්වා වර්ධනය වී මඩකළපුව සිට කිලෝ මීටර් 120ක් ගිනිකොන දෙසින් අක්ෂාංශ 6.7°N සහ දේශාංශ 82.1°E ආසන්නයේ කේන්ද්‍රගත වී ඇතැයි කාලගුණ විද්‍යා දෙපාර්තමේන්තුව දැනුම් දෙයි.

27 November 2025

වැස්සෙන් අ‘පුරට බරපතල තත්වයක්

කලා වැවේ වාන් දොරටු දෙක අඩි 19 බැගින් විවෘත කිරීම හේතුවෙන් ඒ අසලින් දිවෙන කාපට් අතුරා මාර්ගයේ කොටස ෙ14වන කිලෝමීටර් කණුව අසලින් කැඩී ගොස් ඇතැයි ප්‍රදේශවාසීහු පවසති.

27 November 2025

කටුගස්තොට පාර වැහේ

කටුගස්තොට අලවතුගොඩ මාර්ගයේ (ඒ 09) කටුගස්තොට පොලිසිය අසලින් පස් කන්දක් කඩා වැටීම හේතුවෙන් එම මාර්ගය සම්පූර්ණයෙන් අවහිර වී ඇති බව පොලිසිය කියයි.

27 November 2025

පෙර පාසල් හෙට සිට නිවාඩු

පෙර පාසල් ඇතුළු සියලු මුල් ළමාවිය සංර්වධන මධ්‍යස්ථාන සඳහා හෙට (28) දින සිට නැවත කාලගුණ තත්ත්වය යථා තත්ත්වයට පත්වන තුරු නිවාඩු ලබා දෙන බව කාන්තා සහ ළමා කටයුතු අමාත්‍යාංශය පවසයි.

27 November 2025

දෙමහල් ගොඩනැගිල්ලක වහලයේ සිරව සිටි තුනක් ගුවන් හමුදාවෙන් බේරා ගනී

පිටාර ගැලූ දැදුරුඔයේ ජලකඳට මැදිව මහව අල්ල ප්‍රදේශයේ දෙමහල් ගොඩනැගිල්ලක වහලය මත සිරවි සිටි තිදෙනකු බේරාගත් බව ශ්‍රී ලංකා ගුවන් හමුදාව කියයි.

27 November 2025

’’පාර්ලිමේන්තුව වහලා මැති ඇමතිලා ගම්වලට යවන්න’’

පාර්ලිමේන්තුව කල් තියලා මැති ඇමතිවරුන් තම තමන්ගේ ප්‍රදේශවලට යොමු කර ජනතාවට සහායවීමට යොද වන්නැයි ශ්‍රී ලංකා පොදු ජන පෙරමුණේ ජාතික සංවිධායක පාර්ලිමේන්තු මන්ත්‍රී නීතිඥ නාමල් රාජපක්ෂ මහතා පාර්ලිමේන්තුවේදී ඊයේ (27) රජයෙන් ඉල්ලීමක් කළේය.

27 November 2025

හිටපු ජනාධිපති මහින්ද රෝහල්ගත කරයි

හිටපු ජනාධිපති මහින්ද රාජපක්‍ෂ මහතා කොළඹ පෞද්ගලික රෝහලකට අද (27) පෙරවරුවේ ඇතුළත් කර තිබේ.

27 November 2025

ආපදාවෙන් මිය ගිය අයකු වෙනුවෙන් ලක්ෂ දහයක

අධික වර්ෂාව සමග ඇති වූ ගංවතුර සහ නායයාම් ඇතුළු හදිසි ආපදා තත්ත්වය හේතුවෙන් මිය ගිය එක් අයෙකු වෙනුවෙන් රුපියල් ලක්ෂ 10 බැගින් ලබා දීමට ජනාධිපති අනුර කුමාර දිසානායක මහතා ජනාධිපති අරමුදලට උපදෙස් දී තිබේ.

27 November 2025

පාර්ලිමේන්තු විවාද හෙට අනිද්දා නෑ

ආපදා තත්වය සැලකිල්ලට ගෙන පාර්ලිමේන්තුවේ අයවැය කාරක සභාව අවස්ථාවේ විවාද හෙට සහ අනිද්දා නොපැවැත්වීමට පාර්ලිමේන්තු කටයුතු පිළිබඳ කාරක සභාව තීරණය කර ඇත.

27 November 2025

ආපදා දැනුම් දෙන්න ‘හොට් ලයින්’ එකක්

අයහපත් කාලගුණය හේතුවෙන් සිදුවන හදිසි තත්වයන් 117 අංකයට දැනුම් දෙන ලෙස ආපදා කළමනාකරණ මධ්‍යස්ථානය සියලු ජනතාවගෙන් ඉල්ලීමක් කරයි

27 November 2025

හලාවත යටවීමේ අවධානමක්

දැදුරු ඔය ජලාශය වාන් දැමීම හේතුවෙන් අද (27) හෝ හෙට (28) හලාවත නගරය ජලයෙන් යටවීමේ අවධානමක් තිබෙන බව වාර්මාර්ග අධ්‍යක්ෂ ජනරාල් අජිත් ගුණසේකර මහතා පැවසීය.

27 November 2025

භාෂා පරිවර්තක විභාගය කල් දමයි

හෙට (28) දිනයේ සහ 30 වැනිදා පැවැත්වීමට නියමිතව තිබූ රාජ්‍ය භාෂා දෙපාර්තමේන්තුවේ භාෂා පරිවර්තක (සිංහල/ඉංග්‍රීසි ), (සිංහල /දෙමළ) හා (දෙමළ / ඉංග්‍රීසි) II ශ්‍රේණියේ තනතුරු සඳහා බඳවා ගැනීමේ විවෘත / සීමිත තරග විභාගය දින නියමයක් නොමැතිව කල් දමා අැත

27 November 2025

හොංකොං ගින්නෙන් මියගිය ගණන ඉහළට

හොංකොං හි තායි පෝ දිස්ත්‍රික්කයේ උස් මහල් නිවාස සංකීර්ණයක ඇති වූ ගින්නෙන් මියගිය පුද්ගලයින් ගණන 55 දක්වා ඉහළ ගොස් ඇති බව එරට ගිනි නිවන දෙපාර්තමේන්තුව පවසයි.

27 November 2025

මහ වැස්සෙන් අ‘පුර ජන ජීවිතයටත් බාධා

දින ගණනාවක් තිස්සේ ඇද හැලෙන වැසි සමඟ අනුරාධපුර දිස්ත්‍රික්කයට බලපා ඇති අයහපත් කාලගුණ තත්ත්වය හේතුවෙන්, එක් අයෙකු ජීවිතක්ෂයට පත්ව පවුල් 400 පුද්ගලයන් 1000 කට වැඩි පිරිසක් පීඩාවට පත්ව ඇතැයි අනුරාධපුර දිස්ත්‍රික් ලේකම් රංජිත් විමලසූරිය මහතා පැවසීය.

27 November 2025

පොළොන්නරු - මඩකළපුව මාර්ගය ගල්ලෑල්ලෙන් යටවෙයි

පොළොන්නරුව මඩකළපුව ප්‍රධාන මාර්ගයේ මනම්පිටිය ගල්ලෑල්ල ප්‍රදේශයෙන් අඩි දෙකක් පමණ ගංවතුරෙන් යටවීමත් සමග අද (27) අලුයම සිට එම මාර්ගය වසා දැමීමට පොළොන්නරුව ආපදා කළමනාකරණ ඒකකය කටයුතු කර තිබේ.

27 November 2025

අනුරාධපුර පාදෙණිය මාර්ගය වහයි

දැදුරු ඔය ද්‍රෝණියේ ඉහළ හා මධ්‍ය ප්‍රදේශවලට ඇද හැලෙමින් පවතින වර්ෂාපතන තත්වය හේතුවෙන් දැදුරු ඔය ජලාශයේ වාන් දොරටු 8 අඩි 11 බැගින් විවෘත කර ඉන් තත්පරයට ඝන අඩි 60600 ක ජලධාරිතාවක් දැදුරු ඔයට මුදා හැරෙන බව වාරියපොල ප්‍රාදේශීය වාරිමාර්ග ඉංජිනේරු කාර්යාලය සඳහන් කරයි.

27 November 2025

මාර ගසක් කඩා වැටී ඩිෆෙන්ඩර් දෙකකට හානි

පවතින අධික වැසි සහිත කාලගුණය හේතුවෙන් ඊයේ (26) රාත්‍රී හමාගිය සුළගකින් ඇමැති ආරක්ෂක කොට්ඨාස භූමියේ තිබූ නවතා තිබූ ඩිෆෙන්ඩර් රථ 2 ක් අතුළු වාහන 5 කට විිශාල මාර ගසක් කඩා වැටී ඇති බව ඇමැති ආරක්ෂක කොට්ඨාසය පවසයි.

27 November 2025

රම්බොඩ උමං මාර්ගය නායයයි

පවතින අධික වැසි සහිත කාලගුණය හේතුවෙන් නුවරඑළිය- ගම්පොල මාර්ගයේ රම්බොඩ උමං මාර්ගය අසල කොටසක් අද (27) නායයෑමට ලක්විය.

27 November 2025

පාතහේවාහැට නායයෑමෙන් අඹුසැමි යුවළක් මරුට

පාතහේවාහැට මැදගම පල්ලේගම ග්‍රාම නිලධාරී වසමේ ඊයේ (26) රාත්‍රී කාලයේ සිදුවූ නාය යාමකින් පස් කන්දකට යටවීමෙන් අඹුසැමි යුවළක් මරණයට පත්ව තිබේ.

27 November 2025

නාඋල ප්‍ර.ස අය වැය සම්මතයි

ජාතික ජන බලවේගයට බලය හිමි නාඋල ප්‍රාදේශිය සභා 2026 අය වැය වැඩි ඡන්ද තුනකින් අද (27) සම්මත විය.

27 November 2025

දිවුලපිටිය අයවැයත් සම්මතයි

දිවුලපිටිය ප්‍රාදේශීය සභාවේ 2026 වසර සඳහා වන අයවැය වැඩි ඡන්ද හතරකින් ඊයේ (27) සභා සම්මත විය.

27 November 2025

ගාලු රෝහලේ දෙවැනි හෘද කැතීට රසායනාගාරය විවෘත කරයි

ගාල්ල ජාතික රෝහලේ ස්ථාපිත කරන ලද දෙවැනි හෘද කැතීට රසායනාගාරය අද (27) සෞඛ්‍ය සහ ජනමාධ්‍ය අමාත්‍ය වෛද්‍ය නලින්ද ජයතිස්ස මහතා විසින් විවෘත කෙරිණි.

27 November 2025

නෝර්වුඩ් ප්‍රා.ලේ සේවකයින් උද්ඝෝෂණයක

නෝර්වුඩ් ප්‍රාදේශීය ලේකම් කාර්යාලයේ සේවකයින් සහ එම ප්‍රාදේශීය ලේකම් කාර්යාලයේ සේවය ලබා ගන්නා සේවා ලාභීන් එක්වඅද (27) දින දහවල් එම කාර්යාලටය ඉදිරිපිට උද්ගෝෂණයක නිරතව සිට පසුව නිවාඩු ලබා සේවා ස්ථානවලින් බැහැරව ගියහ.

27 November 2025

මැතිසබේ හිංසන වාර්තාව: ක්‍රියාමාර්ග ගන්නවා

පාර්ලිමේන්තුවේ තොරතුරු පද්ධති හා කළමනාකරණ දෙපාර්තමේන්තුවේ ඇතැම් නිලධාරිනියන්ට සිදුවී ඇතැයි පැවසුණු හිංසන සහ අකටයුතුකම් සම්බන්ධයෙන් සොයා බැලීමට පත් කෙරුණු කමිටුවේ වාර්තාව කාර්ය මණ්ඩල උපදේශක කාරක සභාවට ඉදිරිපත් කර සුදුසු ක්‍රියාමාර්ග ගන්නා බව කතානායක වෛද්‍ය ජගත් වික්‍රමරත්න මහතා පාර්ලිමේන්තුවට අද දැනුම් දුන්නේය.

27 November 2025

ඔන්ලයින් දඩ දෙසැම්බර් 17 සිට

දෙසැම්බර් මස 17වනදා සිට ඔන්ලයින් දඩ ගෙවීමේ ක්‍රමය දිවයින පුරා ක්‍රියාත්මක කරන බව ප්‍රවාහන, මහා මාර්ග සහ නාගරික සංවර්ධන අමාත්‍ය බිමල් රත්නායක මහතා පැවසීය.

27 November 2025